|
إقتباس:
مولينارو يفقد اهم شيء في الكورة وهو التسليم .. التسلم مو بس الرفعات حتى على الارض يعني الباص عنده صفر لكن هو فعلاً لاعب حماسي ويتحرك كثير والناس نست زيبينا لانه غاب في مباريات كثيرة في هذا الموسم وحتى لو لعب اساسي تلقاه زابن ولا يتقدم كثير لانه عارف قدراته .. وزيادة على ذلك المدرب يركز على الجهة اليسرى علشان نيدفد مثل ماقلت هو افضل من زيبينا بألف مره هو صغير ممكن بكره يتطور و العاهة زيبينا .. كبير وله سنوات لكن مافيه امل يتطور حتى لو تذكر العام الماضي في السيريا بي وامام الفرق صغيره كان عالة على الفريق لكن الحقير يبقى حقير واللي يقهر زيادة دايم راز وجهه ومعصب حتى على زملاءه اللاعبيين لو ماجت الكورة له صح تلقاه يكشر واحيانا يعصب .. تكفى من زينك انت وجهك .. نفس شينة وجلد مروح ولعب مخيس |
موجي : ليبي سيحل محل رانييري المدير العام السابق ليوفنتوس لوشيانو موجي ادعى انه بالفعل يعرف من الذي سيكون مدربا للفريق الموسم المقبل ، وانه ليس كلاوديو رانييري المدرب القادم سيكون الفائز في كأس العالم مارتشيلو ليبي ، والذي حقق نجاح مع النادي سابقا "لا اعتقد ان كلوديو رانييري سيظل مع اليوفي مدرب السنة المقبلة ،" وقال : "بشكل مستقل من حيث ينتهي به الامر في نهاية الدوري و خليفته سيكون مارتشيلو ليبي ، ولكن الادارة لا يمكن ان تصرح بهذا لان كل شيء بناه في الاول سينهار موجي يعتقد ادارة اليوفي طلبت من رانييري الوصول الى كأس الاتحاد الاوروبي في بداية الموسم ، ولكن في وقت لاحق قررت ان يؤهلها لمسابقة دوري ابطال أوروبا ويكون هو الهدف في الحد الادنى. "وأعتقد أن الادارة الحالية تظهر بلا خبرة جان كلود بلان و جيوفاني كوبولي لم تكن تعرف ما كان الهدف الاول ، ولكن عندما جاءت النتائج أفضل مما كانوا يتوقعون ، وانها لم تكن سعيدة ، وبدأوا للوصول الى اكثر من كأس الاتحاد ، وهو عادة من الاشخاص الذين لا يعرفون ما يقومون به ، وبعد ان قالت ان المركز الثالث هو الحد الادنى المستهدف وان دوري الابطال هدف لا يمكن خسارته ، والتي أدت الى توتر البيئة التي لا داعي لها ، مما تسبب في حصول الفريق على نقطة واحدة فقط في ثلاث مباريات ." http://www.goal.com/en/Articolo.aspx?ContenutoId=623326 |
^ ياشين المهايط الفريق يمر بمرحلة حرجة ومنعطف خطير وتصرح هذا التصريح الغبي ماكفاك الكالشيو بول .. ولا مثل السوسة تبي تخرب وتستمر على التخريب --------- يقول سبب حصول الفريق على نقطة في ثلاث مباريات هو تصريح الادارة بأن المركز الثالث هو الحد الادنى مما سبب توتر في الفريق هههههههههههه نسينا مهزلة التحكيم قدام جنوى |
يعطيكم العافيه شباب على التفاعل اندرادي حظه سيء من بداية الموسم بس كيليني مو مقصر في المركز الدفاعي بالنسبه للموضوع اخوي ناصر انا اتقدم له بس ابغى منكم التوجيه والباقي ازهلوا إقتباس:
اي والله تكفى مانبيه الموسم الجاي بس وقت التصريح سيء لابعد درجه كذا بياثر على المدرب والاعبين لي عوده غدا سي يو |
وش هالراس يا موجي انا منب معلق على اغلب تصريح موجي بس اهم جزئية في الموضوع هي ذي إقتباس:
ادارتنا الموقرة كانت تقول لرانييري بداية الموسم هدفنا كاس الاتحاد الاوروبي وهذا الي ما كان ظاهر عندنا وعند بوفون خصوصاً بوفون كان يقول هدفنا دوري الابطال وجدد على هالاساس وهم ذكروا ذلك للاعلام لكن موجي عرف لهم وعرف السالفة وش لون قايله اجل يا كوبولي وبلانك تبون كاس الاتحاد قسم بالله طحتوا من عيني خصوصاً بلانك اللعنة على هذه الادارة لا شفافية بينا ولا تصاريح زي الناس ولا شغل يشكرون عليه لا رانييري ولا ادارتنا الموقرة السبب في ما نحن فيه الأن والذي يعتبرة الغالبية انجاز " المركز الثالث " اقسم ان شعار اليوفنتوس هو السبب في كل ما نحن فيه لا رانييري ولا ادرتنا ولا حتى الاعبين الجدد في الفريق كنت متأكد ان رانييري مدرب مرحلة وكنت على يقين بأن ليبي هو مدربنا القادم وذكرت ذلك في اكثر من مناسبة لكن كنت على خطأ لما اعتقدت ان ادارة السبائك حقتنا تدري وش تسوي و تدري وش المطلوب منها موجي كشفت الكثير بكلام قليل انا اشهد انك ثعلب الي ملاحظة ان سيكو ما وصلة اي نقد من موجي وهذا اكبر دليل على ان هناك تعامل بين الاثنين موجي " يوفنتوس امانة بين يديك " اعتقد ان هذه هي وصيت الأفوكاتو مهما قالوا عنك ومهما اتهموك ومهما تواطئوا ضدك ستبقى كبير يا موجي شكراً عبدالرحمن على الخبر |
صبحكم الله بالخير شباب إقتباس:
مـــوجي انت هدف جماهير اليوفي القادم ,,, وبعدكــ يجيء دور مارتشيلو ليبي ,,, بالتوفيق لليوفي اليومــ ,,, |
يا مبارك هدئ شوي الله يعافيك :) موجي بكل صراحة ابلشنا بتصريحاته !! كل يوم تصريح .. اذا كان حريص على النادي .. فأكيد يعرف ان كلام الجرايد راح يزيد المشاكل !! ___ شوف ما نختلف ان موجي ملك الميركاتو .. و ما نختلف انه أفضل مدير لأي نادي و لكن : حتى موجي كان عنده عيوب !! مين يذكر موقع اليوفنتوس الرسمي أيام موجي !! غبار .. صدقني ان ولد اختي الي يطقطق في تصميم المواقع يصمم أحسن منه أندية اوربا كلها افتتحت قنوات فضائيه الا موجي و إدارته !! يوفنتوس كنادي كان الأسوء تسويقيا بين الأندية الكبيرة في العالم اقتصاديا .. اليوفنتوس كان يربح القليل .. و موجي كان يربح كثيرا عن طريق وكالة ابنه . لاحظ أنني لم أتطرق للكالشيو بولي لأني ادري ان الكل يحمي مصالحه في ايطاليا بما فيهم موجي .. _________________ انا شخصيا بحثت كثيرا فيما عملته الإدارة الجديده ( و عن طريق مصادري في تورينو :d << احلى يا مبارك ) و اعتقد اني وعدتكم بموضوع عنها ( بس مشكلتكم اني كسول ( ما ابغى اقول سوداني علشان لا اصير عنصري :) ) الإدارة الحاليه بإختصار لو كانت في انجلترا أو اسبانيا او فرنسا او المانيا لنجحت بأعلى المقاييس .. مشكلتها الوحيده انها وضعت ثقتها في سيكو الخبل !! و لقلة خبرتها باعت زلاتان و فييرا لنادي منافس !! كوبولي أنقذ النادي من ورطة اقتصادية كبرى !! بلانك .. استطاع بذكائه تسويق اليوفنتوس و تسليط الأضواء عليه حتى و نحن بالدرجة الثانية و هو السبب الرئيسي في بقاء نجوم الفريق طبعا لدي العديد من النقاط ستطرح في الموضوع ان كتب الله له أن يكون .. _______________ حسب ما اذكر .. يوفنتوس ايام موجي يلعب اللقاء و قد وصل عدد الحضور في لقاء بدوري الأبطال الى أقل من 1000 مشاهد هل تصدقون ذلك !! اعتقد هذا الموسم سياسة الإدارة التسويقيه الناجحة تشهد بها مدرجات النادي و لا تنسون فارق النجوم بين المرحلتين !! :smilie47: :smilie47: فأمان الله |
السلام عليكم وصباح الخير لي مداخلة على موضوع مبارك وابوثامر انا حفرت وحفرت وانواع التنتيق بالمواضيع الانجليزيه والعربية ومهنا محل الا فريت فيه , واستنتجت حاجة مهمه بعد الهبوط اليوفي تعرض لكارثة اقتصادية مهوله ولاحظو ان الادارة تتكون من 3 اشخاص , 2 منهم راعين تجارة كوبولي كان ماسك شركة زراعية يعني حضرمي بلانك كان في فيراري , وهو احد اسباب نجاح فيراري سابقا اذن النتيجة : عائلة الكان حطت هالثنين علشان خبرتهم التجارية ولانقاذ جوفنتوس من كارثه اقتصادية والحمدلله جوفنتوس استعاد عافيته وتطور اقتصاديا بشكل كبير وصار فيه عضوية في النادي تقدر تشترك وانت في السعودية بمبلغ زهيد وافكار اقتصاديه كثيره حلوه لكن الدجة بسيكو فمالمانع ان القوة الاقتصادية ( بلانك وكوبولي ) يجتمعون مع القوة الميركاتويه :D ( موجي ) ياليت يصير دمج بينهم هذا اللي استخلصته من كثر فرتي وسعستي بالانترنت :) المايك لكم <======= ما صدق يلقى حاجة يقرق فيها |
ابو ثامر حبيب قلبي انا مهدئ انت الي شبيت فيني :d بالنسبة لتصريح موجي الجرايد رح تتكلم سواء صرح موجي ولا ما صرح بل على العكس هناك لاعبين يعلمون ان رانييري ما حولك احد وقد يكون تصريح موجي دافع لهم من اجل تقديم الأفضل حتى قدوم ليبي وانت قلتها كل شخص له عيوب وقد تكون احد اكبر عيوب موجي لما كان ماسك النادي هو عدم اهتمامة بالجمهور لدرجة انه منع احد احزاب جماهير اليوفنتوس الكبيرة من حضور المباريات رغم ان الحضور كان قليل اما الموقع الرسمي ما اتوقع هالامور بتقدم ولا بتأخر دام الفريق ماشي صح وش علينا من القنوات والمواقع موجي كان يعاب عليه عدم اهتمامه بالأعلام والتسويق انا معك في هذا الشي لكن ما ننسى ان الارادات والمدخول السنوي لليوفي كان عالي جداً على وقت موجي واتذكر الاحصائيات كان ترتيب اليوفي ما يتعدى الثاني او الثالث بعد الريال او المان يونايتد وموجي كان يحمي مصالحة ومصالح اليوفنتوس لا عيب في ذلك يا شيخ خل سيكو يزرف نص ميزانية النادي بس يسوي الي سواه موجي ـــــــــــــــــ بالنسبة لأدارتنا الحالية انا ما عندي اعتراض على سياستها الاقتصادية اعلم ان بلانك تفوق على جيراردو في التسويق والاقتصاد وبشكل كبير ولهذا انا كنت احترم بلانك لكن مسألة اختلاف الطموح وعدم الشفافية بيننا هذا الي معترض عليه ولا انت طموحك كاس الاتحاد الاوروبي ؟ انا ما عندي اعتراض على ادارة اليوفنتوس ( اقتصادياً ) اجزم انه لو استمرت الادارة بعد خمس سنوات رح يكون اليوفي الأقوى اقتصادياً في العالم لكن وش الفايدة من الدراهم دام ما فيه عقل يدبرها انا كل اعتراضي على طموح الأدراة والتباين الحاصل بين ما يصرحون به وبين ما يعملون لأجله لو انهم يعملون للأفضل كان قلنا معليش لكن يعشمونا بشي وهم يعملون لشي ثاني هذي المصيبة فمان الكريم :d |
إقتباس:
ليه قالولك رديتر موتر امريكي في صيف الرياض :d حبيبي .. احنا متفقين .. ان سيكو ابليس هو المصيبه !! و متفقين ان موجي بالصفقات ما فيه مثله في الدنيا كلها و متفقين ان خبرة الإدارة " كرويا " ليست كافيه حتى الآن مقارنه بالإدارة السابقة ننتظر الموسم القادم .. ان شالله إدارتنا تصبح أكثر وعي كرويا ليقترن ذلك بنجاحها الإقتصادي :smilie47: :d <<<< كلهم لمبارك حبيبي و هاذي لـ :razz: للمايك تبع ناصر :smilie47: هههههههههععععع فأمان الله الكريم :razz: |
^^ هههههههههههههههههههههههههههههههههههههه بس واضح ان ما فيك شدت نقاش وتبي ترقد :d < بلشك الله بواحد ما جاه النوم :razz: انا اتمنى من بلانك وكوبولي الأكتفاء بالامور الاقتصادية لان فاقد الشي لا يعطيه كنت اتمنى ان يكون المدير الرياضي للنادي هو الداهيه فرانكو بالديني لكن قهر كابيلو موالفه وخذه معه للمنتخب الانجليزي وهو ما له لزمة هناك :d :smilie47::smilie47: < وحدة لك ووحدة لثامر اذا جا :d ناصر < هلي لا تحرموني منه :d في امان الرحمن :d |
