|
الله لا يهينكم ياشباب اذا نزل تصريح تكفون جيبوه لنا النجوم الزرق: مافي امل لو يقوم المهرج كالديرون يطامر على خشمه مايرجع كابيلو. اتمنى من كل قلبي رمي النكره شوستر من الباب الخلفي للنادي ولكن المنطق... يطرد التيس شوستر.. من تجيب؟ مافي مدرب كبير يقبل انه يجيك الحين ... يعني ماكلينها ماكلينها |
كالعادة أنتظروا الساعات القادمة وسخافة الصحافة الاسبانية وهي تقول صفقة روبين تم غلقها :d بدل من ذكر الحقائق ومعالجة الأوضاع والأعتراف بالحق أن كالديرون يتحمل كل مايحدث لريال الصحفيين المرتزقة لننتظر ماذا سوف يكتبون صباحاً |
ياشباب امكن الخبرة خانتنا اليوم ودرينتي اول مباراة ومستوى لايعلى عليه وشنايدر ماعليه هذه افضل مافعله الح؟ار كالديرون |
السلام عليكم... شباب الفلم الجديد للريال فضايح مع شوستر وكالديرون,,,,5أهداف!!وفي البيرنابيو!!:eek: :eek: وين اودي نفسي من الفضيحه... شباب مستوى هزيل الدفاع شوارع اقسم بالله والوسط ضايع,والهجوم لاتعليق بوجود راؤول,, وين ايام كابيلو والروح واللعب التكتيكي والتبديلات الناجحه على الاقل... وعند تعليق على بيبي أغلب الاهداف منه الثاني ممكن الخطأ على راموس لكن هو كسر مصيده التسلل,الثالث لمسه يد,والرابع لقافه لو مخليها لكاسياس كان ردها,30مليون:D الاثلاثين مليون كف!!هنري ارخص منه:D http://www.as.com/recorte.php?id=LCO...tb_15&type=Ies كالديرون شفتوه وهو حاط ايده على خده ماأقول الا انت الي جبتها لنفسك,,اصريت على شوستر بدلا من كابيلو بسبب المتعه,ترك رييس بسبب نصف مليون رحيل احسن ظهير ايسر:mad: !!انتدابات ليست فاشله لكن ليست بمستوى الريال وطريقه تعاقدات فاشله... ماأقول الا اليوم تضحك شفاتك وبكره تبكي عيونك كالديرون,شوستر,اذهبوا الى الجحيم... ماأقول الله يعين من بدايه الدوري مع اتليتكو مدريد شكلها بتصير تاريخيه بعد... آسفين على الاطاله. تحيه لكل عاشق لمدريد وما اقوله الا مالك الا الصبر:mad: 00تحيتي00 |
خسارة موجعة ... نقاط: - لا أريد ان أحكم على شوستر الآن ، ولكنه فشل اليوم فشل ذريع ... ولا اريد ان اعذرله بأن هناك لاعبين جدد في الفريق ، لأن المشكلة انه لا يوجد اي تكتيك في اللعب. - كنفارو استعاد بعض من مستواه المعهود . - يحزن المرء اليوم عندما يذكر ريال كابيلو. لا نستبق الأمور .. فربما القادم يختلف . |
<TABLE width="70%" background=http://www.m5zn.com/uploads/dad3755da0.jpg border=1> <TBODY><TR> <TD align=middle> السلام عليكم ورحمة الله وبركاته لا إفـراط ،، ولا تفـريط !! حسب ماقرأت في ردود الأعضـاء ،، يبدوا الاختلاف كبيـرا بين الأمس واليوم ،، فبالأمس يراهنون على الفوز ،، واليوم يبكون قادم الأيـام !! حتى جعلوا الريال هابطا للدرجة الثانية !! لامحالة !! كونـوا متعقلين في طرحكم ،، ناقشوا مكامن الخلل والنقص في الريال ، وكيف الطريق لعلاجها ،، اتركـوا الفأل السيء ،، فلن نهبط ولن نكـون لقمة سائغة أبدا ،، مهما بلغ سوء الريال !! كالديـرون ،، سحقـا !! شوستـر ،، مهما حصل ،، مهما كنت سيئا ،، إلا أن قناعاتي الكروية وأخص التدريبية لن تتغيـر فالمـدرب بحاجة لأشهـر للتأقلـم ،، واظهار لمسته الفنية ،، حتى وان لم أقتنع بمجيئه أصلا !! أرجوكم ،، لاترمـوا المنديل ،، أيهـا البلانكـو </TD> </TR> </TBODY> </TABLE> |
إقتباس:
المشكله مايعرفون يرقعون ولا يعالجون اخطاء يحسبون الناس اغبياء ماتفهم,الموضوع واضح كوضوح الشمس.... 00تحيتي00 |
يا عشاق الميرنجي .. إليكم المفاجأة الكبرى : هذا هو فريق المتعة الذي يريده كالديرون .. آلترا سوار .. شوفوا شغلكم :D هاردلك .. تحيتي .,,. |
شباب بهالفريق لا تحلمون اننا ننافس حتى على كاس الملك لا بد قبل لا يقفل السوق يعمل كالديرون ثوره في الميركاتو نحتاج تعزيزات كبيرة اولها جلب الفيس وبويرتا من اشبيليه ليحلو مشكلة الظهيرين ويلعب راموس قلب دفاع وجلب كواريزما لان المشكله بالجناح الايمن وروبن ايسر طرد راؤول وسلقادو والبقيه الابقاء على اميرسون لاننا نبي نفقد ديارا شهر بسبب بطولة امم افريقيا لتصبح التشكيله كاسياس بويرتا كن كن راموس الفيس ديارا شنايدر ديرنثي (روبينيو) كواريزما ( هيجواين) روبينيو (سافيولا) الرود |
الشباب متأثرين بالأفلام :d .. إذهب إلى الجحيم .. إذهب إلى الجحيم :d هههههه ،، المهم وش نقول ! .. المدرب فاشل ! .. الرئيس ماعندك أحد ! معقوله هذا هو الريال .. ؟! 5 في البيرنابيو .. ! كاسياس .... ماقصرت ولو ان فيه بعض الأخطاء ! توريس .. مش بـ مستوى الريال ! راموس .. قلب الريال .. ماقصرت ! بيبي .. لا تعليق :( ! كنافارو .. ان شاء الله تكون بداية العودة للمستوى ! شنايدر .. ماقصرت ! ديرنثي .. حلو يابطل .. والهدف رهيب .. بانتظار المزيد ! جوتي .. اليوم المزاج حلو:d .. بس حلوه تمريراتك اللي مدري وشلون شكلها :d ! روبينهو .. ماقصرت يابطل ! راؤول ... ؟؟؟؟؟!!!!!؟؟؟؟؟ وش تبي .. !! الرود .. راجع من إصابه ما نلومك ،، الارنب .. ننتظر الأفضل ! شوستر .. تبــــا لك ! .. إذهب إلى الجحيم :d كلمة أخيره .. آآآآآآه يـا كابيللو ! بانتظار مايحمله لنا القدر .. |
والله النجوم من عندي الرود وراموس ودرنثي لاكن النكبه هو بيبي تسبب فهدفين واحد بلنتي والثاني يوم انطرد محد جاء مكانه ميتسلدر ليش ماطب وبعدين عصام الشوالي قال شوستر جاه النوم تشوفونه كأنه شايب مواصل ثلاث ايام لاكن بيبي مسخها وفيه سوء تحكيم وكالديرون لو نبراي الشعله بيفوزون علينا مادام انا على الوضع وقبل قليل دخلت موقع برشلونه ياجاك حش حطوا موضوع اسمه ماتذكرزين لاكن اظن اشبيليه ينحر الريال بالطريقه الاسلاميه بهاتريك كانوتي |
ياسلام على المتعه .,. من كثر الامتاع مو عارف وش اكتب ..!!!!!!! فريق بدون تكتيك .. حتى الاهداف جت كرات ثابته ,, مدري اليوم الفريق لعب بدون جناح يميييييييييييين!!!!! اجل يا ناس ديرنثي محور!!!!!! .. مدريد ليست كـ خيتافي .. الاسبوع الجاي قدام الاتليتكو .. وما يحتاج اتكلم عنهم .. رييس سيماو فولارن ومانيش والجماعه ... من متى خسرنا بالخمسه؟؟ وفي ملعبنا ؟؟! على العموم .. ما في اي عذر لـ شوستر ابداً .. الانتقالات الاهم تمت .. سواء بلعب راؤول او بدونه .. وللتذكير الريال حقق الدوري بتواجد راؤول بكل مبارايات الدوري ما عدا فترة اصابته.. انا مو مع اشراك راؤول او ضده .. المهم مصلحة الريال .. والله يستر من الاتليتكو .. |
^ ^ ^ آبشر بعزك يآرييس بتفرح في ـالبيرنآبيـو .. ببركآت ـالفآهم كآلديرون .. |
مشكووور أخوي على المعلومات |
هاردلك على الخسارة ومبروك لأبناء الأندلس لعبوا وأمتعوا ,والريال ما قصروا سوا أن هناك نقص في الشوط الأول (<<اللبيب بالإشارة يفهم) وتم تلافيه في منتصف الثاني ولكن على حساب الدفاع ، وأرى أن درينثي هجومي أكثر من أنه يرجع للدفاع (والله هدف قولازا نقول رجع سيدورف)أما من المخطئ فالنسبة الأكبر ترجع للإدارة ثم الدفاع وأخيرا المدرب الذي أرى أن الإدارة تغصبه يلعب راؤول ؟؟؟اللاعبين الجيدين اليوم: درينثي و راموس:قلب: السيئين: بيبي؟؟ أما البقية فقدموا شيء بسيط وليس سيء كما فعل بيبي!!!! |
| الوقت المعتمد في المنتدى بتوقيت جرينتش +3.
الوقت الان » 12:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd