نادي الهلال السعودي - شبكة الزعيم - الموقع الرسمي - الإدارة الفاشله و كابيلو الريال و طلال المشعل

والله ياخوي كلامك عين العقل والصواب وتفاجأت لما شفت خبر مفاوضات الهلال مع طلال المشعل أنصدمت بصراحه لأنه لاعب أقل من عادي وعلى قولك لو الأهلي والنصر يبونه كان ماخلوه يروح يلعب في أي نادي ثاني ..
أتمنى ياجماعة الخير الأمير / محمد بن فيصل أو الأستاذ / طارق التويجري يدخلون هنا ويشوفون كلامنا ولو نتناقش في هذا الموضوع لكن بالله كجمهور بالله وين نروح يعني زيادة عدد الزوار بس في المنتدى والا قرار الإدارة بتاخذه من راسها ويتنفذ غصب على اللي يرضى واللي مايرضى طيب وين دورنا حنا كجمهور والا بس اهم شي نؤازر في المباريات بس هذي فايدتنا ؟

أتمنى أن الإدارة الهلالية تنظر إلى مطالب الجمهور بعين العقل وعين الإعتبار وليس تنفذ أرائها وليس من الضروري ان تكون جميع اراء الإدارة صحيحه 100% ..

كما أتمنى أن يعطى الفرصة كاملة ياجماعة الخير لبعض اللاعبين أمثال ( سعد الذياب - عبدالعزيز العبدالسلام - ماجد المرشدي - فهد مبارك - سلطان السعود ........ الخ ) والكثير والله من النجوم الموجودين في الهلال صغار السن وليس من الضروري أن ننظر لتاريخ اللاعب خلاص دام أن مستواه تراجع خلاص الله لايهينه برى وأتيح الفرصة للاعب الذي يبذل الغالي والنفيس لكي يبرز نفسه ومسألة تاريخ وأمجاد أمثال ( سامي الجابر - نواف التمياط - الدعيع ...... الخ ) وغيرهم من اللاعبين الذين ينظرون إلى تاريخهم حنا مانبي تاريخ ولا مجد للاعب حنا نبغى فوز نبغى زعيم بطولات بمعنى الكلمة لو نأتي بأطفال أو جاليه هنديه أو غيرها حنا نبي الفوز نبي بطولات نبي العالم كلهم يعرفون من يكون الهلال واتركووووووووووووونا من المجاملات على حساب النادي ..

هذي وجهة نظري بالرغم أن ماعندك أحد وجهة نظر حبر على ورق لكن علشان نبرّد على قلوبنا شوي والا أبصم بالعشر أن الإدارة ماتفكر لا في جمهور ولا يحزنون أهم شي قناعاتها تنفذها وتحققها والا لو يحسون بمعاناة الجمهور كان مايفاوضون لاعبين منتهين الصلاحية ولا يخدمون الكرة السعوديه بأي شكل من الأشكال ...