ايقاف نيدفيد مباراتين ورانييري مباراة


المرتزقة لا يزالون يعبثون بالسيدة العجوز من دون ان يجدوا رجلاً يضع حد لهذه المهازل

فبعد الظلم التحكيمي وجعل كولينا مسؤل عن تعيين الحكام وبعد محاولة ايقاف عودة السيدة العجوز في السيريا بي لا يزال هؤلاء المرتزقة يقودون هذه الحملة القذرة

هاهم يعودون من جديد ويوقفون النجم الزئبقي والاسطورة التشيكية البيانكونيرية بافل نيدفيد مباراتين والمدرب كلاوديو رانييري مباراة وتغريم النادي 15 الف يورو


المصدر

^^

والله مهزلة اللي قاعد يصير زود عن انها طرد ظلم ايقاف مباراتين اخخخخ بس لكن ان شاء الله البديل موجود والحمدلله انه بيلحق مباراة الانتر وان شاء الله المباراة الجاية بتعدي على خير

مشكور مبارك

إقتباس سعد مشكور على التعقيب وياليت تنتبه لهالنقطة اقتباس: انشالله لان المعنى يختلف كليا عن ان شاء الله

ابشر

وانشاء الله ماتتكرر..

إقتباس ايقاف نيدفيد مباراتين ورانييري مباراة

شفتوا ماقلتلكم هالـ .. (كولينا ) هذي بدايات الملعنه .. والله يكون بعونا ..

وراح نشوف العجب بمباراة الانتر يعني يمكن يحطون ذالحكم اللي حكم قبل امس يحكم بالمباراه ويحسبلهم اربع ضربات جزاء .. ويطرد بوفون وديل بييرو ورانييري وكوبولي بعد .. لحد يستغرب !!

][ :: غياب بوفون عن التمارين وتعافي كامو :: ][



شهدت تدريبات الجلسة الصباحية ليوم الثلاثاء استعداداً للقاء السبت المقبل ضد نابولي غياب بوفون وهو الغياب الوحيد في التمارين بينما ترزيغيه وكيليني وبرنديلي وزيبينا عملوا على حده في الجمنازيوم
واسترد نجم الوسط كامورنيزي عافيته الكامله

المصدر

][ :: برشلونة يتابع تياغو :: ][



وفقاً لصحيفة رياضية إسبانية يومية فإن نادي برشلونة يتابع وضع نجم الوسط البرتغالي تياغو الذي لم يجد لنفسه مكاناً في اليوفنتوس

المصدر

إقتباس ][.. سيسوكو: نادم على تفريطه باليوفي ..][

ظهور اليوفي بمستوى رائع وملاحقته وقربه من المتصدر بفارق ثلاث نقاط .. مع ان اكثر التوقعات واكثر المتفائلين لم يتوقع ظهور اليوفي بهذا المستوى الجيد

رغم ان اليوفي واجه صعوبات ومشاكل من الاصابات وبعض الظلم التحكيمي .. كل هذا جعل اللاعبين والمشاهدين في جميع انحاء العالم

يعلمون ان اليوفي هو اليوفي مهما تغيرت الاسماء ومهما وقف بوجهه الحظ وحتى وان الفريق قادم من الدرجه الثانيه ..

الا انه يقدم مستوى حتى الان افضل من مستوى بطل اوروبا .. ولو لم يكن هناك اصابات .. لكان اليوفي المتصدر ..

وندم محمد سيسوكو دليل واضح على تغير نظرة الكثير لليوفي بعدما قلة سمعت اليوفي بنزوله للدرجه الثانيه ..

هناك الكثير مثل سيسوكو يتمنون اليوفي ولكنهم لم يصرحو ..

ظهور اليوفي بمستوى رائع لو واصل عليه حتى الانتقالات الشتويه .. لسهل على اليوفي قدوم اللاعبين ..

واتمنى سيسوكو ان يكون اول الوافدين ..

إقتباس ][.. تعافي كامو وماركيوني واكوينتا ..][

اخبار رائعه والحمد لله .. وجود ياكونتا وبالادينو يعوض غياب نيدفيد ..

وان شاء الله كامو راح يكون جاهز في مباراة الانتر ..

إقتباس :: لــقــطــاآآت ::

ما قصرت يا خالد ويعطيك الف عافيه ..

إقتباس ][.. كوبولي سعيد باليوفي وفيراري ويفكر بالانتر ..][

ان شاء الله راح تزودون الخزنه .. الشتا جاي والسوق بيناير .. لا تنسون سيسوكو بس ..

وبإذن الله الفوز لليوفي 2 صفر ..

إقتباس ][ اليوفنتوس .. يريد لامبارد ][

احتمال كبير انه يجي لليوفي .. مع انه ما يصلحلنا ... بس اتمنى قدوم ريكلمي وسيسوكو فقط ..

إقتباس ][..الفيولا يدخل في المفاوضات على تياقو ..][

بثلاثه ونص .. ما يستحون على وجيههم هم وهالسومه ؟؟

يا يرفعون روسهم شوي ولا لا يسومون < ---- وش عنده الشريطي

إقتباس ايقاف نيدفيد مباراتين ورانييري مباراة

شي طبيعي .. وزين انهم ما وقفو بوفون .. لانه كابتن وما هدا نيدفد

إقتباس ][.. ماردونا لريكلمي: يجب أن تذهب لايطاليا ..][

بصراحه اذا ميلان بتدخل بالسالفه اتوقع انه بيروح للميلان .. لأن الميلان سيدفع اكثر من اليوفي .. والميلان ماخذ 100 مليون بابطال اوروبا وماشترو لاعبين ..

يعني قادرين يصرفون 50 مليون لريكلمي .. لكن ان شاء الله انه من نصبنا

إقتباس ][.. نيدفيد يوقف لمباراتين ويعود أمام الانتر ..][

إقتباس نيدفيد ياجماعة سوى شيء بعد المباراة ؟؟ يعني احتج اعترض ؟؟ فرحت بالطرد كونه بعد اللقاء يعني الغياب مباراة وحدة بس ..؟؟ ولا فقدناه قدام جنوى ..!! واستغربت الطرد لكن أغرب منه قرار الايقاف..؟؟ البطاقة الصفراء بدون سبب كان المفروض يلام عليها الحكم مو يعطى الموافقة على الظلم ويعاونونه عليه بقرار الايقاف ..!!

والله ماهي مستاهله كرت واحد على نيدفد .. يعني الكرت الاصفر كلنا متفقين انه مال امه سنع

لكن الثاني كلهم نقزو للكوره وصار فيه احتكاك عادي جدا .. بس الاعب كبر السالفه والحكم التفت ولقى نيدفد معصب .. قال اكيد انه جاين ياخذ ثاره

قام الحكم بدون تفكير طرده .. كولينا ما صدق خبر قال ولعيونك مباراتين .. <-- يقالي مبين لكم الوضع..

بالنسبه لي احسن يوم طرد .. بصراحه مستوى نيدفد سيء بالموسم هذا .. واذا كان بالادينو موجود ما فيه خووف والمدرب يقدر يلعب بثلاث مهاجمين ..

ويخلي الميرون صانع لعب

يا شباب بالله ابي اغنية اليوفي الي يقدر يجيبها .. طلبتها قبل وماحد جابها .. ياليت الي عنده يجيبها ..

ابيها مقطع صوتي بس

^^

اي اغنية فيهم يا احمد فيه اغاني واجدة لليوفي ولا تبيها كلها

إقتباس ][.. ماردونا لريكلمي: يجب أن تذهب لايطاليا ..][

على يدك يامردونا !!

والله فرصه خياليه لليوفي المبلغ المطلوب قليل جداً في حق اللاعب !!

إقتباس ][.. نيدفيد يوقف لمباراتين ويعود أمام الانتر ..][

أشوى انهم ناسين ان باقي على مباراتنا مع الإنتر مباراتين !!

لو كانوا يدرون كان وقفوه ثلاث مباريات !!

والله المهزله صدق !!

انا ودي اعرف وش يبون مننا هذولي !!

غير ان الحكم كان حايق المباراة وعطى نيدفيد كرت اصفر وأحمر ظلم ... يجون يوقفونه مباراة زيادة !!

هذا بدال مايوقفون الحكم !!

اقول الله يحلل فيصل العبد الهادي بس <<< وش دخل فيصل العبد الهادي في الموضوع

إقتباس ][.. سيسوكو: نادم على تفريطه باليوفي ..][

يمدي باقي الإنتقلات الشتويه !!

هذا اللي نتمناه مو جلبرتو اللي سنتين وماشي !!

إقتباس ][ اليوفنتوس .. يريد لامبارد ][

من جدهم عارضين عليه 9 ملايين بس !!

مستحيل يجي بهالمبلغ !!

إقتباس ][..الفيولا يدخل في المفاوضات على تياقو ..][

ثلاثة ملايين ونص !!

اخاف يبون الفنيلة بس

وش رايكم تاخذون وترجعون لنا موتو

ااااه ياموتو !!

إقتباس ][.. تعافي كامو وماركيوني واكوينتا ..][

ياجماعة اخيراً بيرجع ماركيوني !!

والله هاللاعب مكسب بس المسكين أصيب قبل مايبدى الدوري !!

ان شاء الله نشوفه في مباراة الإنتر ولو كورقة رابحة !!

أفضل من صالح حالياً بكثيير !!

كنت اتمنى اشوف صالح البايرن !!

لكن ما ادري وش سبب تواضع مستواه الى هالدرجة !!

برايفت :

سعد الصحيح ان تقول (إن شاء الله) وليس (إنشاء الله)

فيه فرق كبير في المعنى !!

يعطيكم العافية