|
سامحوني ياهلاليين فريقنا مافيه نجوم (ولأول مرة في تاريخ الزعيم) بسم الله الرحمن الرحيم نخش في الموضوع على طول (عــــــــــــــــــــــــاجــــــــــــــــــــــل) هلالنا في خطر والله بدون مانجامل بعض ليس هلال 2000 أو 2001 فمنذ متى والزعيم يفتقر للنجوم النجوم , فهل العنقري ظهير لنادي القرن زعيم آسيا الهلال , والبحث عن نجم كما قيل فنتفاجئ بياسر الياس ! سعيد أخو مبارك !! لا لا إذا استمر الهلال في مجاملة لاعبيه وعدم جلب نجوم محليا أو تقديم وجه شاب ولاعب ناشئ من مدرسة الزعيم فتلك مصيبة. نريد من عيار أحمد الدوخي قبح الله وجهه أو مثل عبدالرحمن التخيفي نجم الهلال في الثمانينات. وتركي الصويلح في الباك اليمين الظهير عبدالعزيز الخثران قدم الكثير والكثير مع الهلال وناديه الأصلي الشباب مثله مثل سامي في السن تقريبا, فيجب تكريمه بحفل اعتزال وجلب نجم مثل طيب الذكر خالد الرشيد. نواف التمياط اصبح نواف حديث الكثير من المجالس , سيعود لمستواه لن يعود مصاب الخ.... أنت لاعب محترف لازم تتحمل الضغوطات لأننا في وسط رياضي متعصب وأجعل من الفيلسوف ونمر الكرة السعوديه الثنيان قدوة لك,يعني لازم تحرجنا مع طارق التايب والاتحاد الليبي..!! راجع نفسك يانواف.. ياسر القحطاني بدون الشلهوب مايقدم المطلوب. بجانب ياسر يجب البحث عن لاعب محلي أو حتى أجنبي من العيار الثقيل ليس كما ردريقوالفان الله لايذكره بالخير سامي ماقصرت حققت مع الهلال أجمل أيامه وأتمنا أن تكون إداري الفريق وسوف تكون ناجح بدرجة ممتاز مرتفع وإعلن أعتزالك لكي لاتتشتت أفكار جماهيرك الوفيه. صدقوني الكلام هذا من عشقي لزعيم العرب الهـــــــــــلال وأتمناه دائم يزحف للبطولات كما الطوفان والسلام ختام |
كلامك عين العقل يجب الالتفات للشباب والناشئين وين انتاجهم واعطاء الخراشي والصويلح فرصه اكبر |
وربي كلامك عين العقل غير الشلهوب مافيه ،، |
يجب على ادارة الهلال الالتفات لهذا الموضوع بجدية الى متى والمفرج محتكر الخانة يوجد افضل منه سوا الاولمبي او الصاعدين من الشباب وايضا يوجد لاعب جهاز فقط ينتظر الفرصة هو ماجد المرشدي . الى متى صفقات الياس والهليل المخجلة حقيقة كبار في السن والمهاره معدومه والامكانيات ضعيفه العنقري تأملنا فيه خير ودفع فيه كم مليون وبالاخير ممر لكل اللاعبين حتى احمد مناور لاعب الحزم اخذ يتراقص بالعنقري بكل سهووولة. نريد لاعبين شباب في الدفاع ياناس دفاعنا ضعيف ضعيف والخثران كبر وقل عطائة لابد من بديل المحور بوجود عمر الغامدي وخالد عزيز واحتياط الغنام والدوسري لابأس بهم. الوسط بتصعيد الفريدي وعبدالعزيز الدوسري والمميزين من الشباب لاتستغربوا ان وضعوا الشلهوب في الدكة فهم شباب بطموح . |
انا اخالفك الرأي الهلال يتميز بــــ(زحمة النجوم) وهذا اللي يميزنا عن غيرنا الزعيم لايوجد به نجم أوحد مثل بقية الفرق الكبيره الهلال كله نجوم لكن انت تتكلم الحين عن فريق كل لاعبينه مستواهم طايح مافيه حد احسن من حد اصبر السنه الجايه وان شاء الله اللاعبين رح يطلعون لنا بحله جميله وننتظر الشلهوب والتمياط السنه الجايه على احر من جمر نبي نشوف اللاعبين بمستواهم المعروف ان شاء الله واعتقد يوردانيسكو حيعمل الكثير للهلال ان شاء الله ......:) |
كلام جميل |
والله أشكركم على المرور والتفاعل مع الزعيم اولا والموضوع ثانيا فنحن عشقنا الهلال بدون كعشق المحبوب لمحبوبته وعشق الصحراء للمطر وعشق العطشان للماء وعشق نادي النصر في الاحتجاجات والاختلافات نريد هلالاً لايرحم الفرق المحليه ولا الخارجيه فريق يمتع الهلالي وغير الهلالي وتسلمون لي والله |
لقد أسمعت لو ناديت حياً |
تشكروووون على مروووركم وأتمنى من مسؤولي نادي الزعيم أن يتفهموا نواقص الهلال نحن في عصر الاحتراف تجيب لاعبيين اكفاء بتحصل بطولات وإنتصارات خارجيه الذي افتقدناها منذ زمن ليس بالقصير |
إقتباس:
|
كلام جميل وعين العقل بس هل من مجيب لهذا الكلام ومشكووووور |
انا معك اخوي وكلامك زين العقل بس انت ومثلك عارف ان الرياضة السعودية راحت الحين اتحداك تلاقي لاعب مجهز من هو صغير لا مدرسة ولا بغير مدرسة حواري ويفتح الله شف سامي من مدرسة الهلال وشف وين وصل اتمنى من جميع اندية السعودية ان تبرز الاعب من هو صغير ومايجي لاعب ماتستفيد منه بشي مثل فهد المبارك مقعدة على مقاعد الاحتياط وتجي تقول ليس بكامل لياقتة لا السبب هو انت يالمدرب عندك لاعب نجم لاتروح انت موهبتة وتكون سبب خسارت الرياضة السعودية مثل ذا الاعب او عطه فرصة انتقال اعارة بلكي يلاقي نادي يعرف امكانياتة وشكرا على الموضوع الي حمسني |
لاعبي الهلال الموجودين حاليا فيهم الخير والبركه بس مشكلة الهلال أنه لم يعد يملك لاعبي الصف الثاني وكلها بسبب قناعات المدربين عندما حقق الهلال ست بطولات مع باكيتا كان هناك مجموعة من اللاعبين الاحتياطين الذين استفاد منهم الهلال ذلك الموسم مثل الموري والهليل والمبارك والصويلح والعنبر والخراشي والبرقان والدوسري وكامل الموسى والان عاد الموسى الى ناديه أما البقيه فقد اختفوا وكلها بسبب قناعات المدربين |
ياسربدون الشلهوب مايقدم المطلوب فعلا واااقع انا معك في هذه النقطه |
كلامك غلط×غلط مع احترامي قل لي فريق فيه : 1- محمد الدعيع 2-تفاريس 3- عمر الغامدي 4- خالد عزيز 5- الشلهوب 6- التايب 7- ياسر هذولا اساسين 1 - الذيييييييييييب 2- التمياط حتى مع انخفاض مستوى نواف لو بهذا المستوى يروح لاي فريق بيكون النجم للفريق 3- غير اللاعبين الشباب من الصويلح وغيره وانا بوجهة نظري الفريق الهلالي بهذي السنه والسنه اللي فاتت عنده اسماء ما قد مرت عليه احسن منها بالتاريخ ومو عشان الهلال انخفض مستواه نص سنه صار الهلال بدون نجوم ومشكور وتقبل وجهة نظري |
| الوقت المعتمد في المنتدى بتوقيت جرينتش +3.
الوقت الان » 03:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd