نادي الهلال السعودي - شبكة الزعيم - الموقع الرسمي

السلام عليكم ورحمة الله وبركاته

كيف حالكم اخواني الزعماء عساكم طيبين..s60s

حبيت أقدم لكم قصيده للشاعر/ ناهض بن محمد بن زبن البراق

هذه القصيده من أجمل ماقرأت عن سامي الجابر..s13s

أترككم مع القصيده وأتمنى أن تحوز على إعجابكم...

لوغبت عنا نذكرك مانسينا

قال انتهى المشوار وبصوت مسموع *** قلت ابتداء تاريخك ومانتهينا

قال اعتزلت وقلت والراس مرفوع *** قال اتوارى قلت صبرك علينا

ياسامي ايات الشكر كلها خضوع *** وهي كلها لوقلناها ماكتفينا

انت الذي شرفتنا فعل وطبوع *** سعادة سفير ابن الوطن قد لقينا

بديت سامي وانت سامي ومصنوع *** في مصنع فيه المراجل غذينا

ثم انطلقت القائد الفذ متبوع *** بدعواتنا وبحبنا اللي عطينا

بذلت النفيس وكل يوم لك طلوع *** لين اعتليت المجد وحنا اعتلينا

كتبت تاريخ طويل ومطبوع *** على سبايك من ذهب واغتنينا

ان قالوا العالم على الكورة جموع *** قلنا ترى سامي من اسمه سمينا

ياجابر العثرات شف حزننا دموع *** ومن فرط حبك يالهلالي بكينا

يصعب علينا مانشوفك ومخدوع *** من قال غيرك في مقامك يجينا

يصعب نودع افضل مهاجم اسبوع *** وشلون لاقالوا شهور وسنينا

لكن لك التبجيل بالحب مشفوع *** لوغبت عنا نذكرك مانسينا