|
ماني قايل هاردلكم التعادل لكن باقول مبروك التعادل مستوى مثل مستوى الموسم اللي راح ومافي ضغط على حامل الكورة تحليلي من ناحية الدفاع القلوب تمام والافضل راموس اما مارسيلوا لك عليه شوي يعني يبيله احد يشد عليه لين ماريركز في قطع الكور وسلجادو مستواه ضعيف والضغط والهجمات اكثرها من عنده والمفروض مايلعب من البداية اما من ناحية الوسط ديارا مبدع وجوتي ماقصر اداء اللي عليه اما ديرنثي احس انه ماسواء شئ الا هجمة اللي رفعها لراؤول روبينهو ابدع بس فيه انانية اشوي وكان يمدينى نستغل الاختراقات اللي سواها في الجهة اليمنى الهجوم راؤول والرود ماقصروا بس مافي كور وصلة لهم التبديلات روبين اول مادخل سوا ازعاج للدفاع بعدين هداء شوي اما هيغوين ماشاء الله عليه :d المفروض يكون اساسي ابدع وهدد المرمى اكثر من مرة سافي ماقدر اقول فيه شئ الا انه مبدع |
إقتباس:
افضل لاعب ديارا والاسواء وبلا منازع سلجادو |
مادري اقول مبروك او هاردلك التعادل !! الفريق خرج بنقطة بصعوبة امام خصم متحمس .. لهذا خارج البرنابيو بنواجه صعوبة بالغة باللعب بمحور واحد من دون مساندة .. بلد الوليد لعب بمجهود خيالي .. و ربك ستر خرجنا بنقطة ! اطراف الريال ضعييفة بالشوط الأول .. روبينهو مع احترامي لهذا اللاعب .. لكن الى متى لا يعرف يصوب على المرمى !؟ حاجة غريبة فعلا يا اخوان .. تسديدات اللاعب غالبا تكون كأنها تمريرات للحارس ! لمثل تمريرات جوتي كان يحتاج الفريق .. و جيد انها خرجت بتمريرة الهدف .. سلام .. |
لاعبين سيئين باستثناء راموس وديارا لاعبين مرهقين خصوصا قوتي الذي اشفقت عليه في اخر 20 دقيقه تبديلات تدل على ان شوستر لم يقرأ المبارة جيدا الاظهره نقطة ضعف في هذه المباراة الوسط اكررها مره اخرى مع اني عندما ذكرتها ونحن نفوز نعتني البعض بالمتشائم ولكني لازلت عند رأيي وسطنا لايستطيع التحكم برتم اللقاء ولا السيطره على المنتصف مرتد للخصم ومرتد لنا اما اليوم فكانت سيطره من الخصم وعدم وجود ردة فعل مننا (يعني اسوأ من السابق) الفيس وبالاك مانحتاجهم اجل والسبب التكديس خخخخخخخ اتمنى اعادة النظر في هذه المقوله |
الف مبرووك التعادل تعادل غير مستحق صراحه مستوى سئ جدا قدمه الفريق الاعبين كأنهم مغصوبين على اللعب لايوجد ضغط على حامل الكره لا يوجد تمريرات صحيحه لايوجد روح ديارا وراموس تحملوا الدفاع لوحدهم كان لازم جاجو ينزل مع ديارا لكي يوازن الوسط سلجادو اعتقد لو نصعد لاعب من الشباب افضل منه بمليون مره لاعب استغرب وجوده مع الفريق صراحه من الموسم الماضي لاعب منتهي لا اعرف كيف يلعب في الريال الهدف حقهم كان غلط من مارسيلو تارك الاعب يشوت على راحته المفروض يضغط عليه دام مافيه احد ثاني فاتح معه شنايدر غيابه مؤثر صراحه الفريق لازال متصدر بفارق نقطه فياريال اعتقد ان شاء الله التعويض قدام بيتيس |
أغلب الفريق كان سيء اليوم غوتي ما سوّى شيء غير الهدف ، وغيره ما سوّى شيء ونكبنا :wink: حسين روبينهو ما يجيد التسديد وهيغواين يجيد تضييع الانفرادات بشكل غريب قفلة الله يسامحك يا شوستر ... خلّيت بعض الناس يتنفسون |
للاسف حذفوا ردي .. كان ودي اشوف رد nayef " للاسف انه سميي " :D , http://www.teamtalk.com/Images/79337.jpg http://gallery.7oob.net/data/thumbnails/12/gargamel.gif اوجد الفروق العشره :D |
مبروك التعادل شباب بس اشوف غضب كبير اليوم على الاداء اكيد لانه كان سيء بس لا تتهجمون بقوه على شوستر ووصفه بالغبي لانه ما ادخل شنايدر تراها مباراة و لا زلنا بالقمة وسنبقى باذن الله |
بالنسبة للمباراة الريال قدم اسوا عرض له لاعبين تائهين في الملعب ثقل الاعبين في التحرك ذلك بسبب كترة تغيير المراكز نلاحظ لاعبين يبداون اساسيين سلجادو .. درينثي ومارسيلو دخلين في خطوط بعض وكله بسبب التشكيل الغبي وحكيت الكلام هذا قبل المباراة اذا اراد شوستر التالق فعليه تثبيت التشكيل خسرنا نقطتين وكان باستطاعتنا الفوز لولا التشكيل الخاطئ .... إقتباس:
الاسوء سلجادو وروبينهو وكاسياس |
