نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   صيـد الإنترنــت (http://vb.alhilal.com/forumdisplay.php?f=92)
-   -   لا صرت بايعني باشوفك على خير (http://vb.alhilal.com/showthread.php?t=415977)

ابونايف الطايف 12/06/2007 01:11 AM

لا صرت بايعني باشوفك على خير
 
لا صرت بايعني .. اشوفك على خير
مع السلامه .. دام ما به سلامه !!


قلت : انتهينا ؟ قلت لك : خير يا طير !
ماني باول شخص يخسر !! iغرامه


محذرك من قبلها الف تحذير
لا عفتني بيعيف قلبي هيامه !؟؟


مانيب ميّت لا !! ولا احتاج تبرير
صح الله لسانك .. ووفر كلامه


بسمعك .. حبكه .. وفكره .. وتصوير
وإفهم عدل يا مدعي بالفهامه


وجه الشعر ( ابيض ) ويحتاج تغيير
ودي تزيّن هالقصيده ( علامه !!)


ماضيك ( الاسود ) بذكره دون!! تقصيير
كذا يكون بخد هالشعر .. ( شامه !! )


يصدق معي تعبير .. ويخون تعبير
يا ضيعة الشاعر .. بوقت انسجامه!!


يمكن خطا ادونك بالشعر ؟ مير
لو ما احترمتك ؟ للغرام احترامه!!


ما كان حبك غير بس طعنتك غير
علمتني معنى الندم والندامه


ما جاك مني اي زله وتقصير
كل ما خطيت اعاتبك .. بابتسامه؟!


حسبي على الذكرى اذا هبت عصير
ما عاد تنفع شرهتي والملامه


البال ( ضامي ) وقتها والحزن ( بير!!)
( خسرتك ) وهمي ( كسبت ) اهتمامه!!


والليل فازع لك كذا !! جاني مغيير
ظلمتني واكثر ظلمني ظلامه


لا اقبل علي اوحييت صوت المسايير
وفزيت كل ضيف ٍ اقوم بمقامه


وليا عزم هالليل ( ضيقه وتفكير !!)
قلّي بربك كيف بقدر انامه؟؟


ما فيه داعي للعتب والمعاذير
الغدر ( خال ) الجرح واطيّب ( عمامه ) !!


أما يجيب الله مطر .. تالي وخير !؟
ولا الســـلامه مــــــااااش مامن سلامه !!
__________________


مع تحيات اخوكم/ ابو نايف

هامور البورصه 12/06/2007 01:58 AM

وانا اقراء القصيده كان نفسي اقراء اخر شي

انا كاتب هالابياات عشان احجر لك :D لاني انا الي كاتبه <=== كذووب

القصيده هذي معرووفه بس والله ماعرف من قايلها على العموم صح لسان قايله

واذكر اني سمعتها بالجوال ومكتوب العن قصيده او زي كذا اذا ماني غلطان

بس ودي اعرف وش الفاايده من الموضوع..؟

ابونايف الطايف 12/06/2007 02:28 AM

كاتب القصيدة محمد السهلي


الفائدة / مادري
لكن مو مشكلة
ثانكس اخوي على المرور

والنهاية... 12/06/2007 07:39 AM

انا استانست قلت انك شاااااااااااااااعر

افا طلعت ماهي بقصيدتك


بس والله قصيدة مممتازة

&عاشق التمياط& 12/06/2007 10:05 AM

صح لسان كاتبها
قصيدة جدا جميلة..

ابونايف الطايف 13/06/2007 12:18 AM

ان شالله عن قريب اخوي

يسلمو على المرور

BanthaR 13/06/2007 03:18 AM

خطييييييييييييييييييييييييييره القصيده



صح لسان كاتبها

ابونايف الطايف 14/06/2007 02:19 PM

حياااااااااااااكم الله
ثانكس على المرور


الوقت المعتمد في المنتدى بتوقيت جرينتش +3.
الوقت الان » 09:38 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd