رابطة عشاق اليوفي .. ][ زعيم إيطاليا ][ :: 2007/2008 :: - صفحة رقم 650 - نادي الهلال السعودي - شبكة الزعيم

ولد الزعيم البار · #1 30/01/2008, 11:36 PM

بلنتي للانتر الدقيقه 37 ويسجلها كروز

ولد الزعيم البار · #2 30/01/2008, 11:45 PM

الشوط الاول ينتهي بالتعادل 2 2

مع افضليه لليوفي والانتر يلعب على المرتدات

ولد الزعيم البار · #3 31/01/2008, 12:06 AM

بدايه الشوط الثاني

alz3eem4ever · #4 31/01/2008, 12:08 AM

السلام عليكم ورحمة الله وبركاته
معليش ع القطعه ياشباب بس اختبارات والله العظيم لمن الأربعاء الجاي
المهم انشاءالله الفوز اليوم وتكفون اللي يقدر يجيب الهدف الاول حق اليكس يجيبه ماشفته

ولد الزعيم البار · #5 31/01/2008, 12:09 AM

هدف ثالث للانتر

الدقيقه 53

ودفاع اليوفي حدث ولاحرج خرابيط في خرابيط يتفرجون على اللاعب

سام6 المشجع · #6 31/01/2008, 12:15 AM

ياجماعه وش الحل مع المدرب و الدفاع الزفت

آآآآآآآآآآآآخ بس

ولد الزعيم البار · #7 31/01/2008, 12:23 AM

دخول تريزيقيه وكامو وخروج ياكوينتا وبيرينديللي

الدقيقه 67

ولد الزعيم البار · #8 31/01/2008, 12:28 AM

دخول بالادينو وخروج نيدفيد

الدقيقه 73

محب الذئب9 · #9 31/01/2008, 12:53 AM

هاردلك .. وبالتوفيق في الدوري ..

ولد الزعيم البار · #10 31/01/2008, 12:40 AM

طرد كامورانيزي في الدقيقه 85 ومستحقه

والمفروض كف معها

الحين ماصدقنا على الله ترجع ترجع وتجيب الجريه

هلالي صدقي · #11 31/01/2008, 12:43 AM

طرد كامورانيزي من تصرف ما اقول عنه الا تصرف احمق ... وغير احترافي
اااااااااااااااااااه بس

المجــازف 15 الحارثي · #12 31/01/2008, 03:47 AM

إقتباس

الرسالة الأصلية كتبت بواسطة هلالي صدقي


	طرد كامورانيزي من تصرف ما اقول عنه الا تصرف احمق ... وغير احترافي اااااااااااااااااااه بس

والله تصرف لاعب محترم والله لو أني مكان كـامو بمخمس على وجهه والله ياهو قاهرني الخال رقم 30 ورقم 45 مع الانتر يالبى قلبك ياكامو بس لو كانت على الفخذ أحلى

وقفه** تسلم رجـلك ياكـامـو

mazensss · #13 31/01/2008, 07:04 AM

ديل بييرو ياليتهم يقدرون الشعار مثل ما انت تقدره

انت اليوم وحدك ضدهم

سلامات وش فيك مسوي نفسية لا وطالع يضحك بعد ومهيب المره الاولى منك

على العموم ان كان مالك نفس تلعب شف لك نادي ثاني

والله ماودي اكمل ابسكت احسن

فـارس الـزعـيـم !! · #14 31/01/2008, 07:19 AM

صباحكم خير

بدون مقدمات .. خسرنا مباراة غير متوقعه .. والبلنتي غير مسار المباراة ..

انا عندي اسفسار بسيط .. الحين ارتي اذا صاروا مو كفؤ للنقل يفكونا من نقلهم المخيس ..

بلنتي الانتر شفناه ينعاد 3 - 4 مرات .. طيب ليه ماعدتوا لمسة اليد في لاعبهم بعد عرضية حميدتش ؟!!

الشيء الأخر اوكي كامو قشع لاعبهم وانطرد واستحق الطرد طيب عزيزي حكم المباراة وش زود لاعبهم الوسخ الخال شق وجه ليغروتالي

وغير كذا شفنا مجزره عالميه من محورهم الخال وانا اراهن بأن مافيه لاعب الا جزّه

انا ماقول السبب الرئيسي في خسارتنا الحكم .. بالعكس الحكم في فترات كان مميز .. خسارتنا سببها ضعف المستوى احياناً مع اخطاء في التشكيلة ..

صراحة مادري كيف رانييري رضى عن نفسه وحط ترزيغيه احتياط

دل بيرو الشوط الاول كان متفلت وقدم مستوى خيالي عطاهم قول زاد بالشيب في تولدو .. ومانيش زحلط

يقولون انه عقب السحبه تعدى الخط وهيا الطلعه

والشوط الثاني قل المستوى لكن ماقصر اليكس واعتقد انه قدم مباراة غيره يلعب سنين مايقدم مثل مستوى هالمباراة ..

صراحه ماقهرني اليوم الا مولينارو وبيلاردي

يرحم امكم دزوها من تورينو ولانشوفكم مره ثانيه

من اللي لاعب عليكم وقايلكم تراكم لاعبين

بيلاردي من شفت وجهه العام وانا ماصدقت انه حارس ولاهضمته .. كنت احسبه مساعد لـ اجريكولا

مادري كيف قدروا يقيمون مستوى بيلاردي على انه بديل ناجح لـ بوفون وهو ماطقها العام ولاشفناه البته ..

عكس ميرانتي اللي كان بديل انجح من الناجح

..

مولينارو ماقول الا الله يرحم ايامك يا بالزريتي

اتمنى الموسم الجاي يعكسون الصورة بحيث يسوقها مولينارو لـ سيينا ونرجع دي تشيلي

وان حصل باسكوال يكون احسن

صديقنا الجديد ماينحكم على مستواه من اول مباراة لكن واضح انه من طينة اللاعبين اللي يلعبون بروح وحماس ..

من اجل الشعار مو من أجل المصالح

..

نيدفيد مش في الفورما

كامو .. ليه كذا ياقلبي

كنت مأمل خير كثيير في نزول كامو مع ترزي لكن خيب الأمل

بعد طول الانتظار .. وتفائل الخير الكثير في كامو ويرجع بهالحركه اللي مالها سنع ؟!!

لازم الادارة تتخذ قرار صارم بحيث انه مايعيدها اللاعب

الفاصل الاخير بكلامي بعطيكم ترفيه من ناس تجهل كرة القدم وقوانينها بس شافوا فريق فاز كم مره قالوا ترانا نحبك

يعني مع الخيل ياشقراء

..

يقولون هدف اليكس غيرت اتجاهّا الحيطه

ولاهدف ياكوينتا تسلل

طيب نسينا الهدف الاول وحركات وخر ولابطقك

..

المهم الكبار كبار بالتاريخ والصغار صغار بإنجازات تعد ع الاصابع

وياجبل مايهزك خياس الريح

برايفت لـ ناصر يالملاقيف :d:/

تراني انافسك بهالرد على بربرتك

فـارس الـزعـيـم !! · #15 31/01/2008, 07:52 AM

بما اني فاضي بتكلم معاكم بالواقع وخلونا بهالنقاش حياديين

الدلخ على قولتكم < - - اجل حياديه

..

المهم لانسوي مقارنات بين مدربين ..

رانييري مدرب مرحله وبيتوكل ..

اهو بيوصلنا للطموح وبيخلفه الكفؤ اللي يجيب الخير

السكوديتو من اول موسم بعد الهبوط استحاله الا بوجود لاعب مثل ماردونا ومثل ماعمل مع نابولي ..

تجيب مدرب مايكلفك الا القليل افضل بكثير من انك تجيب مدرب يصرف عليك مبالغ خياليه وبالأخير الطموح والوصول لمكان معين اهو واحد

والجميع يدرك تماماً بأن السكوديتو بأول موسم مانقدر عليه والطموح الكل متفق عليه وهو التأهل لدوري الأبطال وبعدها تبدأ مرحلة الإنجازات ..

يعني مانحمل رانييري حمل اكبر من اللي عليه .. ونحط فيه ثقه وتأملات كبيرة

الأسماء الموجوده ماتخدمه وحتى هو بنفسه مايقدر يخدم الفريق بأكثر من اللي يقدمه ويقدر عليه !

وللأسف أننا مظطرين على الاعتماد بهالاسماء بعد هبوط وديون وانسحاب شركات داعمه كبيره ومؤثره فلازم نصبر على هالاسماء لين نحقق المراد وبعدها نبدأ نبني الفريق من جديد بطموح اكبر وبعناصر اكبر واقوى ..

هذا رأيي ووجهة نظري وللجميع الحق بطرح وجهة نظره وإبداء رأيه