مبروك عالفوز الي ما جا الا بالطقاق

صوتي

لديل بييرو

صراحة بعد دخوله

غير مجرى المباراة

مبروك الفوز يا شباب

فوز بشق الانفس

نقول بأذن الله الاخطاء تتصلح سواء من الاعبين او من المدرب

نجم المباراة الأسطورة التشيكية بافل ندفيد

لي عودة ,,,

السلام عليكم
مبروك الفوز وعوده السهم الأشقر لتهديف من جديد ,,
آآه يا ندفيد بطل والله أنك بطل هدف على طريقة الكبار هدف مش ممكن تشوفه إلا في الأفلام ,,
أفلام الأساطير العمالقه من بوفون لدل بيرو إلى زبينا !!

بوفون كالعاده أبداع وثقه وتميز وصد تسديده بالشوط الأول لا يصدها إلا الحراس الكبار ,,
زبينا متحرك من الجبهه اليمنى ولكن لاحظت فيه عدم التفاهم مع ماركيوني ,,
ليوقروتالي نص ونص مدري وش فيه اليوم ؟ يمكن متأثر من مباراه الكأس ,,
كيليني صمام الأمان والإطمئنان في الدفاع ,, إلى الأمام يا أيه الوحش
مولينارو تقريباً جيد نوعاً ما مع أنه نكبنا بكم هفوه بس الحمد لله عدت على خير ,,
نتشرينو اليوم غير يخلص ويقطع ويشوت الكورة يعني ماسك الوسط ,,
زانتي اليوم ما شفته ولا كأنه موجود بالملعب يا ليت تياقو لاعب بداله من أول المباراه ,,
بلا الهابلا بعذر رانييري لو طلعت يا الخابلا من اللي لعب عليك وقالك أنت خليفه دل ؟
ندفيد آآه يا السهم الأشقر إبداع x إبداع ,, ليه ما نعبروا ليه من نقولوا ليه ما نريح ونرتاح يا ندفيد يا كبير ,,
بعد عن مهارته وخطورته لكنه عاد لمستواه المعهود عاد ليتألق من جديد,,
تكفى يا ندفيد لا تعتزل ما ملينا منك يا الأشقر توك شباب مشاء الله ,,
ياكونتا ماش مهب بيومه مدري وش اللي جرى له ؟
تريزي الحظ اليوم كان مو معه ولا كان تطلع بهدفين ثلاثه ,,
دل دل بعد دخوله تحسن الأداء وقدم مستوى ولا اجمل تمريرات وتسحيب وتسديدات ,,
ماركيوني اليوم بيض البيض ما أدري وش فيه يمكن ما كان أحد يسانده لكنه متذبذب المستوى ,,
تياقو ما دخل الا الدقيقه 90 كله رانييري يستهبل وشلون تبيه يثبت وجوده بثلاث دقايق ؟

صوتي للسهم الأشقر \ نــــــدفـــيــــــد

ومره ثانيه ألف مبروك لكل بيانكونيري إن شاء الله تتوالى الأفراح في المباريات القادمه ,,

مبروك الفوز وتعادل روما عقبااال الأنتر ما يطيح في ايدينا مباراة الإياب إن شاءالله

الف مبروك الفوز ياشباب والنقاط المهمه

بصراحه المباراه كنت اطمح انها تكون افضل لكن الحمد لله على كل حال

وبالنسبه للتصويت انا عارف ان نيدفيد يستاهل لانه جاب الهدف

لكن صوتي للبطل نوتشيرينو والله انه افضل موهبه قدمها اليوفي هالسنه

مبروك الفوز يا عيال ..

والله اللعب تماام .. لكن المشكلة تضييع الفرص

واخر شي خفت قلت شكل الشباب موب مسجلين ..

لكن بيضها ابو رئتين ونص


نجم المباراة .. عبدالرحمن .. تقدر تقسم صوتي نصين

خل نص ديل بييرو ونص المكينة

شكلي بعطي نيدفيد عين بخليه يتكي في بيتهم


صوتي لديل بييرو .. صراحة انا من الناس اللي يتمنى اصابة ياكوينتا عشان يشوف ديل بييرو يلعب

واذا بدع .. اكيد بصوتله لو يسجل بيرنديللي دبل <<<< للحين موب مصدق حقت المفرج



.....


بوفون : 10 / 10 ولو ان ما شفناك واجد .. احسن

زبينا : زبينا خلاص صار اساسي .. بس لو ما يعصب شوي .. واحس اذا ضمن مكانه بيخربها 7،5/10 ..!!

ليقروتالي : مدري ماشفت لعبه اليوم زين 6/ 10

كيليني : 8/10 بطل كالعاده ..

مولينارو : 9/ 10 بدا يتفاهم مع نيدفيد كثير .. وهذا شي ايجابي ..

نوتشيرينو : 9/10 ممتاز هالولد .. ومشاءالله عليه 8 سلندر .. يحرث الملعب حرث

كريستيانو زانيتي : لا هو جندي مجهول ولا هم يحزنون .. بس هو افضل المحاور الدفاعيه لان مافي محور دفاعي غيره 6/10 ..

بلادينو : اعتقد موهبته بتدمر بهالمكان .. ولو يتعلم من ديل بييرو شوية اعتراض احسن له 4/10

نيدفيد : 10 /10

ياكوينتا : 5/10 اداء غريب .. والرجال ترا الظاهر انه صار مهاجم بالصدفه .. يعني ما يسجل الا على خط الباب .. يعني بالله يوم ليفورنو يشوتها نيدفيد وتصك فيه ويحتسب له الهدف

تريزيقيه : ما ضيعش كتير .. لو تريزي بالفورمه كان جاب هاتريك ..

سعد بييرو : 10 / 10 واذا فيه فوق العشره عطيتك .. ياملك يا اسطوره .. يامن كرش باجيو <<<يحارش ناصر .. احسن لاعب بالمباراه ..


ماركيوني : اللاعب توه عائد من الاصابه .. ويعيب عليه الانانيه .. لكن اصبروا عليه وبتشوفون ابداعاته .. وصالحاميديتش بتنسونه ..

تياقو : يلعن ام الاستلعان يا رانييري .. التبديل كان المفروض يكون بدال احد المحاور موب بدال المبدع نيدفيد ..!! 10 /10 بقهر رانييري <<<<<< مادرى عنك


رانييري : 1،75 في تطور في مستوى رانييري ملحوظ




....


شباب لحد يمسك علي اي كلمه .. ترا كل مباراة لي اغير رأي في اللاعبين

لاحد يستغرب اني اصير احب برينديلي ..


يعطيكم العافية ..

إقتباس صوتي يروح للوحش والملك دل بييرو تلميذ روبرتو باجيو <=== ما يقصد احد ابد

.....



:: رانييري يدافع عن قرار ابقاء ديل بييرو احتياطي ::




" ديل بييرو كان احتياطي لأن ياكوينتا في الفورمة ، واذا صار عندك ثلاث مهاجمين كويسين صعب تختار بينهم ، كان حظنا بالمباراه زفت ، ويااااااااااالله فزنا ، اتلانتا منظمين دفاعهم صح ، وصعب تسجل فيهم ، الانتر وروما احسن منا لكن داايم اقول بنقاتل حتى النهاية "

السلام عليكم ورحمة الله:
مبروك الفوز .
شباب لي ملاحظه على اداء الفريق , الفريق يلعب الشوط الاول بحماس وكل الفريق يحرث الملعب وفي الشوط الثاني يفقد اللاعبين جزء كبير من طاقتهم وهذا يضر الفريق الواجب يلعبوا بتوازن ولايستعجلوا على الفوز .

بالادينو ياتغير مكانه يارانييري يايتكي بجنبك المكان ذا مو مكانه.

ياكونتا السبب في عدم ظهوره بالمستوى هو احتفاظ الداهية بالادينو بالكورة الين تنقطع منه وكان واضح على ياكونتا النرفزه بسبب لعب بالا وقتله للكوره في اكثر من مره.

تريزيقيه تبقى القناص الاول ولو ماسجلت اليوم بتسجل باكر ان شاء الله

ندفد + بوفون اذا كان الكلام من فضة فالسكوت من ذهب. مهما تكلمنا عنهم ماراح نوفيهم حقهم.

دلبييرو بقائك كاحتياطي افضل من لعبك كأساسي نزولك الشوط الثاني غير الكثير وهدا اللعب وامتلك اليوفي زمام المباراة

اللاعب الذي كسر جميع محاولات اتلانتا اليوم وفعل مالا يفعله الا الكبار القلائل هو الاسطوره القادمة لايطاليا ولليوفي نوتشيرينو. اليوم وكل يوم غير يابطل . أفضل لاعب في المباراة مع ندفد.

ندفد + مولينارو ثنائي رهيب انتظروهم بقية الموسم.

صوتي لنوتشرينو

نسيت أصوت !!

صوتي للأسطورة نيدفيد

إقتباس :: رانييري يدافع عن قرار ابقاء ديل بييرو احتياطي ::

انا أؤيد رانييري بالإبقاء على دلبيرو كورقة رابحة !!

إقتباس " ديل بييرو كان احتياطي لأن ياكوينتا في الفورمة ، واذا صار عندك ثلاث مهاجمين كويسين صعب تختار بينهم ، كان حظنا بالمباراه زفت ، ويااااااااااالله فزنا ، اتلانتا منظمين دفاعهم صح ، وصعب تسجل فيهم ، الانتر وروما احسن منا لكن داايم اقول بنقاتل حتى النهاية "

وش ذا الترجمة ياسعد ... حسيت ان رانييري سعودي

بس خل عنك فله

كثر منها