|
السلام عليكم !! وش سالفة الجزيرة يا شباب !! الحين ماصدقنا فتحوا +3 ... بعدين ينقلون عليها فورملا ون ويتركون اليوفي !! طيب وش ذنبنا احنا !! متى بنشوف المباراة !! وبعدين هالمباراة اقوى واهم من ميلان ... خصوصاً انه على حسب علمي ميلان منقولة على الارتي !! والله فشل !! ### ما انسى ارحب بالأعضاء الجدد : المحاميه الايطاليه مزاجهــ غير الــجــنــرال وأقول لاتحرمونا من إبداعاتكم معنا <<< يبي يغير (عين غطاء وعين لحاف) :d |
اخباركم يا زلايب :razz: الحين من جدكم زعلانيين لأن الجزيرة اختارت ميلان و طنشت اليوفي ! الخلصي مديرهم يا جماعه .. بس ممكن من ناحيه ثانيه اليوفي ضمن التأهل بعكس ميلان ( و هذا سبب لنقل الميلان ) لكن .. اليوفي زعيم الكره الايطاليه لازم تنقل مبارياته و مشاكل الأحداث الكبيره و عدم التنظيم عيب بحق الجزيرة !! سباق الفورملا 1يجب أن ينقل لا مجال لغير ذلك :) ( عموما اذا ما نقلوا اليوفي فرصة لكم تتابعوا الفورملا1 لأول مرة و أي استفسار عن السباق أنا حاضر :d ) فورزا فيراري .. فورزا يوفي |
أرحب بالأعضاءالجدد و ان شالله تستمتعون في رابطه الفله و الانبساط و الذبات المتواصله على لاعبي الفريق و يا مبارك عطني عيونك نلحف فيها الجماعة ههههههههههههههه |
إقتباس:
إقتباس:
اذا جاء الافتتاح اول واحد يجيني بعطيه المفتـاح ببــلاش بع ـــد تفدآآآآكــم :smilie47: وهـ يايووفي وهـ بس :smilie47: |
القنوات الناقله لمباراة يوفي - لاتسيو Sport TV البرتغال (C+Sport (France Premiere Sport CL10 SKY Calcio 11 Mediaset Premium 2 Digit ALB SKY Calcio كلها مشفره لكن راح اذا حصلت موضوع نقل مباشر للمباراة في المنتدى ان شاء الله ماراح ابخل عليكم اتمنى ان الجزيرة تتراجع وتنقلها |
من عيوني كم ناصر عندنا :smilie47: ابو ثامر لاتخلينا نقلبها رابطة الفورملا ون عشان مايجي بكره الا كلنا في التوقيف :d بعدين عيون مبارك عيون بخاري ماتنفع :d :: قائمــة رانييــري :: Buffon, Birindelli, Chiellini, Zebina, Zanetti, Salihamidzic, Camoranesi, Del Piero, Nedved, Belardi, Trezeguet, Palladino, Grygera, Sissoko, Nocerino, Stendardo, Molinaro, Tiago, Marchionni, Legrottaglie. المصدر |
| :: | أماوري يضيف نسبة إنتقاله لليوفي | :: | http://sports.virgilio.it/it/images/...uri_290208.jpg أعترف مهاجم باليرمو أماوري أنه بنسبة 91% سيكون لاعب في اليوفنتوس الموسم المقبل رغم كثرة الأندية التي تطارد اللاعب إلا أن رئيس باليرمو أكد وخلال وسائل الإعلام أن اليوفي هو النادي الوحيد الذي قدم لهم العرض بشكل رسمي وكذلك أكد زامباريني أن أماوري لليوفي بنسبة 90% وخلال تصريح أماوري مع إحدى الإذاعات البرازيلية قال فيها : " من خلال تصريح زامباريني سأضيف زيادة إحتمالية انضمامي لليوفي وأقول بأنني 91% لاعب لليوفي الموسم المقبل ، بعد كل تلك السنوات التي قضيتها فهو بالفعل شيء رائع برؤية بعض أكبر أندية أوروبا مهتمة بي ، إنني أشعر بالفخر وأريد أن أكتشف ماتهدف عليه الخطوة المقبلة من الفوز بالسكوديتو أو دوري الأبطال وبهذه اللحظة سيكون الإنتقال مناسباً للقيام به " سوف تكون منافسة قوية في هجوم اليوفي من أجل حجز مكان أساسي في التشكيلة وعلى الرغم من ذلك أماوري ليس متخوفاً من المنافسة وتحدث بذلك قائلاً : " دافيد ترزيغيه مهاجم رائع وسأفعل كل ما أستطيع لكسب مكاني " المهاجم البرازيلي أماوري لايزال يطلب الحصول على الجنسية الإيطالية والتي تمكنه من الإنضمام للمنتخب الآزوري وتحدث عن ذلك بقوله : " إنها مشكلة لي وقصة طويلة جداً وبطبيعة الحال في حال دعاني دونغا سوف استجيب له " المصدر 1 المصدر 2 |
والله ودي اشوف المباراة لكن مادامها ميب جايه بالتي في مااحس ينفع تنشاف بالكمبيوطر :d لكن للي يبي يشوفها في برنامج اسمه tvu وتقلون روابط النقل هنا http://www.asiaplatetv.com/football.htm وفيه برنامج بعد جابه مازن اذكر يشغل !! اخوي يتابع عليها البريمر لكن انا ماجربتها :) |
السلام عليكم ورحمة الله وبركاته :smilie47: ،، كيف الحال ؟! شكرا ً لكل من سأل عني :smilie47:.. طبعا ً أنا كمبيوتري زباله .. والنت زباله .. وحياتي زباله :d.. المهم على البركة افتتاح المحل .. والله يطول بعمر تركي بن سلمان .. يبغاله حبة راس .. يمدحون بنادول :d <<<<<< لا تمزح مع الحكومة :naughty: .. يقولون مازن بالمباحث :surprised:.. الزبده .. وصف المحل .. اللي بجنوب الرياض .. بيجون من طريق الملك فهد اتجاه الشمال .. بعد كوبري التحلية .. بتجيك محطة الدريس في الخدمة .. بعد الدريس على طووووول فيه فتحة اسمها موسى بن نصير .. خش معها .. وابتل اليييين تجيك الاشاره .. تقاطع العليا × موسى .. سو يو تيرن :d( ديور ( للحنوس ) ) :d.. المهم بعد ما تسوي يو تيرن .. بيجيك مركز النمر على يمينك .. اتركه بقق عيونك وفتحها زين بتلقا المحل بسوق جديد :d.. كيف الوصف .. فلم هندي صح :d ؟.. المهم .. اللي جايين من الشمال .. تقاطع العليا مع موسى بن نصير لف يمين بعد النمر بيجيك المحل على اليمين :d.. كيف الوصف .. فلم مقطع :d.. المهم .. اللي بيجون من جدة .. لين وصلتو الرياض علموني :d .. طيب .. بما ان المحل بتاع ولد الامير سلمان بنسوي دوشة وهجولة في الشوارع وتكسير الاشارات في حالة الهزيمة لا سمح الله :d<<< ماقد انسجن ولا جاه كف من ابوفهد :d.. طيب .. نرجع للعشق اليوفي :smilie47: ناصر ادري انك تلمح عن يوزر الرابطة وخرابيطك :d.. نظراً للعج تقرر تأجيل الموضوع للشهر القادم :d.. طيب .. اليوفي كذا حلو .. الجزيرة رجعت لحركات اللعانة !! اعذروني في الهوا يهل الملام ..!! اعذروني شباب وشابات :naughty: و .:razz:.. المهم :d اعذروني عن المشاركة لفترة .. على بين ما يبطل اللاب توب حشيش :d سلام :smilie47:.. |
الحين من جدهم موب ناقلين المباراة ..:( حسبي الله عليك يالدرج يالخلـصي .. ارويكـ ان ماروطتكـ بمصيبة اختلاسات زي خويّكـ أبو تعليق أوروبي :razz: أدري أن ا أحد درى عنّي .. بس وربي اشتقت للمشآآركة في رابطتنا المتميّزه .. التي لا تخلو من الترفيع دومـاً من بعض الاعضاء المتميزين ..:yes: بس الشكــوى لله .. مشروع وتخرج .. دعوآآتكمـ بس :smilie47: الحين كل واحد ماسك خط ويقولوا مبروك الافتتااااح .. ما افتتحووه للحين :d .. وان شاء الله نكون اول الحاظرين s60s برب :no:<< يذكرني بمازن هالفيس لووول |
السلام عليكم. كح كح كح كح . اوووه يالغبار من اللاب توب القديم. وش اسوي لازم اروح اطلعه واشغله عشان الكيبورد العربي, قبل كل الكلام, ياهلا ويامرحبا ويامسهلا بالأعضاء الجدد ولاأوصيكم بعيون ناصر كل الشباب اللي سبقوكم تفرشوها وتلحفوها. يامال العافيه ياولد الامير , اشهد بالله انك شنب , بس تكفى لازم يجي دل بييرو وندفد وبوفون في الافتتاح. نرجع لمباراة اليوم. الفريق الان في قمة مستواه واللاعبين كلهم جاهزين وان شاء الله راح تكون متعه كرويه دلبييراويه زانيتيه وبمشاركة من المبدع تريزيقووول. ودي اسولف واخربط بس تعرفون نظامي ماودي اطلع عن اليوفي واخباره. سؤال لتحريك الرابطه : هل أنت مع استمرار رانييري للموسم القادم أم مع قدوم مدرب اخر بحجم ليبي. وخصوصا بعد المستويات الرائعه لليوفي في اخر 4 مباريات. |
الحمد لله المباره باشوفها على cnal+ sport تنقل مباراة بكره هجولت في الريسيفر لين طلعت الله يخلي الشيرنج يارب ولاتحرمنا منه وابعد عنه التقطيع ومشاكل الانترنت اللي ماتنتهي مع الاتصالات يارب العالمين سؤال/المباراه منقوله في juventus store |
إقتباس:
وعليكم السلام والرحمة والله انا والكل يدري انه رانييري درب فالنسيا وروما وهالفريقيين كبار ومحققين بطولة الدوري في ما مضى :d وبعد فرق غيرهم ولا حقق بطول دوري هالمدرب,.. بس مثل ما ندري انه اليوفي يقدم مبارايات ولا اروع بالآونه الاخيرة ولولا ظلم الحكام اللي وقع عاليوفي لكان اليوفي متصدر الدوري عندي أحساس انه رانييري الموسم الجاي بيعمل مفاجآت وعمل الكثير للبيانكونيري هالموسم عشان كذا انا اقول يخلونه موسم واحد ..ما نفع نطيره المريخ :d |
إقتباس:
وعن المتعة اكيد رانييري امتع لان كابيللو و ليبي وبرضوا انشلوتي لعبهم تقفيل في تقفيل و رانييري دايم يكون مهاجم وزيادة على هذا يهتم بالدفاع والدليل ان تايقو لم يعجبه لانه ضعيف في الدفاع برضوا رفض فكرت التعاقد مع فان در فارت لنفس السبب وياهلا:yes: إقتباس:
الشمال كأنك ماسك خط القصيم والشرق كأنك ماسك خط الشرقية والغرب كأنك ماسك خط مكة والجنوب كأنك رايح لحي الشفاء وعلى كذا قس عليها واذا كان في السيارة مؤشر الاتجاهات فممتاز واحسن شيء مثل n شمال و s جنوب e شرق w غرب ويا مرحبا فيك:yes: إقتباس:
ما استبعد انه يكون اخو محمد خاصة وان محمد قال في مقابله له ان عائلتنا كبيرة وقال حوالي 17 ياليت يجي لانه بيكون رخيص وهو صغير ومشكور على الترجمة:yes: |
السلام عليكم وصباح الخير هلا فيك ابوفهد وولكم باك , وتراك قاطع ومالك داعي من جد ومرحبا فيك يا سعد الخير !! برضة حتى انت قاطع , شوفولكم حلول بديله اذا خربت اللابتوبات ما يهون عليكم تقطعون ابوفهد & سعد ولكم باك مرة ثانية ولاهنت يا ابوالخلود على تلبية طلبي :smilie47: ][.. رانييري " لن نحتفل بالتأهل " ..][ http://www.goal.com/images/23897.jpg أكد رانييري ان فريقه لن يحتفل في حالة ضمانه مركزا مؤهلا لدوري الابطال . ويبدو اليوفي قريبا جدا من التأهل لدوري الابطال ولكن رانييري لا يرى بدا من الاحتفال بالتأهل " لا اعتقد اننا سنحتفل , ما عملناه كان عظيما واريناهم ان لدينا عقلية الفوز ولكن لابد لنا ان نتطور اكثر . كانت بطولة استثنائية لكن الاحتفال بالتأهل لنادي تعود على ذلك يتعتبر افراط بحق النادي . كان موسما جيدا لليوفي ولكن لا تظهر الشمبانيا للتأهل فقط حتى لو كان مهما ومستحقا " اما عن مباراة لازيو " لن تكون مباراة سهلة امام لازيو وهم احد الفرق ذات المستوى اللائق " وسيتأهل اليوفي لدوري الابطال في حالة فوزهم على نادي العاصمة . قول |
| الوقت المعتمد في المنتدى بتوقيت جرينتش +3.
الوقت الان » 05:39 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd