|
كالعادة كل شي على راس شوستر وتخاذل اللاعبين يمر مرور الكرام ياريت احد يعطيني اسم لاعب قدم اي شي باستثناء بيبي يالبى قلبه هاللاعب يبرد الخاطر ومانسى كاسياس وبعض اجتهادات روبينهو وراؤول .. ! |
::.. شوستر يواصل التخبط ، والريال إلى المجهول ..:: كنا نطمح في تحقيق دوري الأبطال ؛ لكن الواقع يقول {{ مستحيل }} ..!! شوستر يخرج روبينهو >> لاتـعـلـيـق ..!!! ديارا يواصل تقديم المستويات المتدنية ..!! جاجو مافاد إعطاؤه الفرصه ..!! الرود يواصل التراجع المخيف في مستواه ..!! ميتزلدر لا أظن أنه لمس الكرة أكثر من 5 مرات طوال 90 دقيقه ..!! روبينهو لاأحد يستمر على مستواه غيرك s60s .. |
السلام عليكم ورحمة الله وبركاته أول مرة أشوف سلطان منفعل أجل مندي يا سلطان :laugh: شكله ملحقها بـ لبن كامل الدسم عقبها :d مثل ماقلت تماماً ديارا + جاجو + جوتي للأسف قادش ويخب يا جماعة في أحد الردود ذكرت وجهة نظري ووجهة نظر الغالي خالد - زيدان آند راؤول -- ديارا سيء لا استلام لاتسليم خشونة بدون سبب تمركز مشي حالك تمرير بدون مايشوف مين اللي جنبه صراحة ما ألوم الماركا يوم تشب عليه لاعب صراحة ما اتمنى اشوفه في فبراير مع الريال جاجو نفس الشي الهدف الثاني مارسيلو كان مأدي دوره الهجومي بشكل سليم تمريرة لـ جاجو مافيش كنترول مارد الكورة الا الشبك يا جماعة هل هذا الريال اللي نشاهدهـ حرام ان نجوم كبار كانوا يلعبون مع هالفريق اللي ديارا وهيجيوان و جاجو والشلة المسماة لاعبو كرة قدم اللي يجيب القهر زود ماله نية شوستر يغير هل ورقة التغيير الثالث ضاعت ولا خلص حبر القلم ولا ماعاد فيه حلول خروج روبينيو ليه يا مستر شوستر طاب روبين ومن متى روبين يعتمد عليه اصلا الطامة بـ هيجيوان ناقصة http://www.steamboatsk8club.org/SSFS...s/image005.jpg وتكمل :d من لعب وهو يزلق الآخر جوتي كويس اننا بنرتاح من شوفته الاسبوع القادم في الليغا هل هذا منطق مابقى صانع ألعاب غير كاكا في العالم يا كالديرون شي غريب عن نفسي أتمنى 100 مليون يورو تصرف في لاعبين صح مو جاجو وطقته ميتزلدر ؟؟ نستلروي ؟؟ راؤول لعب مباراة حلوة بس ماحولك أحد عموما عندي احساس ان الصدارة في الليغا بتروح لـ الفياريال الاسبوع القادم التشامبيز ليق أتمنى تدارك الوضع على الاقل الريال يعدي دور الـ 16 الله يعين ويوفق كل الشكر لكم |
إقتباس:
مين اللي طلع روبينيو للأسف شوستر من شفت الرد هذا وانا غاسل يدي بـ قطرة اذن إقتباس:
ربك يعين كل الشكر لكم |
طبعاً شوستر يعتبر فاشل في نظر الجميع وهو متصدر الدوري والتشامبيونز اجل لا صار الترتيب متأخر وش راح تعتبرونه :D بعدين يزيد انا مايهمني سجله التدريبي كابيلو كان معنا الموسم الماضي وسجله التدريبي الكل يعرفه .. وماشفنا اي شي يستحق الاشادة بغض النظر عن اللعب بروح عالية وشوية حظ وتوفيق .. ! في مدربين يصنعون أنفسهم .. وأكبر مثال مورينهو كان في بورتو وماحد يدري عنه وصنع نفسه اذا كل فريق ماراح يعطي فرصة لأي مدرب يدربه الا لو كان عنده سجل تدريبي كبير كان شفنا 90% من اندية العالم بدون مدربين .. ! انا ماقول ان شوستر ماله أخطاء بس حرام نحمله اخطاء انصاف اللاعبين مثل قاقو وطقته ! هل يتحمل شوستر اضاعة فرصة الرود الغريبة !! هل يتحمل شوستر الخطأ التحكيمي اللي أهدى بريمن هدفهم هالأول !! هاللقطتين فقط كانت كفيلة بمنح الريال الـ 3 نقاط ! |
لاحول ولاقوه الا بالله هارد لكم الخساره شباب حظوظنا في التاهل لازالت كبيره اسبوع سئ للريال مستوى صراحه لايمثل فريق ريال مدريد لاعبين بلا روح اخطاء بدائيه استلام وتسليم خاطئ من اغلب اللاعبين وبالاخص جوتي والرود كنت اتمنى اخراجهم وانزال باتستا وسافيولا بيبي قدم مستوى ولا اروع تحمل اخطاء الدفاع لوحده مع كاسياس كاسياس + بيبي + روبينيو هم الافضل اما البقيه كأنهم اول مره يلعبون الكره إقتباس:
هلا ياسر شوستر يتحمل جزء كبير صراحه من بدايه الدوري ودفاع الريال انواع الشوارع لا يوجد تنظيم دفاعي في الفريق قد تكون الاصابات عذر لكن ليس بهذا الشكل الارسنال لايملك نصف الاسماء التي نمتلكها في الدفاع لكن تجد من الصعب ان يسجل في مرماه ذلك بسبب الخطه والتنظيم الدفاعي الجيد الاسماء لاتكفي غير كذا تبديله روبينيو عجزت القى له سبب من خرج روبينيو ماشفنا مرمى البريمن لا احمل شوستر المسؤليه لكن له اخطاء كبيره تقبل مروري :) |
^^ روبينهو مرهق بشكل غير طبيعي وتبديله كان منطقي لكي لا يخسره الفريق وهو اللاعب رقم 1 بالنسبة للتنظيم الدفاعي ومقارنة الريال بالارسنال من الصعب المقارنة بين خط دفاع ثابت لم يتغير وتحت اشراف نفس المدرب من فترة طويلة وخط دفاع لا يلعب مباراتين متتاليتين بتشكيلة ثابتة !! انا لم أقل ان شوستر لايتحمل جزءاً من الخسارة ولكن مزاجية اللاعبين وادائهم السيء السبب الاكبر فيها ! |
هارد لكم شبااب شوستر صاير يلعب بـ الناار الله يعين بس خروج قاقو وبقاء ديارا نقول شي تكتيكي على اساس انه يرجع على الخطه القديمه ان ديارا و قوتي في المحاور لكن خروج روبينهو اللي شاايل الفريق ودخل مين لاعب توهـ جاي من اصابه روبين دخل وجلس جنب المرمى يحمي ما يشنااف ابد ابد ابد واللي زودها اكثر انه ما استخدم التبديل الثالث ابي اعرف الفيفا مسوين نظام ان التبديل يبقى معك للمباره القادمه!! وربي شي يقهر انا اشك في ذكاء شوستر في خروج روبينهو وربي يوم طلع روبينهو شوستر اهداء المباره لـ بريمن يقول تعالو فوزو لكن اللي مو داخل عقلي من زمان اللاحظه ديارا معروف دفاعيا وقطع الكرات و قاقو عقليته اوربيه اكثير تمريراته افضل من ديارا وهو يعتبر ضعيف من الناحيه الدفاعيه واللي اشوفه ديارا يعدي نص الملعب ويساند الهجوم طبعا على اساس انه يساند الهجوم وهو لاعب محور دفاعيا بحت وقاقو يساند الدفاع وهو اللي تمريراته رهيبه صحيح عاديه لكن افضل من ديارا وقاقو في الدفاع يعتبر سيء بـ النسبه لـ ديارا فـ أن ديارا يتفوق على قاقو في الدفاع واللي اشوفه في الملعب العكس بـ الضبط آهــ يا شووستر تراكـ تلعب بـ النآآآآآآآآآر وتحرق قلووبنا وربي قهر الرود صحيح سيء لكن اللاعب مرهق كاسياس انت كايدهم بيبي تفداك 50 مليون مو 30 روبين دخل الملعب يتمشى دخل يشيك على ارضيه ملعب بريمن اذا هي جيدهـ ولا لأ راموس الكبير كبير روبينهو ( هو سامبا هو) ديارا للأسف صفر من عشرهـ بس تراك ما لعبت في مكانك انت دفاعي ولعبك شوستر هجوم لو تلاحظون يوم طلع قاقو ورجع ديارا محور شوي رجع مستواهـ شوستر انت سالب 10 من 10 انا من عرفت انك تسمع لـ بوب مارلي وامنيم وانا غاسل يدي منكـ كل اللي اتمناهـ ان شوستر يتعلم من هذا الدرس وتركيز على المباره القادمهـ لأنها الحاسمه لاتسيو وفي السنتياغو طبعا لاتسيو بعد هزيمه اليوم لا يوجد له امل في التأهل فـ أتمنى انه يلعب في الفريق الرديف ونشوف الريال شي ثاني بعد رجوع شنايدر شنايدر ترك فراغ في التمريرات مارسيليو ما الومك عمرك 18 مارسيليو ( مشروع بناء روبيرتو كارلوس ناجح لـ الريال بـ نسبه 100%) آسف على الاطاله |
هارد لك الخسااااارة وبأذن الله أخر الأحزان شوستر لا تعليق ريال مدريد 2-3 بريمن+شوستر+الحكم أخراج روبينهو وأدخال روبن و راؤول لاتعليق أين كن كن ياشوستر سؤال أريد أن أسأله شوستر :::س/ لماذا دام تغيراتك بعد الدقيقة 70 أو 75 وتخرج الاعب المبدع و الاعب السيء لا ؟؟؟؟::: الى متى ونحن سنظل نعتمد على كاسياس لتأهل شبه مضمون لان المبارات القادمة في السنتياجو وأن شاء الله نتأهل وأتمنى أن تكون هذه المبارات تفيد الريال أو بالاصح شوستر لتصححي الأخطاء |
مــراحـــب شـــبــاب بدايه هاردلك على الخساره المره . :upset::upset::upset::upset: :upset::upset::upset::upset: وش جالس تبربس شوستر اليوم عليه الف علامة استفهام ؟؟؟؟؟؟؟؟؟؟؟(( بربسه + بربسه )؟؟؟؟؟؟؟؟؟؟؟؟ مدرب يشوف فريقه محشور من الشوط الاول وهو داق اصبع ولا فكر يتحرك الا بعد خراب مالطه لا وياليتها بدل مثال الناس يخرج جاجو ويدخل هيجوين ؟؟؟؟؟؟؟؟؟؟؟؟؟؟؟؟؟؟ تغير يفك العقل ,, قدامك ديارا سئ جدا جدا جدا لاباصات لاتغطيه حركته ثقيله داخل الملعب تحس ان عمره 90 سنه ماهو 26 سنه ومع ذلك الحبيب شوستر مافكر يغيره وكأن عاجبه الوضع او يشوف شئ الجميع مو شايفه ,, ياحبيبي عندك بابتيستا الولد مستعد يموت بس ياخذ فرصه . لا والي زاد الطين بله اخراج روبينهو قلب ريال مدريد اليوم والزج بروبين البعيد عن اجواء اللقاءات وكأنه بهذا التغير يبارك للبريمن بنقاط المباراه. عموماً سؤال يبطح :d نفسه مره ومرتين والف اذا فريق مثل بريمن يحشر الريال وهو فاقد ابرز لاعبية وش السواة اذا قابلنا بالاداور القادمه الارسنال او تشلسي او المان واذا لاعب مغمور مثل ابو بكر سانغو مسخر لاعيبتنا مثل ماسوئ اليوم اجل دروجبا او روني او كرستيانو وش بيسون ؟؟؟؟؟؟؟ اترك الاجابه لكم |
ههههههه ،، هذا قدام بريمن ،، شلـون لو لعبنا مع مانشستر ولا أنتر ولا تشيلسي ولا البرشا !! والله الي محيرني ،، عنـدك دفـــاع أفضل خط دفـاع بأوروبا تقريباً ،، وفريق بإقل من اربع مبارايات تدخل بشباكه 8 أهداف ، وعـندك دفـاع خورافي ،، هذا دليل على فشل المدرب ،، تحياتي |
إقتباس:
ماعليه ياسر نمشي الامور ونقول الاعبين متخاذلين اليست هذه الجملة تكررت في المباراة الماضية امام مورسيا طيب وين الثعلب عن اخراج المتخاذلين !! لماذا يستبعد درينثي على اي سبب وهو افضل لاعب في كاس اوروبا تحت 21 سنة !! طيب على اي اساس بشهادة كل الصحافة شوستر هو من طلب سافيولا ومهمشه !! كذلك بشهادة شوستر بنفسة قال افضل ان ارى هيجواين كمهاجم ثاني لماذا يكرر اشراكه كجناح ايمن رغم انه اثبت فشل ذريع في هذا المركز !! والنقطة الي تحتاج لتوضيح ليش يخرج افضل لاعب بالريال روبينهو ويترك راؤول !! كابيلو بتواجد عاهات امثال هلغييرا و برافو و بافون و ميخيا الدفاع افضل بمراحل من ماهو الان رغم ان ادارة الريال جابت بيبي و ميتزيلدر و هاينزه وأبقت على كانافارو بالأسماء أفضل أسماء دفاعية يمتلكها الريال كانافارو افضل مدافع بالعالم و راموس افضل مدافع أسباني وبيبي أفضل مدافع بالدوري البرتغالي و ميتزيلدر مدافع اساسي دولي لمنتخب المانيا وش يبي افضل من هالأسماء عموماً شوستر مصيرة سوف يتم البت فيه في نهاية شهر يناير اذا استمر على التخبط الحالي ابصم بالعشر انه بيمسك الباب |
إقتباس:
قسم بالله يزيد من الغبن الي اشوفه قدامي بالله هؤلاء لاعبين يمثلون نادي القرن :cry: إقتباس:
الأسماء الثلاثة المذكورة أصحاب مستويات أقل من المتوسطة يوم كان الريال يحقق بطولات كان عنده وسط أسوئ لاعب فيهم تطلع منه 4 الى 7 كرات خاطئة بالكثير ماكليلي و كونسيساو و كمبياسو ثلاثي ذهب أضافة الى الاسطورة زيزو هل يقارن ديارا بـ ماكليلي حسب المتابعة ولا يصل 25% من مستواه هل يقارن غاغو بـ كمبياسو كذلك لايصل ولا 25% من مستواه جوتي بديل لزيدان في قيادة الوسط ولايوصل ولا 15% من مستواة ادارة الريال بأمكانها حل الأمور بسرعة متناهية في السوق الشتوية يتم بيع الاعبين الذين لايستفاد منهم أمثال سلغادو و بالبوا و بابتيستا و سولدادو ويجيب الريال 3 لاعبين قادرين على تغيير شكل الفريق 180 درجة ريكلمي و فيلوسو مانقول يشتريهم الريال على الأقل يجيبهم اعارة ماراح تكلف اعارتهم أكثر من 10 مليون يورو والاعب الثالث المطلوب البلغاري ومهاجم توتنهام برباتوف مهاجم فنان يمتلك حس تهديفي عالي وعمره لايتجاوز 27 سنة فيلوسو يتفوق على غاغو و ديارا بتمرير ريكلمي الكل يعرفه مايحتاج احد يمدحه على الأقل أفضل بمراحل من جوتي |
في البدايه هاردلكم على الخساره مع ان المباراه كانت في يد الريال لكن هذي الكوره عندي سؤال او تقدورن تقولون استفسار ما تلاحظون ان الرود نزل مستواه من انضم للمنتخب؟ ادري تقولون هالملقوف وش يبي لكن في النهايه جمعينا زعماء ولكم الشكر مقدما s60s طحياتي أبو فيصل ورده |
شباب ماتحسون ان عنوان الرابطه صار قديم شوي وفشلتونا بين الروابط والله شوفو لكم عنوان ثاني |
| الوقت المعتمد في المنتدى بتوقيت جرينتش +3.
الوقت الان » 11:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd