| :: | اليوفي يتجه للهدف الثاني | :: |



ذكرت صحيفة اللاجزيتا ديلو سبورت الإيطالية بأن اليوفي بعد إنهائه لصفقة أماوري سيتجه لهدفه الثاني وهو نجم وسط ليفربول الدولي الإٍسباني إكسابي الونسو

ويريد اليوفي تقديم عرض بحوالي 13 مليون يورو

المصدر

الف الف الف الف مبروووك توقيع اماوري


طولت المفاوضات من جد


وعقبال الونسو


اعذرونا شباب على الانقطاع وان شاء الله الاسبوع القادم نكون معكم

الى المذااكره

اما الونسو

يا عيال عندنا زانتي ونجيب الونسو انا اشوف انهم نفس الامكانيات مع فارق الخبرة في الكالتشيو لزانتي

اتمنى عودة ماركيزيو وجلب لاعب بارما الرائع سيجاريني الذي اصبح سهل الوصول الان

اما الونسو شخصياً ما افضله

اتمنى الخطوة الثانية فارجاس او باسكوال او سيجاريني

إقتباس الرسالة الأصلية كتبت بواسطة السوبر ستار وأخـيراً مـابـغينا . . ولا حـرب الـبسوس والله أنـي خـايف من أمـاوري . . لـكن عسى تـكذب توقعاتي ويفيد الفريق إن شاء الله تـصدق يـا خالد تـنفع وكـيل أعمال لأماوري . . مهتم فيه مرهـ . . عسى خـويك مايشطح الله يستر

لا ماقدر

سيسوكو يقول مافيه احد غيرك يصير وكيلي

إقتباس الرسالة الأصلية كتبت بواسطة ~ابو فهد~ السلام عليكم وأخيرا أماوري ضمه خالد لقائمة الاصدقاء ( زبينا , برندللي ) --------------------------------------------------------------------------------------------------

وعليكم السلام ..

أهم شي زيبينا خوي مبارك

برنديلي بيروح خلاااص

ولاتنسى غريغيرا حبيب قلبي

إقتباس الرسالة الأصلية كتبت بواسطة فـارس الـزعـيـم !! | :: | اليوفي يتجه للهدف الثاني | :: | المصدر

هل يتحقق الهدف الثاني مثل الاول او في النهاية يكون تسلل

ما اتوقع بينتقل لليوفي بسهولة واتوقع في الايام القادمة راح نسمع تدخل اندية اسبانية ومزيدات في الصفقة هذا اذا وافق النادي على بيعه

إقتباس لا ماقدر سيسوكو يقول مافيه احد غيرك يصير وكيلي

بالله لا تقرب لسيسوكوو .. هذا لاعبي الي راهنت فيه .. انت خلك مع مولينارو ونوتشيرينو اخوياك ..

ولا يهوون أماوري ما ابيه خله معهم !!

____

إقتباس | :: | اليوفي يتجه للهدف الثاني | :: |

يا سلاام عليكم يالاداره .. لو تسوونها بقوم أصفقلكم .. ايه هذي الأداره ماهو اداره موجي ( أسرع سحبه )

بصراحه هاللاعب من أفضل لاعبين خط الوسط ... لو انه هالموسم نازل مستواه 70 % بالنسبه لمواسمه الي راحت .

لكن اللاعب عمره الحين 26 يعني يمديه يرجع مستوااه ..

====

وبالنسبه لكلام مبارك ان زانتي فيه.. انا معك ان زانتي تحسن هالموسم وكان جيد وعنصر مهم بالفريق ,,,

لكن لاجت للصدق ماهو ذاك الزود .. ولا يقاارن بألونسو وألونسو عمره 26 وهذا 30 يعني ما هو مطول ..

وأعتقد زانتي بمستوى بلازي تقريبا .. ومركزه بالنسبه لليوفي احتياط لسيسوكو وألونسو .. وراح يشارك بكثير من المباريات كأساسي لأن الفريق راح يلعب على ثلاث بطولات ..

ومستحيل يكون سيسوكو وألونسو ( اذا جانا ) يلعبون بكل المباريات ..

عشان كذا الفريق بحاجه لأحتياط جيد يكون قريب من مستوى الأساسي وزانتي راح يكون ورقه ثانيه هو وتياقو !!

نتشرف بزيارتكم و ردودكم ورده

..| ‏| ‏ مجلــة عشّــاق الرياضــة .. العــدد التاســع | ‏| ‏ كبيـر المعلقيـن أحمـد الطيـب فـي ضيافتنـا | ‏| ‏..

ورده ورده

واخيراً تحققت امنية عشاق اماوري .... افتكينا من سالفته....

وما اقول الا الله يستر من هالاماوري يا عيال احس ان ياكوينتا احسن منه بكثير ولا تسألوني ليش..

ياكوينتا كان احتياطي اغلب الوقت بحكم وجود ترزيغيه وما اخذ فرصته مع انه سجل اهداف حاسمه هالموسم

يعي ما ادري وش اقول لكم بالضبط لكن جا اماوري وبنشوف وش بيسوي ....

وعلى فكرة يا عيال رونالدينهو صقعها في وجهه لابورتا رئيس برشلونه وقضبه الباب خلونا نشوف المحششين

بتحركون ولا لا ... ولا بيتركون المسألة للميلان...ترى دايما اللاعب الكبير ما يظهر الا اذا عرف ان الفريق بحاجته

وراح ارجع فيكم للورى عشرين سنــــة عندما وقع ملك كرة القدم انذاك الاسطورة مارادونا لنابولي

الفريق الذي كان صغيرا في ذلك الوقت ماذا فعل معه مارادونا في ذلك الوقت عندما عرف ان الفريق بحاجته...

اتوقع لو يجيبونه لليوفي راح يخدم الفريق بس الادارة تتحرك و تتفاوض معه....

يا عيال احس ان زامبروتا بيرجع .. على حد علمي ان كوبولي قاعد يجري مفاوضات سرية عشان يرجع زامبروتا...

واللاعب ابدى اهتمامه بالشي هذا ... الله لو يرجع لخانته في الظهير الايسر و يجي غروسو في جهة الظهير الايمن

يصير كلام ثاني.....

حتى لو كان اماوري فنان ..صفقة ليس في وقتها..وليست بهذا المبلغ ..وهذا المرتب..أعتقد أعلى حتى من راتب دل بييرو ..وأيضا على حساب الوسط ..

على العموم الحكم على صفقات اليوفي سابق للآوان ..مازال هناك وقت كبير..ولكن السؤال الأهم من من ستجلب الإرادة..هل هناك مال يكفي لشراء اللاعبين الأهم ؟ أم طارت نصفها على أماوري؟

لو جا أماوري بغير هالطريقة لما كرهته

إقتباس الرسالة الأصلية كتبت بواسطة محمد التميمي حتى لو كان اماوري فنان ..صفقة ليس في وقتها..وليست بهذا المبلغ ..وهذا المرتب..أعتقد أعلى حتى من راتب دل بييرو ..وأيضا على حساب الوسط .. على العموم الحكم على صفقات اليوفي سابق للآوان ..مازال هناك وقت كبير..ولكن السؤال الأهم من من ستجلب الإرادة..هل هناك مال يكفي لشراء اللاعبين الأهم ؟ أم طارت نصفها على أماوري؟ لو جا أماوري بغير هالطريقة لما كرهته

والله انك صادز يا محمد ... يا خوفي تكون طارت الدارهم على اماوري والحشيــــــش...