ثاني مرة ادخل بالنقاش لكن قبل لا أبدأ الثرثره احب اشكر اخوي عبدالرحمن على الترجمة واعذرني نسيت لا اشكرك وانا متعود اشكر اي واحد يحط اي حاجة في الرابطة , فياليت تقتدون فيني <==== اخذ مقلب :D المهم نرجع لسالفة موجي والادارة انا متفائل ان شاء الله ان الادارة بتصير افضل وافضل كرويا لعدة دلائل اشوفها بعد يناير : 1- تجديدهم مع بوفون للمرة الثانية ( العام جددو معه وهالمرة مصعوه صح ) 2- شراء سيسوكو والحمدلله نشوف الولد كيف مبدع مع جوفنتوس 3- شراء ميلبرج : كلنا ما نعرفه لكن متفائلين فيه لان عمره ( 30 ) يعتبر عز الخبرة وبيعطينا خلاصة كل شي عرفه وبيكون له ثقل في الدفاع لان الخبرة مطلوبة وبالذات في الدفاع 4- الابقاء على تياجو في الصيف ( على اساس انها حنكة ادارية ) لان المنطق يقول فيه دوري ابطال الموسم الجاي ( ان شاء الله ) وصعبة نلعب بنفس الفريق في كل البطولات فلابد من التنويع في المراكز , اما اذا جاية معهم كذا فأسحب كلامي :D 5- بيع بوم بوم :D اعذرني مبارك غلطت على حبيب القلب بس تراه كارثه والعوض المزهرية اللي ما شفناه الى الان 6- اعارة الميرون لان رانييري الدبشة واضح انه لو يلعب زي ماردونا ماراح يحطه في القائمه بتاتا لان جلوسه في الدكة بيعدمه 7- الرسالة المفتوحه للاتحاد الايطالي طبعا هذي ميزات اشوفها في الادارة الحاليه اللي ما اقتنعت فيها حاليا لاني كمشجع ابغى البطولات ولا افكر في شي ثاني لكن صناع القرار هناك يشوفون شي ما نشوفه , واحيانا يكشفون بعض الخطط المستقبلية وما اتوقع اننا احرص من عائلة انيللي اللي تملك 65% من النادي واحرص من بقية المساهمين ( لاتنسون ان لابو الكان وهو صغير يقول لابوه ابروح ديزني بعدين يهج للملعب يتفرج على مباراة لليوفي :D ) يعني تفكيرنا محدود بامور معينة , لكن ذولا ما يلعبون لان اللي داخل تجارة يعرف ان اي خطوة محسوبة بدقة وهذولا تجار وكاشات ويدرون وش يسوون ولابوالكان تاب من المخدرات :D وصاير من اثريا ايطاليا حاليا ومن الرجال المهمين في ايطاليا ولاننسى اننا دائم نسمع ( المشروع , مشروع جوفنتوس , بوفون اطلع على المشروع ومقتنع فيه .... الخ ) هالمشروع وشو ؟ اتوقع ان اول خطوة فيه مدرب زي الناس الموسم الجاي المهم ان كلمة مشروع تدل ان فيه خطط وتكتكه واستراتيجيات ما ندري عنها :) ادري اني طولت بالكلام لكن مواصل ولاجاني نوم ------- قبل لا اعتمد الرد : http://www.fotografieitalia.it/foto/...18-35-4135.jpg http://www.juventus.ir/gfx/1.jpg بالله يا شباب ما اشتقتو وذبحكم الشوق :( :( :( |
و الله ان فيني نوم و مريض من جو الرياض المعفن و زوجتي تحسبني نايم " لو تدري اني صاحي قفلت الرابطة عليكم و سلمت كل واحد فيكم لأهله :d " بس فيه سباق استراليا الساعه 6:30 صباحا و هو اول سباق هذا الموسم في الفورملا 1 و بصراحة وحشتني الفيراري رغم مستواها امس خرطي :d ____ الديلي البي .. آه بس هو الي عاصرته كمشجع و عشنا وياه أحلى ايام اكيد مشتاق و الشوق ذباحني ____ فأمان العزيز الرحيم :) |
ناصر انا اختلف معك في كم نقطة :) إقتباس:
إقتباس:
الادارة جابوا ستنداردو على شان مباراة الانتر الي في الكاس فقط ؟ سبحان الله ههههههههههههههه وترى على فكرة بوم بوم مبدع الحين مع ليون وتألق في دوري الأبطال بعد قدام المان ودخل في افضل لاعبين دوري الابطال بعد تلك المباراة :d إقتباس:
اكيد انك قريت الرسالة اجل يقولون اليوفي لا يزال يدفع ثمن الأخطاء القديمة !! بالهي هذا كلام مثل ما قال موجي الرسالة ما منها اي فايدة مجرد اسكات للجماهير الغاضبة فقط http://www.fotografieitalia.it/foto/...18-35-4135.jpg اهـ يا المحرقة متى بيجينا النوم يخوي :d |
:d :d بغيت انسى عبد الرحمن شكرا على الترجمه و يعطيك العافيه :smilie47::smilie47: |
| الوقت المعتمد في المنتدى بتوقيت جرينتش +3.
الوقت الان » 11:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd