الف مبروك الفوز ياشباب بالرغم من المستوى اللي لك عليه شوي

لكن اللي اشوفه ان الفريق من مباراه الى اخرى يقدم عروض افضل

رانييري لا يزال يتخبط بالتشكيله كما هو حال تخبطاته بجلب اللاعبين

وفي الاخير اتمنى التوفيق للجميع.....

السلام عليكم

إقتباس لعنبو بليسهم حتى في الشياب ينافسونا عندهم فييرا وكامبياسو من أفضل المحاور في العالم ... ويبون جلبرتو !! والله الدعوه إستقعاد لليوفي !! جتنا حركات البلوي للهلال

الله يهديك يخوي ,, 5 من الوسط مصابين

وبعدين ترا موراتي مايسوي الحركات الي انت قلتها الا مع ميلان

,,

تقبلوني

كيف الحال يا شباب

كان ودي اتكلم عن موجي من زمان

لاني لاحظت اغلبكم يتحسر على موجي

الا انا بالعكس مبسوط واتمنى عدم عودته للابد

موجي رجل شبه ..... وبعودته تعود الشبه لليوفي

من المخجل ومن الغباء مافعله موجي بتلاعبه في نتائج المباراة في السنتين قبل الماضية يكمن الغباء لان اليوفي كان في افضل حالته وكان فريق مرصع بالنجوم وكان قادر على حصد اكثر من لقب

ماذا استفاد اليوفي من موجي

سحب بطولتين .. تشويه سمعه .. نزول للسيريا (بي) فقد 6 من افضل اللاعبين في العالم ..


طبعا تلاعب بالنتائج هذا شيء من اشياء ثانية عليه بلاوي اخرى ...


وعلى ذكر الانتقالات وقدرت موجي على جلب اللاعبين المميزين

اللاعبين عموما يتم اختيارهم من كشافي اليوفي

يعني موجي ليس هو من يختار اللاعب بل مهمته يفاوض النادي فقط

وفي وقت موجي كنا نسمع عشرات اللاعبين يفاوض معهم اليوفي ويفشلون في الاتفاق

وهذي سياسة اليوفي هو مفاوضة العديد من اللاعبين واختيار اللاعب الاقل سعراً وعدم التركيز على لاعب معين

وفي وقت موجي جاء لليوفي اكثر من لاعب البعض نجح والبعض فشل وكهذا يحدث في جميع الاندية



ثم

لو افترضنا ان موجي شخص لا مثيل له

اين اندية العالم عنه

هو ممنوع من العمل في ايطاليا ..... لكنه يستطيع العمل في اي دولة اخرى

اين ريال مدريد و برشلونه اين ليفربول ومانشستر والاندية الاخرى

لماذا لاتتعاقد معه وتستفيد منه ؟؟


احترم وجهات النظر الاخرى وهذي وجهة نظري


والسلام ورده

ممكن يكون موجي تلاعب بالنتائج ودحدر بالفريق للسيريا بي لكن ماننسى اللي سواه للبيانكونيري

ويظل رمز من رموز هذا الفريق بلا جدال

إقتباس سعـد حبيبي .. سياسة نادي جوفنتـوس .. هي ماتغيـرت .. تقيم اللاعب وتعطيــه سعر ..!! وصعب جدا ً دخول النادي في مزايداات .. وافقوا .. حلو .. رفضــوا .. غيره يتمنى اليوفي وانا اشـوف سبعه مليون مناسبه لـ لامبـارد .. إلى عشره مليـون .. لا يتجاوزهااا +++ امـاوري صعب جدا ً يجي لليـوفي واشوف ميلن اقرب لــه +++ اليوفي الجديد .. يمشي على خطى ثابته للآن .. ومركز الثالث بعد 15 جـوله ممتاز ننتظر تعثر الأنتر.. واليوفي .. بينافس إلى آخر جــوله .. لن ينسى اللاعبين الموجودين انهم يمثلـون زعيم إيطاليــا ،، وبإذن الله الدور الأول ينتهى بنا .. واليوفي الووصيـف !!!! راينيري .. للآن ماشي ممتاز ولا واحد يقدر يقول فيه شــي .. وانا واحد كرهته بعد إمبولي ! بس برضو مانجحد . انه ماشي تمــام بالنسبه للي يقول .. نبي فلان وفلان وفلان .. ويبي افضـل لاعبين العالم عنده .. كرة القدم اصبحت اللآن تتكلم بلغــة المال .. واليوفي خسر مايقارب 900 مليون !!! يعني .الإداره لو جابت ميـرا .. ودييقو .. او فان ديرفارت .. صدقوني كثيييييير جدا ً بأختصار .. اليوفي الجديد .. للآن .. ماشي بخطى ثابتـه ََ بالتوفيق لليوفي

سياسة النادي تغيرت كثير ..

يعني اول ايام موجي .. لين جينا نشتري لاعب .. يموه بأسامي ثانيه .. وما تفرق معه مليون مليونين ثلاثه !!!

ولعلك تذكر صفقة ابرا وكن كن .. اللي جابهم بليلة وحده !!!


ميليتو .. فرنقز .. سيسوكو .. ايفانوفيتش ....

غير مسلسلات ديل بييرو ونيدفيد وتريزيقيه و كامو !!!!!!!!!!

يعني لين صار فيه طقاق جددوا ..!!

ولين صار اللاعب صفقته هينة راح علينا ..!!!

زي بيبي كنا بنجيبه والاداره تأخرت بالرد اليييين شروه مدريد .. ومتزلدر نفس الشي !!!

والاداره قاعده تبحث عن لاعبين بالمجان مثل صالحاميدتش وقريقيرا .. وعلى فكره ترا السويسري ماقنين مجاني !!!

سياسة النادي تغيرت .. موجي خبير وثعلب ..

هل يقارن موجي .. ببلانك وسيكو مع بعض !!

موجي ناظر صفقاته بالتاريخ كلها .. من مارادونا الى آخر لاعب شراه مع اليوفي .. جاب موتو وهو يتعاطى الكوكايين وعالجوه وشف وش صار الحين !! لانه يعرف قدرات موتو !!

والى الآن موتو يقول ادين الكثير لموجي !!


موجي غير .. وبلانك وسيكو غيير !!

هذولي سياستهم الرخص ..

بالله عليكم اسأل أسأل اي يوفينتيني .. هل كان يطمح بأندرادي ؟؟؟؟؟

لاعب مصاب 9 شهور ومالعب ولا مباراة الموسم الماضي ..

والحين اصيب مع نفس الركبة !!

اندرادي ماكان طموحنا ابداً !!

كان طموحنا ميليتو واختلفو الفريقين على نص مليون وشروه برشلونة مع انه عدوا لسرقسطة !!!

يكفيك ان اللاعب كان يقول انه يبي اليوفي .. ومحد عطاه وجه وقال ابي العب مع ميسي !!!!!!!!!!!!!


وميزانية ميركاتو الصيف 100 مليون يورو ..!!


والنادي ماهو خسران .. الا منتعش اقتصادياً ..

900 مليون يورو من ورا حقوق البث !!!!!!!!


يعني لو جبنا فان دير فارت .. ولامبارد .. اعرنا الميرون وبعنا تياقو !!

واعرنا ماركيوني ولا صالح !!!

ولو جبنا ميرا .. نعطي شتوتقارت بوموسونق لانهم طالبينه .. وندفع لهم الفرق ..


لكن موب معقول تكون محتاج مدافعين وتقعد تكاسر وتتغلى ..!!

انت اللي محتاج .. انت اللي لازم توافق على طوول !!!!


اصلاً لو جبنا لامبارد من يناير لين نهاية الموسم بعشرة مليون يورو .. بينباع في الصيف بعشرين مليون يورو على الاقل ..!!!!

يعني لامبارد مكسب لليوفي ولو ما لعب !!!

من حيث فنايله تنباع .. والاعلانات !!

غير الحظور الجماهيري اللي بيزداد .. يعني الزبده لامبارد نبي نشتريه ولو كان بـ 15 مليون يورو ..

لأنك قاعد تشتري لامبارد موب فان دير فارت اللي ادارته طالبين فوق 20 مليون !!!



.....

إقتباس ][.. رانييري " وقعت مع تياجو بعد فشل جلب سيسوكو " ..][

شباب مدربنا سنتوك وحمار !!!!


الحين يا ملعون .. تياقو كان وده يترك النادي .. وصلح اموره وصرح ان مستقبله مع اليوفي !!

تقوم تصرح هالتصريح اللي كنك شريته بدال سيسوكو !!

وانك نادم !!!


والله انا اللي نادم انك دربت هالنادي !!

إقتباس الا انا بالعكس مبسوط واتمنى عدم عودته للابد موجي رجل شبه ..... وبعودته تعود الشبه لليوفي

حبيبي هذا رمز وماننسى اللي سواه لليوفي وبعدين بالله عليك الطليان ماينفع معهم الا مثل اشكال موجي لانهم شعب قذر اخلاقيا والدليل شوف الظلم اللي نتعرض له هالسنه في بدايه الدوري من اخطاء تحكيميه لو كان فيه موجي كان ماصار شي لانه يعرف نظامهم

إقتباس لو افترضنا ان موجي شخص لا مثيل له اين اندية العالم عنه هو ممنوع من العمل في ايطاليا ..... لكنه يستطيع العمل في اي دولة اخرى اين ريال مدريد و برشلونه اين ليفربول ومانشستر والاندية الاخرى لماذا لاتتعاقد معه وتستفيد منه ؟؟

ومن قال لك انه مسموح له العمل لانديه خارج ايطاليا وبعدين لو كان مسموح لاتنسى ان موجي مدمن يوفي ولاتنسى الولاء والتعصب عند الطليان وبعدين الانديه اللي ذكرت تدفع ماعندها مشكله مهيب محتاجه لموجي يفاوض لاعبينها موب مثل الطليان بخيلين

إقتباس السلام عليكم وصباح الخير عبدالـرحمن هلا فيك ابوداحم , الحقيقة انا اختلف معك كليا وجذريا بعد من ناحية موجي ! صحيح انه انقفط من ناحية المكالمات , لكن لا تنسى الانجازات اللي كانت بوقت ادارته اول حاجة مارسيلو ليبي , من كان يعرف هالاسم ؟ موجي احضره معه بـ 94 وبعهده كان عصر ذهبي وبعدين صفقات مودجي كانت ولا احلى , والرجل له باع كبير في الصفقات ولا تنسى صفقة ماردونا اللي استغربو العالم منها لكن شف وش صار ماردونا في نابولي والشي الثاني اللاعبين اللي جلبهم للفريق , غالبيتهم كانو لاعبين عاديين ومع الوقت تطورو الى اسم سوبر ستار زيدان ودافدز وديشامب وكونتي وفيرارا ومونتيرو ويوقفتش وباولو سوزا وانزاجي والكثير الكثير ويكفي صفقات اخر المواسم , رئيس مدريد الثري كان يقول ان فييرا مولود علشان يلعب مع مدريد وبالاخير جابه مودجي في اخر ساعه وبسعر رخيص وبرضة كنافارو كان يتمرن مع الانتر وفجأة وقع معه مودجي ولو نعد صفقاته ماراح ننتهي , ولا ننسى ان لقب مودجي كان ( ثعلب الميركاتو ) لانه خبير بالميركاتو ويعرف كيف يجيب لاعبين باع زيدان بمبلغ خرافي وقياسي والكل استغرب , لكن النتيجة كانت ( بوفون + ندفد + كنافارو ) !! وباع انزاجي وعوضه بتريزقيه ونظرته كانت بعيده االمدى , يكفي حركة موتو !! لاعب مطرود من تشيلسي ولكنه وقع معه والكل استغرب والان نشوف موتو وين وصل وكيف صار : اسمه ملك فلورنسا وبيكهام رومانيا وصرح ومدح مودجي وقال انا ممتن له وبرضة بالادينو صرح العام الماضي وقال ان مودجي كان زي ابونا ! ويكون لمعلوميتك , مودجي كان يعمل وحيد مع جيرادو , وكان ماخذ الدعوه تجارة , لكن ادارة سيكو الغفلة يجيها دعم لكن ما تعرف تتصرف , هالموسم جاها 100 مليون يورو !! مودجي صرح وقال لو عندي هالمبلغ ايام ادارتي كان جبت كل البطولات !! وبرضة مودجي محارب من عائلة انليللي يوم مات الشايب , لان الشايب كان خاتم باصبع مودجي ومودجي صرح بهالكلام وقال ان فيه انقسامات في العائلة وهي اللي خلت المكالمات تتسرب !! ويكون للمعلومية , الدوري الايطالي مافيا × مافيا يعني موراتي وبرلسكوني يصلون على طرف ثوبهم من الطهارة ؟ كلهم كفار وملاعين جدف وانواع الخبث من وراء لوراء لكن مودجي هو اللي راح فيها ويكون لمعلوميتك , ماردونا كان انواع المنشطات لكن ما كان ينقفط لان المافيا كانت تحميه لكن بالاخير انقفط يعني المافيا لها دور كبير في ايطاليا واخيرا , الحكم ( ما اذكر اسمه ) صرح وقال جتني مكالمات من مسؤولين ورؤساء اندية ومن ضمنهم الانتر , ليه ما مسكو الا مودجي بس ؟ وموجي صرح وقال كنت ادافع عن جوفنتوس واحميهم , والان تلاحظ الفرق يوم راح مودجي مسخرة روما + نابولي + بارما <=== هذا اللي في بالي الحين غير القرارات والايقافات المبالغ فيها والادارة جالسه تتفرج واهم ما عليها تتصور مع جون الكان ! يعني مودجي اعتبره من رموز ايطاليا مو اليوفي وبس , لانه خدم ايطاليا وقدم لها مواهب ماكانت تحلم فيها مثل زامبروتا وكامورنيزي وشلتهم ! وشكرا لك مقدما على سعة صدرك في النــقاش

ناصر .. اقسم بالله توني برد عليه بنفس ردك تقريباً ..!!


ناصر كفيت ووفيت ..


لكن انا بذكر بعض الارقام الخيالية لموجي ..


موجي شرا زيدان بـ 7 مليون في 97 .. باعه بـ 2001 بـ 60 مليون .. يعني المكسب 52 مليون يورو ..

نص ميزانية صفقات يوفينتوس لهذا العام ..!!


شرا انزاقي بمبلغ رخيص واقل من 10 مليون .. وباعه للميلان بـ 40 مليون ..!!!

المكسب حوالي 30 مليون ..!!!

30 و 52 .. يعني 82 ..



باع زيدان وشرا نيدفيد بـ 60 مليون .. وشرا نيدفيد بـ 40 ..!!

باع انزاقي بـ 40 مليون وشرا تريزيقوول من موناكو بـ 17 مليون ..!!

وانا اجزم ان تريزيقيه هو من يستاهل الـ 40 مليون وليس انزاقي ..!!

كامورانيزي شراه من نادي مغمور بالسيريا بي .. الموسم الماضي سجل عليهم هدف .. نسيت وش اسمهم ..!!؟؟

وبمبلغ لا يتعدا الـ 5 مليون ..!!

غير مارشيلو ليبي كما ذكر ناصر ..!!


كن كن وابرا .. وموتو ...


وفي صفقات لم تظهر فائدتها الا الآن ..!!

مثل كيليني و ليقروتالي وماركيوني ..


وزي ما ذكر ناصر انه كان ناوي يجيب ك. رونالدو ..


وأيضاً ماذكره ناصر بعمليه الانقسام في عائلة انييلي .. هي اللي سببت بهبوط اليوفي ..

وهي اللي أثرت عليه ..

ما اقول الا الله يرحم ايامك يا الاوفوكاتو ..!!

من يوم ما مات وحنا مدحدرين ..!!!

لكن الله يستر وانشاءالله بيعود موجي لليوفي مره اخرى ..!!


وترا موجي كان رئيس نابولي .. وقد صار مدير في روما ..!!

يعني لا يهمك احد يتكلم فيه ... حتى الانتراويه معظمهم يعترفون بدهاء هذا الرجل ..!!

من زمان ما شفناه هو وزقارته


........

إقتباس وبعدين ترا موراتي مايسوي الحركات الي انت قلتها الا مع ميلان

يعني يسويها ..

][.. جيوفنكو محبط من مغادرة اليوفي ..][






تحدث جيوفنكو عن احباطه عندما ترك اليوفي هذا الصيف , ولكنه كشف انه يتطور حاليا للافضل في ناديه الجديد امبولي .
وجيوفنكو احد اكثر اللاعبين اليافعين اثارة في السنوات الاخيره للكرة الايطاليه , ويحاول امبولي ان ياخذ ما لدى جيوفنكو قبل ان يعود الى اليوفي نهاية هذا الموسم . على اية حال اوضح نجم ايطاليا تحت 21 عاما انه لم يريد مغادرة اليوفي هذا الصيف بالرغم من ان هذا ساعده على تطوير لعبه .

" كان هناك احباط من مغادرتي لليوفي , بسبب مغادرتي لفريق عظيم وعائلتي "

" على اية حال , اعتقد انني اتخذت القرار الصحيح لانه هنا في امبولي اللاعبين اليافعين ينمون بشكل جيد "

وتحدث بعدها عن طوله 164 والذي يعتقد البعض انه قد يسبب مشكلة له " لقد تعودت عليه الان , ولكن اللاعبون القصيرون يستطيعون ان يؤدو اداء ممتازا في الكرة الايطاليه وهناك امثلة عدة حتى في الماضي "

احد هؤولاء هو جرانفكو زولا والذي يقارن به جيوفنكو " المقارنة معه شرف لي , ايضا انا اشاهد زولا مع المنتخب الوطني 21 عام وقد كان لاعبا مدهشا . على اية حال المقارنة غير مجدية لانه لازال لدي الكثير لاثباته . اتمنى ان استمر هكذا "

بالأمس وما يخشى تفارقنا .. واليوم وما يرجى تلاقينا

إقتباس ][.. جيوفنكو محبط من مغادرة اليوفي ..][

كلام كبير يا سيبا ..!!

والاعاره هالموسم افيدلك ..!!

وانشاءالله تكتب اسمك بتاريخ اليوفي قريباً ..

:: عناوين الصحف الايطالية ::





Tuesday 11 December

Gazzetta dello Sport


لا يوجد أخبار عن اليوفينتوس ..


Corriere dello Sport


لا يوجد أخبار عن اليوفينتوس ..


Tuttosport



اوفوكاتو اليوفينتوس - خمس سنوات على رحيله والورثة يتحدثون للتوتوسبورت ..

كم صورة اتمنى تعجبكم ..