|
إقتباس:
أخوي الدحمي حياك الله في رابطتنا جميع وياليت تبعد عن هالمواضيع الاستفزازية لمصلحتك وربي وبالنسبة لصور مباراة الانتر مالنا حاجة فيها بس مباراة اليوفي لو جبتها هنا كان أفضل يعني في العالمية المشرفين ملزمين بالانضباط ولاله معنى هالموضوع أنا كيوفاوي مافرقت معي أهم شيء اشوف اليوفي يؤدي ويسجل الأخطاء التحكيمية واردة ويمكن علينا بشوي مبالغة لكن أمس مو الحكم الغلطان لحاله أتمنى يكون الكلام مازعلك وياليت نشوف نشاطك معنا بالرابطة وترى راس مالها كورة وأنا أخوك |
هاردلك شباب :confusedw: والله ان اليوفي ما يستاهل اللي يحصله بس هونوها وتهون واقبولو عضويتي كأحد افراد البيانكونيري وان شاء الله الجايات افضل ..:smilie47:............ وقفة شكر وعرفان للقائد سام9 سنفتقدك قبل ان تفتقدك الكره نسأل الله ان يوفقك في حياتك العمليه .......:smilie47:........ نحن نحبك ورده |
إقتباس:
حياك اخوي وننتظر نشاطك معنا ..!!! وهلا بيك يالغالي ..!!! |
والله ظلم اللي قاعد يصير باليوفي بلنتيات عينك عين واهداف تتخطى خط المرمى:upset: والانتر بلنتي غش وطرد وتمعص بشدوق هالعالم ابرا الخائن ولجنة التحكيم نايمه بالعسل امس كنت سافط مباراة ميلان لعيون اليوفي واخرتها هالظلم انا ماقدر استحمل غباء حكام الدوري الايطالي الى الهاويه يايها الدوري فضائح موراتي موجي على وقته ماسوى ربع اللي سواه موراتي هذا بس ناقصه الدوري الحين عشان يرتاح اذكر بس عشان هدف دل بيرو على اودينيزي قبل العام قوموا الدنيا:wallbash::wallbash::wallbash: |
إقتباس:
ما عليك من كثر الكلام :) اليوفي زعيم ايطاليا و لاتستعجل راح يرجع الى مكانة الطبيعي طال الزمان ام قصر ..!!! والميلان ما يحتاج مني تزكية فريق كبير :yes:..!!! وهذه الدنيا يوم لك ويوم عليك ...!!! |
إقتباس:
هلا بك يالغالي ونورت الرابطة اتمنى تستمتع بالرابطة وتستفيد وتاخذ راحتك أخوووووووووووووك عبد العزيز |
وسعوا صدوركم شوي ياشباب ..السنة هذي يبون يبهذلونا لكن ان شاء الله تتعدل الامور !!! اللي قاهرني اكثر الادارة الغبية اللي ما جابت احد |
السلام عليكم ورحمة الله وبركاته آن الاوان ان الواحد يفضفض شوي : وعندي كلام كثيير حول رانييري وحول الادارة ,, من المسلمات في اي تنظيم اداري انه اذا كان المدير غبي فالتنظيم بيكون داج وبيروح فيها والحكمه تقول ( أسد يقود 100 حمار ولا حمار يقود 100 أسد ) والكلام هنا موجه لادارة اليوفي الموقرة والى العائلة المالكة جياني انيللي يوم يعين موجي مدير لليوفي ماكان من فراغ , جاب رجل خبير في كرة القدم وله باع طويل في الادارة , موجي اشتغل في روما واشتغل في نابولي وجاب لهم افضل لاعب كرة قدم ماردونا يعني احضاره لادارة اليوفي كان مكسب بالاضافة الى بتيغا : لاعب وفي لليوفي واحد اساطير ايطاليا فاكيد متمعق في كرة القدم وجيراودو ما اعرف عنه شي بس اكيد اللي اختار 2 ممتازين اكيد الثالث بيكون من مستواهم اول خطوة قامو فيها بعد اول موسم هي احضار ليبي + ديشامب + فيرار + باولو سوزا!! يمكن فيرار كان اشهرهم بوقتها لانه بالكالشيو , لكن ديشامب كان ايضا مشهور وكان مع مرسيليا يوم يحققون دوري الابطال 93 امام ميلان ومودجي دايم يصرح ويقول ( انا ما اشتري اي لاعب الا اذا بيفيدنا مهما بلغت قوته ) يعني صفقات لها وقع وتأثير على الفريق واكيد ما تجي هالصفقات الا مع ادارة لها خبرة او فهم بالكورة لكن جون ولابو الكان جايبين ادارة الحقيقه تخزي العين ! نجي لادارة الغفلة : كوبولي : كان رئيس شركة زراعية وخبرته ضعيفة جدا بكرة القدم , والدليل تصريحاته العام الماضي ( بلانك قالي , سيكو مسافر , ترانا مفاوضين فان در فارت , بلانك مجتمع مع سيكو واحتريهم , الموضوع عند بلانك وسيكو ) يعني داج هاج ودي مرة اسمع له تصريح زي الناس , حسنته انه كان دايم يقول طموحنا دوري الابطال وما ننسى المقابلة مع الكويرو ديلو سبورت يوم يقول ترانا مفاوضين فان در فارت !!!! والله الفضيحة جد وياصبر سكان مدينة تورينو عليه !! لو انا ساكن معهم كان رحت وشبيت في بيته اذا ما جاب فان در فارت بلانك هالفرنسي احسه اهونهم بس ولو مهوب قد الطموح سيكو البهيمه المكروه واللي كان يجلس جنب كابيلو وليبي في الدكة صار بقدرة قادر مدير رياضي زي وظيفة جيراودو !! تصريحاته زي وجهه ( نبي نبيع دل بييرو وفيه فرق تبغى توقع معه , حسافة بيعتنا لموتو ) ومن هالكلام وغير كذا التراشق الاعلامي اللي صار بينهم من فترة : بلانك ينتقد سيكو بالصحافة ويقول وراك تكلم موجي مالك داعي !! وسيكو يستدعونه الاتحاد الايطالي وبشكل عام الادارة رايحه فيها ويكفي بيعتها لافضل لاعبين الدوري الايطالي حاليا ( موتو ) وبرازلتي ( واللي افضل من مولينارو على الاقل يرفع زي الناس ) وميكولي ( بايعينه بخمس وعشرين يورو الظاهر ) بلازي ( واحد طول عمره بالكالشيو واكتسب خبرة في المحور وعمره هو قمة النضج حول 27 سنة ) هذا من ناحية البيع لكن من ناحية الشراء وهو النقطة الاهم فنتذكر كلمة موجي اللي قلتها قبل شوي ( انا ما اشتري اي لاعب الا اذا بيفيدنا مهما بلغت قوته ) فتفضلو : 1- اندرادي = صفقة جيده بالرغم من اصابات اللاعب , وفعلا اللاعب ما لعب الا مبارتين ونص والباقي اصابه !! 2- نوتشيرو = موجي له اليد في الصفقة باعتراف اللاعب يعني ماله علاقة بادارة الغفلة 3- مولينارو = لايرحم ولا يخلي رحمة الله تنزل , يعني لا يدافع زي الناس ولا يرفع زي الناس 4- تياجو = :d 5- الميرون = :d 6-ياكونتا = افضل صفقة ونتائجها ايجابيه , والظاهر ان لحب ياكونتا لليوفي دور في ابرام الصفقة والا لو انه ما يحب اليوفي كان سحب عليهم 7- حسن = كل شي بريالين !! لاعب مجاني وممتاز والمشكلة كل يوم له مركز لدرجة انه لعب مرة وسط ايسر 8- جرجيرا = مركزه الاساسي ظهير ايمن , واليوفي عنده زيبينا + حسن + براندللي ومع ذلك يجيبون ظهير يمين ليه ما ادري !! وينك يا موجي تعلمهم حاجة الفريق وين !! يعني الصفقات كلها ماكان لها تأثير على يوفنتوس ماعدا ياكونتا رغم انه اغلب الاوقات احتياطي وحسن اللي تايه في الملعب ( اول خطوة سواها ابريهموفتش يوم شرا تشيلسي هي التعاقد مع واحد من مدراء المان يونايتد ولا اذكر وش كان منصبه بس لانه يؤمن بمفهوم الادارة الناجحه ) <=== هذي اضافة بعد تعديل الرد والان نجي للطامة الكبرى رانييري سيد زمانك وزماني تذكرون اول الموسم والتشاؤوم اللي كنت اتشائمه , الظاهر والله يستر بدت تطلع معالمه رانييري ابصم بالعشرة ان خطته ( 4-4-2 وشدو حيلكم يا شباب !! ) لو تتابعون مباريات اليوفي هالموسم بتشوفون ان الفريق يمشي في البركة : وكنت كاتب تحليل بسيط لكل مباراة لكن مسحته للاختصار ,,, بس اخر مباريتين مصيبة , تعادل مع كاتانيا اللي ظهر هزيل امس مع روما وكانت بتكرر السبعه وسامبدوريا اللي لو ناصر الجوهر مدرب اليوفي كان فهمها : فريق ما عنده لا مونتيلا ولا كاسانو ومقفل وبالع العافية , وفريقك ضاغط عليه تبدل وتحوق ليه ؟ حاقها رانييري والشباب كفو بالانتقادات عن المباراة ويكفينا وجود الظاهره براندللي باختصار رانييري ماعنده ما عند جدتي لا من ناحية التكتيك ولا من ناحية التعاقدات ( يقول ما نيب شاري ولا لاعب في الشتاء !! ) ولا من ناحية التصريحات ( يسب تياجو بعد المباراة ويقول دج فينا !! ) يعني مع هالمدرب الظاهر حدنا كاس الاتحاد الاوربي , ولو يجي احد ويقول حرام عليك تظلمه الفريق كان ضاغط امس , ابقوله ضاغط بدون فايده ما فيه ولا هجمة متكته صح الا اللي ضيعها ماركيوني والباقي كيفما اتفق , ورانييري قتل المباراة ورانييري قتل اليوفي هالموسم وشوفو مباريات اليوفي مع الفرق الضعيفه اتلانتا وكالياري وتورينو وجنوى , فزنا فيها بطلوع الروح ,,, رانييري يوم يجي لفالنسيا جاب معه ستيفان فيوري وكورادي ودي فايو ورسب معهم هناك رغم ان الفالنس كان يعيش عصر ممتاز مع رافايل بنتز وسعد اختصرها علي : إقتباس:
والان تأكدت تمام الثقة من تصريح موجي يوم قال ان فيه ناس من عائلة انيللي ما تبغاني وهي اللي ورطتني , والدليل الان واضح : كوبولي ما يدري وين الله حاطه بلانك داج بينهم سيكو ما عنده شي والدليل منصبه قبل الادارة رانييري مدرب ضعيف وشايب وباين عليه انه مخفة يعني واضح ان فيه نفوذ مخليهم علشان يقدر يتحكم فيهم كلهم !! وهذا اللي طفش ديشامب وكب العشاء من تالي وقال انا ما كنت ابغى فلان وفلان وكنت ابغى علان وعلان ^ ^ ^ كل ما ذكر اعلاه يعبر عن وجهة نظر شخصية هل من مؤيد ؟ - - شباب انا كاتب هالرد لانه يدور ببالي من امس ولا نقحته ولا لونته و لاشي يمكن بعد شوي اعدل فيه واضبط :) |
إقتباس:
أسطورة القرن الزعيم الروسنيري حياكم الله جميعا واسفرت وانورت وكثرو من هالطلات :) |
أشكركل من رحب فيني :tongue2: كلكم ذوق:razz: المباراة أمس الشوط الأول قلت بيفوز اليوفي 3\0 بس الشوط الثاني:wallbash::wallbash: المدرب من جنبها :sleep: والحكم مثله :sleep: بس الله يعينا عليهم كلهم :upset: والاداره وش تحس به :dizzy: وين التعاقدات؟؟؟؟؟؟؟ وين اللي بيجيبون لعيبه من وزن ثقيل :confused:!!!؟؟ باقي لنا مباريات قويه ومصيريه و ذا الاداره ومدربهم ما استوعبو السالفه :upset: آآآآآآآآآآآآآآآآآآخ يالقهر :upsetw: اجل نتعادل مع سبدوريا في الديلي آلبي :upset: امس والمباراة اللي قبلها توحي لشيء بالمره ماهو طيب :confused: بالتوفييييق لليوفي ويارب يجي هنتلار و فان در فارت و مدافع بستوى كانافارو خلوها مدافعين احسن ::rolleyes: |
مــافي شي أقــوله .. النادي في تدهور .. واذا الامور الاداريه ماتغيرت, يازين كــأس اوروبا مع بشكتاش والطقه :cry: .. Skroo ربي يعطيك العــافيه .. استمتعتك بردوودك والله .. واوافقك بخصوص الكديش رانييري:( ورده C'est pour toi برب :smilie47: |
متى اشوف اندريا بارزالي في الدفاع ,, وهونتيلار في الهجوم .. وفي الوسط اممم يكفيني " انطونيو نوتشيرينو .. وعلى الدكة مارتشلو ليبي ,, ؟؟؟؟؟؟؟؟؟؟ |
إقتباس:
|
ناصر والله قهر !!!! قعدت اتفلسف ورديت رد طويل ..!!! وآخر شي .!.!! راح ردي !! ومافي امل اعيده لأنه طووووييييييييييييييييييييييل وكل الاشياء اللي في بالي ما اقدر اتذكرها .. على العموم انا اتفق معك 100% وفي كم سطر كتبته بردي .. " أجزم لو جياني أنيلي يطلع من قبره ويدري عن اللي صار .. كان ذبح لابو وجون .. واول شي بيسويه يرجع موجي .. وهمن يصفي حسابه مع موراتي وكولينا والشله !!" |
إقتباس:
ناصر .. انت ريحتني من اني اطلع حرتي ,, كل ماذكرته اوافقك فيه,, باستثناء بعض الجزيئات ..في رانييري .. والحديث عن كلاوديو .. يطول .!! رانيري لازال سالك الطريق .. ورائي فيه لازال يخطو خلفه ؟؟ واتمنى بكرة يعيد الروح للفريق .. ماقدر ؟!! جعل غرفة نومه تشب حريق :d |
| الوقت المعتمد في المنتدى بتوقيت جرينتش +3.
الوقت الان » 09:48 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd