سلامز..

انا ماشفت المباراه صراحه .. لكن قويه 3-1 لنابولي

واتوقع ان اليوفي مستواه هبط الشوط الثاني.. من الاساس كيف يخلي مهاجمين نابولي يدخلو منطقه الجزاء؟

على العموم هارد لك يوفي.. وان شالله نشوف ندفد ينشط خط الوسط في المباراه الجايه

إقتباس على العموم هارد لك يوفي.. وان شالله نشوف ندفد ينشط خط الوسط في المباراه الجايه

يا حليلكـ .. نيدفيد موب لاعب المباراه الجايه وعقوبة الايقاف مبارتين ..

ترتيب الدوري


1- انتر 21
2- روما 18
3-يوفي 17


مع العلم ان فيورينتينا مركزه الرابع بـ 16 نقطه ولو كان فايز يعني اليوفي المركز الرابع ..

لكن انشالله يكونوا خسروا !!!

شباب اليوفي ممكن يعود للمركز الثاني بهالطريقه الصعبه :-

روما يخسر من لازيو بالديربي ..

اليوفي يفوز على ايمبولي ..

فيورينتينا يخسر بهالجولة او يتعادل ..

ولو الانتر يخسر من جنوى وهذا شي مستحيل ..

يصبح اليوفي المركز الثاني بفارق نقطه عن الانتر ..

وبعدين الجوله اللي بعدها لازم نفوز على الانتر لكي نحصل على الصدارة ..!!

قولوا ياارب .. وانشالله الامور بتمشي تمام ..!!

شباب مباراة ايمبولي الاربعاء .. منقوله ولا لا؟؟

سبحان الله الغش مايدوم والله لايضيع اجر من احسن اليه

شفنا الظلم اللي حصل البارح عشان يصير الفرق 6 نقاط

لكن اليوم تعادلوا مع باليرمو سلبيا

تدرون ليش لانهم مايعرفون يتقدمون الا اذا شافوا اليوفي لاصق فيهم يخوفهم

يله يارب الفوز حليفنا المباراه الجايه قدام امبولي ونفوز على فريقهم ونوريهم الشغل كيف

المركز الاول ماابي الثاني المركز الاول اموت واحيا به

ما فيه اخبار اليوم ؟؟ وين عبدالعزيز اليوم

إقتباس الرسالة الأصلية كتبت بواسطة حظيظ ما فيه اخبار اليوم ؟؟ وين عبدالعزيز اليوم

يا احمد ما فيه اخبار لحد الان
فيه تصريح لمدافع نابولي اللي جاب القولين ويقول انه تمرن على تسديد البنتيات وانه كان حاط بباله انه بيواجه افضل حارس في العالم ومن هالكلام

ومن حظنا ان الانتر تعادل , وتمنيت ان الميلان فاز لاجل تعثر روما لكن نحمده على كل حال

للاسف ياسعد المباراه المنقوله يوم الاربعاء مباراه روما ولاتسيو

ومباراه اليوفي راح تكون اعاده يوم الجمعه

وقبل شوي جالس اشوف قنوات الارتي وبينقلون كل المباريات اللي ماراح تنقلها الجزيره الا مباراه اليوفي وش السالفه


الظاهر بنرجع لبرنامج مازن

8
8

sky

و بس


بلا جزيرة بلا اي آر تي ..



فأمان الله

^^^


هههههههههههه احسن يا رجال عندي اختبارات وما اقدر اذاكر واترك اليوفي بالتلفزيون بدون ما اتابعه .. من صالحي وان شاء الله ثلاث نقاط لليوفي

][.. احوال اللاعبين ..][






عاد اليوفي للتمارين هذا الصباح . باستثناء بوفون الذي ركض لوحده , ودل بييرو كان يتمرن في الجيمنازيوم . الاخرين ومن ضمنهم ياكونتا وماركيوني وتياجو بداو بالتمارين العادية . كما عاد للمجموعه زيبينا واوليفيرا والذين لم يستدعو لمباراة البارحه بسبب الام عضلية .



calciomercato


للمعلومية

كليني و نوتشيرو ما راح يلعبون ضد امبولي بسبب البطاقات الصفراء عندهم

إقتباس الرسالة الأصلية كتبت بواسطة skroo ][.. احوال اللاعبين ..][ كليني و نوتشيرو ما راح يلعبون ضد امبولي بسبب البطاقات الصفراء عندهم

يعطيك العافيه عبدالعزيز .. وكلامك سليم بالفعل لاعبيننا استسلمو وما الومهم صراحه بالمباراة هذي ..

لكنهم دايم يستسلمون في المباريات السابقه زي مباراتنا مع جنوى ... اليوفي ما يعرف حافظ على الكوره فيه ارتباك في خط الوسط وعدم خبره ..

هذا عيب باليوفي يمكن يستغله الانتر بالمبارات الجايه .. مع اني ظامن الفوز بنسبة 98% لأن الانتر مستواه ضعيف ويفوز بضعف الخصم وخوفه من اسم الانتر

____

بالنسبه للمسابقه انا ما اعرف وين القى يوزر الرابطه عشان ارسله في المباريتين السابقتين كان احد احمد يحطه هنا ..

لكن الحين ما حطه وتلفتت ما دري كيف ابحث عنه

إقتباس ][.. احوال اللاعبين ..][

مباراتنا الجاايه ضد امبولي فريق قوي ولكن ان شاء الله اليوفي لن يتأثر بما حدث وهالفضيحه راح تزيده قوه وحماس ..

اليوفي من الصعب انه يستسلم .. واتمنى الفوز في المباراة الجايه وتعادل الانتر .. وان شاء لله عدم خسارة الانتر في اي مباراة لحد الان تكون من صالح اليوفي ..

عشان يصير اليوفي اول فريق يهزم الانتر هذا الموسم وما يسبقنا فيها احد ...