|
أقسام الجماهير الهلالية ..ومن منهم سبب في خسائر الفريق؟ بسم الله الرحمن الرحيم السلام عليكم ورحمة الله وبركاته تحية طيبة وبعد ........ دايم بعد ضياع أي بطولة أو خسارة الفريق في مبارة هامة يكون السبب اللاعبين أو المدرب أو الإدارة وما فيه ولا مرة طلع واحد وقال إن الجمهور أيضا سبب في الخسارة أين كانت (( أنا ما أقول إن الجمهور سبب رئيسي ومباشر- ولو انه في بعض المرات سبب مباشر- ولكن سبب معنوي )) وأنا هنا ما أعمّم،،، لأن التعميم لغة الحمقاء كما يقولون ... لو سألتموني كيف ؟؟ اقل لكم كيف.....!! بحكم عملي في الرياض هذه السنة حضرت أغلب مباريات الهلال يمكن بنسبة 95% ، علما أني حضرت في جدة الكثير من مباريات الهلال ... وكذلك بمعرفتي بالزملاء والأصدقاء الهلاليين رأيت- من وجهة نظري- إن الجمهور الهلالي ما يخرج من أربعة أقسام: 1-شريحة تعشق الهلال لحد الثمالة 2-شريحة تعشق لاعبين في الهلال أكثر من الهلال نفسه 3-وشريحة ( مع الخيل ياشقراء) يعني إن فاز الهلال بها ونعمة ، وإن خسر الهلال قال (أصلاً مالي في الكورة) 4-شريحة واقعية في حبها للزعيم فالشريحة الأولى والثانية والثالثة هم من يتسبب أو يشترك في أي خسارة للهلال ولو سألتموني أيضا كيف ؟؟ اقل لكم: 1-الناس اللي يحبون الهلال لحد الثمالة ، أو يعشقون الهلال لحد الجنون تجدهم لا يرون أي عيب أو خلل في الهلال سواء فاز أو خسر ولو دخلت معهم في نقاش يمكن يزعل منك بسبب الهلال... باختصار عندهم الهلال مافيه أي عيب ولو خسر من المدرب أو الحكم ( أي شخص يحتاج منك توضيح عيوبه حتى يعمل على عدم الوقوع فيها ، فما بالكم بفريق كالهلال ) 2-أما اللي يعشقون لاعبين في الزعيم أكثر من الهلال وهم كثر وما يحتاج لهم توضيح تجي تقول له تروح معي الملعب يقول لك إذا اللاعب الفلاني مو لاعب ما بروح وإذا راح للملعب وذكر اسم لاعبه المفضل تجد التصفيق الحار والفرحة مالية وجهه (( وإذا ذكر اسم لاعب ما يحبه أو ما يحب لعبه تسمع الصراخ وصيحات الاستهجان وتوصل لحد الشتم لا سمح الله )) والله العظيم حصلت في أكثر من مبارة وأنا حاضرها .. باختصار ما يشجع الهلال للهلال وإنما ( لحاجة في نفس يعقوب ) كما يقول المثل 3-الشريحة الثالثة أعتقد ما يحتاج لهم توضيح... باختصار كما في المثل العامي ( معهم..معهم ... عليهم ..عليهم ) 4- وهم الناس اللي يحبون الهلال للهلال فعلاً ، تجدهم إن فاز الزعيم ، يذكرون السلبيات التي وقع فيها الفريق قبل الايجابيات ، وأيضا كذلك لا يبالغون في الفرحة وإن خسر الفريق تجدهم يناقشون ويذكرون أسباب الخسارة بعقلانية وتجدهم يحضرون مباريات الألعاب المختلفة ويشدون من أزر الفريق في أي مناسبة ومهما كانت الظروف وهذه هي الفئة الحقيقية التي يحتاجها الهلال وفي النهاية أرجو أن يكون تشجيع الهلال من أجل الهلال وأن لا نحّكم عاطفتنا في الحكم على الفريق بعد أي مبارة سواء فاز الفريق أو خسر وأن نرتقي بتشجيعنا للهلال حتى يصل الزعيم إلى أعلى المراتب إن شاءالله هذا ما أحببت ذكره وتوضيحه ،،، وإن شاء الله إني مازعلت احد ،،،، وآسف على الإطالة ودمتم في رعاية الله |
وينكم ياشباب ،،،، وإلا الحقيقة تزعل في بعض المرات |
انا معك يالطيب بس المشكله ان الواقعيين محاربين و بعض الناس يتهمهم بأنهم مندسين و اعتقد أن معضم الجماهير معاهم معاهم عليهم عليهم و الله المستعان تحياتي..! |
إقتباس:
|
إقتباس:
إقتباس:
واتمنى من الجميع انهم يكون من الشريحه الرابعه |
كلامك صحيح لاغبار عليه ،، |
للأسف ان كلامك صحيح 100% الفئة الرابعة دائما محاربة وتوصف بالمندسين. تتكلم على المفرج حلال عليك انشالله لو تتكلم في شرفه بس تجيب طاري ياسر بالسلبيات اللي فيه استلم السب والشتم واتهامك بانك مندس. واللحين بينت النتيجة اخفاق هذا الموسم والاسيوية احلق شنبي ان خذناها. ما اقول الا الله يستر من اللي جاي وتسلم على موضوعك |
يغطيك الف عافيه يالغالي كلام سليم بس ما ودنا ننسا جمهور المباريات المجانيه يمكن هذا القسم الخامس |
انا معك في الكلام واتوقع اني ارشحه نفسي مع الرقم ( 1 و 4 ) s13s :D |
الشكر كل الشكر للجميع على المرور والمشاركة الاخ: canada's gallant مشكور يالغالي على مشاركتك وصدقني مايهمني غير حب الزعيم مايهمني اي حد الاخ: ابو فارس15 مشكور على المشاركة في الموضوع ،،، اللهم آمين |
شكرا اخوي على الموضوع وتقسيم الجماهير اما عن تعليق على هذا الموضوع انا اشوف ان كل جماهير الانديه تنقسم الى الاقسام الاربعة التى ذكرتها اما عن المجموعة الثانيه كرهت الملعب والسبب هم خصوصا اذا صار المشجع يكره لاعب يدور عليه الزله وهذه هي الحقيقه للاسف |
الاخ: ابو تج 60 مشكور يالغالي على المشاركة في الموضوع ،،، ونتمنى من الجماهير الهلالية إنهم من الشريحة الرابعة الاخ: el rey مشكور على مرورك الطيب |
صدقت والله ومشكوووور على هالدراسه لجمهور الزعيم |
بكل فخر احط نفسي في المجموعه الثانيه لأن الهلال كله اشوفه في الذيب وبس لاذئب بلا هلال ولا هلال بلا ذئب |
مشكوووووووووور |
| الوقت المعتمد في المنتدى بتوقيت جرينتش +3.
الوقت الان » 04:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd