رابطة عشاق اليوفي .. ][ زعيم إيطاليا ][ :: 2007/2008 :: - صفحة رقم 469 - نادي الهلال السعودي - شبكة الزعيم

G A T T U S O · #1 05/11/2007, 06:03 PM

أولا ً هارد لكم التعادل و بالتوفيق لكم في باق ِ المسابقة .

كيليني وش سويت قسم بالله صخرة إيطاليا القادمه .

أتمنا أن يُثبت مركزه كـ قلب دفاع و لا يعود إلى الظهير الأيسر أبد .

ابوحمد10 · #2 05/11/2007, 06:54 PM

ياسر

منور الرابطه

والمشكله ان كليني بغى اليوفي يفرط فيه ويعطيه لمانشستر سيتي في بداية الموسم بس ربك ستر

بس ان شاء الله من ذا المستوى واحسن

برايفت ياسر

اجل الحكم ماسوى شي وديل بييرو حقته ميب بلنتي

خلك حقاني وقل الصدق

ابويعقوب (10) · #3 05/11/2007, 07:01 PM

السلام عليكم

هاردلك يا شباب ..

من ناحيه المستوى لليوفي كنا نستحق الفوز والثلاث نقاط بجداره
آآآه بس لو الكامو دخل من البدايه كان علووووم !!
وياكونتا أثبت انه مكسب كبير للسيده العجوز ..
بوفون كالعاده أسد الحراسه ..
كليني يا لبه قلبك يا جورجيو كتمت ابراهيموبتش حقهم اللي يهايطون فيه
المسكين ما عرف يمسك كوورة صح ويا محلا الكوووع والله انه شفى غليلي

يا ليته ما قااام عقبها كفو والله كفو يا كليني ..
كرستيانو زانتي ما ادري وش فيه هالمباراه شكله والله أعلم أنه مقضم

زانتي اللي وجوده من عدمه يسحب فيهم ..؟ يا للعاااار

الكامو ننتظرك أساسي يا موسيقار زمانك وزماني

دل دل كل الكرات الي تجيه طويله وهو قصير القامه كيف بيثبت الكورة ؟

المفروض الي يثبت تريزي ويناول للدل بس الشكوى لله ..
بلادينو ما عليه غبار بس لو يركد شوي ..

عوافي يا شبااب وكثروا من الصور
وخاصه صوره كليني وهو يناظر ابرهيموبتش بحقد

وصوتي يروح (( لكلييني ))

تشآو

A - del piero · #4 05/11/2007, 07:43 PM

كـيـليـنـي بـلا مـنـازع ..

ولد الزعيم البار · #5 05/11/2007, 07:56 PM

مشكورين جميعا على التفاعل وعلى الحوار الرائع المحترم

كلكم جبتوا الايجابي والسلبي في المباراه وانا اتفق مع احمد افضل عضو في كل شي

واعذروني ياشباب على الغياب بس والله اختبارت والله يعين دعواتكم بس

وصوتي يروح لصخرة الدفاع القادمه كيلليني

واذا حصلت لي فرصه صدقوني باجي افيد واستفيد من الرابطه

::NEDVED11:: · #6 05/11/2007, 08:20 PM

صوتي يروح لكليني

رابطة عشاق اليوفي · #7 05/11/2007, 08:21 PM

السلام عليكم ورحمة الله وبركاته

تفضلو يا شباب

Made in JUVENTUS ® [1] ® OOo.. Gianluca Vialli ..oOO

ولا اوصيكم بالتفاعل السنع

ولو تكرمتو واحد منكم ينشر الموضوع على الروابط الثانية

وشكرا لكم

^%^ اتحدي احد يعرفني

^%^

عاشق السيدة العجوز · #8 05/11/2007, 08:25 PM

إقتباس

الرسالة الأصلية كتبت بواسطة رابطة عشاق اليوفي


	السلام عليكم ورحمة الله وبركاته تفضلو يا شباب Made in JUVENTUS ® [1] ® OOo.. Gianluca Vialli ..oOO ولا اوصيكم بالتفاعل السنع ولو تكرمتو واحد منكم ينشر الموضوع على الروابط الثانية وشكرا لكم ^%^ اتحدي احد يعرفني ^%^

يعطيك العافية يا ناصر << كب العشا

الحقيقة موضوع رائع ويا ليت كل الأخوان يسيرون عليه

بالنسبة للتصويت من غيرة الوحش كيليني يستاهل يكون افضل لاعب في المباراة

سام6 المشجع · #9 05/11/2007, 09:17 PM

هاردلك التعادل ياشباب..

وصوتي يروح لكيليني..

والكلب ابرا لازم يتوقف من الاتحاد الايطالي على حركته بعد نهاية المباراة..

سامي (188) · #10 05/11/2007, 09:21 PM

هارد لكم ياشباب التعادل اللي أعتقد انه عادل بصراحه !!

الحمد لله ان فيجو طلع مصاب وإلا كان سبب خطورة !!

كراتهم كلها من عند صديق البلوي

كليني نجم المباراة بالإضافة إلى النجم المعتاد بوفون

ندفيد .. دلبيرو .. تريزيقيه .. كنت أتوقع ان الكلمه راح تكون لهم في هالمباراة !!

لكن قدموا مستوى متواضع جداً !!

مولينار كان نقطة ضعف في دفاع اليوفي وكل الهجمات تبدأ من عنده !!

ليقروتالي كان يتحمل مسؤلية الهدف لأنه تارك كروز (خلفه) بدون مراقبة !!

بلادينو كان جيد وأشغل دفاعات الإنتر لكن يعاب عليه بطئ بدأ الهجمه وضعف التركيز أثناء رفع الكره لتريزيقيه !!

زانتي ونتشرينو قدموا المستوى المطلوب منهم !!

رانييري المفروض لعب بياكونتا من البداية !!

وتأخر كثير في إدخاله هو وكامو !!

الفرق لايزال 4 نقاط ... بإذن الله راح نعدل الوضع هذا في المباريات القادمة !!

صوتي يروح للبطل كليني

برايفت:

فاتكم ياشباب أمس بعد المباراة يوم نمت حلمت أن الأنتر هزم اليوفي (9/0) واليوفي كان سيييء

ويوم قمت وتذكرت انها انتهت (1/1) استاااااانست

سامي (188) · #11 05/11/2007, 09:44 PM

أحمد ألف ألف ألف مبروووووووك الفوز بوسام أفضل موضوع !!

تستاهل والله

أنا كنت منزل لك مباركة في نفس الموضوع !!

لكنها حذفت .. بدون اي سبب !!!!!!!!!

جنـون اليوفـي · #12 05/11/2007, 10:29 PM

إقتباس


	السلام عليكم ورحمة الله وبركاته تفضلو يا شباب Made in JUVENTUS ® [1] ® OOo.. Gianluca Vialli ..oOO ولا اوصيكم بالتفاعل السنع ولو تكرمتو واحد منكم ينشر الموضوع على الروابط الثانية وشكرا لكم ^%^ اتحدي احد يعرفني ^%^

شباب عن اذنكم باخذ لفه بالروابط .. بخصوص موضوع الرابطـه

جنـون اليوفـي · #13 05/11/2007, 11:16 PM

نجي للمباراة ياشباب . صح متأخر .. لكن عندي مشكله في المودم .. !!

بوفون . ياعيال مهبول قسم بالله . ؟ وش ماسويت ؟ مادري دفاع والا حارس والا وش بالضبط ؟

بلا . دينو زوف . بلا جانليوكا . بلا كاسيااس . بلا سعيد العويران .. على فكره ياشباب . !

ترى بوفون خويي .. لاحد يجي يقول حليته قبلك .. !! ولاحد يقول فيه شي وتراه خارج التصويت !

الدفاع وحوش .. طبقوا مصيدة التسلل . تمام . لولا . بربسة جريجرا . . مير ماعليه ..

كلليني . وحش حجر لأبرا .. تحجيره . على كيفك . من قوة التحجيره احس كلليني حط إبرا بكرتون

ووسكر عليه .. ! من جد ولا نفــــــــس . .!! وليقروتالي . بطل ماقصر !! ومستواه متحسن

نجي للمحاور . زانتي . ونوتشرينو . ابطال . لكن نوتشرينو كان عيبه . تسليم الكوره . نشوف

افتكاك الكوره تمام . بس التسليم . ماش . مهوب اللي تبيه . ؟ كان المفروض . يريح نوتشري

وينزل تياقو . أو الميرون . !! من وجهة نظري كان المستوى في تحسن ..

بالادينو . مهااره . كنترول . سرعه . فكر ممتاز . بس كان يعيبه الإحتفاظ بالكره بس ولو المستقبل قدامك يابـطل

تريزي . كان معزول . تمام .. ودل دل . ماسوى المطلوب منه ابدا . نشوفه ينزل يستلم بس برضو . فيه عزل . تاام !!

كامو . وش اقول ؟ راجع من اصابه ؟ واربع شهور مالعبت . وتشخمط إثنين . واسيست خالع لياكونتا

ياكونتا . شعلة حماس . .وكان المفروض انه اساسي . يحوسهم بلياقته ووسرعته .. !!

رايننيري تفوق على مانشيني .. بس مالاحظتوا . شي .. إذا مافاز علينا الإنتر بهالضروف . ؟ متى بيفوز ؟؟

وشكرا ً

عبدالـرحمن · #14 06/11/2007, 12:13 AM

تعليق على المباراة

كان المفروض من المدرب اشراك الميرون او تياقو من بداية المباراة

بدل زانتي او نشيرينو

يعني زانتي ونشيرينو ....... مايصلح يلعبون سوى ..... لان مهمتهم وحده ,,,, وهي دفاعية بحته

بعكس الميرون وتياقو ...... طريقة لعبهم في الهجوم اكثر بأمداد الكرات للمهاجمين وللاطراف

فالافضل ان يكون محور دفاعي مع محور هجومي

ماحصل في مباراة الانتر هو وجود محورين مهمتهم الدفاع

وهذا اثر على الفريق بحيث أن الكرة من النادر ان تقترب من مرمى الخصم

لو تلاحظ في المباراة ان هناك هوة بين وسط وهجوم الفريق

لا يوجد امداد ولاتوزيع للكرات بشكل صحيح

وهذا بالطبع مهمة تياقو والميرون في اليوفي

..........

اقول ....... صراحة ....... وش رايكم بالتحليل اعلاه

اصلح اكون مدرب لليوفي

............

skroo · #15 06/11/2007, 12:18 AM

السلام عليكم
شباب وين حقون الترجمة

كابيو يمدح اليوفي

http://www.channel4.com/sport/footba...lia/nov5i.html

ندفد : ما تعمدت اصابة فيجو , وموراتي شاب في ندفد

http://www.goal.com/en/Articolo.aspx?ContenutoId=470636

تصريح دل بييرو وبلانك

http://www.goal.com/en/Articolo.aspx?ContenutoId=470636

ملبرج السويدي يتحدث للموقع الرسمي ويقول مانيب رايح لليوفي

http://www.skysports.com/story/0,195...862743,00.html

رانييري يمدح اللاعبين

http://www.juventus.com/uk/news/deta...07000&ID=12703

كوبولي يتكلم عن المباراة

http://www.juventus.com/uk/news/deta...07000&ID=12694

الشغالة يتكلم عن المباراة

http://www.juventus.com/uk/news/deta...07000&ID=12702

شدو حيلكم والله يوفقكم واعذرونا على القصور , الاشغال مالية راسي وزين اني نزلت موضوع فياللي اليوم