المسلسلات الخليجيه .. الى اين !! - صفحة رقم 2 - نادي الهلال السعودي - شبكة الزعيم

الهلالي دائماً · #1 13/06/2007, 08:50 AM

هلا وغلا كنوري الازرق

وان شاء الله تكون حليت زين في اختبار اليوم

الا على طاري المسلسلات الى اللحين العالم تنظرها

عاد آخر مسلسل شفته الزير سالم

>>> احد جاب طاري كلي هلالي :p

اما شغلة من غير هدوم فالله يستر صارت في كل شي ..

مو بس المسلسلات في الاخبار وفي الملاعب وفي الاعلانات ... الخ

وعلى طاري زينب العسكري شخبارها

من زمان عنها

الى اللحين ما صارت عجوز ;)

عاد ابو كناري اذا شفتها بلغها سلامي قل ابو مقبل العاشق القديم يسأل عنك يالوعة

>>> ابو الشباب اركد شايفني مدير اعمالها

والزبدة ان ها المسلاسلات صارت عندي ابيخ شي في العالم لا عاد اطيق اشوفها

ومع تنوع القنوات وكثرتها الواحد ما ينحد عليها مثل اول ايام القناة الاولى الله يذكرها بالخير ..

والتفصخ والتعري قادم بقوة وليتها توقف على السرة وبس

الكناري .. احس اني شطحت بقوة عن موضوعك حينما اطلقت لقلمي العنان ليكتب كما شاء

شكرا لك ياباشا ..

ودمت بحفظ الله ورعايته ,,,

الكلاسيكي · #2 14/06/2007, 09:12 AM

هلا فيك اخوي الكناري الاخضر .. <<طحالب ..

نورت المجلس بموضوعك الرائع..
اللي وضعت فيه قلمك على مكان حساس جداً ..

كلنا نعرف ان المسلسلات الخليجيات بالذات هي الاكثر متابعه في البيوت ..
واقصد بذلك الفتيات والاطفال .. في السابق كانت فكرة المسل هادفه واجتماعيه
وفيها الكثير من الحلول للقضايا والمشاكل الاجتماعيه .. هذا سابقاً

اما الآن مثل ماذكرت .. كل زكرشه .. واعلان عن ماركات .. وتحدي بين البنات...
من الاكثر مكياج .. ومن الاورع ملابس .. ومن الاجمل سياره !!

وتوقف التجديد .. صارت كلها افكار متكرره الاستعمال !!
بالاضافه للمبالغه الزائده في كثير من الامور .. والحقيقه المسلسلات لاتحاكي واقعنا ..
رغم انها تصرف مبالغ طائله عليها بالملايين الخياليه .. ولكنها فقط فرقة اعلاميه !!
والحقيقهان المسلسل بفكرته وحواره وهدفه خالي من الايجابيات ..

في الختام اشكرك على طرحك الرائع .. واسلوبك الجميل .
وعلى لهجتك القصمنيجه المملوحه :p .. اللي انا اعشقها شخصياً ..

وانبسط لما يهرج قصمنجي .. احس انكم بكوكب ثاني ..

تقبل ارق التحايا ..
دمت بخير ..

F I N A L · #3 13/06/2007, 03:33 AM

إقتباس


	و يا شين السرج عالبقر !

أعجبني هذا المثل ,,

يابو الشباب ليش تشغل بالك وتفكير وعقل وووووووو

وتتعب يدك الغاليه عليك

في الكتابه عن أشخاص

أقل ما نقول عنهم انهمـ

(( حثالة المجتمع ))

روح ذاكر أزين لك

الكناري الأزرق · #4 13/06/2007, 03:43 AM

تدرون وش ازين شي بالعالم ..
انك تصفي الردود و ترتاح .. عشان ما تجيك الهنوف بشبكه الهلال و تفلسف عليك

فتاة الهلال

موب انتي بس مقهوره !!
كل الناس مرفوع ضغطها منه ..

انتي ناظري بس وش لون ينطق حرف الراء الله لا يبلانا ..
ما ابي احلف اني ودي اصكه بالزبياريات لكنه للاسف برآ البيت <== و انت الصادق الحمد لله .. خآيف عـ التلفزيون يالقعيطي

ن و س 7 7 0

اجل عجبك المثل !
طيب خذ عالمثل لـ عيونك

/

يا شين السرج على ن و س 7 7 0

لا تزعل يا هوهـ .. و حثاله المجتمع شوي عليهم ..

هلالي القرعاء · #5 13/06/2007, 05:17 AM

وعليكم السلام ورحمة الله وبركاته ..

هلا والله نايف ..

موضوعك بـ الفعل يحكي الواقع اللي نعيشه ..
من حيث زيادة الفتن .. وزيادة التعري في المُسلسلات الخليجية ..!

الحين في أزياء تـُـعرض في المسلسل ..

ويستفيد الطرفين .. الممثلات يلبسن على الموضه .. وهم يستفيدون من خلال عرض أزيائهم في مسلسل يتابعه الكثير ..

لـ الأسف بعضهن ما أدري وشلون ماتستحي ..

اللبس وصل إلى الركبه .. وإذا جلست ارتفع فوق ..!

ومن فوق ماتقصر ..
لبس ضيق والجسم باين ..!
حتى ان بعضهن أجسامهن شوي مليانه وتلبس ضيق ويجي الجسم من فوق أجزاء !

حتى في البيت ..
البنت كنها في حفله ..!

يعني المسلسل تجي فيه الوحده عشان يقولون شوفوا ذي وش زينها .. وكل المسلسل حاطه مكياج !

ولو شفت في مسلسل صاحبة الإمتياز ..

أمل العوضي كول الوقت مكياج .. وتدلع بـ شكل فوق المعقول .. بالنظرات وطريقة الكلام !

ولمياء طارق تلبس الضيق والقصير ..

واللي تسمى شهرزاد تلبس ضيق ..
وهن مليانات شوي

والقادم اسوأ

لكن بعيد عن هذا كله أنا عاجبني المسلسل ..

فيه شي يخليك تبتسم وتضحك ..

غير عن بقية المسلسلات اللي كلها هموم وامراض ومخدرات وخرابيط ..

مثل أسوار وجمانه وطقتهم ..

أما عن عمليات التجميل فـ لا تعليق ..

اللي يشوف وجه شيماء علي و(التافهه) منى عبدالمجيد يكرهـ شي اسمه عمليات تجميل ..

يعطيك العافيه ..

الكناري الأزرق · #6 13/06/2007, 09:44 AM

هلالي القرعاء ..

إقتباس


	حتى ان بعضهن أجسامهن شوي مليانه وتلبس ضيق ويجي الجسم من فوق أجزاء !

ملاحظ هالشي .. الجسم طبقات ودك تقوم تطعس عليه

إقتباس


	أمل العوضي كول الوقت مكياج .. وتدلع بـ شكل فوق المعقول .. بالنظرات وطريقة الكلام !

ايوهـ يا ولد جـده انتا

نطلع عالبحر

؟

عموما .. ناظر وش لون اذا قالت مامي ..
منب حالف انه تقل باكستانيه

إقتباس


	واللي تسمى شهرزاد تلبس ضيق .. وهن مليانات شوي

هذي اللي كنت اقصده يوم اقول البراطم تقل قارصته نحله :p
و لا تهون شيماء علي

إقتباس


	لكن بعيد عن هذا كله أنا عاجبني المسلسل .. فيه شي يخليك تبتسم وتضحك ..

عامر محسن

نكتة المسلسل ..

محمد منور انت و خشك ..

ماجد مقبل العوفي

ابشرك حليت زين .. و ان شاء الله نطق الثلاثين

و زينب العسكري ابشرك كل ما تكبر زادت حلآ

و ابشرك بلغتها اشواقك ..
و قالت الله يذكرهـ بالخير .. اذكر مرهـ سرق كنادري الكعب

إقتباس


	ومع تنوع القنوات وكثرتها الواحد ما ينحد عليها مثل اول ايام القناة الاولى الله يذكرها بالخير

الله يذكرها بالخير من جد ..
الوحدهـ و هي مع زوجها لابسه حجاب

لا اله الا الله , سبـ ح ـآنك اللهم و بحمدكـ .. استغفرك و اتوب اليك اني كــنت من الظالمين ..

ابو طـــــلال · #7 14/06/2007, 10:13 AM

طاش ماطاش .. خصوصا نصر القصبي .. رغم ان الكثيرين مايبونه بس انا بصراحه يضحكني .. ومسرحيات عادل امام القديمه .. وبالاخير بصراحه تابعت مسلسل اسوار .. واعجبني ..

والباقي كله امريكي ... ناس تعرف شلون تخليك مسنتر عند الشاشه من التشويق والاثاره والقصص الرائعه .. اما الاخوة المصريين .. قصت العام هي حقت السنه ..

تقبل مروري يالكناري الازرق ... ومشكور على هالموضوع الحلو ..

Al Qahtani 20 · #8 14/06/2007, 11:05 AM

انا من شفت اسمك كاتب موضوع قلت بس جاي وانت تغرد بس

تعال انا اقول لك كل المسلسلات الخليجية في سطرين

ابو شايب عنده شركة وعياله واحد معه والثاني الصغير صايع وضايع

الأبو يعجب بالسكرتيرة وقزه الولد وعلم امه وصارت المشاكل وتزوجها الشايب ومن صراخ لزعاق وضرب وكف محترم << اهم شي

وفي الأخير يموت الولد الصغير في حادثة مداهمة للشرطة لاقين معه تحاميل

وزوجة الاب السكرتيرة تتطلق لأنه اكتشف انها تبي تلهف الشركة وكل هذا في اخر خمس دقايق من الحلقة الأخيرة

الكناري الأزرق · #9 14/06/2007, 02:04 PM

مرحب هالسّع ..

الكلاسيكي

شايف(ن) اهلاوي انت و خشك ..
لولا خويي مالك معاذ كان شلت هالنادي من الخارطه

" على طاري الخارطه و ما الخارطه , اخبر اسرائيل مدري امريكا كانت تبي تشيلنا من الخارطه .. وش بهم ما شالونا ؟ اكيد عشان حنا اذكياء رسمنا دولنا بقلم حبر موب قلم رصاص عشان ما يقدرون يمسحونه

" ..

<=== طس يرحم امك

إقتباس


	رغم انها تصرف مبالغ طائله عليها بالملايين الخياليه .. ولكنها فقط فرقة اعلاميه !!

من جد ملايين ..
السواق تلقى معه فياقرا

إقتباس


	وعلى لهجتك القصمنيجه المملوحه .. اللي انا اعشقها شخصياً .. وانبسط لما يهرج قصمنجي .. احس انكم بكوكب ثاني ..

انتم اللي بكوكب ثاني ..
اللي ما يعرف قصمنجي هذا انسان رجعي و ما يواكب التطور

منور حبيبي عادل !!

ابو طلال

الله يهديك .. من جرف لـ دحديره على قولتهم !!
المسلسلات الخليجية ارحم من طاش ما طاش بستين مره ..

طاش ما طاش اشبعوها نقاش ..
و يكفي انها وصلت لدرجة الكُفر اعوذ بالله !!

بالنسبة للمسلسلات الامريكيه .. انا ابشوف بريسون بريك بالاجازه ان شاء الله و احكم عليها
و تقريبا هي ممـتازه .. لان افلامهم حلوه ..
و زياده على هذا الناس تمدح بريسون بريك !!

القحطاني20

إقتباس


	انا من شفت اسمك كاتب موضوع قلت بس جاي وانت تغرد بس

لا هالمره ما غردت بي زكام

إقتباس


	تعال انا اقول لك كل المسلسلات الخليجية في سطرين ابو شايب عنده شركة وعياله واحد معه والثاني الصغير صايع وضايع الأبو يعجب بالسكرتيرة وقزه الولد وعلم امه وصارت المشاكل وتزوجها الشايب ومن صراخ لزعاق وضرب وكف محترم << اهم شي وفي الأخير يموت الولد الصغير في حادثة مداهمة للشرطة لاقين معه تحاميل وزوجة الاب السكرتيرة تتطلق لأنه اكتشف انها تبي تلهف الشركة وكل هذا في اخر خمس دقايق من الحلقة الأخيرة

و دايم(ن) الابو هو اللي جاء بـ اسوار بدور ابو مريم !!
و الام هي اللي جت بدور زوجة غانم

منوّر ..
منورين كل ابوكم يالوجيه السنعه

التسناري

الـمـشـاغـب · #10 14/06/2007, 09:18 PM

وقسمن أنك ********

متعّب نفسي وأعدل لك الرد وأزينه لك ياللي ما تستحي وآخرتها تجحدني؟

لو يمديني أحذف رد كان حذفته يالعوفي الثاني

وداعاً يا أقبح صلعة عرفتها في حياتي

Mr.DL5 · #11 14/06/2007, 09:24 PM

مشكلة هــ الخليجيات ..!!

لو فيهن شوي حلا كان جاملناهن ..

البلاء حتى مع عمليات التجميل برضوا شيون ..

يا حبيلي بس للبنانيات ..!!

الكناري الأزرق · #12 14/06/2007, 10:41 PM

المُشاغب ..
لا حول و لا قوه الا بالله ..

شايفني زيك يوميا لازم و تقرا ردود المواضيع اربع مرات من شدة الفرحة

انت قلت لي رجعه و لا رجعت ..
و ما انتبهت لردك يالشين

المهم خل نقعد نحلله مثل ما تحللت بمسبح الاسيد

إقتباس


	يا أخي ما تستحي على خشمك أنت؟ طس ذاكر أقرا لك كلمتين ينفعونك لا تجيب العيد بالاختبار كالعادة

ابشرك جبت ثلاثين الحمد لله

و بعدين وش كلامك ذا يا قليل الادب ؟؟
انت علماني و تدعو الى الفساد و العياذ بالله

<<--- الشايب حق خويّنا اللي بالي بالك

على فكره ..
يوم قال الظهراني باب ما جاء في الرد على غلمان بني علمان يا يكون يقصدك

؟

إقتباس


	أمل العوضي هي نفسها اللي تتغزلون فيها أنت وهامور في الماسنجر ذاك اليوم وما علمتوني؟

يا ناس لا تكبون العشاء

الحين كيان المملكه تقول قاعد ينتقد الخليجيات و هو خاق معهن

بس تصدق .. العوضي ذي شكلها باكستانيه هي و كلمة مامي

نهايتن ..
يا حبيلك يالمشاغب

و يا حبك للشر

و ملاحظ انك ما غير تقولي يالاصلع ..
و انت قايلها على عماها ..
لكن فعلا الكناري لا بلغ يصير اصلع !!

و سلم لي عالشعر الاصفر

مستر دلخ

صح يا لبنانيات انت ..
حدك بنت عمك هيله يالشين ..

<<--- اعيد و اكرر , وش عنده راغب علامه

منور يا حلو ..

التسناري

بوجاسم الهلالي · #13 14/06/2007, 10:50 PM

التسناري مقهور ليش انهم ما خلوهـ يصور كومبارس
في احد المسلسلات الخليجية.

ولعلمكم هالمسلسلات كلها بكاء وموت و قلة حياء

Al Qahtani 20 · #14 15/06/2007, 12:13 AM

المشاغب عليك فيه احجره في زاوية 90

شايفك قوطي <<< يبي مشاكل

G o L d E s T · #15 15/06/2007, 12:15 AM

والله المسلسلات الخليجية أنواع البياخة

تشوف لك ثلاث مسلسلات ولا تقدر تفرق بينهن

والقصة تتكرر بكل مسلسل

صياح وكفوف ومخدرات ومغازل وباخر شي نهاية سعيدة:p

ما لقوا لهم قصص زينة قالوا نحلي المسلسلات بعرض الأزياء

أجل بنت قاعدة ببيته وحاطه مكياج

سلاماااااااااااات