إقتباس السلام عليكم سعد انا قصدي نجيب زي ملخص اليوفي بموسم معين , او مجموعة اهداف لباجيو او ندفد او اي واحد انا عندي مقطع احتفالية اساطير اليوفي حق 109 اعوام العام الماضي بالاولمبيكو انا قصدي الاهداف عادي , بس ما يكون هدف واحد , ياليت تكون شلة اهداف

وصلت الفكره .. وانا قد حطيت احتفاليات الاسكوديتو الـ28 .. وخروج 500 الف مشجع في شوارع تورينو ..!!

لكن محد عبرني ..!!


على العموم ..

اعتقد مجموعة الاهداف صعب تلقاها .. الا اذا كانت على اليوتيوب ..

واليوتيوب تنساها مع الوقت ..

لكن اذا كان عندك الفديو على جهازك كل فتره بتذكره وتستعيد الذكرى ..

هذا اللي انا اقصده ..

إقتباس السلام عليكم ورحمة الله و بركاته .. في البداية وجب علي الاعتذار للغياب الخارج عن الاستطاعة في الفترة الماضية .. أعتذر منكم جميعا ثانيا .. ان شالله سأكون معكم و بتواصل يفيد الجميع ان شالله . اليوفنتوس بعد مرور 15 جولة !! المركز الثالث .. جيد جدا 8 تقاط عن المتصدر كثيرة نوعا ما !! اذا اراد اليوفنتوس التفكير بالكالشيو يجب انهاء الدور الاول بفارق نقطي أقل من 6 عن المتصدر .. روما بإعتقادي سنتجاوزها مع الوقت .. الصعوبة في الانتر الذي لا يتعثر بسهوله .. الميلان .. لحد كبير لا خوف منه في سلم ترتيب الدوري نستطيع القول أن حصول اليوفي على مركز مؤهل للأبطال أصبح أكثر سهولة .. الثاني برأيي أفضل من الثالث بكثير .. تأهل مباشر السؤال : هل أقنعكم يوفنتوس الجديد ؟ بالنسبة لي كان رائعا .. و لكن من الممكن تقديم الأفضل . فأمان الله

حياك أحمد مره ثانية .. ولا تقاطع ..

بالنسبة لليوفي الجديد ..

الناس وبعد هبوط اليوفي الى صعوده تعتقد ان اليوفي يبيله 5 سنوات عشان يرجع الى ما كان عليه ..

لكن انا اعتقد ان اليوفي اختصر الخمس سنوات .. وممكن من السنة هذي يحقق الكاس او الاسكوديتو وممكن مع وحده منهم السوبر ..

اليوفي منذ هبوطه حتى الان .. تقريباً سنة ونص .. يعني سنة ونص .. وسنة ونص 3 سنين حتى يعود اليوفي الى طبيعته الحقيقيه ..

يعني بنهاية الموسم القادم .. اليوفي راح يكمل 3 سنوات وانشاءالله بيكون الاسكوديتو لنا .. هالموسم واللي بعده ..

صحيح ان هالموسم صعبه ..

الانتر ولا فريق قدر يوقفه ..

اليوفي .. يستحق الصداره لولا الاخطاء التحكيمية الكثيرة .. يعني اليوفي استقبل 11 .. سبعة منها ركلات جزاء .. معظمها مشكوك فيها !!!

الغي لنا اهداف حاسمه .. غير الاهداف اللي احتسبت للفرق الاخرى وهم في وضعية متسللة ..!!


لولا الاحطاء اليوفي في الصدارة واليوفي فريق لا يهزم .. لكن .. تجري الرياح بما لاتشهتي السفن !!

اليوفي الجديد عاجبني .. ولكن في أخطاء لازم تعدل مع نهاية الموسم ..

رانييري ..

المدرب هذا جبان ..

ومدرب ضعيف ..

ولازم نطرده نهاية الموسم ..

عندنا حلول مدربين كثيرة .. ليبي مورينيو كابيللو ..!!

ثانياً اعارة بعض اللاعبين .. الميرون .. كريشيتو ..

وأيضاً مع نهاية الموسم سيبا لازم يعود ..

وماركيزيو ..

يعني لاعبين المحاور يصيرو تياقو وزانيتي .. ونوتشيرينو .. وماركيزيو ..

اما الاجنحه كامو ونيدفيد وماركو و صالح و سيبا ..

والهجوم يبقى كما هو ..

يعني لو جبنى هونتيلار لازم نعير بلادينو !!!!

اما بالنسبة للدفاع .. مع عودة اندرادي .. بيصبح الدفاع مكون من : كيليني .. اندرادي .. ليقرو .. زبينا ..

ونشتري مدافع قائد .. مثل ميرا او كن كن .. ويلعب مكان ليقرو .. مع امكانية لعب ليقرو مكان اندرادي اذا اثبت انه افضل ..!!

وفي نقطه مهمة .. يمسكون بيرنديلي مساعد لمدرب اللياقه احسن

ولازم نجيب ظهير ايمن من طراز عالي زي زامبروتا قليل الخاتمه ..!!

كذا اليوفي بيكون جاهز للعودة للبطولات ..

وفي نقطه مهمة جدا!

اللي هي المباريات الودية في وقت الميركاتو ..

ياليت اليوفي يسون جولات اسيوية ولا جولات اوروبيه ..

ولعب مباريات وديه كثيره .. حتى نحدث انسجام كبير بين اللاعبين ..

خصوصاً اذا جا لاعبين جدد ..


وفي شي اخر ..

الجهاز الطبي ..

الجهاز الطبي او مدربين اللياقه .. واحد منهم ماهو قاعد يشتغل مزبوط .. <<< تخيلو لو يكونون يخونونا !!!!!

كامو من اصابه لإصابه وياقلب لاتحزن .. حوالي 4 اصابات جته هالموسم .. وين الفريق الطبي .. الدعوه موب بس علاج !!

في شي اسمه الوقايه خير من العلاج !!

يعني اندرادي .. كامو .. بوم بوم .. ماركيوني .. قريقيرا .. ياكوينتا ..

كل هاللاعبين جتهم اصابات .. وفي منهم المهمين مثل كامو واندرادي وياكوينتا ..

وفي منهم اللي طولوا وفي منهم اللي اصاباتهم قليله ..

طبعاً الاصابات في الفرق شي طبيعي .. لكن كامو ليه يطول !!

وليه كامو من اصابه لاصابه ..

بصراحة انا ما اتمنى عودة كامو وهو ماهو بكامل عافيته .. لان بيجيه شي اعظم !!!!!


الشي الاخير الا وهو طرد سيكو ..؟؟؟؟

إقتباس :: مدير أعمال أماوري : أيضاً اليوفي يريد أماوري ::

اما هاللاعب احس انه فلته من خلال المباريات اللي لعبها سريع ومهارات وجسم قوي
بش يمكن يبرز في باليرمو لان ماعندك احد اما في اليوفي احس انه بياخذ مكان بالا حبيب قلبي صوره 4*6 لمحارببين بالا احلى من الخيالا



يعطيكم العافيه ناصر وسعد وعبدالعزيز ولؤي وكل الشباب

وان شاء الله بادخل بعد مباراه الهلال الليله سلام

السلام عليكم ورحمة الله وبركاته

والله الاخبار عن لامبارد كثرت ؟
الظاهر انه بيدحدر لجوفنتوس السنة الجايه ؟ الحقيقة واعتقد انه ينفع لليوفي
لاتنسون انه حراثه والدوري الايطالي ما ينفع فيه الا الحراثات

من ناحية خبر روبينهو , فالصراحة ما استغرب ان جوفنتوس فاوضوه سابقا والسبب :



الفحل مودجي ,,, ما نستغرب انه سواها وحاول يجيب روبينهو
لاننسى انه جلب مواهب كثيره في النادي وبارخص الاسعار
من زيدان لين موتو وابياه وغيرهم !

طبعا ابضيف لمعلوماتكم , مودجي صرح قبل كم شهر وقال انه كان بيشتري هاللاعب :



صرح وقال انه كان بيشتري كريستيانو رونالدو قبل لا يدرون عنه مانشيستر , وكانت الصفقة هي : سالاس + مبلغ مالي مقابل رونالدو , والصفقة تمت مبدئيا ولكن في اخر اللحظات تراجع سالاس وقال ما ودي اروح للبرتغال خلوني بايطاليا , وفشلت الصفقة وبعد فترة شروه مانشستر !!

يا ويل حالي يا مودجي والله انك منسم وعلى كفرين




اهداء للعسيماوي



فيرارا وهو معصّب على براندللي <=== طبعا ما ادري ليه معصب لكن اتوقع ان الاسطورة براندللي نكب اليوفي نكبة شنيعه

إقتباس اما النسبه لـ رانيري انا الومه ـ مسأله التلفيق اللي قاعد يسويه اجل بالادينيو وسط يمين !!!!!! حتى في التغيير ما كان يجب انه يطلع ياكوينتا المفروض يطلع بالادينو و يدخل الملك اليكس و يخلي ياكوينتا و تريزجول مهاجمين و خلفهم ديل بيرو المشكله في كل مباراه يشركه في المركز هذااا ما يقدم شي و نشوفه يصر على رايه

يا رجال رانييري مغير يحوق من اول الموسم
اجل جرجيرا ظهير ايسر وحسن وسط ايسر !! والله من البربسه والمطرسه !!
خلها على ربك وان شاء الله نتأهل لدوري الابطال والادارة تجيب لاعبين زي الناس

السلام عليكم ورحمة الله وبركاته

توفي جدي اليوم بعد معاناته بالمرض
اتمنى الدعاء له لحصوله على المغفرة

اللهم اسكنه جناتك
اللهم اغفره
اللهم اغسله بالماء البرد
يارب ادخله الجنة
يا رب ارحمه
اللهم ارحمه ...........اللهم ارحمه ......................اللهم ارحمه

السلام عليكم ورحمة الله وبركاته

إقتباس الرسالة الأصلية كتبت بواسطة HILAL_999 السلام عليكم ورحمة الله وبركاته

إقتباس الرسالة الأصلية كتبت بواسطة HILAL_999 توفي جدي اليوم بعد معاناته بالمرض اتمنى الدعاء له لحصوله على المغفرة اللهم اسكنه جناتك اللهم اغفره اللهم اغسله بالماء البرد يارب ادخله الجنة يا رب ارحمه اللهم ارحمه ...........اللهم ارحمه ......................اللهم ارحمه

الله يرحمه ويسكنه جنات النعيم
والله يجمعكم معه في جنات النعيم
الله الله بالدعاء له بالمغفرة

إقتباس " بالدينو مسلف رانيري او مشبك وحده من بناته "

احيانا الواحد يحس ان بالدينو ماسك صورة لرانييري وهو مفصخ ! الا غصب يلعبه !





:: ليقروتالي : نيدفيد سيعود للمنتخب التشيكي في يورو 2008 ::

ضامن الخانة اجل يا ليوقراتلللي ؟ منت سهل
ما اعتقد ندفد يرجع , السن له احكام




][.. رانييري " وقعت مع تياجو بعد فشل جلب سيسوكو " ..][

عذر اقبح .......

إقتباس صرح وقال انه كان بيشتري كريستيانو رونالدو قبل لا يدرون عنه مانشيستر , وكانت الصفقة هي : سالاس + مبلغ مالي مقابل رونالدو , والصفقة تمت مبدئيا ولكن في اخر اللحظات تراجع سالاس وقال ما ودي اروح للبرتغال خلوني بايطاليا , وفشلت الصفقة وبعد فترة شروه مانشستر !! يا ويل حالي يا مودجي والله انك منسم وعلى كفرين

سالاس وراك مارحت البرتغال جعلك في جهنم

تسان الحين كل تواقيعنا كريستيانو رونالدو .. موب رابطة المان

إقتباس ][.. اليوفي يقدم سبعة مليون يورو للامبارد ..][

بصراحة .. مع الاداره الجديد .. تعودنا ان اي لاعب يقترب من اليوفي 99% .. يروح من يدينا في 5 دقايق والسبب نص مليون او اقل !!

إقتباس عوافي ياسعد على الجهد الرهيب لو تلاحظ اللاعب رقم اثنين كأنه بغى ينسى إن الهدف عليهم لحق دلبييرو >>فرحان بالهدف

هههههههههههههههههههههههههه

لا الظاهر انه من القهر يبي يطقه ..

ملاحظ انا هالشي ومدري وش بلاه على اليكس ..

إقتباس * سعد ردك الطويل كايف قريته مرتين

تصدق عاد اول مره كتبته طلعتلي صفحه بيضه سويت تحديث وراح ردي وكتبته مره ثانيه

إقتباس ما كنه مدرس خصوصي

كنه حلاق تركي

:: ليقروتالي : نيدفيد سيعود للمنتخب التشيكي في يورو 2008 ::




" سوف ترون ، نيدفيد مثل حالتي ، سيعود للمنتخب التشيكي وسيشارك في يورو 2008 في جون المقبل "


المصدر

][.. رانييري " وقعت مع تياجو بعد فشل جلب سيسوكو " ..][






أوضح رانييري ان توقيعه مع تياجو أتى بعد فشل المفاوضات مع محمد سيسوكو . وقد وقع تياجو لليوفي الصيف الماضي في اقوى صفقات السيدة العجوز قادما من ليون . وكان من المتوقع ان يضيف تياجو الكثير لوسط اليوفي ولكن الكارثه انه لم يظهر الا في 7 مناسبات اثنتان منها كان فيها أساسي .

ومازل بؤس اللاعب البرتغالي مستمرا حيث نزل في مباراة البارحه في الوقت الاضافي " تياجو ؟ ادخلته البارحه لكي يحتفظ بالكرة وقد فعل الامر بشكل جيد . اردت تياجو والميرون , لا احد يحذف في البروده , ولكن نوتشيرو وزانتي يلعبون بشكل جيد . العب من يعطيني افضل امكانية للفوز "

" انه صحيح اننا دفعنا كثيرا في تياجو والميرون , ولكن كم يساوي زانتي ونوتشيرو ؟ . رمينا الى شراء تياجو بعد الفشل في احضار سيسوكو " .

كيف الحال يا شباب

كان ودي اتكلم عن موجي من زمان

لاني لاحظت اغلبكم يتحسر على موجي

الا انا بالعكس مبسوط واتمنى عدم عودته للابد

موجي رجل شبه ..... وبعودته تعود الشبه لليوفي

من المخجل ومن الغباء مافعله موجي بتلاعبه في نتائج المباراة في السنتين قبل الماضية يكمن الغباء لان اليوفي كان في افضل حالته وكان فريق مرصع بالنجوم وكان قادر على حصد اكثر من لقب

ماذا استفاد اليوفي من موجي

سحب بطولتين .. تشويه سمعه .. نزول للسيريا (بي) فقد 6 من افضل اللاعبين في العالم ..


طبعا تلاعب بالنتائج هذا شيء من اشياء ثانية عليه بلاوي اخرى ...


وعلى ذكر الانتقالات وقدرت موجي على جلب اللاعبين المميزين

اللاعبين عموما يتم اختيارهم من كشافي اليوفي

يعني موجي ليس هو من يختار اللاعب بل مهمته يفاوض النادي فقط

وفي وقت موجي كنا نسمع عشرات اللاعبين يفاوض معهم اليوفي ويفشلون في الاتفاق

وهذي سياسة اليوفي هو مفاوضة العديد من اللاعبين واختيار اللاعب الاقل سعراً وعدم التركيز على لاعب معين

وفي وقت موجي جاء لليوفي اكثر من لاعب البعض نجح والبعض فشل وكهذا يحدث في جميع الاندية



ثم

لو افترضنا ان موجي شخص لا مثيل له

اين اندية العالم عنه

هو ممنوع من العمل في ايطاليا ..... لكنه يستطيع العمل في اي دولة اخرى

اين ريال مدريد و برشلونه اين ليفربول ومانشستر والاندية الاخرى

لماذا لاتتعاقد معه وتستفيد منه ؟؟


احترم وجهات النظر الاخرى وهذي وجهة نظري


والسلام ورده

إقتباس الرسالة الأصلية كتبت بواسطة skroo السلام عليكم وصباح الخير عبدالـرحمن هلا فيك ابوداحم , الحقيقة انا اختلف معك كليا وجذريا بعد من ناحية موجي ! صحيح انه انقفط من ناحية المكالمات , لكن لا تنسى الانجازات اللي كانت بوقت ادارته اول حاجة مارسيلو ليبي , من كان يعرف هالاسم ؟ موجي احضره معه بـ 94 وبعهده كان عصر ذهبي وبعدين صفقات مودجي كانت ولا احلى , والرجل له باع كبير في الصفقات ولا تنسى صفقة ماردونا اللي استغربو العالم منها لكن شف وش صار ماردونا في نابولي والشي الثاني اللاعبين اللي جلبهم للفريق , غالبيتهم كانو لاعبين عاديين ومع الوقت تطورو الى اسم سوبر ستار زيدان ودافدز وديشامب وكونتي وفيرارا ومونتيرو ويوقفتش وباولو سوزا وانزاجي والكثير الكثير ويكفي صفقات اخر المواسم , رئيس مدريد الثري كان يقول ان فييرا مولود علشان يلعب مع مدريد وبالاخير جابه مودجي في اخر ساعه وبسعر رخيص وبرضة كنافارو كان يتمرن مع الانتر وفجأة وقع معه مودجي ولو نعد صفقاته ماراح ننتهي , ولا ننسى ان لقب مودجي كان ( ثعلب الميركاتو ) لانه خبير بالميركاتو ويعرف كيف يجيب لاعبين باع زيدان بمبلغ خرافي وقياسي والكل استغرب , لكن النتيجة كانت ( بوفون + ندفد + كنافارو ) !! وباع انزاجي وعوضه بتريزقيه ونظرته كانت بعيده االمدى , يكفي حركة موتو !! لاعب مطرود من تشيلسي ولكنه وقع معه والكل استغرب والان نشوف موتو وين وصل وكيف صار : اسمه ملك فلورنسا وبيكهام رومانيا وصرح ومدح مودجي وقال انا ممتن له وبرضة بالادينو صرح العام الماضي وقال ان مودجي كان زي ابونا ! ويكون لمعلوميتك , مودجي كان يعمل وحيد مع جيرادو , وكان ماخذ الدعوه تجارة , لكن ادارة سيكو الغفلة يجيها دعم لكن ما تعرف تتصرف , هالموسم جاها 100 مليون يورو !! مودجي صرح وقال لو عندي هالمبلغ ايام ادارتي كان جبت كل البطولات !! وبرضة مودجي محارب من عائلة انليللي يوم مات الشايب , لان الشايب كان خاتم باصبع مودجي ومودجي صرح بهالكلام وقال ان فيه انقسامات في العائلة وهي اللي خلت المكالمات تتسرب !! ويكون للمعلومية , الدوري الايطالي مافيا × مافيا يعني موراتي وبرلسكوني يصلون على طرف ثوبهم من الطهارة ؟ كلهم كفار وملاعين جدف وانواع الخبث من وراء لوراء لكن مودجي هو اللي راح فيها ويكون لمعلوميتك , ماردونا كان انواع المنشطات لكن ما كان ينقفط لان المافيا كانت تحميه لكن بالاخير انقفط يعني المافيا لها دور كبير في ايطاليا واخيرا , الحكم ( ما اذكر اسمه ) صرح وقال جتني مكالمات من مسؤولين ورؤساء اندية ومن ضمنهم الانتر , ليه ما مسكو الا مودجي بس ؟ وموجي صرح وقال كنت ادافع عن جوفنتوس واحميهم , والان تلاحظ الفرق يوم راح مودجي مسخرة روما + نابولي + بارما <=== هذا اللي في بالي الحين غير القرارات والايقافات المبالغ فيها والادارة جالسه تتفرج واهم ما عليها تتصور مع جون الكان ! يعني مودجي اعتبره من رموز ايطاليا مو اليوفي وبس , لانه خدم ايطاليا وقدم لها مواهب ماكانت تحلم فيها مثل زامبروتا وكامورنيزي وشلتهم ! وشكرا لك مقدما على سعة صدرك في النــقاش

وعليكم السلام

اختلافك معي لا يفسد الود .. يا ناصر

موجي قد يكون قدم الكثير لليوفي لكن النهاية كانت سيئة وتحطم كل الشيء مابناه انهار

موجي له اكثر من 12 سنة مع اليوفي ..... بكل تأكيد لابد ان يقدم شيء مميز ..... والادارة الحالية لها سنة ونصف فقط ... من العدل ان لا نحكم عليها الآن

في عهد موجي فرطنا بـلاعبين اصبحوا نجوم ابرزهم تيري هنري ..

موجي كان يأخذ رشاوي في انتقال بعض اللاعبين يعني يقول لنادي معين موافق على البيعة لكن لازم يكون لي مبلغ خاص فوق البيعة ... وهذا مذكور في صحيفة موثوقة وقرأته سابقا ... وبعذر عائلة انللي انه تعاديه


صحيح في وقته اشترى لاعبين بسعر رخيص لكن بالمقابل بوفون كان اغلى صفقة انتقال حارس في العالم وندفيد كان سعره غالي


كنافارو اتفق معه وقال تمشكل مع مدربك علشان يتخلى عنك الفريق ... الانتر قالوا مانبي اللي يسبب مشاكل مع المدرب بعد كذا انتقل لليوفي بطريقة ملتويه

وبعدين ماتلاحظ موجي مسخاها كل فترة طالع ويجلس يمدح نفسه انا سويت وانا كنت واللي يمدح نفسه دائماً كـ...

اذا كنت تعتبر موجي رمز فتذكر دوماً السيريا B

--------

اقتباس

يعني موراتي وبرلسكوني يصلون على طرف ثوبهم من الطهارة ؟

--------

ههههههههههههههه برلسكوني صح لكن موراتي شف وجه يقوطر برائة



وشكراً


والشكر موصول

لندفيد الهلال

و فورزا يوفي

و ولد الزعيم البار

و تورام

على اثارئكم وتفاعلكم