إقتباس الرسالة الأصلية كتبت بواسطة حظيظ أول شي يعطيك العافيه على التعليق وطرح وجهة نظرك .. ثاني شي بالنسبه انه 90% كان قلب دفاع بالموسم هذا .. السبب كان واضح .. ان اندرادي مصاب وماله بديل الا كريشيتو الي جسمه ما يساعد .. وحتى ليقروتالي ما يسرح مع غنم .. اذا كان هجوم الفريق لثاني قوي يبين من المدافع من الزينه ..

يا هلا بك حظيظ وسوري ع التأخير وربي يعااااااااااافيك

طيب يقول المثل رب ضارة نافعه
اصابة اندرادي كانت مفيده لكليني اول 3 مباريات لليوفي كان في كليني ظهير
وما كان بذيك الفعاليه حتى انه ابدى امتعاضه من مركز الظهير اليسار

واكيد انت شفت كليني في مباريات اليوفي هالموسم ومتأكد مليون في الميه
انك قلت والله انك بطل يا كلييني لأنه خلص كوره خطيره مثلا

اظن في رايي كليني بجمب اندرادي الموسم الجاي افضل
على الأقل كليني عنده الخبره في الكالشيو اكثر من ميلبرق

ليقروتاقلي هالموسم ما قصر ابد لكنه لاعب غير محظوظ
قصدي لاعب ماهو جماهيري مثل الخثران عندنا يلعب صح بس محد يمدحه

ليقروتاقلي من يوم كان في كييفو وانا متابعه وتمنيته يجي لليوفي ويوم جاء
صار في دكة الاحتياط وينتظر الين يصاب احد اللاعبين حتى تتاح له الفرصه !!

إقتباس الرسالة الأصلية كتبت بواسطة حظيظ وبالنسبه لسالفة ماسك ابراهيموفتش .. أول شي بذكرك بكلامي وهذا كلامي الي قبل وقلت لك انه حق تمسيك بس.. وبالنسبه لإبراهيموفتش .. تراه مادخل راسي من يوم ما كان مع اليوفي .. اذا صارت مباراة قويه غطس ماتشوفه .. زي يوم مباراة الليفر هههههههههههههه اللهم لا شماته .. ومع ذلك ترا يوم مباراتنا معهم كان المفروض يطرد كلليني وكان فيه بلنتي لأبرا والسبب التغطيه المتأخره من كليني ..

طيب لو بتحط كلييني ظهير وبتخليه برضوا يمسك مهاجم ما راح تستفيد منه في الناحيه الهجوميه وبكذا تكون عطلت الظهير اليسار وخليت المدافع الأساسي يهش ذبااان

وابرا مهااااجم كبير ومهما قلت كبير ويسجل من انصاف انصاف الفرص
وشف وجه ابرا بعد المباراه شوي وينفجر من كلييني

والأخطاء يرتكبها اية مدافع شف كانافارو ريال مدريد في مباراته مع فالنسيا
في السانتياغو جاب العيد فيهم سبب بلنتي لفالنسيا والهدف الثالث كله منه

وإذا جورجي كليني اخطأ في مبارااه فهو بدع في المباريات الباقيه

إقتباس الرسالة الأصلية كتبت بواسطة حظيظ وسالفة الجسم .. ماهي مشكله .. انت ماتبي منه انه يسوييلك مراوح ومهارات فرديه .. اللاعب دفاعين ممتاز .. وعرضياته ممتازه وخطيره .. ودايم نشووفه يتقدم ويسبب اهداف زي يوم يعرض لدلبييرو الظاهر في مباراة سيينا يوم يجيب هدف التعادل .. يعني اللاعب هجوميا خطير .. ورجله قويه ويشوت .. وش عيبه؟؟ عشانه احدب ؟؟ ماضر زمبورتا الي رجلينه مقوسات ومادري شلون يركض .. ومع كذا ظهير ممتاز __ وبالدفاع كقلب يبيله أكثر من سنه على ما يصير قلب دفاع صح .. لاعب يترك مكانه وما يتفاهم مع المدافع اللي معه .. وماهو كلامي انه لاعب سيء دفاعين .. اللاعب جيد .. لكن اذا نبي نفكر تفكير صح نقارن من أحسن كقلب دفاع .. كليني ولا اندرادي .؟ كليني ولا ميلبيرق ؟ كليني ولا ستينداردو ؟ باعتقادي اندرادي وميلبيرق مدافعين قيادييين وعندهم خبره كافيه .. وكذلك ستينداردو لاعب جيد معناته عندنا 3 قلوب من أحسن ما يكون .. وحتى كليني يجي قلب دفاع .. وعندنا نقص بالظهير .. وعندنا ظهير ممتاز .. ليش ما يصير كلليني ظهير دامه ممتاز هجوميا وممتاز دفاعيا وسريع ؟ وحتى لو ما صار ظهير وجبنا ظهير بكم مليوون .. راح يكون كلليني احتياط لأندرادي وميلبيرق وستينداردو ليش ادفع ملاايين بظهير .. عندي ظهير واخله احتياط ؟؟

طيب خلاص وش رايك نحط المرشدي ظهير يسار بالهلال !!
بتقول ماينفع لأنه مدافع وجسمه ما ينفع يكون ظهير صح !!

طيب كليني طووويل واطول من اندراي بعد
وستينداردو احتياط لليغروتاقلي فما بالك بكلييني

وزامبرورتا سيقانه ما فيها الا العافيه هو وسيقان هيفا سوا
وزامبوو جسمه يساعده يكون ظهير مهوب بذاك الطول
وماعنده ظهر مثل كلييني وكتوووف تتعبه في الركض

انت قلت بالدفاع كقلب يبي له اكثر من سنه
طيب شرايك دفاع اليوفي هالموسم ما دخل عليه الا 37 هدف من 38 مباراه!!
صحيح بوفون له فضل كبير بس برضوا لو مافيه دفاع مثل كلييني كان شفت الهوايل
وشف من اللي جمب كليني ليقروتاقلي اللي ما جاز لك
يعني كليني شايل ليقروتاقلي معه وما دخل ع اليوفي الا 37 هدف

ومن قال لو جبنا ظهير راح يبقى كليني احتياط !!
شف جا ستينداردو وبقى كليني اساسي واذكر جت فتره غاب فيها كليني
مدري اصابه او ايقاف صار دفاعنا شوارع حتى ان رانييري
ما كان يحط ستينداردو مكان كليني ،، كان يحط قريقيرا !!
يعني ستينداردو ماله سنع عند رانييري وبين وبينك ستينداردو ثقيل شوي
يعني لو بنلعب في الشامبينز ليق قدام ناني ولا كريستيانو سلم لي على ستينداردو

إقتباس الرسالة الأصلية كتبت بواسطة حظيظ - وبالنسبه لدونادوني انا ما أدانيه وماهو داخلن راسي .. من يوم انه ما استدعى لاعبين اليوفي عشانهم بالدرجه الثانيه لين بغى يطلع من البطوله ومن ورا خشمه جو العن ابو التخلف الي عنده .. وتبيني اقتنع فيه .. بإعتقادي بدل ما يدفعون فلوس ظهير يجمعونهن ويدفعون بلاعب وسط زي فان دير فارت أحسن 200 مره .. __ وجهة نظري يمكن تكون صح ويمكن غلط .. بس حبيت أوضحلك الفكره الي عندي .. وما قصرت على توضيح كلامك وأتمنى اشوف ردك .. * والكلام برضه موجه لناصر ..

دونادوني مدرب ايطاليا وسوا اقتنعنا فيه او لا فيضل مدرب ايطاليا
اصلا من شفته كل شوي يخوف ديل بييرو بعدم ضمه للمنتخب وانا ناقدن عليه

وهذا وجهة نظري بعد انا ووضحتها واتمنى تكون مقبوله عندك وعند الجميع



ياطوووول ردك يا حظيظ

مبروك يا ابو ريان ويتربى في عزك

إقتباس جيوفينـــكو : نستطيع الفوز بالشامبيونز ليج

لبي قلبك يا النتفه

بأذن الله دوري الابطال لنا الموسم

^^

الي على اليمين باولو دي كانيو الزاحف

والله يا كان مهبل بجماهير روما هالفاشي

لعب معنا اتوقع سنتين بس ما نجح

السلام عليكم ورحمة الله وبركاته

إقتباس الرسالة الأصلية كتبت بواسطة عاشق السيدة العجوز ^^ الي على اليمين باولو دي كانيو الزاحف والله يا كان مهبل بجماهير روما هالفاشي لعب معنا اتوقع سنتين بس ما نجح

اجابة صحيحه !!

هاللاعب عنده تناقض
ماخذ جائزة اللعب النظيف مدري الاخلاق النظيفه من الفيفا بعد حركته الحلوه مع حارس ايفرتون الظاهر !
وبنفس الوقت معطي جماهير لازيو تحية هتلر الفاشية

شباب فيه صور جديده للمنتدى بمناسبة اليورو

http://vb.alhilal.com/showthread.php?t=586857

ويمديكم على صورتي


ضد التيار تراني امس متكي مع زيبينا وهليقيرا وسلقادو وبراندللي ومولينارو وجرافسن وبراون واوليقير وفالديز ونوتشيرينو

كلهم حبايبي

السلام عليكم ورحمة الله وبركاته

مساكم الله بالخير والسرور


والف الف مبروك لاخونا وعــزيزنا الفيصل الهلالي على ألافي وان شاء يتربى في عــزك يارب وان شاء

الله يكون بار بوالديه , ولا تحـــرمنا من طلتكــ يالغـــلا ..



____________________________________________________________________________________

دل بييرو يحقق رقم جديد مع الازوري




ديل بييرو ينضم الى قائمة العظماء في اوروبا ,,,


استدعاء دنادوني له كان بمثابة تسجيل رقـــم جديــد للملك كاول

لاعب لايطاليا يشارك باربع مناسبات لبطولة الامم الاوروبيه ...

وكانت اول مشاركة له في يورو مع ايطاليا عام 1996

بانجلترا , فهو من يحمل امل البيانكونيري بتسجيل الاهداف ...

ثم لعب في هولندا وبلجيكا في عام 2000 واستطاع ان يصل مع

الازوري الى النهائي عندما وجهوا فـــرنسا ...

ثم لعب في بطولة عام 2004 في البرتغال عندما خرج الازوري من المراحل الاولى على الرغم من عدم خسارتها

في اي لقاء من لقائات المجموعه التي كانت تضم " السويد والدنمارك وبلغاريا " ..


الان , دل بييرو سيكون من العظماء عندما يشارك للمره الرابعه في يورو 2008 بسويسرا والنمسا , وعلى ذلك

يكــون دل بييرو اول ايطالي يشارك في اربع مناسبــــــات لليــورو ...


سيـــكون كذلــك " ليليان تورام من فرنسا وادوين فان در سار من هولندا مشاركين في رابع

محفل اوروبي " . وفي الدانمارك بيتر شمايكل شارك في اربع بطولات اوروبية اعوام" 1988 ، 1992 و 1996 و 2000 ".



goal.com


forza alex

السلام عليكم ورحمة الله وبركاته
وش يحسون به الادارة ؟!معزمين على رانيري مايستاهل يصير مدرب للفيكي سنيورا
لان السيدة العجوز اكبر من اسمه واثبت غبائه ودلاخاته في الموسم.
واعتقد اللي ناقصنا من صفقات هذا الموسم هي الاتي:
1-مدرب زي العالم واعتقد انهم نسو قصة المدرب ونسوا مارسلو لبي
2- ظهير ايمن مثل الناس
3- ظهير ايسرمثل الناس
4-جناح يسار نجم وخبرة
وكل هذه الصفقات ما تم منها شيء ياخوفي ينتهي الماركاتو مايجي احد هالصفقات واهمها مارسلو لبي

بالتوفيق لليوفي ومشكورين على الجهود المبذولة طوال الموسم المنقضي ونشوفكم على خير

السلام عليكم ورحمة الله وبركاته

ابشركم شباب الغو تقفيل الروابط <=== ماكنه معهم

طيب سيرو على هالموضوع البسيط اللي سويته

•°•ღ•° ايطاليا في اوربا 2000 ( المسيرة بالصور ) •°•ღ•°

ولنا عودة ورده

سكروو ..




لا والله مايمدينا على صورتك



أنت كلك على بعضك حلووووو