رابطة عشاق اليوفي .. ][ زعيم إيطاليا ][ :: 2007/2008 :: - صفحة رقم 800 - نادي الهلال السعودي - شبكة الزعيم

A L E X · #1 30/03/2008, 06:15 PM

يااخواان والله شي يقهر انك تكون متحمس لدرجه لهالمباراة وقبل نص ساعه من المباراة تاجل باي حق بالله .....

على العموم لو انلعبت هالمباراة وفزنا بها كان صارت هذي جولة اليوفي لانه كل النتايج كانت بمصلحته ... في حال الفوز ضد بارما اليوفي بيكون مرتاح جدا واحتمالية الثاني بتكون كبيره خصوصا مع انضغاط روما بالابطال والكاس ..

تمسون على خير ... وان شاء الله اليوم هلاليه و شبابيه

LOVE JUVE · #2 30/03/2008, 07:08 PM

اذا فاز اليوفنتوس بمباراته مع بارما

بيكون اكبر المستفيدين من الجوله

بعد تعثر المتصدر الانتير والوصيف روما بالتعادل

وتعثر الملاحقين فيورنتينا وميلان بالخساره

وجعل المتنافسين من الحال ذا واردى

بعد الجوله هذي بدى طموحي يكبر يمكن ناخذالاسكوديتو وش يدريكم

واذا ماجا يمدحون الثاني

بالتوفيق للسيده العجوز

skroo · #3 30/03/2008, 08:17 PM

السلام عليكم

الحمدلله امي داعيت لي

انا ناوي ما اشوف المباراة لان عندي اختبار بكرة وجامد ويبيله تركير

قلت يا ولد تنازل عن مباراة اليوفي وبارما

والحمدلله تأجلت المباراة

اكيد واحد يشبهلي هناك في ايطاليا حس فيني وان المباراة بنفسي فراح وقتل علشان تتأجل المباراة

يسلمو يا انتونيو ناسير ( ناسير بالايطالي = ناصر بالسعودي

)

كويس هالتأجيل خيرة :

بوفون يرتاح اكثر

ماركيوني يرتاح اكثر

دل بييرو يرتاح بعد المجهود

كاموانيزي يرتاح بعد الكرف اللي راح في مباراة فرنسا

وفرصة ذهبية لجوفنتوس للفوز ان شاء الله والارتياح بضمان التأهل بنسبة أكبر والتفكير بالتأهل المباشر بعد هزيمة ميلان وفيولا

والله يوفقنا واياكم

إقتباس


	zidane2real

نورت يا محمد

ادعو لي بالتوفيق ونراكم اخر الليل ان شاء الله

skroo · #4 30/03/2008, 08:28 PM

][.. التأجيل بسبب الحداد ..][

تأجلت مباراة اليوفي وبارما - بموافقة سلطات الكرة في ايطاليا - نظرا لمقتل احد مشجعي بارما اثناء رحيله الى الملعب الاولمبي في تورينو . ونظرا للحدث المأساوي , اعتبر الناديين ان الجو غير ملائم لاقامة المباراة

الموقع الرسمي

واحد يحطه في العالمية لو يبغى

A L E X · #5 30/03/2008, 09:15 PM

إقتباس


	اكيد واحد يشبهلي هناك في ايطاليا حس فيني وان المباراة بنفسي فراح وقتل علشان تتأجل المباراة يسلمو يا انتونيو ناسير ( ناسير بالايطالي = ناصر بالسعودي )

ياخي ماله داعي شبيهك والله كنا متحمسين نشوف المباراة ومدامك كنت منتب شايفها اجل اكيد كنا بنفوز

يالله زي ماقلت ان شاء الله تكون فترة راحه للعيال .... وبعدين حنا متعودين انه اليوفي ياكل بن بعد مايبدع ومالها داعي هالجوله نخسر

Fo0oRzA JuVe · #6 30/03/2008, 10:00 PM

تصدقون بعد تفكير عميييييييق

..!!

إكتشفت إن الحمدلله إننا مالعبنا .. تدرون ليه ؟؟

لأن هاليوم نحس

.. الميلان انهزم والفيولا انهزم !!

وامس الانتر وروما تعادلوا ..

وصدق من قال كل تأخيره خيره !!

قلت ياولد شكلنا بننهزم .. فـكلمت كوبولي وقلتله والله ما تلعبون اليوم

!! <<<<<< غطا على فقشة ناصر

!!

@C.RO(7)ONALDO@ · #7 30/03/2008, 10:08 PM

إقتباس


	إكتشفت إن الحمدلله إننا مالعبنا .. تدرون ليه ؟؟

الله يهديك يخوي !! ,, الحمد لله في كل وقت . .!!

تقولون كلام ماتدرون معناه . . . او هو تساهل . .!! ,,

اتمنى منك اخوي تنتبه لالفاظك . . . ,,

واسمحولي على هالمداخله . .

Fo0oRzA JuVe · #8 30/03/2008, 10:18 PM

^^
^^^
^^^
^^

إنما الاعمال بالنيات .. اهم شي النية !!

ووخر المكبر عن عيونك ،، وسلك شوي

..

المرحوم

..!!

جعله في جهنم

!!

@C.RO(7)ONALDO@ · #9 30/03/2008, 10:38 PM

إقتباس


	^^ ^^^ ^^^ ^^ إنما الاعمال بالنيات .. اهم شي النية !! ووخر المكبر عن عيونك ،، وسلك شوي ..

. . .اخوي ,,

السالفه مو سالفة تسليك ولا غلط في شي عادي !

الغلط في شي مثل هذا غلط كبير . . .

يعني تتوقع اخوي اني اقوله كرها فيك ولا كرها في اليوفي

,,انا اقوله طبعا حب في الدين . . .

, , , اتمنى تعديلها . .

شكرا .

Fo0oRzA JuVe · #10 30/03/2008, 11:02 PM

^^
^^^
^^^
^^
وش فيك إنت يخوي !!

منب معدلها !!

أنا قلت الحمدلله اننا مالعبنا فيها شي !!!!!!!!!!!!!!!!!!!!!!!!!!!!

؟؟؟؟؟

A L E X · #11 30/03/2008, 11:14 PM

من بقا ماطلع صواريخ على هالتاجيل

إقتباس


	@C.RO(7)ONALDO@

مشكور اخوي بس انا اشوف انه سعد ماقال شي .... حمد ربه على تاجيل المباراة ولااتوقع فيها شي

ولد الزعيم البار · #12 31/03/2008, 12:10 AM

@C.RO(7)ONALDO@

ياخونا انت وش فيك الحين اعتقد ان الاخ سعد ماقال غلط هو حمد ربه ليش فيها شي

وان كان قصدك عن كلمه اكتشفت تراها موب المقصود منها انه اكتشف الحمد لله بل انه كلمه اكتشفت امتداد للجمله اللي سبقتها وليس كلمه الحمد لله
وبعدين مانسمح لك انك تشكك بذمه او نيه احد لان الله هو اللي مطلع على مايخفيه العبد

سامي (188) · #13 31/03/2008, 01:10 AM

ياجماعه وش فيكم

أتوقع الرجال يقصد كلام سعد هذا :

إقتباس


	لأن هاليوم نحس .. الميلان انهزم والفيولا انهزم

لأنه مايجوز انك تقول ان اليوم هذا نحس أو غيره لأن فيه حديث للرسول (صلى الله عليه وسلم) يقول فيما معناه (لاتسبوا الدهر) اللي هو الوقت واليوم والساعه وغيرها !!

أنا عارف ان سعد ماكان يقصد والرجال سوى مجرد تنبيه بس !!

وأنتم شبيتوا فيه الله يهديكم

وبعدين يكفيك هدف رونالدو الكعب أمس <<< وش دخل رونالدو في الموضوع

بس ياهو استهبل

######################

بالنسبة للتأجيل كانت فرصة اليوفي المنتشي انه يهزم بارما ويقرب من روما !!

تدرون !!

كنت جالس على النت وجاء أخوي وقالي ان الخلصي يقول أجلو المبارات !!

عشان رانيري مات !!!

والله بصراحه حسيت بفرحة لاشعورية

<<< معليش عبد الرحمن اسمح لي

شوي وقال العب عليك ... فيه مشجع صدم ومات !!

بغيت أفقع وجهه

<< فتوة البيت

أول شي لانه لعب علي !!

وثاني شي عشان السبب السخيف اللي اجلو عشانه المباراة !!

يعني تخيل واحد جاي من خارج تورينو ومضبط وضعه بيحضرها في الملعب وكل شي واخرتها تتأجل

أشوى ان مباراة الهلال في نفس اليوم لاني كنت ناوي احضر في الأولمبي بتورينو <<< أرفق على روحك

<<< متى يصير هالكلام حقيقه

المهم !!

لو جاء خبر ان رانييري صار له حادث ومات ... وراكب معه مولينار يوريه المقاطع

وش شعوركم

ايمن الشعلان · #14 31/03/2008, 01:45 AM

@C.RO(7)ONALDO@

أهلا وسهلا فيك أخوي
أول شي جزاك الله خير على التنبيه
لكن وانا اخوك دامك نبهت ليش سكت !!
يعني تقول أن أخونا سعد قال شي غلط
طيب انت كل اللي سويته اقتبست جمله هو كتبها
ولا قلت لنا وش الغلط فيها
حتى لو كان الغلط واضح مثلا كان المفروض عليك دام انك قلت انها غلطت المفروض قلت لنا وش الصح
يعني مهوب تقول غلط وتسكت //
جزاك الله خير بس برضوا كمل خيرك وعلمنا وش كان الغلط ووش المفروض يقول وصحح لنا.

شباب نرجع لليوفي أتوقع التأجيل من مصلحتنا على الأقل يرتاح اللاعبين شوي وخاصه بوفون
يعني كثير من لاعبينا شاركوا مع منتخباتهم في المباريات الوديه يوم الأربعاء
ومع التأجيل اللي حصل ريحوا شوي اللاعبين

وبالتووووفيق لليوفي <<< تراني ادخل دايم للرابطه بس اجلس آخر الفصل وساكت

عبدالـرحمن · #15 31/03/2008, 02:17 AM

@C.RO(7)ONALDO@

ملاحظتك في محلها لكن زميلانا في الرابطة فورزا يوفي سعد خانه التعبير وتكوين العباراة بشكل صحيح

::

والى جميع اعضاء الرابطة الاعزاء ياليت تخفون شوي وتحسنون الظن خاصة بالزوار

وإن كان هناك ثمة قسوة فلتكن فيما بيننا لأننا حتى وإن تصادمنا واختلفنا تبقى قلوبنا صافية