نادي الهلال السعودي - شبكة الزعيم - الموقع الرسمي - آسيا بين آصحاب السعاده ... وآصحاب الزعامه .... ومصادرنا الموثوقه

بسم الله الرحمن الرحيم

مساء الزعامه ... مساء التربع ( بإذن الله ) على عرش القاره ..

أتضحت الآن الرؤيه وأصطدم الزعيم مرة آخرى مع الفرق الإماراتيه الشقيقه ...

وقبل كل هذا كانت الإشاعات والمصادر أكثر من أعضاء شبكة الزعيم ولا يخرج من ينفيها أو يؤكدها أو يحذف هالإشاعه من مكانها ...

ما أدري ليش ما ننتظر الأخبار من مصادرها الرسميه طايرين نجتهد وبالآخير نطلع ما عندنا سالفه وكل الإجتهادات طلعت خرابيط والغرض منها معروف ...

أللي يزعل أن أعضاء كثير ينجرفون خلف هذي الإشاعه ويصدقونها وينشرونها بعد وهذا يسبب مشاكل للنادي
فلنفترض أن أحد الأعضاء جاب اسم اللاعب أللي فعلا الإداره جالسه تفاوضه بالصدفه طبعا ودخل في خط المفاوضات عدد من الأنديه طبعا اللاعب هذا لما كان الهلال المفاوض الوحيد كان سعره مثلا مليون وبعد ما أنتشر الخبر ودخل خط المفاوضات أكثر من نادي صار سعره 5 مليون وشرايكم ...

المفروض علينا بالذات بالوقت هذا أي إجتهاد ما نرد عليه صدقوني أنتم كذا تضرون النادي ما تفيدونه ...

بالنسبه للكتابات أللي تقول هذا اللاعب مناسب صدقوني إذا الإداره بتجيب لاعب معين ومن جنسيه معينه محد راح ياخذ رأينا لأننا ما نعرف المدرب وش طلبه بالضبط يمكن الاسماء أللي نعرضها على الإداره ما تناسب المدرب أو سعرها غالي أو مرتبطه بعقد مع أنديتها فأتمنى من الجميع ترك الأمور الفنيه هذي لأهل الإختصاص أفضل ...

نرجع لدوري أبطال آسيا ومباراتنا المهمه مع آصحاب السعاده الوحده الإماراتي أشقائنا وأحبائنا
وأللي من وجهة نظري أنهم فريق واحد والمنافسه فقط داخل الملعب وخارج الملعب كلنا هلاليين ووحداويين
ولا ننظر للفتن أللي جالسه تطلع ...

نادي الهلال إدارة ولاعبين ما ينتظرون منكم إلا الدعم ورفع معنوياتهم وأتركوا عنكم مطالبة اللاعب الفلاني بالإعتزال ومطالبة الإدارة بتنسيق هاللاعبين صدقوني الأمور هذا ما تجيب غير الضغط النفسي للإدارة واللاعبين وحنا كجمهور مطالبين بتهيئة الجو المناسب للاعبين بعيد عن الضغط ونترك الإجتهادات الشخصيه أللي مالها داعي ...

تحياتي للجميع
الفيصل