^^^^

تروح وتجي بالسلامة يا لؤي ,, والله يوفقك ويسهل دربك وترفق بالخط
ومن ناحية التصميم معليش نسيت لا انتقده لكن تراه ممتاز بس ينقصه بعض الاكشن ,, يبيلك تتطول بالفوتوشب وتخنبق فيه كل يوم ولا بد تقفل معك منه وتقفله وبعدين ترجع وتشغله وعلى هالحاله لين يفرجها ربي

من ناحية مدريد تراني امووت فيهم بس احيانا يقهروني ببعض الامور ,, يعني يوم طردو دل بوسكي وجابو بيكهام حامت تسبدي منهم
والحين طردو كابيللو يوم جاب الدوري !! وجابو شوستر علشانه يقول ودي ادرب مدريد ؟ ومخلين كل التعاقدات وناشبين يبون كاكا ؟ يعني كلنا نذكر مدريد يوم كان مرعب ماكان فيه لاعب مميز ولكن فيه مدرب مميز وروح عالية
ما علينا من المدريد لكن الشيء بالشيء يذكر

الموسم هذا ( اليوفي + البايرن + مانسيتر سيتي )

إقتباس alz3eem4ever

وراك متشائم عاد !! تفائلو بالخير تجدوه
لاتنسى ان ليبي راح للانتر وما فلح ,, يعني ما نحكم بالفشل والنجاح بتاريخ رانييري
وصراحة مستوى اليوفي معه مرة ممتاز

إقتباس سعيدان

سعد الحمدلله على السلامة ويالله شد حيلك نبي توزع القضوم على الرابطة خلها تستلج

إقتباس B U F F O N

حيا الله محمد وش اخبارك يا مخاوي فياريال

يالله شد حيلك وخذ لك كومة قضوم من سعيدان وادهرو بالرابطة

إقتباس كيفي هلالي !!

عبدالرحمن انا احس ان السبب انك ما قدرت تترجم هو خالد
تراه ما يعرف يسولف بالمسنجر ولا شي ,, دايم اذا خلصنا من محادثة بالمسنجر اروح واترجمها علشان اقدر افهم <--------------- قلب على خالد

يالله عوافي شباب وبانتظار الاخبار , خابرين انتم الديل اب يحوم تسبدك لو بتترجم

أخر الأخبار : روسي قد يكون القادم :
شارت آخر التقارير في إيطاليا أن نادي يوفنتوس قد يعود لمحاولة ضم المهاجم الإيطالي الصغير

جوسيب روسي والذي يلعب للمنتخب الإيطالي تحت سن واحد وعشرين عام , مدرب نادي

يوفنتوس رانييري يبدوا أنه يريد ضم المهاجم , فعندما قام بتدريب نادي بارما في الرمق الأخير من

الموسم الماضي كان روسي هو أبرز أوراق المدرب الإيطالي , حقيقة قد يكون الخبر غير سار

لعشاء السيدة العجوز فقد يكون ضريبة قدوم روسي هو إستبداله برفايل بلادينو فبعد قدوم روسي

يبدوا أن يوفنتوس في وقتها يجب ان يضحي بأحد المهاجمين , والأقرب حسب ما اشارت إليه

الصحافه هو رفايل بلادينو , الغريب في الامر أن رغم انتقال روسي إلى نادي فياريال لازالت الصحافة

تأكد قدومه لنادي يوفنتوس.
المصدر :
http://www.tuttomercatoweb.com/index...=read&id=72040

يا أخوان وش رايكم في جيلبيرتو سيلفا لو جاء لليوفي هل هي صفقة جيدة أم لا وش رايكم ؟؟

إقتباس أخر الأخبار : روسي قد يكون القادم :

روسي مكسب وما اعتقد اليوفي يحتاجه

دل دل + تريزقيه + زالايتا + ياكونتا + بالدينو

ولا ننسى ان الموسم القادم بيجي هونتليار واللي دفع فيه جوفنتوس زي العربون او الضمان

إقتباس يا أخوان وش رايكم في جيلبيرتو سيلفا لو جاء لليوفي هل هي صفقة جيدة أم لا وش رايكم ؟؟

اعتقد انه مستهلك ولا ينفع للدوري الايطالي ,, يمكن ينفع للاسباني او الانقليزي لكن الايطالي ما ينفع له
ولا اعتقد اليوفي بحاجه له ولو يجلس بلازي افضل منه

عوافي عبدالفتاح

إقتباس حيا الله محمد وش اخبارك يا مخاوي فياريال يالله شد حيلك وخذ لك كومة قضوم من سعيدان وادهرو بالرابطة

الله يحييك ،، مـــع فيـــاريــال .. متقدرش تغمز عينيك الفريق فــاز أمـــس علــى ليفورنو اللي بنباريهم في أول الدوري بـــالــبلنتيات

إقتباس أخر الأخبار : روسي قد يكون القادم

يـــا أخـــي الطليـــان ذول يهولون الأمور ،، اللاعـــب وقع عقد مــع فـــياريال لــمدة 6 سنين .. و مـــا فـــيه فريق يقدر يـــاخذه بدون إذن فياريال إلا المـــان ..لأنه حطوا بند فــي العقد أنهم يقدرون يسترجعون فـــي حالــه وحده بـــس ..و الله أعلم وشهي هــالحالة .. و يمــكن تكون الأخبار صحيحة إذا اللاعب قرر يسوي مثل أيالا

إقتباس اعتقد انه مستهلك ولا ينفع للدوري الايطالي ,, يمكن ينفع للاسباني او الانقليزي لكن الايطالي ما ينفع له ولا اعتقد اليوفي بحاجه له ولو يجلس بلازي افضل منه

بـــالعكـــس أنـــا مـــع قدومه للـــيوفـــي واللاهــب مميز و على مـــا أعتقد أن عمره بين الـــ 29 و الـــ 30 يعني يعطيك 3 أو 4 سنين قدام .. و أحنـــا نبيـه للموسم الجي بــــس علشان يمشي الحال

إقتباس الموسم هذا ( اليوفي + البايرن + مانسيتر سيتي )

أنـــا الموسم هـــاذا ( اليوفي + فيــاريال + الليفر )

أقول نـــاصر شكلي مليت الرد اقباسات على ردودك و تقريبا نصها شات << يخاف يطب علــيه خــالد الحين و ينافخ

يلا في خبر تحت الترجمة حاليـــا

][ اليـــــوفــــي يريد سامويل ][







المصدر

[QUOTE] أخر الأخبار : روسي قد يكون القادم [/QUOTE
]

والله انه لاعب فلته له مستقبل كبير

إقتباس يا أخوان وش رايكم في جيلبيرتو سيلفا لو جاء لليوفي هل هي صفقة جيدة أم لا وش رايكم ؟؟

انا اختلف معك ياناصر والله ان جلبرتو هو المناسب لليوفي الحين
نبي لاعب محور دفاعي ومافيه الا جلبرتو

صحيح انه كبير لكن يطقطق معنا ذا الموسم وندور غيره

نـــــابولـــي قريبين مــن أنهاء الصفقة مــع زالاييتا و بلازي و علــى مــا يبدوا أن رانييري موافق .


المصدر 1

المصدر 2

تراهم نفس المصدر بـــس فرق اللغة بيــن فرنسي و إيطالي .. لأني ما لقيت الخبر بــالإنجليزي

ساندرلاند يــــصرف النظر عــن التعاقد مـــع كلليني

صرف نادي ساندرلاند التعاقد مــع لاعـــب اليــوفـــي كليني و بدأت إدارتــه فــي التعاقد مــع مدافع ميدلزبره خوليو آرسي ذو الـــ 26 عاما

المصدر

إقتباس الرسالة الأصلية كتبت بواسطة B U F F O N ساندرلاند يــــصرف النظر عــن التعاقد مـــع كلليني صرف نادي ساندرلاند التعاقد مــع لاعـــب اليــوفـــي كليني و بدأت إدارتــه فــي التعاقد مــع مدافع ميدلزبره خوليو آرسي ذو الـــ 26 عاما المصدر

و الله ما أضن يا أخوي و كان ودي أسأل سؤال: ألحين خلاص ي انطونيو كاسانو بيروح لسبودريا ؟؟ و لا وش القصة ؟؟ صح السؤال مهب في محله بس كنت أبي أشوف وش الحبكه في ذا الموضوع

إقتباس الرسالة الأصلية كتبت بواسطة هلالي_11 و الله ما أضن يا أخوي و كان ودي أسأل سؤال: ألحين خلاص ي انطونيو كاسانو بيروح لسبودريا ؟؟ و لا وش القصة ؟؟ صح السؤال مهب في محله بس كنت أبي أشوف وش الحبكه في ذا الموضوع

خلاص راح إعارة رســميا

هاينزة قريب من الخروج من المــان



اللاعب قريب من الخروج من المان بعد أن كان قريب مــن الريال و البرسا أصبح قريبا الآن مت اليـــــوفي و الليفر و الميلان.. و سيتم تحديد وجهته اليوم بعد أن تنتهي المحكمة مــن قرارها

المصدر
http://www.transfermarketweb.com/ind...ead&idsel=2444