الكل قاعد يحمَل شوستر نتيجة التعادل .. وماحد تطرق للاعبين اللي خذلوه اليوم بمستواهم ! ياليت احد يذكرني بجملة تكتيكية واحدة طول المباراة !! شوستر معذور في عدم إشراكه لـ شنايدر .. كثر الضغط على اللاعب قد يعرضه لإصابة وكثرة مشاركاته قد تعرضه للارهاق والتشبع .. والثقيل قدام مثل مايقولون ويجب ان لاينسى الجميع ان شنايدر بدون بديل في الفريق .. فـ يجب المحافظة عليه قدر المستطاع يعني نخسر كم نقطة أهون من خسارة لاعب مثل شنايدر .. ! وجود الفيس مطلب ضروري ومهم جداً .. ومع احترامي لكل من يعارض قدومه .. انا مستعد ابصم بالعشرة انه حتى لو لعب جناح راح يكون افضل من الاستعراضي روبينهو وهيقواين اللي ماينفع غير مهاجم ثاني فقط .. ! الفريق لا يملك جناح أيمن قادر على صنع الفارق للأسف الشديد ! الفيس ودييقو مقابل الاستغناء عن سلقادو وباتيستا وسولدادو وبالبوا .. مطلب ضروري في الميركاتو الشتوي ! |
هاردلكـ التعادل والمستوى وأن شاء الله أخر الأحزان |
شباب فيه نقطه حبيت اشوف ردكم عليها , "مارسيلو اليوم ما تلاحظون تطوره الدفاعي خصوصآ عندما يكون رجل لرجل , يعني صعب تمر من عنده اليوم " |
أما روبينيو :upset: لا قالوا مثل بيليه بعد لها الدرجة بيليه كان مايعرف يلعب :cry: ياناس وربي من اشوف روبينيو بالتشكيلة اتشائم روبينيو أدبه كابيلو لين قال بس وان غاب القط العب يا الفار راح كابيلو ورجع مستوى روبينيو السيء جدا يا شباب الفريق يبي له تعديل اجل سلجادو يلعب اساسي :eek: بركاتك يا كالديرون :upset: يوم تطلع سيسنهو :upset: ناطحة السحاب ومصاب وهالجزار مصاب وهاينزه تسنه شغال بـ محل مفروشات ماله الا يجرب كراسي الاحتياط :d ملينا ياناس ملينا 3 انتصارات مدري شلون جت :eek: دفاع الريال من جهة سلجادو تقل طريق الدمام كالديرون يا جعلك اللي منيب قايل :upset: أجل روبين :upset: ربك يعين كل الشكر لكم |
،، ، السلام عليكم ورحمة الله وبركاته مستوى هزيل وأداء باهت خط الوسط كالعادة متفكك تماما والسبب أعيده دوما اللعب بمحور واحد !! شاهدوا المساحات التي يخلفها وسط ريال مدريد على اليمين واليسار والتي تسبب تقدم الظهيرين لتغطيتها فينكشف خط الدفاع تماما ولايبقى سوى لاعبين فقط !! طريقة شوستر الهجومية أبدا لاتعجبني ،، فلم يستطع حتى الآن دمج أداء الفريق هجوميا بين العمق والأطراف من الخطأ أن يلعب كما اليوم بجناحين تقليديين أمامهما رأسي حربة !! وجوتي الذي كان أمام ديارا ،، شكلوا خطا متهالكا راؤول والرود بطيئين ويلعبان للعمق لوجود الجناحين روبينيو ودرينثي وجوتي كان سيئا جدا ومهما بلغ تميزه يظل بطيئا في نقل الكرات !! من المفترض ألا يشكر شوستر جناحين تقليديين إن كان سيلعب براؤول والرود لأنه يتسبب في تضييق المساحة عليهما وجعلهما يتحركان للعمق فقط هناك عدة حلول منها اشراك جاجو بجانب ديارا وجعل جوتي في مكان شنايدر أو إشراك بابتيستا على اليمين أو اليسار وأطلب جوتي أو بابتيستا فقط لأنها يميلان للعمق مما يجعل أحد المهاجمين يسقط إلى الطرف فتنفتح الثغرات في دفاع الفريق بعد تباعد لاعبيه توضيح أكثر لو شارك جوتي على اليسار جوتي يدخل إلى العمق ، روبينيو إلى الطرف الأيمن ، الرود للطرف الأيسر ، راؤول للعمق مشكلين شكل معين ،، حين يتحرك الرود لليسار يسحب معه قلب دفاع واحد على الأقل مما يفتح الثغرة لجوتي وأيضا يتسبب في تداخل المهام بين الظهير وبين قلب الدفاع المراقب للرود ،، والظهير الأيمين بالتأكيد سيكون مراقبا لوربينيو وسيضطر لاعبو وسط الفريق المقابل للعودة للتغطية ،، وعودتهم السريعة ستسبب الارتباك للدفاع ككل أعتذر عن ضبابية الشرح دام شموخكم مادام شمــوخ مدريد ،، ، |
ياشباب ماصارت كل مباراة سيئة كل واحد يقترح لاعبين جدد الي يقول دييجو والي يقول بالاك والفيس ومدري من بعد فزنا في اول ثلاث مباريات ومن اول تعادل تبي تغيرون الاعبين ولو افترضنا الفريق محتاج المشوار طويل للانتقالات وباقي لنا مباريات كثيرة بالاعبين الموجودين حاليا واتركونا من كلمة لو فلان كان معنا كان تغير الوضع اليوم كل الفريق سيئ ماشفنا لعبة صح غير الهدف وشوستر غامر وانفتح الدفاع وكدنا نخرج بنتيجة كبيرة علينا بس الله ستر وكسبنا نقطة ثمينة الفريق كامل بس يحتاج للوقت والثبات على تشكيلة مناسبة ومتزنة مع عودة المصابين وان شاءالله المستوى بيتحسن بالتوفيق |
| الوقت المعتمد في المنتدى بتوقيت جرينتش +3.
الوقت الان » 07:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd