24/02/2008, 07:33 PM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
طيب انا ودي اتفلسف شوي : الدفاع طبيعي اي فريق في العالم بدفاع خرا ماراح يفلح وتخبرون ريال مدريد كيف كان هجومه ووسطه عبارة عن ( غارة جوية ) لكن في الخلف انواع الشوارع , هيليقيرا وبويون وراؤول برافو وسلقادو المهم فالفريق كان يتعب ويجيب قول لكن يجي عليهم هدف زي السلام عليكم !! ليه ؟ لان الدفاع شوارع لكن يوم عززو دفاعهم العام بكنافارو وجابو ظهير زي الناس صار الفريق عال العال وحقق الدوري وهالموسم عزز الدفاع بيبي ومتزلدر وهاينزه !! فصار الفريق متوازن : الدفاع ممتاز , والدعم للوسط ممتاز وبرضة مساعدة الهجوم ممتاز طبعا سبق وقلت هالكلام هنا لكن الان اعيده بعد المصيبة اللي أمس  يعني زي مولينارو / الى الان ولا رفعه صح من اول الدوري , كل رفعاته سلبيه ولا وحده ايجابيه واستغرب من رانييري انه ما كرشه الى الحين ولعب كليني مكانه بتقولون من بيغطي خانة كليني ؟ اقولكم المزهرية , يؤ يؤ قصدي ستاندير  انا قلت مزهرية لانهم جايبينه يكشخون فيه !! اجل اعارة 6 شهور ولا لعب الا مباراة وحده بس  دفاع جوفنتوس يبيله نفض شوي : اندرادي = للحين ما رجع , حشا والله لو انه انشل !! كليني = ممتاز ميلبرج = الله أعلم ما ندري وش هو من لحية وكيف بيتأقلم مع الكالشيو ليوقارتللي = افضل الموجود واتمنى انه يكون احتياط لمدافع سوبرستار مولينارو = يا جعله يموت خنق مو بحادث حسن + جرجيرا + براندللي + زيبينا = سبق وتناقشنا فيهم الان اليوفي مشلول بالظهير الايمن والايسر طبيعي يجيك فريق منشل بظهير لكن الثاني يعوض , لكن جوفنتوس كل الظهيرين داجين هاجين امس جرجيرا يالله يركض والظاهر انه الى الحين ما طلع من الملعب !!! فاليوفي يبيله غربلة : دفاع سوبر ستار + ظهير يسار ملعون جدف الظهير الايمين ثانوي ولاهو رئيسي ياليت اليوفي يجيبون الظهير الايسر حق لازيو او بارما او ريجينا او بريشيا .... الخ اي واحد بس اهم شي يفكونا من العاهه الكلب مولينارو الوسط تمام من ناحية المحاور لكن ينقص صانع لعب الهجوم امس اتضح الحاجة لمهاجم قناص , من اول الموسم وحنا نقول اننا بنتورط اذا ما فيه بديل لترززقيه لانه مهاجم صندوق واليوفي بيتعب بياكونتا ودل دل مع بعض امس لا تريزقيه ولا ياكونتا , وشفنا كيف بالا اختفى لانه يلعب مهاجم مساعد مو رأس حربة صريح الوكاد اول مرة احس بقيمة هالادمي :  لابد يجي لليوفي عاجلا او آجلا !!! رانييري ارفع القبعه احتراما له علشان مباراة امس , الحقيقة ما قصر لا هو ولا الشباب لكن الكوارث التحكيميه اقوى منهم  رانييري لا محبة الا بعد عذاب والظاهر بتاخذ محل باجيو قبل الختام : الان وضح ان اليوفي يحتاج لترميم من الدرجة الاولى , دفاع وظهير وصانع لعب ورأس حربة لكن مع الحلو الوسيم الكول اليسو سيكو : هل ترجون من وراه خير ؟ الصراحة لا !!! اخيـــرا :  ما زعلنا على فييرا ولا ايمرسون ولا ثورام ولا كنفارو ولا ابرا زعلنا عليك يا زامبروتا , فعلا لك وحشة والظاهر بيصير لليوفي معك مثل الهلال بعد الدوخي العنقري وطقته ويا قلب لا تحزن  |
![رابطة عشاق اليوفي .. ][ زعيم إيطاليا ][ :: 2007/2008 ::](iconimages/t416313_rtl.gif)
آه يا بالزريتي آه 
الوضع المتطور
