أول مرة أشوف مثل هالاشياء ... روحتي لكلية زايد العسكرية
السلام عليكم ورحمة الله وبركاته
اشحالكم يا أهل المنتدى ؟؟؟ أخباركم ؟؟؟
يمكن هاذا آخر موضوع أكتبه في المنتدى كله ... لأني بودعكم وان شاء الله ارد قريب :sad: :sad:
المهم مب موضوعنا
اليوم الصبح وأول مرة رحت مدينة زايد العسكرية >>>عسكرية ؟؟؟
شو اللي موديج لها
المهم رحت أنا وأخوية وباباتي رحنا عشان انسوي بطاقات صحية لمستشفى زايد العسكري
عشان العلاج بنسوي عملية ليزك مالت العيون يعني انعالج على حساب الجيش أي شي انسويه على حساب الجيش ... سفر للعلاج .. مدارس ... جامعات .. وغيره >>> من امتيازات الجيش ... ما اعرف هالسوالف الصراحة خخخخخخخخ
المهم أول ما دخلنا بالسيارة >>>عيل شو بالطيارة H3 H3:p
هم ما يدخلون الا اذا كان الشخص يشتغل في الجيش بس وأول ما وصلنا اخوية نزل الدريشة (( الشباك عندكم ))
وطلع البطاقة باباتي
على طول سوى تاهيه قال
مرحبا الساع والسلام العسكري 
وأنا طبعاا مستانسة أول مرة أشوف هالاشياء خخخخخخخخخخخ أما باباتي متعود
المهم دخلنا ويوم في الممرات نبى انسير عند
العقيد ... اللي في الممر يسلمون على
ابوية واخويه ... وانا واقفة وخايفة
لأني بنت بوسط هالعسكريين 
اللي يقول
مرحبا الساع واشحالك ؟؟ والثاني يرد بخير الله يعافيك
يعني جي
وعاد عسكريين ينخاف منهم
المهم >>>مب جني كثرت منه
ما علينا المهم
ويوم وصلنا دخلنا على السكرتيرة وعطتنا أوراق ورحت
سويت الفحص الطبي ... و عطوني ورقة مال فصيلة الدم
وديتها عند باباتي ... ورحنا بعد مرة ثانية عند السكرتيرة عشان اتخلص الاوراق
ودخل
ابويه عند العقيد ... ربيعه
وسلم عليه ويسولف ويسأل عن الاحوال .. وينك ضايع ما تنشاف ... المهم كل شوي
يتصل العقيد يبو القهوه ... وييبو العصير ... ويبو التمر والحلاوة ... وغيره وغيره
وأنا طبعا مستانسة
فرحانه
اول مرة اشوف هالاشياء خخخخخخخخخخخخخخ >>بس يابنت لا تكثرين من هالاشياء
المهم واحنا كنا يالسين عند السكرتيرة
اتصل العقيد اللي وقال حق السكرتيرة خلصي الاوراق والبطايق بسرررررررعه
خافت السكرتيرة وسإلتني هاذا الوالد داخل قلتلها هيه قالت والنعم والله قلتلها الله ينعم عليج
والسكرتيرة خايفه كل شويه ...
عبدالكريم الفراش اللي يشتغل عندهم ... اتقوله ييب الاوراق ... وشل الاوراق ... وسو جي وسوي جذي
إلا شويه ودخلو الضباط عند السكرتيرة
يبون يدخلون عند العقيد وقفتهم السكرتيرة وقالت :
المقدم ((............)) >>>الاسم
داخل ما اقدر ادخلكم الحين
الا وشوي وباباتي طلع ويا العقيد ويسوله مرة ثانية التاهية ويرحبون فيه وأنا يالسه مستحية وخايفة وسلم عليه
ووصلنا عند المدير وقال حق المدير ما اوصيك ... قاله
حاضر سيدي واحنا طلعنا من المكتب ورحنا للمدير وخلص الاوراق في 10 دقايق وطلعنا
وردينااااا البيــــــــــــــــــــــــــت
حتوته متوته خلصت القصه
ان شاء الله عيبتكم ... هع هع هع هع هع هع
_______________________
لا بس صدق أنا استانست وفي نفس الوقت مستغربه جي الجيش حلووو والله وناسه أقول حق ابويه بعد انسير يقولي جي كل يوم العيد خخخخخخخخ بس حلو والله شفت اشياء أول مرة أشوفها الصراحة في الجيش 
الوضع العادي
