حــفــــلــة لاعضااااااء لا لا تفووتكم ولا ترفضون قبول( الدعوه بالريااااااااض) - نادي الهلال السعودي - شبكة الزعيم

نايرالهلال · #1 21/06/2007, 03:03 PM

لايفوووووتكم .......

الصراحه مدري من وين ابدا ؟ لان عندي لكم بشااارة الراسبـين ولناجحين و << وش زودهم

السالفه ومافيها اني ضبطت لكم وضع حفلـــه ولا حفلاااااات ومطاريس روتانا و MBC

استاجرت لكم قلعه المملكه للاحتفالات مايحتاج الضاهر تعرفونها ترانا مانلعب

الدعوة طبعا عاااااااااااامه وبدون بطاقات بس الي بيحضر يجيب معه رقمه بالمنتدى عشان نعرفكم

اولآ ...

اخواني التماسيح

مانبي احد يجي لابس شورت والا برمودا والا السروال الي نازل تحت الفنيله

اما السحالي وما ادراك مالسحالي

ممنوع جوال الكاميرا والمغاتير والا لبس عاري وممنوع الجوال الي

بغير كاميره الكعب العالي

( عشان ماتكسرون السيراميك والاتتكعرف وحده وتفشلنا )

وممنوع اصطحاب العجز والبزارين الغير مشاركين بالمنتدى يعني لاحد يضف الحاره معه

وعشااااان نطبق هالشروط ابحط عند البوابه سباك باكستاني ماسك ابو جلمبو اي واحد يخالف
يفر خشمه بالزراديه و يصنـــه مع الراااس

كلمنا الصبابين والصبابات بيجون من لبنان

وغير كذا نبي نفلهااااااااااااا

ابجيب لكم قواررررررير

شــــ

ر

اااا

ب

تفااااااح الربيع وبردقان ومشكل

ونصبه لكم بكيسان الطواااااال ( الله يعز ابو ريالين ) وان قضن مالكم الا كيسان بلاستيك

وان جينا للعشاااااء .........

مافيه امل نحط لكم رز والا جريش انا عارف ان هالسحالي زي طبايعهم بزواجات

رزهم ماصل رزهم مالــح رزهم ناشف ؟ جريشهم اللهم لك الحمد وقرصانهم ممطرسينبه استغفر الله

بنخررررب والد والديها ونحط لكم بوفيه مفتوح فيه جميع انواع النواشف الفول والشكشوكه

لا جد عاد عشانكم بنحط انواع المشويات .........

.
المأكولات الصينيه واليابانيه تؤكل بالعودان

والفرنسيه والالمانيه بالشوكه والملعقه

( فيه دوره ثلاث ايام لتعليم استخدام العودان والشوكه والملعقه وتحصل على شهاده مصدقه ومعترف

بها من الموسسه العامه لتعليم الفني والتدريب المهني )

المأكولات القصمنجيه والجنوبيه والحجازيه والشرقيه والشماليه ... اضرررب بام خمس ( يدينكم )

وبنحط حلويات وببسي وبنفتش شناطكم عشان محد ياخذ معه شي للبيت

( محسوب علينا العشاء بوزن الناقص )

والي اكبر واهم من هذا الحفل الغنائي

اتصلت على الفرقه الغنائيه الي مع شاكيرا وماش لقيت جوال الموسيقار مقطوع عن الخدمه

ودقو على بيجري فرقه شعبلا ( شعبان عبد الرحيم ) صرفتهم وقلت لا خلاص هونا عن الحفل
ماار يدق علي محمد عبده وفرقه ميامي

وفرقه هنادي بس ماش دراهمنا مايكفن

الا واتصل على اااااخر مابقا من فرقه ام كلسوم اقصد ام كلثوم

ويرد علي هالي مافهمت من كلامه شي من كثر مايكح كح شايب خالص مابقا به الا سلك واحدويموت

قال خلااااص بنمشي على البيجو من القاهره ... هالكلام صار يوم

الخميس الي راح وماوصلو الا اليوم

العصر ( سبع ايام ) وقدم لي الفرقه وعرفني بهم وهذاهم عشان تعرفونهم انم بعد ...

الموسيقار حمدي ابازه

على العود شوكت برعي انما ايه

على الاورق حسنين محـــمه

وذولا الكمبرس ( الي يرددون مع المغني )

وجايب لكم ابو رايش لزيـــر

وعلى المزمااار داخل طالع راجع رايح ال مشووت جايبينه من اذاعه الرياض

والمغنيه اليسا ( بس نبي نقلد زواج بنت الوليد )

والفنان الهندي جهانقير كوماار لوووح الزمان

و الفنانه مــوضي

وفيصل العليان

والفنانه ناسي وهبــي

ونبي نجسم ( نقسم ) جوايز على الاوائل والمجتهدين وجوايز ترضيه لراسبين

وانتبهو ترا فيه

تصوير لاحد بكره يطلع بالبلاتوث ويقول ليش ترا حذرناكم

خاصه انتم بالسحالي

اما العاطلين والعاطلات والموضفين والموضفات فالله الله بالسنع

واذا يقرون الاخوان الي بالاداره والمراقبين تراني مولم لكم مقلب انمااااااا ايييييييه
يالله عاد لا اوصيكم والله يحييكم

اوووووف يالله عاد عقب هالتعب عساه تثبتون لي رضاكم بكتابه ردودكم
وان شاء الله الموضوع يستاهل

اخوكم متعهد الحفلات والجلسات والجمعات

ناير الهــلال

عـز الهلال · #2 21/06/2007, 03:33 PM

هــلا والله يــانــايـــر

اللــه يبشــرك بالخيـــر .. اخيراً بنحتفل بالنجاااح

وبالرسوب بعد :p
والله يكثــر من هــ الإحتفالات , مـع أن الموقع مش ولا بد ;)

و ان شـاء الله تلقاني مسنتر عند الباب .. والله يعين من الباكستاني :p

إقتباس


	ماار يدق علي محمد عبده وفرقه ميامي وفرقه هنادي بس ماش دراهمنا مايكفن

يبو مسمي نفسك نــاير .. وانت ماتقرب للنور حتى

أحد يرفس النعمه برجليه

.. محمد عبده يدق عليـك , وتطرده

اذا على الفلووووس ترا مو مشكله .. محمد سامي أبو جاموس يقربلي

والمليونين أبشر مابعد صرفها :p ويكفي ان الرساله من جوالي

.

سلاميشــو ...

الكاسر9 · #3 21/06/2007, 03:37 PM

يعطيك العافيه على الموضوع

هذي الحفلات ولابلاش بلا ... سوال:كم تكلفت اللي الحين بهالحفله؟؟

مجنون الزعيم(9) · #4 21/06/2007, 04:04 PM

يصيرٍ خيرٍ

نايرالهلال · #5 22/06/2007, 09:57 PM

هههههههههههههههههههههههههههههههههههههههههههههههههه ههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه

يلموني فيكم وعلى خفة دمكم

والله بديت احس انه صدق بنسوي حفله

بس ياحراااااااااام

اشكركم جزيل الشكر على كل الي ردو والي زارووو وطلعو وما ردو والي اعجبهم الموضوع والي

ماعجبهم بعد الله يحييكم والي عنده ملاحضه على الحفله والا بيقدم مساعده والا فزعه ماراح نرده

الكاسر

هلاااااابك والله ولا تخاف نزول الموضوع كان بتنسيق مع المشرفين

لا توسوسون ههههههههههههههههههههههههههه المهم شدو حيلكم بالحفله نبيكم تنبسطيون مع العالم .

عز الهلال

ماشاء الله عليك ؟ من وين ابدا برد عليك ؟ بس ابقولك عن حجز الكراسي انا كذبت ولعبت على مدير

القاعه وقلتله ابيك تحط كم كرسي عند منصه الرقص عشان عندنا عجز مايشوفن زين ... عشان

تجلس على واحدن منهن تستاهل مهوب كاس كابريسن الا طاسه كابريسن بس لاتكثرين ورانا عشاء

و انا نسيت ابقولكم اني دقيت على اليردقانه ااقصد البرتقاله والشله الي معها وقالو بنجي بس

عشان نشوف بعض الاعضاء ونشوف اشكالهم ووش ورا خفه دمهم فعاد انتم لاتنسون التزبط والتزيين

يمكن تنقلب الحفله لخطوبه الاعضاء من بعض وعشان كذا راح نلبس الصببات اللبنانيات لبس موحد

لاتجي حدا هالعجز تقول لوحده ابزوجك لولدي والا عطينا رقم اهلك والا شي

والغرفه الخاصه الضاهر اننا بنلقيها نخاف السحالي يشربون تتن

( دخان ) يوه ياويلهم منا

مجنون الزعيم

ادع ان الله يهدينا وانا اخووووك الله لا يبلااااااك بس والله خلها على ربك

زعيم الهلال

مايحتاااااج انت بنخليك تغني دويتو مع اليسا هاااااااه وش رايك ؟

دعوتكم حق وواجب .....

هلابك ويسعدني يكون موضوعي من اول ثلاث ردود هلااااااابك بالمنتدى .

بس هااااااااه لاتتاخروون مثل ذاك اليوم يوم بغينا نكشت ؟ ترا هذي حفله مو جلسه بملحق بيتنا

فيها شخصيااااات ونااااااس كباااار يكفي انهم من منتدى Rghh

لا حد يزعل هااااااااه انتبهووو خصوصآ زعيم ^^ الرجه و مجنون بك عزيزي

يعطيكم الف الف عافيه ومع اني ماتوقع اني اوفيت برد على مشاركتكم لكن تقبلوها مني

الله يحييكم للمره ال 800 بعد المليون .

ملـــــ الهلال ــــك · #6 22/06/2007, 11:58 PM

وانا بجيب رابح صقر نفلها صح <<<مصدقين

يصير خيـــر

عاشق الهلال _ 9 · #7 23/06/2007, 01:14 AM

فقش × فقش ............................ اماعاد بتجيب اليسا ناسي وهبــي <<<< على طاري ذي العب على غيرنا ......................... بس مشكوووووووور على الموضوع الممزوحي المفقوشي .

المغيري 1412 · #8 23/06/2007, 11:41 AM

ههههههههههههه مشكور أخوي

الزعيييييييييييييييم · #9 26/06/2007, 01:46 AM

صدق <<<<<<<<<< ابو الشباب مسوي بيروح ماشاء الله عليه