السلام عليكم ..


يعطيكم العافية شباب على الترجمة وعلى النقاشات اللي ماتلقاها الا برابطتنا

كذا الرابطه ولا بلاش .. موب زي قبل اسبوعين


.. مبارك ..


كلامك عين العقل ..

والله يرحم ايام الاوفوكاتو .. اللي كان ماسك العائلة صح ..

ومهتم بالنادي ..!!!

...

إقتباس سياسة النادي ماتغيرت للآن ،، لكن الوضع هو اللي تغيــر !!! اليوفي كان ثاني اغنى نادي وهاللحين الـسابع مادري كم بالضبط لكن اختلف الوضع المادي مادري شلون حكمت ان ســياسة النادي تغيرت .. يمكن الأسماء في الإدارة تغيرت !! لكــن اشوف السياسه للآن هي لم تتغيـر ..!! والدليل على كلامي الأسماء اللي ذكرتها ميليـتو ،، عرض عليه اليوفي 16 مليـون واشوف انه كثير عليه .. دخـل ريال مدريد وبرشلـونه ووصلـوا سعره لـ 20 مليون وانسحب ريـال مدريد ،، وبالتالي انتقل للبرسا بيبــي ،، عرض اليوفي عليـه كان مايقارب العشريـن مليون وانتقل للريال بـ 30 مليون وأشـوف انه مبلغ كبير في بيبـي .. مدافع ممتاز لـكن هالمبلغ كثير عليــه !!! فرينقـز ،، كان اليوفي محتـاجه وعرض عليه راتب شهـري خيـالي ولكن الحنـون رفضت زوجته !! متلزدر ،، عرض اليوفي وريـال مدريد / بصفقه مجانيه لآنتهاء عقده وإنتقل للريـال لان الريال بيلعب في دوري الأبطــــال ،، وإيفانوفيتش .. للآن مجرد تكهنـات صحفيــه !! سعـد اللي حبيت اقوله لك ، ان سياسة مودجي للآن اشوفها .. في النادي لكـن الوضع المادي هو اللي يجبر النـادي على البحث عن لاعبين مغموريـن ،، !! لا ماتقـــارن ،، بكل بساطه لانك تقارن موجي .. والنادي في افضـل حالاته الماديه بـ سيكو وبلانك .. والنادي في اصعب وضع مادي !! اصبر موسم ، موسمين .. ونقــارن بينهم سوا ؟ ابي افهم .. شـلون تجيب لي صفقات موجي الناجحـــه .. في عهـده .. وتقارنها بـ صفقات بلانك وسيكـو .. في موسم واحد .. وغير كذا النادي طالع من السيريا ب ؟؟؟؟ ياعزيزي .. سيكو وبلانك .. ياكونتا .. اندرادي .. الميرون .. تيـاقو .. حمديتش .. صفقات كويسه بالنظر إلى ان الفريـق صاعد للسيريا اي .. خمس لاعبين .. في في الهجوم والدفاع والوسط !! اتمنى تذكر ان صيانة الديلــي .. 65 مليون ميركاتو اليوفي .. والباقي صيانه لـ ملعبنا الديلــــــي !! 65 مليون .. !! وخمس لاعبين مثل اللي ذكرتهم أعلى صراحه شي ممتــاز .. !! انا مادري .. اذا تبي يجيبون بالـ 65 مليـون هذه ميسـي رونالدينو .. شيفاا .. جيررارد .. وفانديرفارت ؟؟ !! ممكن اعرف كيـف اكتشفت ان النادي منتعـــش اقتصاديا ً .. والخساره ماكانت في حقـوق البــث فقط .؟ نسيت إعلان شركة تامويل .. ؟ اللي كانت راعية لليوفي .. وثاني اغلى شركه ترعى نــادي بعد ريال مدريد ؟؟ كانت تعطي النادي سنويا ً 320 تقريبا ً سنويا ً ؟ تعير فلان وتحــط فـلان ويالله يانت تلعـب بلايستيشـن !! سعـد يابعدي هاللحين يوم تقـول ان شتوتغارت طلب بوم بوم واليوفي يبي فانديرفارت .. شي طبيعي ان الإداره تبي تستغــل وتقايض بينهم بس المشكــله .. في هالإشاعات .!! اي خبر تترجمونه تصدقونه !! قبل اسبـوع اليوفي يبي بيرلـو .. وقبل يومين يبي شيفا .. ؟ وكان يبي سميتش ؟ لا تصدق كلام الصحف .. سعد اهلكتـني .. الله يعطيك العافيه !!

أول شي احب اقولك اذا الشركة الراعية تام اويل .. خلص عقدها .. وجت شركة فيات ودفعت اقل من اللي تدفعه تام اويل .. هذا ما يعني خسارة النادي ..!!

لا تنسى ان في اشياء ثانية غير الاعلانات يعتمد عليها اليوفي ..

أولها حقوق البث .. حقوق البث يعتبر من المصادر الاولى لدخل النادي ..

ثانيا ً .. اليوفي عنده اكبر شعبيه في ايطاليا .. بـ 17 مليون مشجع .. تقريباً كلهم يلبسون فنايل اليوفي ... لكن موب كلهم يلبسون الاصلي .. قل 10 مليون لبسو الاصلي .. 10 في 100 يورو ..

يطلع الناتج .. مليار يورو ..!!

يعني مليار و900 مليون يورو ..

بعدين دخل الحظور الجماهيري اللي لا يتعدى سنوياً الـ20 مليون في ملعب صغير مثل هذا ..

وبعدين يجي دخل الاعلانات اللي على الفنايل .. فيات 36 مليون يورو سنوياً ..

لا تنسى ان شركة نايكي يدفعون لليوفي مقابل صناعة الاطقم ..

غير اعلانات اللوح اللي في الملاعب ..

يعني تقريباً الدخل السنوي يقارب المليارين ..!!!

والمصاريف ان كثرت وصلت الـ 500 مليون يورو .. رواتب .. ضرايب .. عمال .. سكن .. مع الكهرب والتلفون والمويه

باقي مليار ونص يورو


بعد الكلام اللي شفته هل تتوقع النادي خسران ؟؟؟


وترا 100 مليون يورو يحصلها فريق فايز بدوري الابطال

يعني الميلان جتهم 100 مليون من دوري الابطال ..!!


عط موجي 100 مليون وش اللاعبين اللي بيجيبهم..!!!


بينما شفنا 100 مليون للاداره الجديده .. والنتايج .. صفقات فاشلة .. الميرون و تياقو .. صالح .. رانييري ( يعتبر صفقة لان راتبه فوق الـ مليونين سنوياً ، وبيصير راتبه 3 مليون اذا تأهلنا للابطال) ، اندرادي ..

مافي صفقة رابحة غير ياكوينتا .. ومولينارو تعتبر صفقة عاديه خصوصاً انه لاعب عادي واليوفي كان يملك نصف بطاقته ..

ونفس الشي ينطبق على نوتشيرينو .. لاعب ممتاز ولكن اليوفي كان يملك نص بطاقته ..!!


بينما لو تشوف تشكيلة اليوفي بالسيريا بي وتشوف التشكيلة الحالية لليوفي ماراح تلقى فروقات كثيرة!!

................ بوفون ..................
..مولينارو..كيليني..ليقروتالي..زبينا
.............زانتي....نوتشيرينو........
...نيدفيد ..........................كامو..
............تريزيقيه .. ياكوينتا.........


....

بالنسبة لميليتو ..


تخيل ميليتو كان مع تورينو .. اوكي ؟؟

جا برشلونه قدم عرض لتورينو .. واليوفي قدم عرض لتورينو ..

اكيد تورينو بيفضل عرض البرشا على اليوفي .. والسبب عداوه !!!

نفس الشي مع سرقسطه ..!!

سرقسطه وبرشلونه بينهم كره ..!!

سرقسطه كان يفضل عرض الريال .. ولكن ميليتو مايبي الريال بسبب انهم رفضوه في السابق ..!!

واليوفي قدم 16 مليون .. بينما البرشا 20 .. ادارة سرقسطة كلمت الاداره ترفع السعر لكن عيو ..!!

يعني بالله .. لو تدفع 4 مليون زياده .. ولا تقعد من نكبة لنكبة ولا ليقرو كثير البطاقات وكيليني صار يلعب سنتر و و و و ...............................!!!!!!!!



بالنسبة لبيبي .. على فكره ترا الاداره طولت في صفقة ميليتو وصار زي المسلسل المكسيكي ..

يعني حوالي شهرين مفاوضات .. واذكر انهم اجلو المفاوضات الى ما بعد كوبا اميركا ..!!!!!

وكانت الاداره حاطه في بالها بيبي خيار ثاني !!!

لكن الاداره طولت .. وبيبي راح للريال وادارتنا مازالت تفاوض سرقسطة !!!!


وبالاخير راحوا الاثنين ..!!!



..

اما عن بوم بوم والاعارات .. انا بس حطيت رأيي لو الاداره سوت كذا افضل !!

وترا فان دير فارت موب مع شتوتقارت ..

انا اللي قلته ان شتوتقارت طلب بوموسونق .. نعطيهم بوم بوم وناخذ ميرا وندفع الفرق ولو كان 10 مليون !!!! ( لان بوم بوم سعره لا يتعدى الـ 5 مليون بكذا كانك خذت ميرا بـ 15 )

ونعير كريشيتو وهذا اللي بيصير ..!!


وانا ما صدقت كلام الصحف .. لكن تقدر تنكر ان اليوفي كان قريب من ميليتو قرب الشعره !!!

تقدر تنكر ان اليوفي الان يريد اما دييقو ولا فان دير فارت ولا لامبارد ..

تقدر تنكر ان اليوفي يريد ميلبيرج الآن ( والدليل كلام ايريكسون ..)

تقدر تنكر ان اليوفي يبي يعير كريشيتو !!

في شي اسمه خبر وفي شي اسمه اشاعه ..!!!

الخبر تلقاه يمتد اسابيع طويله .. يعني من متى والاخبار تربط اليوفي بملبيرج ..!!

بيكملو الشهر وهم يتكلمو فيه ...

لكن الاشاعه حقت شيفا .. وحقت بيرلو ..!!!


....


في النهاية ..


سياسة موجي تختلف ..

موجي اذا جا يشتري لاعب يشغل الصحافه بلاعبين ثانين ..

يعني مثلاً موجي جا بيشتري ميليتو .. ويقوم يطلع اشاعات ان اليوفي قريب جداً من ميرا .. وميرا بيوصل تورينو الاسبوع الجاي .. وهووووووووووب ما تلقى الا ميليتو لليوفي ..

بينما كوبولي يكب العشا


يعني بالله وش غاثنا من موراتي الا تخريب الصفقات , علماً بأن هالظاهره هذي توها طالعه ..!!

ليه ؟؟


لان موراتي و قالياني و رؤساء الفرق العالميه .. يعرفون وش معناة كشافين اليوفي

يعني اي لاعب حالياً يفاوضه اليوفي .. يطبون عليه الانتر و الريال والبرشا وميلان !!!!!

والسبب ان ادارتنا تلعب على المكشوف

بينما ماكان احد يعرف وش ورا موجي !!!!


يعطيك العافية ..

إقتباس ]_[ .. كواجلياريلا بديل لبالادينو؟ ..]_[

لو كان صدق يارانييري تبي تبيع بالا ..

فأنك أكبر غبي وحمار وتيس !!!!!!

لعنبوه ما دمر اللاعب الا هو ..!!!

والحين يبي يطيره ..


ما اقدر اصدق .. عشان كذا بقول اشاعه !!


...

إقتباس [ غياب كامورانيسي قد يطول ]

كامو ..

مع الاسف الجهاز الطبي في اليوفي خايس !!!

والحمدلله ان بوفون طاب ولا كان موب لاعب قدام لاتسيو ..!!

إقتباس السلام عليكم عوافي يا سعدوه على المعلومات والاضافة القيمة وترا الصورما طلعت !!! ارفعها على موقع زي هذا : www.4img.com

الله يعافيك يالنصري !!

وبرفع الصور مره ثانيه وبضيف صور باجيو بعد ..

][ :: Mellberg : لاأستطيع أنكر إتصالات اليوفي :: ][



المدافع الدولي السويدي ومدافع استون فيلا اولوف ملبيرغ لم ينكر الأخبار التي ربطته بالإنتقال لليوفنتوس

وفي سؤال تم توجيهه لنجم الدفاع السويدي ملبيرغ قال :

" أنا لا أنكر الإتصالات مع اليوفي "

المصدر

الفيصل الهلالي يحتاج دعاءكم

هنا


ويعطيكمـ العافية ... لي عودة قريبًا

زيدان ودافيدز وفيرارا






ابو الموج




اليكس





حكيم

إقتباس الفيصل الهلالي يحتاج دعاءكم هنا ويعطيكمـ العافية ... لي عودة قريبًا

لا حول ولا قوة الا بالله ..

الله يشفي بنته ويعافيها يارب ..


...

شباب طلعت الصور ؟؟

..

إقتباس ][ :: Mellberg : لاأستطيع أنكر إتصالات اليوفي :: ][

إقتباس تقدر تنكر ان اليوفي يريد ميلبيرج الآن ( والدليل كلام ايريكسون ..)

سبحان الله كنه جاي يوثق كلامي ..

][ :: قبل أعياد الميلاد سيكو يتفق مع لامبارد :: ][



تقول صحيفة التايمز بأن فرانك لامبارد سيستخدم بند من القوانين الدولية للتوقيع مع اليوفنتوس الصيف المقبل

وكذلك قدمت صحيفة Leggo الإيطالية تقرير بشأن إنتقال لامبارد لليوفي

وتشير الأنباء بأن المدير الرياضي اليسيو سيكو سيسافر إلى لندن قبل أعياد الميلاد لإتمام الصفقة

سيكو عقد محادثات مكثفة مع نجم البلوز الشهر الماضي ويعتقد بأنه لايوجد سوى القليل من الإشكاليات لإتمام الصفقة

فرانك لامبارد سيوافق على إجراء تخفيض الأجور لأجل التدريب واللعب تحت قيادة مدربه السابق كلاوديو رانييري

المصدر

إقتباس ][ :: قبل أعياد الميلاد سيكو يتفق مع لامبارد :: ][

بالفعل لامبارد قريب من اليوفي .. وانشاءالله يكون لنا ..

واللي يقول انه كبير وعمره 30 سنه .. طيب تريزي عمره 30 ؟؟

وموب مبين عليه العمر ؟؟

غير كذا ان الاداره تبي جيلبيرتو سيلفا اللي عمره 31 ومنتهي ..!!

إقتباس ][ :: ينسن هدف اليوفنتوس وانقاله مجاني :: ][

سيكو بيجنني !!

لازم اي واحد مجاني نجيبه !!!!!!!!؟؟؟؟



يعطيك العافية خالد على المجهود ..

إقتباس ][ :: جنوى يريد ضم اوليفيرا :: ][

ماش ..!!

ياخذ راتب على الفاضي ..

بعته بالماستر ليق

:: كامو يغيب الى يناير ::



كامورانيزي سيغيب عن الفريق حتى آواخر يناير ، حيث أكد الفريق الطبي في النادي ،أن اللاعب يعاني من اجهاد في عضلة الفخذ الأيمن ، ويحتاج إلى راحة في عيد الكريسمس وبعد العيد سيتم الكشف على اللاعب مره أخرى ، ماورو قد يعود للتدريبات في منتصف أو آواخر يناير ..

الموقع الرسمي

:: عناوين الصحف الإيطالية ::



Wednesday 12 December
Gazzetta dello Sport

لايوجد خبر عن اليوفي ..

Corriere dello Sport

لا يوجد خبر عن اليوفي ..

Tuttosport

اليوفي يستحق ميسي
من يعرف انيللي جيداً يقول : انه كان ليوقع مع هذه الموهبه ..


المصدر

:: مدير أعماله : نيدفيد قد يلعب في يورو 2008 ::



النجم التشيكي اعتزل دولياً للمره الثانية في صيف 2006 بعد كأس العالم في ألمانيا ، ولكن الكثير يتوقع عودته الى المنتخب التشيكي في يورو 2008 ..

نيكولا ليقروتالي صرح خلال هذا الاسبوع ان نيدفيد سيعود للمنتخب التشيكي ، ولكن هذه المره يصرح مدير اعماله زيدنيك نيهودا بذلك :

" لا أستطيع سوى قول كل شيء محتمل ، كل التشيكيون يتمنون عودة بافيل للمنتخب الوطني ، سنحاول ان نقنعه بذلك ، ولكن في النهاية هو من سيقرر "

GOAL

:: بوموسونق يرزق بـ إيفا ::



وردة جديدة في اليوفينتوس ، جين آلن بوموسونق أصبح أباً للمرة الثالثة ، زوجته جوليت أنجبت له طفلة صغيرة سماها إيفا ، العائلة لديها طفلين هما :كامرون و كارلي ..

تهنانينا لكل عائلة بوموسونق ، منا جميعاً هنا في يوفينتوس ..


الموقع الرسمي

:: كيليني : إلى روما للفوز ::



" لدينا لاتسيو وسيينا قبل الكريسماس ، ونريد الفوز بكلا المباراتين ، ونحن نعلم ان المهمة لن تكون سهلة ، نحن عملنا بشكل جيد حتى الآن ، ونريد تحسين موقعنا بالدوري ، لدينا مشوار طويل في الدوري وعلينا ان نكون في القمة ، أعلم ان هناك فريق انتر ميلان في الصدارة ، والذين اثبتوا انهم الأفضل ولكننا لن نستسلم "

لاتسيو يعود الى روما بعد الخسارة من ريال مدريد والخروج من التشامبيونز ليق ..

" لا اعتقد ان لاتسيو محبطين ، لقد فعلوا كل مابوسعهم امام الريال ، وأعتقد ان اللاعبين يعرفون ان الفوز هناك اشبه بالمستحيل ، علينا مراقبة روكي وبانديف فهم من يسجلو للاتسيو ، علينا ان نلعب جيداً حتى نفوز عليهم "

انها آخر مباراة لليوفينتوس خارج ملعبه هذه السنه ، واليوفي يريد الفوز بخارج ملعبه :

" في الديربي لايعتبر اننا لعبنا خارج ارضنا ، لم نفز خارج ارضنا سوى مباراة كالياري وأيضاً كنا محظوظين في ذلك ، علينا ان نحسن نتائجنا ، نحن لا نفوز خارج أرضنا كثيراً ، ولهذا سنذهب إلى روما من أجل الفوز "


وآخر تعليق لجورجيو ، عن دفاع اليوفي والذي يتحسن يوماً بعد يوم ، مع الثنائي نيكولا ليقروتالي وجورجيو كيليني ، اللاعبين كانا مرشحين للمغادرة الصيف الماضي فـ نيكولا كان سيذهب إلى تركيا ، أما كيليني فكان هناك شكوك حول مستقبله لفترة قصيرة ، ولكن بسرعة وبكل حظ تغير الوضع :

" أنا سعيد لبقائي مع اليوفينتوس ، رحيلي كان ليصبح خطأ كبير ، بعدما حدث في يوليو الماضي ، تعلمت انه في بعض الاحيان يجب عليك العد قبل التحدث ، وقد تعلمت من خطأي "

الموقع الرسمي