بنزل تقييمي للاعبين

بوفون 4/10
الهدف الأول و الهدف الثالث خطاء واضح منه قاعد مسنتر بمكانه و أول مرة أشوف بوفون سيء مثل مباراة اليوم ثلاث هجمات علينا كلها أهداف !!

مولينارو 8.5/10
رغم أني أشوف أعضاء ماسكين عليه لكن الحق يقال اللاعب ما قصر بهالمباراة و كان له جهد و افر و الي يقول بالزرتي مسوي أفضل منه أقول الظاهر قاعد يشوف مباراة ثانية بالزرتي ما سوى شيء بالمباراة أصلاً

ليقرتالي 6/10

كليني 6/10

قرقيرا 4.5/10

نوتشرينو 0/10
أنا غلطان أعطي هالحمار صفر المفروض مليون تحت الصفر لأن مع نوتشرينو و جوده و عدمه سوا و يمكن عدمه أفضل من وجوده

سيسوكو 10/10
قلوب من هنا لأيطاليا رايح جاي قسم بالله أنك مهوب طبيعي هجوم دفاع قطع الكرات بناء الهجمة يمين يسار بكل مكان بديت أشك أنه عده ست رئات و ثلاث قلوب على هالمجهود , و أتوقع لو ينتهي الموسم نوديه لألمياد بكين الظاهر بيطلع بكم ميدالية ذهبية بسباق الجري و قفز الحواجز و الماراثون [ ما شاء الله تبارك الله ]

ندفد 7/10

كامو 8.5/10

دلبيرو 9.5/10

تريزي 5.5/10

ياكونتا 4/10

تياقو 6/10


صالح 7/10

إقتباس بوفون 4/10 الهدف الأول و الهدف الثالث خطاء واضح منه قاعد مسنتر بمكانه و أول مرة أشوف بوفون سيء مثل مباراة اليوم ثلاث هجمات علينا كلها أهداف !!

حرام عليك اخوي ... الهدف الاول والثالث من المحاله انهن تنرد الاول حطها اماوري في زاويه ماتنرد ... والثالث هدف غير متوقع حتى صاحب التسديده نفسه تفاجا بالهدف فكيف الحارس وبعدين الكوره بزاويه وبوفون بزاويه

مااعتقد انه بوفون يلام في اي هدف

إقتباس حرام عليك اخوي ... الهدف الاول والثالث من المحاله انهن تنرد الاول حطها اماوري في زاويه ماتنرد ... والثالث هدف غير متوقع حتى صاحب التسديده نفسه تفاجا بالهدف فكيف الحارس وبعدين الكوره بزاويه وبوفون بزاويه مااعتقد انه بوفون يلام في اي هدف

صدقت بوفون ماله ذنب صراحه هدفين رووعه والهدف الاول سجل على طريقة دلبييرو .. ياماا شفناله اهداف زي كذا

إقتباس اليوم رانييري أول مره راح اقوله كفيت ووفيت تغييراته كانت 10\10 .

معليش ابو فهد انا احترم وجهة نظرك .. بس ما حطنا بهالورطه وتأخرنا بهدفين الا رانييري ..

يعني لو تياقو اساسي او حميديتش بمكان كامو وكامو محور كان ما كان فريقك عاجز عن وصول مرمى باليرمو بالشوط الاول ..


ورانيري استنفذ كل تغييراته ببداية الشوط الثاني وهذي مغاامره .. وشفنا كامو كان يستحق الانذار لكن ما بيد المدرب شي لأنه استنفذ تغييراته..

لو كان لاعب بالشوط الاول بنفس تشكيلة الانتر او الي قبله .. الانسجام مطلووب .. مو يوم طاح الفاس بالراس رجعت لخطتك ..


وجهة نظري..

إقتباس سؤال للأخ حظيظ: الحين أنت متأكد ان سيكو هو اللي جاب سيسوكو <<<< أساميهم قريبه من بعض ممكن قال أجيبه عشان اسمي.هههههههه والله الى الان مدري الليفر ليه فرطوا فيه. صحيح انه يوم كان مع ليفربول ماكنت اتابعه ولاتابعته الا في مباراه وكانت تمريراته 90 % خاطئه. وتناقشت مع حظيظ قبل لاتتم الصفقه فيه هاللاعب ولكن صراحه ماشاء الله تبارك الله اذا حافظ على هالمستوى راح يكون أفضل محور في العالم في القريب العاجل. نسيت أني سألت وقمت أقرق عن سيسوكو. انا ماني مصدق الى الان انه سيكو قدر يجيبه

والله ياابو فهد هاللاعب مجنني بصرااحه وتذكر كلامي عنه.. وكنت استبعد قدوومه لليوفي لأنه كان ومازال بوجهة نظري افضل محوور دفااعي .. وعلى قولة اخوي يقول هذا بالبلاي ستيشن عنده نجمه على التزحلق( الانبراش )

بصراحه كنت احسد الليفر عليه هو والونسو وجيرارد ولا يهون ماسكيرانو .. لكن سيسوكو هذا حاجه ثانيه ..


للحين انا مثلك ماني مصدق انه معنى .. ومع كذا تحس ان وسطنا ضعيف وهذا الي يثبتلك ان رانييري فاشل ..

إقتباس معليش ابو فهد انا احترم وجهة نظرك .. بس ما حطنا بهالورطه وتأخرنا بهدفين الا رانييري .. يعني لو تياقو اساسي او حميديتش بمكان كامو وكامو محور كان ما كان فريقك عاجز عن وصول مرمى باليرمو بالشوط الاول .. ورانيري استنفذ كل تغييراته ببداية الشوط الثاني وهذي مغاامره .. وشفنا كامو كان يستحق الانذار لكن ما بيد المدرب شي لأنه استنفذ تغييراته.. لو كان لاعب بالشوط الاول بنفس تشكيلة الانتر او الي قبله .. الانسجام مطلووب .. مو يوم طاح الفاس بالراس رجعت لخطتك .. وجهة نظري..

لو تلاحظ ياحظيظ اني ذكرت انه كفى ووفى في التغييرات لأن هذه اول مره يغير صح وتبان نتيجة التغيير. هذا أولا

ثانيا انت تلعب في ملعب باليرمو والمفروض والواجب انهم يهاجموا وتياقو في الدفاع أضعف من نوتشيرينو. لذلك رانييري سوى الصح ولكن بعد الهدفين اللي جو من خطأين ولم يكونوا من هجمات منظمه بل ضربة حظ , كانت تغييرات رانييري ممتازه ولو انه استنفد التغييرات وهي مغامره ولكنك مهزوم بهدفين على ارض الخصم!!!!!

على العموم رغم قوة نوتشيرينو البدنيه ولياقته العاليه لكن أنا أفضل تياقو يكون أساسي مع سيسوكو ولاأتمنى أبدا لعب كامو في المحور ولاتغركم مباراة الانتر لأن الانتر أصلا ذيك المباراه كان ضايع وتايه

والله ولدنا الجديد اماوري فنان

يستاهل المبلغ الي بيندفع فيه

لـو الـحظ رجـلا ُ لقـتلته

ذهـبت من أيدينا مباراة في غاية السهولة . . ولكن دائما اليوفي يعشق الصعـاب

( ألاّ لـيت الكـرة كـلها ألـيكس )

ما اقول الا اااااااااااااااه يالقهر

يوووووووووووه لو جاي الفاول يااليكس كان رحت ايطاليا بوستك وجيت

الصراحه اليوفي اليوم الشوط الثاني لعب صح بس التوفيق ماكان معنا ويكوي وتريزي بعد ماكانوا بالفورمه

رانيري مدري ليه يستمر على لعب نوتشيرينو والله ودي اذبحه

اليوم محمد لمين خوورااافي واليكسمااقدر اقول شي عنك زهقت وانا اتكلم عنك

بوفون الهدف الثاني هي غلطته ماطق الكوره صح (وهذا شي مستغرب من بوفون)

رانيري مدرب سباك بس اللي عاجبني فيه انه يقرا المباراه صح يعني كل مباريات اليوفي الشوط الثاني يبدع وهذي تحسبله بس مشكلته مايعرف يدخل بالتكتيك المناسب بداية المباراه

وان شاء الله التعويض في مباراة ميلان الجايه وبإذن الله تكون ثلاثيه لليوفي

إقتباس الرسالة الأصلية كتبت بواسطة A L E X حرام عليك اخوي ... الهدف الاول والثالث من المحاله انهن تنرد الاول حطها اماوري في زاويه ماتنرد ... والثالث هدف غير متوقع حتى صاحب التسديده نفسه تفاجا بالهدف فكيف الحارس وبعدين الكوره بزاويه وبوفون بزاويه مااعتقد انه بوفون يلام في اي هدف

يا أخي أنا لما أنتقد بوفون أنتقد أنتقاد المحب قسم بالله أصعب شيء أني أتكلم عن أسطورة الحراسة بوفون

بوفون صد كورات خرافية و أصعب من هذة الكرات بكثير و لا فيه مقارنة و كرات من الخيال

الهدف الأول كان بإمكانة التصدي لو كان بحالته المعهودة , حتى حارس باليرمو فونتانا صد كورة مثلها بالضبط

الهدف الثالث كورة من نص الملعب و يلام عيها الحارس مباشرة لأن أي كورة من مسافة بعيدة ما تدخل هدف بحارس كبير مثل بوفون

اليوم بوفون ما كان بيومه و لازم نتكلم بالحق حتى أني كنت أتمنى أن الي حرس بيلاردي علشان ما أتحسف بكلامي

أما 4 هذا تقيمي للاعب بقيمة بوفون بس لو كان أي حارس بالعالم غيره كان عطيته أكثر من كذا لأن بوفون عودنا على مستوياته الرفيعة و العالية

بشكل عام بوفون هو الأفضل بالعالم بلا منازع و من الظلم مقارنته بأي حارس بالعالم حتى لو كان كاسياس أو تشيك لأن بوفون غير

إقتباس الرسالة الأصلية كتبت بواسطة عاشق السيدة العجوز والله ولدنا الجديد اماوري فنان يستاهل المبلغ الي بيندفع فيه

ياناس شوفوا الرد اللي ينبع منه الحكمه من جميع نواحيه

مبارك ياخي ارحمنا بهالرد الخطير

عداك العيب ع الرد

^^

ايه يا خالد وشوله نتزابد على اشياء شبة محسومة

بأذن الله مقعد دوري الابطال ضامنينه وكل الامور متسهله

الواحد يشطح شوي ويفكر في الموسم القادم

وبيني وبينك اماوري خش مزاجي ياخي والله فنان

بالنسبة لبوفون الرجال عجز يقول لكم يا جماعة ظهري يوجعني ظهري يوجعني ومع ذلك بعض الاخوان مشتغل انتقاد فيه

ياخي خلاص هو حالياً يلعب بأسمه فقط لأنه مصاب وش تبونه يسوي يعني ؟

تبون بيلاردي يلعب عندي بوفون يلعب واقف افضل من بيلاردي على الاقل بوفون يوجه هالكديش الي قدامه

هاردلك يا شباب ..

^^
ألزم ما علينا راحة بوفون ما دام بوفون عنده الم بظهره ريحه لأنه مب قادر يعطيك كل الي عنده , لعب بيلاردي على الأقل تضمن سلامة بوفون لأنه بالنسبة لنا أهم

أنا ما تكلمت عن بوفون و قلت قبل أصعب شيء علي أني أنتقده لأنه حارس أسطوري و لا يعلى عليه أنا أتكلم عن المباراة فقط , و مهما تكلمت عن بوفون يبقى الافضل بلا منازع و مستحيل أن حارس يجي لنصف مستواه حتى لو كان كاسياس أو تشيك

لكن لا تلومني من القهر الي فيني أجل اليوفي مسيطر طول بعرض و هدفين و باليرمو من ثلاث كرات ثلاث أهداف منها ثنتين بالحظ الي يفلق الصخر