|
وش ذنب شوستر يا اخواني ......... صحيح انه اخطأ لكن ليس بقدر خطأ راموس ... راموس يبي له واحد يمسكه و يفقع وجهه عشان ثاني مرة ما ياخذ كروت غبية ... تحياتي .......... مدريدي و بس |
إقتباس:
لا يا بعد قلبي :smilie47: ما شفت خليفة فيجو اجل [[ ديارا ]] سبحاااااااااان الله بس |
هاردلك التعادل ياعيال :smilie47: التعادل مب شين على الظروف اللي جت :) ماودي اتكلم عن المباراه ,, بس عندي سؤال !! روبينيو ما اذكر انه يعاني من اي اصابه !! ياليت تصححون معلومتي !! فيه اصابه والا فيه شي عشان شوستر مايلعبه !! :surprised: |
:nono:لالا مو كذا يا شبااب كلكم تسبون في شوستر ليه شوستر وش سوى:nono: قبل طرد راموس تقريبا الفريق كان مسكر الملعب صحيح في ضغط وهو طبيعي لأنهم في ارضهم و راموس شوي مصخها هقواين ما كان مقنع هو ويا راؤول يمكن بـ وجه نظري المفروض يدخل سافيولا بـدال واحد منهم :upset:تبديل ديارا مدري وش محله بـ الاعراب انا توقعت ان ديارا راح يغطي مكان راموس لكن بعدها دخل توريس << يمكن كان ديارا جاهز لأن شفنااهـ يسخن قبل الطرد هو مع روبينهو ودخلهـ عشان ما يكون ضغط على الدفاع يجوز هذا السبب انا استغربت انه ما لعب روبينهو ودخل لي بابتيستا ومخلي قوتي:bigeek: صحيح هذي اغلاط منه لكن ما يتحمل التعادل كله وعلى العموم هاردلكم يا شبااب و بـ التوفيق لـ اشبيليه وخيتافي بكرا وان شاءالله يكون الفوز من نصيبهم اجمل و ارق الأماني s60s عبادي |
السبب اليوم شوستر وراموس شوستر يا سبيكه وش استفدت من خروج هيقوين؟ وليش سافيولا ماتلعبه في على الاقل اخر خمس دقايق او عشر كان مفترض من الاخ :D شوستر انه يخرج راؤول ويدخل روبينيو ويصير مصدر ازعاج لدفاع مايوركا مع هيقوين وربين بالله عليكم يعني عندي بالهجوم زي سافيولا امكانياته ماتقارن بامكانيات راؤول اللي مع احترامي لمحبيه تثبيت كوره مايعرف كنترول على الكوره صصصصصصصصفر ثانيا راموس يبي من يكفته بالفرن ....:d مبارتين اللي لعبها بس من اخر طرد ويرجع ينطرد من جديد تراك في ريال مدريد وفي الدوري الاسباني مو في احد الدوريات العربيه ماعندك فكر احترافي لازم شغل المبزره ذا يكون موجود في المباراة:upset: مالت :d بس هاردلكم جميعا ونتأمل خير بكره من اشبيليه وخيتافي:yes: ودمتم سالمين:d |
^^ هدي يالغالي ترا الكوره ما تسوى ههه تعصب عشانها وعلى العموم في البدايه ولا النهايه هذي الكوره فوز وتعادل وخساارهـ واحنا تعادلنا والعشم في اشبيليه وخيتافي بكرا بـ التوفيق لهم وياارب الفوز من نصيبببهم |
راموس وشوشو سبب التعادل راموس بالتفاهة المعهود عليها وهي الضرب والخشونة المتعمدة والعصبية من اول اللقاء .. وشوشو وتغييراته العجيبة فعلا شنايدر من افضل الاعبين تحركا ونشاطا ويساند هجوما ودفاعا .. وجوتي من اسوء الاعبين في المباراة من الناحية الدفاعية لا يساند ابدا .. وتغيير هجواين من افظع الاخطاء كان لابد من تغيير راؤول ودخول توريس بدا من ديارا .. وكان من المفترض دخول ديارا من الدقيقة 55 مع امتلاك مايوركا لخط الوسط والتوهان الحاصل ... واذا اراد الهجوم كان لابد من ربينهو او سافيولا بالسرعة المعهودة للاثنين مع مهارة روبينهو وكان لابد من تغيير روبين ... |
أولا : هارد لكم التعادل يا اخوان ثانيا : سبب تعادل الريال اليوم هو التبن راموس ، اللي ما يعرف يمسك أعصابه :( و الله اللاعب هذا يبي له مــن يمسكه و يعلمه الصح ، و المفروض اللي يقوم بالهمه هذي هو ،،، كنافارو و بــــــــــــس |
^^ معاك حق يالغالي وان شاءالله نشوف راموس الموسم الجاي شي ثاني مثل ما شفناهـ افضل من الموسم الماضي ان شاءالله راح نشوفهـ الموسم الجاي هو افضل وافضل وافضل من اللي قبله وبـ التوفيق لـ خيتافي واشبيليه |
هاردلك .. و القادم أفضل إن شاء الله المرهف ثامر :smilie47: يلوموني لا حبيتك :smilie47: قلت كل شيء ببالي الريال لديه تشكيلتين خيالية .. لو كان في مدرب ذكي كان حسم الدوري من الدور الأول على هالأندية التعبانه !! سافيولا و يا قلب لا تحزن !! تحياتي للجميع ,, دمـوع .. وســام |
هناك شخصان يسألان عن نتيجة المباراة الأول راموس والثاني كاسياس راموس بغض النظر عن صحة طردة أم لا، المفروض تتم معاقبته من قبل المدرب أو الإدارة، هو لاعب رائع لكن أعصابه تخذله، والكل سمع ما قال فيه كاسياس وكانافارو في السابق، كاسياس الله يهديك هذا عيبك الوحيد أن تتقدم عن الباب مئة متر خطوة واحدة للخلف يا كاسياس فقط لاغير شوستر بعد الطرد أخرج هيجواين وأدخل مكانه ديارا لكي يغطي مكان الظهير الأيمن ولكنه نسي بطء ديارا فقام بإدخال توريس مكانه وإرجاع ديارا لمكانه الطبيعي في المحور الدفاعي صحيح أن هناك تخبط بسيط لكن كان من المفترض إخراج روبين المتعب وإدخال روبينهو على الأقل لكي يشغل المدافعين ومن المؤكد أن تثمر مجهوداته بشيء خطير عندما نعود للمباراة نجد أن الطرد هو السبب الأول والأخير لتغير النتجية لأن الريال كان في وضعه الطبيعي ومسيطر على المباراة تماماً وأعتقد أنها كانت درس قاسي لشوستر ونقطة من أرض مايوركا أعتبرها مكسب كبير |
السلام عليكم الحمدلله على كل حال.. كنا نأمل الثلاث نقاط بس الخصم كان افضل لا الوم شوستر .. لانه بدا المباراة بنفس تشكيله الفريق ضد اشبيليه الي كانت اكثر من رائعه ولكن الفريق فقد الروح والحماس شوستر خربط بعد الطرد ولكن اللوم الاول على راموس المتهور... مايوركا كان افضل بشكل عام... عيب شوستر من بدايته مع مدريد من وجهة نظري انه مايعرف يجهز اللاعبين نفسيا للمباريات! ----------- اجل سافيولا احسن من راؤول؟! هههههههه حلوه بالتوفيق للبلانكو |
إقتباس:
هو لو ما انطرد بذي انطرد بغيرها وحتى الهدف الملغى أساسا خطأ على راموس بـ معنى ضربة جزاء ودام الكروة دخلت قول يعتبر هدف صحيح والسبب ان راموس هو اللي جاي يراكض من ورى ونط على جويزا رغم ان جويزا ماله دخل وحاول يتفادا عمره بس ماقدر عموما راموس هذا الكرت الأحمر الثالث خلال الدوري اشبيلية ، ريكرياتيفو ، مايوركا و 14 بطاقة صفراء قدوم ألفيس الآن أعتقد أصبح ضروريا أكثر من أي وقت سابق أتمنى موظف الاستقبال في الشقق المفروشة يتحرك ويجيب لاعبين ولا يترك الرئاسة لـ من هو قادر على خدمة الريال بالشكل السليم الله يعينا نلقاها من سواق التاكسي ولا موظف الاستقبال :( ياسر والله تبي الصدق شوستر يتحملها شوي تغييراته مالها مطار وش التغيير الخرافي اللي يصير ديارا ظهير أيمن وكلنا يعرف ديارا والاستلام والتسليم اللي عنده شوستر بالتغييرات الكل يعرف انه مش ولابد أمام روما كان من المفترض أن يكون التغيير مبكر لكن تفاجأنا أن اول تغيير كان الدقيقة 70 وهو خسران بـ هدف آخر الكلام هيجيوان يامن شراله من حلاله علة :upset: هيجيوان = الخراشي :d أتمنى في مباراة مورسيا سافيولا -------------- راؤول روبينيو -------------- شنايدر ديارا ---------------- جاجو شكريات |
آآآآآآآآآآآه يا زمن... ريال مدريد يدافع قدام فريق مثل ما يوركا و يلعب على التعادل !!! من متى الريال يقتنع بالتعادل لا و مع فريق صغير... بتقولولي فيه لاعب مطرود ؟؟ الريال موب الفريق اللي يتأثر من طرد لاعب و هو اصلاً ما انطرد في أول المبارة... اذا طلع راموس فيه غيره... اسمحولي يا عشاق شوستر فـ شوستر أزال هيبة مدريد... شوستر جعل مدريد تخاف من الصغار... بصراحة الوضع مؤسف و الكلام يطول... تحياتــ ي ـــ |
السلام عليكم ورحمة الله وبركاته هاردلك التعادل بغض النظر عن ان الفريق كان يبحث عنه .. منيب متكلم عن أشخاص تسببوا في الخسارة لحاجة في نفسي .. مستر شوستر قبل كم يوم يتكلم عن جاجو وديارا وانه عارف امكاناتهم ومن هالحكي .. طيب يامستر أمس الفريق فايز والعمق مكشوف وين ديارا ؟؟ يرحم أمك ياشوستر حسيت اني ما قد شفت كورة في حياتي .. فريق فايز وفاتح الملعب والعمق للفريق الثاني يقوله هاجمني .. تكفى هاجمني .. ولاعنده مهاجم يجيد المرتدات ؟؟ أبغى منطق بس .. ويوم انطرد راموس نزل ديارا .. بعدها حس بالغلظ ونزل توريس بعد مالخبط وسط الفريق وضيّعه !! الغريبة أمس انه تشجّع وطلع راؤول !! تنزل بابتيستا " مهاجم " ومايوركا جالس يهاجمك .. وين العقل .. البديهي انك تحتاج مهاجم يستغل الفراغات والمساحات .. بالعربي تحتاج سافيولا .. بعد كل مباراة فيه أشياء كثير يتغير ترتيبها في عقلي .. واعجز ألقالها حل .. .. |
| الوقت المعتمد في المنتدى بتوقيت جرينتش +3.
الوقت الان » 06:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd