السلام عليكم ورحمه الله وبركاته


الهلال ياجماعة الخير ماراح يرجع للقمة الا اذا اعتمد على نجوم النتخب الاولمبي واولهم عبدالعزيز الدوسري تعرفون وين يلعب ولا تحتاجون من يذكركم كثير من الاعضاء يطالبون بالكابتن عبدالرحمن القحطاني لاعب نادي الاتفاق هو صحيح لاعب كبير وممتاز بس الحقيقة ان الهلال ماهو في حاجته لان المركز اللي يلعب فيه وسط ايسر وموجود فيه الكابتن الكبير محمد الشلهوب وفيه سعد الذياب وعبدالعزيز الدوسري لازم ياخذون فرصتهم والمبلغ اللي بيندفع في القحطاني تستطيع الادارة جلب لاعبين في مراكز ثانيه يحتاجها الفريق اذا لم يتوفر البديل الممتاز من الدرجات السنيه.

والله حل نادي الهلال في الدرجات السنيه الدوسري والفريدي وين يروحون اذا كان النادي يجلب لاعبين من اندية ثانية بالملايين واللاعبين الشباب مصيرهم الاهمال على دكة الاحتياط.

هناك اسماء مصيرها التنسيق ومنها احمد خليل وتركي الصويلح وعلى حسب اخبار الصحف فيه لاعبيين توهم صاعدين من درجة الشباب والله حرام مايخذون فرصتهم اتمنى بدل من تنسيقهم محاولة اعارتهم الى اندية ثانية لكي يستفيد الهلال منهم مستقبل بعد ان صقل مواهبهم في الدرجات السنيه يسمح لهم بالاحتكاك واكتساب الخبرة والمستفيد الاول والاخير الهلال واللاعب