|
" ياحظكم " عندكم اختبارات .. !! بسم الله الرحمن الرحيم " ياحظكم " عندكم اختبارات .. !! 1/3 " تسليك " لاتعذل المشتاق في أشواقه ** حتى يكون حشاك في أحشائه ;) أيام الاختبارات لها وقع خاص في القلوب .. وهي من أجمل أيام الطلاب .. ففيها تختلط الأحزان بالأفراح والسعادة مع الخوف والاجتهاد مع الرهبة .. :D وتظل ذكرياتها عالقة في الأذهان رغم تقادم العهد .. ;) وكل منا له مع تلك الأيام قصة وموقف .. قد يكون في حينها صعباً ومؤلماً .. لكنه بعد ذلك يصبح طريفاً وذكرى جميلة ... بالأمس لمت زماني في تعاسته ** واليوم .. أبكي على أمسي الذي ذهبا ..!! " الزبدة " في هذه الأيام تذكرت يوم كنت طالب مثلكم:D .. وحنيت لأيام الاختبارات وهبالها :p فقررت أن اكتب مواقف متعددة .. في مراحل مختلفة حدثت لي ايام الاختبارات وسأبدأ بقصة في المرحلة الابتدائية .. s60s فإلى هناكـــ ... , ’ , ’ «¤¶حديقتي .. والفطور المشؤووم !! ``¶¤» عند بيتنا في حديقة صغيرة كنت مسيطر عليها :D ومعتبرها من ضمن أملاك الوالد الله يحفظه ;) وكنت كل ما انزل من باص المدرسة أوري اصدقاي في الباص الحديقة وأقول هذي حديقتي :D وكانوا يقولون لي : نبي نلعب في حديقتك .. s60s المهم في آخر يوم من الاختبارات في سادس ابتدائي قلت لهم وشارايكم تفطرون عندي في البيت ونروح لحديقتي نلعب..؟ البزارين ما صدقوا وقالو تكفى تكفى .. :thumbup: من زود الثقة والدلاخة دخلت غرفة المدير وقلت له أبي اتصل على بيتنا !! ويعطيني التلفون أدق .. وترد أختي وأقولها جهزوا فطور لعشرين بزر .. (اصدقاي ) بيفطرون عندي :D قالت وش نسوي ؟ قلت فول وشكشوكة وكثري شطة ههههههه :yes: :yes: سكرت السماعة وقلت للمدير يعطيك العافية يا مدير خخخخخخخخ :D :D ويوم بغيت امشي ناداني وقال تبي تعزم الطلاب عندك ؟؟ قلت ايه وحياك انت بعد على الحاصل وماهن كلافة >>> نصاب :p عاد كان المدير عصبي ويهاوشني ويقول اتصل على اهلك وقلهم لا يسوون شي ولو اسمع انكم تجمعتوا ياويلك ويل ..!؟ >>> ينعن ابو ابلسك آخر يوم لي في مدرستك وناشب لي :upset: واتصلت مرتن ثانية وقلت لاختي الغي الفكرة خلاص "الذيب في القليب " .. :D :D وارجع للعيال وأقولهم السالفة لكنهم أصروا انهم يجوون عندي ويشرفون حديقتي .. وعلى قولة المثل مايرد الكرام إلا اللئام .. قلت : قدام قدام قدام ... ;) ;) ;) انتهينا من الاختبار وركبوا كل اصدقاي في الباص اللي يوصلني ورحنا لبيتنا وكلمت الأهل يجهزون الفول والشكشوكة على وجه السرعة ويزيدون تونه نكاية بالمدير.. :D عقب ما افطرنا .. ويالله من فضلك .. اخذت البزارين ورحنا لحديقتي اللي كانت تقفل الصبح ودخلنا من تحت الباب أما الدببة فكانوا ينقزون من فوق الباب ماله داعي ينشبون خخخخخخ s60s في نص اللعب والمرح واللهو .. رجعت للبيت ابي اجيب ماء للبزارين اصدقاي وما ادري الا انهم مداهميني في البيت .. وعامل الحديقة يلحقهم بعد ما تطاقوا معه !! دخلتهم وقفلت الباب .. وقلت ينعن ابو ابليسكم كلها دقيقة بس تركتكم وسويتو مشكلة الشرهة علي يوم اجيبكم حديقتنا وفي هذه الأثناء دق جرس البيت رحت فتحت الباب بسرعة لايكون في بزر مضيع دربه خخخخخ:p والا اشوف العامل معه جارنا العسكري ( عقيد ) وهو طاق البذلة :eek: >>> ابو هنود مايمزح ;) ويقولي جارنا على طول من دون تفاهم وين ابوك ياورع ؟؟ :D :D قلت ما هوموجود .. وانا مطرف الباب ومطلع راسي بس والبزارين حولي .. من اللقافة كلهم جوا عند الباب :D يبون يشوفون العسكري !! قال من ذولا ؟؟ قلت اصدقاي .. بعدها عطاني بعض الأوامر والتهديدات وراح .. وعدت على خير ولله الحمد .. :) جلست مع خوياي في البيت الى وقت صلاة الظهر بعد كذا صرفتهم وأنا أوصيهم لايعلمون أحد باللي صار ورحت المسجد أصلي الظهر .. بعد صلاة الظهر جاو عيال الحارة وقالو لي نبيك في حوش المسجد !! على نيتي طلعت لهم وأثرهم حاقدين لاني عزمت اصدقاي في المدرسة وسحبت عليهم :D وشكلهم ما افطروا ذاك اليوم وعتبروني خاين خخخخخخخخخ ;) وبدا شغل رفع الضغط واحد يدف والثاني يهاوش والثالث يشوت وكانوا حدود الخمسة باختصار كانوا ناوين شر ( مطاقة ) s60s انا جيتهم من الآخر وقلت تبون تضاربون .. قالو ايه .. قلت اجل خلنا ندخل المسجد ونتضارب خخخخخخخخ :D :D وانا كنت مخطط على عصاة خطيب الجمعه اخذها واطقهم فيها :thumbup: ودخلنا المسجد وكان فاضي واركض ناصي المنبر وهم ما يدرون وش السالفة وأخذ العصا وألحقهم في المسجد أنواع الطق ويروحون ياخذون كراسي المصاحف ;) واجي انصى كبيرهم " اللي شب الشر " s60s واطقه الى ان صرخ صرخة أليمة وأحلت العصا عليه s60s واهج للبيت والقى أبوي عند الباب ووقف معه كأن شيئاً لم يكن ;) شوي ويجون عيال الحارة ويقول واحد منهم للوالد ترى ماجد كسر رجل اخوي .. :eek: والوالد بدا يهاوشني .. !؟ انا ما قدرت أقول شي غير أني خربتها وبديت اصيح .. :p المهم انتهيت من عيال الحارة وتصالحت معهم اليوم الثاني لكن مشكلة الفطور ماخلصت !!:confused: بعد اسبوع رحت للمدرسة مع اخوي الكبير أبي أخذ الشهادة ويوم شافني المدير اشطف مكتبه صرخ باسمي صرخة سمعها الثقلين :upset: الى درجة ان اخوي الكبير ارتاع فما بالكم بالطفل الوديع :D دخلت عنده مرتعد الفرائص وقلت نعم :confused: .. قال انا ماقلتلك لا تعزم الطلاب ؟؟ قلت له : ايه.. قال : ليش عزمتهم طيب ..أنا قررت اني أجحد وقلت ما عزمت أحد !!قال لي : كذااااااب !! :eek: في طالب تأخر عن بيتهم وأهله اتصلوا يدورون عليه ويوم رجع قال انه كان معزوم عندك .. ؟ في تلك اللحظة قلت : :rolleyes: ياليل .. على المدير النشبة .. وياليل على البزارين النكبة .. وياليل على الابتدائية .. اللي ما ودها تخرجني.. وياليل .. على ها الفطور المنيل بستين نيلة ,,, انتهى ,,, في الحلقة القادمة غداُ إن شاء الله أنتم مع موقفان من المتوسطة والثانوية في نفس الموضوع :D .. ؟؟ إلى ذلك الحين أترككم في رعاية الله متمنياً أن تتحفونا بمواقفكم وذكرياتكم,,, |
السلامـ عليكمـ و رحمة الله و بركاته .. باتس .. ههههههههههه عليك ذكريات بعد ! اجل حديقتي http://www.roro44.com/smilies/sad/012.gif ذكرتني ببنت عمي الصغيرهـ .. اي واحد يكلم ابوها يا ويله تقول هذا ابوي انا بس خخخخخ http://vb.arablocale.net/smile/images/004.gif عالاقل هي ما تنلام ابوها ذا .. لكن البلا فيك انت املاك عامة خليتها لك http://www.sl5ls.com/images/smilies/79.gif بي تبي الصدز .. عجبتني يوم جلدت العيال .. و اول ما شفتك تقول تضاربنا بالمسجد ! استغربت ! لكن سرعان ما تذكرت اني يوم كنت بزر كنت العب كوره بساحه الحرم و الشرطي يطرد وراي خخخخ http://www.roro44.com/smilies/crazy/038.gif يعني ما تنلام .. كلنا بـ الهوا سوا http://www.roro44.com/smilies/love/005.gif المهم .. حاولت اتذكر اشياء سويتها .. لكن طلعت مهذب الحمد لله ما عندي مواقف http://vb.arablocale.net/smile/images/004.gif في امان الله .. قفله / فيه ناس كثيرين يقولون اني اشطح بكلامي .. و يوم قريت ردي ذا صدقت هذه المقوله التسناري |
ههههههههههههههههههههههههههههههههههههههههههههههه الله يسعدك طلعتني من جو اختبار يبكي تيوس:mad: عاد في المسجد مره وحده واكيد المره لي بعدها عزمت عيال جيرانك:D |
والله يا ماجد انك فله انا يوم قريت عنوان الموضوع + اديب المجلس العام قلت يا ولد ........ <<< ما يعرف يمدح >>>> قايل لكم ما اجيبها في سداد ههههه لكن والله موضوع حلو ..!! لو تدري اني دخلت الابتدائي وتخرجت منها ما دخلت غرفة المدير خير شر ..!! في انتظار سوالفك في المتوسط والثانوي يا صاح |
بانتظارك واصل بإبداعك تحياااااتي,,,,, |
هلا وغلا بابومقبل:) تسيف أنت عقب الهارد دسك:D أجل حديقتنا يالنصاب:D ويقالك بطل !! ليش ما تعترف وتقول انهم صفقون لين عضيت الارض ؟؟ هذا انا عندك قوي ومع كذا مره سطرن واحد تسطير لين لزمت البيت أسبوع والاسبوع اللي بعده رحنا لمكه أخذنا عمره:D إقتباس:
بس البلديه منـّول كانت تمامs60s دايم يحطون الباب مرفوع عن الارض بحيث يمكن للزائر الدخول للحديقه من حدره:yes: تحياتي لك يا ملفع:laugh: وعطنا حقات المتوسط والثانوي بس بدون لا تسوي روحك طرزان:D |
ههههههههههههههههههههههههههههههههههه والله مانت سهـــــــــــــــــل يعطيك العافيه على القصه المرررحه |
وش ذا السكون المخيف الي بالمجلس والا انا راقد كيفك ماجد حبيت اسلم |
مآجد يرحم وآلديك خلنا نذآكر :d ليه ما تحلى لك الموآضيع الا بـ وقت الاختبآرات .. الله يوسع صدرك بالعآفيه .. اليوم صرآآحه تووحفه .. أختبآر نحو زي العسسل < < مدري يمكن حنّوا علينآ بعد إختبآرهم الريآضيآت ذاك :( .. والتفسير :( .. وموضوعك يا مآجد :d عقبآل ان شآء الله ما يعدي هـ الاسبوع بـ خيرهـ وشرهـ وأدبه وفقهه وإحيآءهـ :d .. مآجد لقد اني شطحت كثيراً عن موضوعك مثل سميي .. بس إعذرنآ .. صرآحه أخالفك برأيك ان أيآم الاختبارات حلووهـ خآصةً في السنه الأخيرهـ .. ضغط نفسي رهيييب .. يمكن أختبآرات المتوسط .. أذكرها انا الحين انها فلله :d ولا أيآم الابتدآئي اللي انحشت فيها من المدرسه بعد الاختبآر على طول ورحت لـ بوفيه قريبه أنا وأخويآي .. المشكله انهم رآحوا لبيوتهم من هنآك .. الا أنآ سوآقي كان في المدرسه .. يوم رحت لينه قآلب المدرسه فوق تحت .. وأركب السيآرهـ .. وأنا منتهي من الخووف :d خآيف من أبوي .. لانه الوصخ يقول انه كلمه وعلمه .. وأقعد على أعصآآآبي :d يوم قربنآ من البيت .. قآل ترآ مآ كلمته ولا شئ .. يبن اللذين ومخليني على أعصآبي :d .. مشكووور يآ مآجد وننتظر أيآم المتوسط والثآنوي ,, |
والله انك مطرطع اجل بوه احد يضارب بالمسجد بانتظار ذكريات المتوسط والثنوي |
هلاااااااااااااااااا بأبو مقبل يالله ان تحييه .. يا شيخ وانت الصادق ايام الاختبارات لها مذاقها الخاص خاصة يوم يكون عندك فترة وحدة وتطلع على الساعه ثمان وقبلها انت قايل لاهلك عندك فترتين .. وانبسط على كيفك ما يسألون عنك خخخخخخخخخخخخخخخ .. صراحة من يوم قريت ردك وجبت انك تعشيني شكشوكة وكثّر شطة مع واحد ببسي <---- تراني جوعان يرحم والديك توني ماتغديت .. بس اللي فهمته من القصة انك عنتر حارتكم اجل تصفق لك خمسة وبالمسجد بعد ..؟! --------- الحين بذكرك لك موقف صارلي بالاختبارت وقد نعتبره محزن بعض الشئ .. اذكر يوم اني في اول ثانوي كان عندنا اول يوم اختبار رياضيات .. وانا ياللي اذاكر من ويوم الربوع اليييين الجمعة الساعه 3 الفجر .. وقفت عن المذاكر واتفرج عن يميني واحلص السرير يناديني .. قلتي الله ناذخ غفوة ساعتين <--- امحق غفوة خخخخ .. الين صلاة الجر ونقوم .. لكن المصيبة صحيت واشوف الغرفة منورة والشمس مشعة على وجهي المشرق المنور <--- ياحليله .. وانا اللي انتفض من السرير واشوف الساعه واحصلها 8 ...؟! يا قلبك يا هجمة ضاع مستقبلك يا هجمة واقوم البس ثوبي واغسل وجهي على السريع وركض على المدرسة .. واللي ساعدني ان واحد من اولاد العم مدرس فيها واتصلت عليه وقال عجّل علينا المفروض ماتختبر .. شفتم وش فايدة الاقارب بالمدرسة خخخخخ ومرّ هذاك اليوم على خير بس اكيد يوميا تمسكنا الدورية وتحقق معنا اليين صلاة الظهر ويخربون الفطور علينا .. ماجد مقبل دمتـ |
من جد رغم ان ايام الاختبارات بس نبيها تخلص لكنها تبقى لها ذكرى ماتنسى;) اذكر مره لما كنت ببتدائي شحليلي في رابع صغيرونه خخخخخ:D :D وكان ذاك اليوم عندنا فترتين وانا الي اختبر اول فتره وبعدين يطلعونا استراحه لين الفتره الثانيه وفي هالاستراحه يطلعوا (اول وثاني وثالث )ابتدائي الي ماعندهم الا فتره وحده واقوم انا اطلع معاهم :D :D :D وارجع البيت ويتصلوا المدرسه وين بنتكم:D :D اقول الى امي انا اختبرت :D :D امي تقولي والاختبار الثاني :confused: :confused: وارجع المدرسه اختبر :p :p :p وصارت امي كل يوم تحذرني وتعطيني ارشادات وتنبيهات اذا عندي فترتين :p :p :p يسلمووووا على الموضوع اللذيذ >>>>جوعانه :p والموقف الحلو بصراحه ضحكتني رايح الى غرفة المدير وتكلم اهلك مسوي فيها راعي عزايم :p :p |
هههههههههههههههههههههههههههههه يا ساتر كل هذا يطلع منك وانت بسادس ابتدائي أجل ننتظر (( العجرات والساكيين )) والتكفيخ :thumbup: :thumbup: :thumbup: بقصص المتوسط والثانوي . وننتظر وش صار معك بعد بمخافر الشرطة والاصلاحية |
هلا والله بالغالي ما أدري ليه أرتاح إذا شفت اسمك <<< ينصب عليكـ إقتباس:
والله ضحكتني بقصتكـ http://smilies.sofrayt.com/^/aiw/laugh.gif,, بانتظار القصه الثانيه |
إقتباس:
ههههههههههههههههههههههههههههههههههههههههههههه ترا حقوق الطبع محفوظه لي عوده اخر اختباراتي بكره وبعدها بفضى لكم |
خخخخخخخخخخخخخخخخخخخخخخخخخخخخخخخخخخخ كفو والله يابو مقبل .. اجل من اول مهجد الحارة ومهجد الفصل :d .. بس منتب عاقل اجل حديقة الدولة صارت من املاكك ... :d |
هههههههههههههههههههههههههههههههههه .. والله أنك خطير .. لا عادت على هالفطور .. ولو ماشاء الله عليك كريمن من صغرك .. اييييييييه ياحلالي يا ايام الإختبارات والله له وحشه >>>> ما ابطيتي العام مثل هالوقت وأنتي تختبرين وهالسنة معلمه !!!! ياحلال عيني .. استانسوا ياللي تدرسون ونصيحتي لا تخرجوووووووووون .. التعليم مغثة و دبلة كبد >>>>>> ذايقه الويل .. |
هلا بأديبنا بما أن بكره الاثنين آخر اختباراتي وطلع لي 3 مواد فتوقيت سليم للموضوع تقدر تقول ياحظكم تنحفون مع الاختبارات ياحظكم ماتشتهون ياحظكم نومكم قليل اما ياحظكم لاننا مجرد نختبر لا قوويه.:confused: المشكله بسالفتك كلها أنك ماخربت لحالك ماخذ الشله كلهم ومخربهم معك وعلى ذمتك وبنصبه محترمه وفيها ثقه..؟s60s وبالنسبه للمواقف أنا كل حياتي مساالمه ما اكتشتفت أن عندي جانب شرِي الا بالجامعه . :rolleyes: ننتظر باقي المواقف ,, تحياتي لك :) |
ايههههههب اثاريك شايب يابو مقبل وانا مدري :D بس موضوع رائع ياخنــــفشارينا الموقـــر :p عوااااافي يابو مقبل ولي عودة لاني مستعجل << مايخلي الطفاقه حقته :D |
هـــلا وغـــلا فيكـ اخوي ماجدونـــا .. نورت المجلس بهالموضوع الخفيف الظريف اللطيف الخالي من الكوليسترول .. :yes: الصراحه مدري وش اسوي فيكـ .. وراكـ تكتب والناس تختبر .. هاااه .. :mad: الشي الثاني عنوانك يبي له تعديل .. وش ياحضكم .. الا ياقردنا قرداه :upset: وصدقت اخوي ماجد ايام الاختبارات رغم انها ممله وصعبه وايام كئيبه إلا ان فيها بعض المواقف اللي تحليها .. وتخليها تبقى بالذاكره .. والصراحه موقفك فله .. بس وش دخل المدير يوم يقول لا تعزم .. وبعدين وش هالجرائه تروح للمدير وتكلم وتقول صلحوا فطور .. :p لو اان من مديركم لفعتك تلفيع وقلت طس عني .. :mad: وياقوي لا تسوي فتوه وانت مدبوووغ دبغاً مبرحاً في المسجد .. :D فيه احد يعلب في المسجد .. ياشطنك شطنااااه بس .. :laugh: اذكر موقف حزين اني في اول يوم الاختبارات شريت مسطره جديده ايام الابتدائي وكانت بالطرف سنينه كانها مشرط .. وانا اختبر ومتحمس جرحت يدي وخربطت ام الورقه بدمي .. :upset: ومره كان وراي مكيف .. وكل شوي طايره الورقه .. ورايح اجيبها .. صارت ثلاث مرات .. والمراقب يقول آخر مره امسك ورقتك .. عاد انا مسكتها قوه من الخوف مادريت الا الورقه منفصله عن خويتها .. :p بانتظار المواقف الاخرى .. دمت بخير .. |
يالله حي اديبنا :thumbup: اجل هذي سوالفك وأنت صغير:D وشلون عاد في المراحل الثانيه :confused: الله يستر منك:p وبعدين وراه عليك المدير حاط دونه دونك:confused: ... أخاف أنه تراكم قهر من بعض تصرفاتك وفجرها فيك قبل لا تتركه:laugh: احلى شي في أيام الأختبارات أن كل يوم تطيح ماده من راسك تكون شايل همها:yes: وأنه تجي بعدها إجازة ياسلاااااااااااااام :thumbup: اذكر يوم كنت صغيرة يوم كانوا يعطونا الجداول مصورة:) كنت كل ماخلصت من امتحان اسفط الورقه واخلي بس باقي المواد اللي علي :yes: الين مايبقى إلا يوم:thumbup: ولا جيت من امتحانه يازين تشقيق الورقه:p s60s تحس بطعم رائع:thumbup: <<< مشتهيه فطور الأخت:D :D بإنتظار مواقفك حقات المتوسط والثانوي:thumbup: الله يستر علينا وعليك:) سلااااااااااااااااام ,, |
" ياحظكم " عندكم اختبارات .. !! 2/3 :thumbup: هلا وغلا بالحبايب :thumbup: ومشكورين على الردود وان شاء الله برجع لردودكم حبة حبة s60s والان بتركم مع الحلقة الثانية من المواقف .. وسوف ندعس فيها سوياً إلى مرحلة المتوسطة ثم الثانوية ... :D فإلى هناكــ ,,, , ’ في ثالث متوسط كانت مدرستنا حاطة اختباراتنا النهائية الساعة 8 صباحاً وكان اخوي في الثانوي واختباره الساعة 7 صباحاُ وهو اللي يوديني المدرسة فكنت أروح معه الساعة 6,30 من الروضة إلى الملز واجلس عند مدرستنا وأنواع الدشرة والدجة إلى أن يحين موعد الاختبار .. :p s60s الوالد حس إني بديت انحرف فقرر انه هو يوصلني وقالي اقعد ذاكر في البيت الى 7,30 وبعدين صحني اوديك للمدرسة .. :cry: كان ذاك اليوم عندي اختبار توحيد وانا في غرفتي اراجع من دون نفس ويهجم علي النوم واروح في سابع نومة ;) وما قمت الا على صوت اختي تقول ما رحت المدرسة !!! :eek: قلت وأنا اتمغط : ليه كم الساعة ؟؟ :rolleyes: قالت 8 .. اكولك :eek: وانقز اصحي الوالد .. وطلعت معه ناصين المدرسة عاد أبوي تهور بالسواقة وصار مايكل شوماخر ذاك اليوم :D و انا خفت من سرعته لا يجيب فيني العيد خخخخخخ :p يوم وصلنا المدرسة 8,20 قالي رح ادخل بسرعة للاختبار قلت ادخل مين يابو .. :confused: أقول صفط السيارة وخاوني لمكتب للمدير وقله انك أنت السبب في تأخيري ;) والا ولله ما يدخلوني لو أحب السماء>>> قمة البجاحة :D :D نزل الوالد ودخل معي لمكتب المدير وقاله انا السبب في تأخيره :D عاد أنا انهبلت اول مرة الوالد يمشي معي صح خخخخخخخخخخخ :p :p لكن على قولتهم الضرورات تبيح المحظورات :D وأرسلني المدير مع احد المدرسين الى قاعة الاختبار ;) ودخلت بكل ثقة وخوياي يناظرون منهبلين ودهم يعرفون وش السالفة .. وسدح لهم السالفة بعد الاختبار ويقولون احلى ياقوي .. s60s المهم من بعد ذاك اليوم الوالد حرم يوصلني المدرسة :D :D اما موقف الثانوي فهو .. s13s أني صباح يوم مشرق من ايام الاختبارات .. ركبت السيارة متجه الى المدرسة .. ;) ويوم وصلت أكتشفت ( الله يكرمكم ) اني لا بس شبب دورة المياه !! :eek: والمشكلة اني مشكلهم واحد احمر والثاني اخضر !! :D طبعاً مستحيل ارجع البيت لان الاختبار ما بقى عليه الا دقايق .. :cry: ومتسحيل اني ادخل المدرسة بهيك منظر يفرح الاعداء والشامتين ;) وما في محل يفتح الساعة 7 أروح اشتري منه ... لكن بحكم إني داج دبرتها .. :D بس لا احد يقولي كيف .. ;) بس الاكيد الطريقة كانت غيرمشروعة ... :cry: وعفا الله عما سلف ...!! , ’ , ’ في الحلقة الاخيرة غداُ ان شاء الله سيكون الموقف الاعجب والاغرب في الجامعة !!! s60s دمتم بخير ,,, |
ههههههههههه .. بالنسبة لموقفك الثاني .. صار لي مره موقف مشابه .. قمت الصبح دايخ ما اعرف كوعي من بوعي .. و اجيك ابروح المدرسه .. و بدال ما البس الزبيريات لبست الشبشب http://www.joreyat.net/vb/images/smilies/ok.gif و يوم وصلنا للمدرسه و مير انتبه للشبشب ! و ما اقدر ارجع .. فالتفت عالسواق و عطيته درزن ابتسامات http://www.sqzme.com/ups/uploads/7d282afaea.png قالي وش فيه ؟ قلت له نعالك الله لا يهينك http://www.sl5ls.com/images/smilies/20.gifhttp://www.sl5ls.com/images/smilies/20.gif و قعد يضحك و عطاني اياها .. الغريب بالموضوع اني قبل ذاك اليوم شفت واحد لابس شبشب http://www.sqzme.com/ups/uploads/5f21c98011.png و قعدت اتطنز عليه .. و اليوم الثاني على طول الله ابتلاني http://www.roro44.com/smilies/love/060.gif إقتباس:
ماجد مقبل العوفي http://www.joreyat.net/vb/images/smilies/ok.gif بس غريبه ما اخبر ان به صلاوات الساعه 7 الصبح ! الا اذا كان فيه واحد من الشياب ما زال يقرآ القرآن http://vb.arablocale.net/smile/images/004.gif http://www.sqzme.com/ups/uploads/eed266e49d.png <=== وجه الشايب و هو يدور نعاله خخخخخخ http://www.sqzme.com/ups/uploads/0348f1a9e8.png التسناري |
حجز حتى أخلص اختبار اليوم.. ثم أتفرغ إن شاء الله لموضوعك يالتعبان :( ----------------------- باااااااااااااااااكــ : ــــههههههههههههههههههههههــ والله مجرم مجرم مجرم :D مهايطي من الدرجة الأولى يا أبوحديقة :D << يتخيل شكلك وأنت تهايط على المبزرة :D أما موقف الشايب والله حرام عليك قطع قلبي :( :( اسمح لي يا أبومقبل.. بس لازم أوضح للشباب الحقيقة اللي قلتها لي..!! <<< فضيحة :D كنت مع ماجد بالماسنجر.. وكنت أكلمه وهو مطنشني وما يرد علي..!! عصبت واتصلت عليه.. وألقاه فاطس ضحك..!! قلت له: سلامات يا باشا ليه ما ترد علي؟ فيه أحد يدغدغك الحين يوم تضحك؟ :D قال: أشغلني عنك رد الكناري..!! قلت: ليه؟ قال: الكناري الخبرة قال نفس اللي حصل بالضبط :D قلت: سبحان الله..!! عاد الكناري ما يحتاج مساجد المدينة المنورة من ضمن نطاقه.. وأكيد يعرف التواقيت المناسبة للزرف :D هذي القصة اللي حصلت لماجد مقبل ( المنحرف ) :D أما بالنسبة لموقف التأخر عن الاختبار.. فأذكر موقف في آخر يوم من اختبار ثالث ثانوي.. كنت مواصل أذاكر يوم بقى ساعة من الاختبار ما دريت نفسي إلا نايم على الكتاب..!! وبعد ما بدأ الاختبار بربع ساعة.. أحس بواحد يشوتني شوتة مع رجولي أتحدى الجمعان يشوت مثلها :( المهم قمت وعلى طول مشيت عند ولد عمي في بيتهم أبي أتأكد إذا مشى للاختبار ولا لا؟!! دقيت الباب بقوة وسألتهم إذا مشى أو لا؟ قالوا ما نظنه راح مع أحد..!! ودورنا بالبيت وبغرفة المذاكرة.. وما حصلناه.. ويوم بغينا نمشي.. قلت خلني أتأكد من غرفة المذاكرة زين..!! وأروح الغرفة وأناظر من تحت.. إلا والدب الغبي نايم والكتاب مفتوح ومحطوط على وجهه :D وبسرعة أقومه وأقول له الاختبار راح علينا بسررررررعة..!! ورحت أنا أنتظره بالسيارة..!! مرت حول الخمس دقايق وهو ما جهز.. نزلت من السيارة ودخلت البيت.. لقيت الغبي قاعد يفطر بكل برود - قسم بالله-..!!! سحبته مع رقبته وقلت له : ترى بأمشي عليك..!! وأخيراً : ركب السيارة سالماً.... ( يقول أن الفطور كان بيض وشكشوكة وحركات وما يبي يضيع الفطور الحلو ) << شكله ما عمره شاف خير :D ( الدب ولد عمي هو نفسه اللي غششته بالاختبارات في موضوع سابق.. وهو الآن متزوج وعاطل باطل لا دراسة ولا شغل ) آسف طولت بردي مجودي.. بس ما أعرف أختصر بالقصص :D |
حيه اما الموقف الثاني ياكثر ماصار لي بس المشكله اني انا مااتوب تلقاني دايم اغلط والبس الشبشب مشكور وبانتظار موقف الجامعه |
اما الموقف الثاني رهييييييييييب بانتظار مواقف الجامعه |
إقتباس:
سؤال المليون كيف ؟؟؟؟؟ ماجد ما شاء الله عليك حياتك فيها انواع الدراما يمكن كلنا مرينا بمواقف مشابهه بس الاختلاف باننا لا نملك أسلوب الاديب في صياغتها والى أن يحين موعد موقف الجامعة هذا مطيع الهميمي يحييكم ويتمنى لكم اوقاتا سعيدة |
هههههههههههههههههههههههههههههههههههههههههههههه ههههههههههههههههههههههههههههههههههههههههههههههههه الكناري الله يرجك والله اني ضحكت من قلب اجل عوفي هاه اما الشايب اللي في المسجد ههههههههههههههههههههههههههههههههههههههههه :D :D :D :D :D نجي لمواقفك يا ماجد :laugh: والله اما موقف المتوسطة انا صار معي واحد زيه بس بالثانوي جينا على الفترة الثانية متأخرين اكثر من نص الوقت والمدير قام يطامر ما تدخلون ما تدخلون طبعا الاختبار كان مادة ما تستاهل هذي الهيصة كانت وطنية :D بس احنا قلنا على الاقل نكتب اسمائنا لانه الكل كان ناجح فيها بس المدير كبرها في راسه :upset: قمنا مشينا :eek: وحصلناها في النتائج ثلاثين في الاختبار :eek: دليل انهم ما صححوها ولا درو عنها :D |
اقول الله يخلف اختباراتنا حنا يا ثالث ثانوي طبيعي الرياضيات والانقليزي الله اعلمبهن |
آها بس..وشو ياحظكم.!! أقول احمد ربك بس والله انك في نعمه وحنآ بنقمه:D أمآ موقفك الثاني بالثآنوي تحفه الله يخلف عليك معليـــــش الاختبآرآت تطلع البلآوي:eek: بس لا يكون سويتها من جد وأخذت حقت الشآيب مثل ما قآل الكنآري والله تسويها مآفي شي غريب عليك صرآحه اكتشفت انك"مغآمر"من الدرجة الأولى يعطيك العآفيه مآجد.. بنتظآرك غداً..اذا سمح لنا الوقت ندخل نت:rolleyes: مع التحيه |
حيا الله اديبنا :) الاختبارات حلوه اكيد لان بعدها الاجازه:D إقتباس:
والله قد سارتلي s9s بشبشب البيت:D بس ماكان وقت اختبارات والله واكتشف يوم وصلنا قدام باب المدرسهs77s وارجع البيت وابدل:p بس انت كيف دبرتها؟:shy: وقصتك انت والفطور شي تحمست معاكم وانتو تتضاربون وتخيلت اشكالكم:D يالله نستنى القصه الثالثهs13s |
والله يااديبنا ان صارت لي سالفة الشبشب طلعت بشبشب البيت الى باب السياره :D بس الحمدالله انتيهت ورجعت غيرته والله كنت بروح السوق فيه :D بس ودي اعرف وش سويت عسى مااخذت نعال الحارس وانت بكرامه :laugh: |
بسم الله الرحمن الرحيم " ياحظكم " عندكم اختبارات .. !! 3/3 :thumbup: أولا أحب أشكر كل اللي مروا وتكرموا علي بتعليقاتهم وذباتهم خاصة الكناري s60s واهديهم الحلقة الأخيرة من المواقف (( والتي تثبت أنني غير داج )) s60s ولي عودة إلى جميع الردود ان شاء الله ;) وأما الآن فسنبحر سوياً إلى قصتي العجيبة في المرحلة الجامعية .. :yes: فإلى هناكــ ,,, , ’ بداية ودي أقول إني في الجامعة تغيرت وعقلت إلى درجة كبيرة :D مع وجود بعض الحالات الشاذة من نفحات الماضي .. ;) المهم كانت علاقتي بالجميع من دكاترة وطلاب منتازة .. وبحكم أن طلاب دفعتي في الكلية داجين :D صرت أنا ولله الحمد اعتبر دافور ومثال للطالب المجتهد .. :thumbup: وكان في دكتور يقدرني بزيادة لان ما في احد يتفاعل معه ويشارك إلا أنا .. وماعنده الا ماجد وين ماجد تعال ياماجد والنعم بماجد :yes: إلى درجة ان بعض الطلاب حقدوا وبدو يغيرون مني :D اما انا فأنواع الإحراج !! وفي نهاية الفصل حدد لي الدكتور المطلوب من المادة في الاختبار وقال للطلاب اللي عنده استفسار يكلم ماجد هو عارف كل شي .. ويوم الاختبار النهائي لمادته مرضت وكانت حالتي حاله :cry: إلى درجة ما قدرت أرد على الجوال اللي حولته على واحد من الشباب وعطيته المطلوب في الاختبار يوصله للزملاء وأنا حطيت راسي .. :) وما قمت إلا الفجر وما ذاكرت أبد .. وروح لبيت صديقي وأنقنق معه شوية مذاكرة بعدها رحنا للجامعة سوا .. دخلت الاختبار وحليت ولله الحمد بس كان حلي مش ولا بد وكان واضح إني فاهم بس مش مذاكر وبعد الاختبار رجعت البيت وحطيت راسي إلى الظهر s60s ويوم قمت لصلاة الظهر فتحت الجوال لقيت رسالة من رقم غريب مكتوب فيها: " اتصلت عليك ولم ترد المرسل : أخوك / فلان الفلاني (دكتور المادة ) " :eek: وبعدها رسالة ثانية من نفس الرقم مكتوب فيها: "عطيناك اقل من حقك100من 100 ألف مبروك وعقبال الدكتوراه " :eek: أنا انلحست وتوقعت انه مقلب من واحد من العيال لأن الدكتور ما يعرف رقمي ولا عمري عطيته اياه !! فتصلت على واحد من الشباب مشهور بانه ينشب للدكاترة :D وقلت له عندك رقم الدكتور فلان قال ايه وعطاني نفس الرقم .. :eek: وكلمت واحد ثاني وعطاني نفس الرقم .. :eek: عاد انا قسم بالله أنواع الإحراج وبالتأكيد مافي حل إلا إني اتصل عليه واشكره .. وبعد صلاة العصر من نفس اليوم دقيت على الدكتور ولا رد وبعد ساعة دق علي ورديت عليه على استحياء ... :rolleyes: طبعاً في البداية اعتذرت له عن سوء الحل بسب مرضي فقالي : صحيح إجاباتك ما كانت نصاً لكن كلها صحيحة وأنت تستاهل 100 واكثر ... :D وفي نهاية المكالمة قالي في احد من اصدقائك تبي اعطيك درجته .. :eek: قلت لا ابد والله ماودي اكلف عليك :D .. لكنه لزم علي وهو يدري ان في واحد من الطلاب أنا وياه أكثر من أخوان (قلب).. فعطيته اسمه ( عبد الله ) .. :thumbup: فقالي الدكتور اللحين بصحح ورقته وأرسلك الدرجة .. :confused: بعد نص ساعة تقريباً وصلتني رسالة من الدكتور تقول عبد الله 95 درجة .. s60s طبعاً ابو عابد ماقد اخذ 95 وانا ماعمري اخذت 100 :D :D وعلى العموم كانت هذي اول مرة وآخرة مرة اجيب فيها هيك درجة .:p :p s60s وفي ختام هذه الحلقات اعتذر للطلاب والطالبات ألي يختبرون وغثيتهم :D بها الموضوع في هذا الوقت .. بس قسم بالله في هالايام كلش له طعم خاص حتى النشرة الجوية في القناة الأولى :laugh: :laugh: سواء عند الطلاب أو غيرهم .. ولا تسألوني ليه .. وفق الله جميع أعزائنا الطلاب والطالبات في اختباراتهم :yes: وأسأله عز وجل أن يرزق الجميع النجاح والتوفيق في حياتهم العلمية والعملية ,,, ودمتم في حفظ الله ورعايته ,,, |
ابو مقبل شسالفة الدكتور ؟؟؟؟؟؟؟؟؟؟ باقي متواصل معاه والا خلاص يا دكتور من مادتك خلصنا ما تلاحظ ردودي فيها نسبة مرتفعة من حامض اللقافة ابو مقبل الله يعطيك العافية على هالمواقف |
الف الف شكر على الموضوع الحلو ويارب متى تخلص الاختبارات ونفتك ونتفظى لكم... |
هلا باديبنا ماجدونــــا ابشركـ عطلتـ >>>تمشي وتعلن الخبر :rolleyes: ايام الاختبارات كانت حلـوووة ايام المدرسه يمكـن بس ماتسوى علينا هالخوق والقلق :cry: إقتباس:
هههههههههههههههههه :D اجل حديقتكم ماتحس ان وجهك مغسول بمرق لما كلمت اختك من مكتب المدير:eek: :D تمووون عسى ماكسرت راس واحد منهم :eek: مجرم:D ماشاء الله احس انكـ فله لما كنت صغير :D وذكي s60s ونشبة :p بخصوص التاخير انا ماشاء الله علي حريصتن :rolleyes: اركد كم جوال عندي واروح من 6 ونصف واختباري مايبدا الافوق 8:D مع السواق فاضي اي وقت يوديني سالفه الشبشب دايم احلم واتخيل هالموقف :eek: مدري ليه بس وش سويت وين اخذت منه من المسجد:eek: >>>>>> عادها مطيع الهميمي:p موقف الجامعه ماشاء الله :rolleyes: الله يرزقنــا وشلون تتميلحون عند الدكاترة مشاركة مستحيل اشارك من عقب الثانوي:rolleyes: طلعت طاقتي كلها هناك :D الحين مستمعه جيده فقط:p انا يقالك بطبق كتبت بنهايه ورقة الاجابه للدكتور دعاء :p هههههههههههههه مووووووقفي انا مو وقت اختبارات طبعاااا الظاهر ذكرته قبل هالمره هنا:rolleyes: لما كنت بالابتدائي كنتمن النوع الي لازم اغير شنطتي كل يوم >>>>كشخه :p المهم لما اغير الي في الشنطة اخذ الكتب بس الي علينا بكره واحطها بشنطه ثانيه والكتب الي كانت علي اليوم تظل بالشنطة الاولى :D جا اليوم الثاني وصلت المدرسه افتح شنطتي الاقيها كتبي حقت يوم امس :cry: واجلس اصيح:D :cry: وكنت جايبه حلاو معااااي لي وللبنات وصديقاتي لما كانو يواسوني ويفتشون بشنطتي لقوة بس استحو يقولون عيطنا وانا جالسه اصيح المهم اتصلت على ابوي وجاب لي شنطتي :D ورجعت الشنطة هذيك بحلاوهاا عاد صديقاتي قالو وين الحلاو:p :p قلبهم معاه:D موقف مثل وجهي بس حبيت اشارككـs13s ماشاء الله ياماجد احس حياتكـ اكشن >>>ذكرت الله تراني:rolleyes: هبال رجه جديه s60s كل شي يمشي عندك الله يحفظكـ وتظل دايم البتاع كلووs60s ود يليق بكـs13s الهنوووف كانت هنا ورحلت |
,,, ,, , ماجد مقبل اعتقد من اجمل الايام في السنوات الدراسيه هي ايام الامتحانات ,, وفي كل المراحل ,, مواقفكـَ الثلاثه تدل ان هنالكـَ شخص تعشقه ( الطيبه ) فـ احبت ان يكون قلبه موطنا لها ,, ورحلة الذكريات هذه حملتني انا شخصيا لـ عدة مواقف ,, ولكن يظل السؤال دوما ,, انه غالبا ماتحدث المصائب في اوقات الامتحانات .. فـ لا اعلم السر وراء اجتماع الطلاب والذهاب لـ ارتياد الاماكن المفضله لديهم وكل حسب ميوله ,, في وقت من الاوقات ولا اعلم هل الان مثلما كان في السابق ام لا .. ان ظاهرة التفحيط لا تنتشر بـ شكل اكبر الا في اوقات الامتحانات .. اذكر ذات حين في ايام المتوسط .. اقلني احدهم الى منزلي مع السائق وفي الطريق اقنعني ان نذهب لـ احدى الشوارع ( شارع التربيه :D ) هناكـ حيث الاجتماع ومن ثم التفحيط ... لم استغرب ذلكـ حقيقة لكن مااثار استغرابي هو ان السائق معتاد على مثل هذه الفرجه والدليل انه لحظة تواجد سيارة الشرطه في نفس المكان اخبرنا بـ الحرف الواحد ( ياالله حكومه حكومه ) حينها لم ارتعب من الموقف بقدر ماكنت اضحكـ على الاسلوب الذي قالها فيه .. وحتى هذه اللحظه كل ماتذكرت ذلكـَ الموقف ازداد ضحكي عن المرة السابقه ,, لكن في نهاية الامر اذكر ان ذلكـَ الشارع انتهى بـ قصة مأساويه لـ اربعة شباب ,, ولـ مثل هذه الامور لا تروق لي لكن لـ الظروف احكام فـ اجر ( التوصيله مشاهدة شوط تفحيط :D ) ومنذ ذلكـ الحين وتوافق هذه الحادثه لم استطع ان اقف في مثل هذه الشوارع او مشاهدة مثلها في مقاطع الفيديو .. فـ كانت وبشكل غريب منتشره في ذلكـَ الحين خصوصا في ايام الامتحانات ,, لكـَ التحيه عزيزي ,, والمواقف كثيره لكن يكفي ان سعادة ابتسامة حرفكـ ذكرنا بـ مرحلة لن تنسى فـ اسلوبكـَ الممتع وجمالية اطلالتكـ التي طالما تأسرنا بـ سحر عذوبتها ,, فـ اقبل مني التحية الصادقه والامنية بدوام التوفيق ,, **** كن بخير ...SoMe OnE... |
ههههههههههههههههههههههههههههههههههههههههههههههه |
ههههههههههههههههههههههههههههههههههههههههههههههه اضحك الله سنك يا ابا مقبل |
:D حركااات يا A+ ماشاء الله يارب اطيح بيد دكتوره زي دكتورك:D :) |
هلا والله بـ الاديب .. كنت برد من اول ما نزل الموضوع بس قلت انتظر يكمل باقي الموضوع << نصاب :D يعطيك الف عافية على الموضوع .. والله ارحمهم الي عندهم اختبارات وفي نفس الوقت احسدهم عليها .. رجعتنا إلى ايام من اروع الايام في حياتي كل مرحله مرينا فيها لها ذكريات لا تنسى كل مرحله من العمر لنى فيها طموح على قد عقلياتنا .. لك منى اطيب تحية .. s13s |
مشكور ماجد ويعطيك العافيه ,,,,والله يعيننا عالإختباراااااااات , |
هههههههههههههه الله يرجك اجل اثر لك سوابق من اول!! يعطيك العافية |
ماجد ما شاء الله طلعت مو سهل بس يا أخوي لا تكثر مواضيع في وقت الإختبارات أنا أول ما سمعت إن ماجد مقبل كاتب موضوع جيت ركض للبيت بعد الإختبار بس ما أمداني أرد عليك و على طاري المواقف أيام المتوسط صار لي موقف لا أحسد عليه و أنا في ثالث متوسط كنت مذاكر جغرافيا و أصلا بكرة ما علي جغرافيا كان علينا فقه و أجي المدرسة إلا أشوف العالم تراجع فقه إلا أنا أراجع جغرافيا إلا و أنقز خوف و أروح لمدرس الفقه الله يذكره بالخير و قال لي رح مكتبي و ذاكر لك نص ساعة بس و بعدها أشوفك بالقاعة و دخلت الإختبار و جبت 28من 30 <<< ما شاء الله علي كانت أوقات دفرة :) و الله يعيدها من لحظات حلوة مع الشلة ..!! |
ما اقول الا الله يرزقنا 100 من 100 ومشكور ابو مقبل |
حركات يا ماجدونا.. يا مصري أنت :D حركات المصارية ما ودك تبطلها؟ :D بس ما شاء الله نفعتك وأخذت 100% ما شاء الله..!! عقبال ما تتمصرن على مديرك بالعمل ويعطيك علاوة 100% :D والله موضوع رائع.. مؤنتك متكتك على قولة واحد مدري من هو؟ :D الله يعطيك ألف عافية..! تقبل مروري السريع يا غلاهم :) |
هلا اخوي ماجد ... هههههههههههه مستعد !؟ إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
يعطيك العافيه على هالفطور وتقبل مروري وتعليقاتي وننتظر مواضيع المتوسطه والثانوي .. :D |
عوده مع موضوعك اخوي ماجد .. إقتباس:
إقتباس:
إقتباس:
اتوقع اول تصرف من الوالد .. كوع .. هذي في التو واللحظه .. عاد ماعن الكفوف بس بالبيت :yes: إقتباس:
عسى الله يتوب علينا وعليك .. ههههههههههههههههه بس شكلك مظطر :) مشكوووور اخوي ماجد على هالمواقف الحلوه .. ولي رجعه بعد قراءة مواقف الجامعه .. وللحديث بقية تقبل مروري |
والله انك فله ايام الإبتدائي ياشيخ :thumbup: اجل وش بتسوي في المتوسط والثانوي :eek: ياخي مديركم ليه نشبه كذا :confused: ايامكم الاخيره في المدرسه المفروض يدلعكم :D قصدي يراعيكم من جد يعطيك العافيه اخوي عل فترة هالنقاهه الي عطيتنا إياها :thumbup: ننتظر الجزء الثاني :thumbup: |
إقتباس:
بس ملاحظه بسييييطه ... اسم الموضوع يجيب الهم لي بصراحه .. لاني عايش اسوأ ايام حياتي حاليا ... <<< سالس سانوي ( على قولة مدرس النحو :d ) وجايب العيد بــ اممم .... الرياضيات والنحو والادب والاحياء ... وش بقى خخخخخخ ولا صدقت يجي يوم الاربعاء عشان احط حرتي بالنت :) ... الله يعين ..! يعطيك الف عافيه عالموضوع اللي يوسع الصدر :d |
الكناري الازرق هلا بالتسناري الازرق .. وحياك الله نورتنا يابيه .. s13s قسم بالله ردودك تسبب لي ازمة ضحك غير طبيعية .. :laugh: وتارني مازلت على رأي في تاليف الكتاب بس تراني غيرت العنوان خخخخ ;) وصار (( الذب الجاري في ردود الكناري )) s60s اما بالنسبة للموقف الاول فصحيح اني جلدت العيال بس الى يومك تراني مقهور لي صحت عاد مسكوها علي ذيك الايام .. صاح صاح صاح .. :cry: ومن ناحية ردودك انا اشوفها في صميم الصميم .. ولو بيدي كان حطيت تحت اسمك أحسن واحد في العالم :D بس بصراحة ردك الثاني على موقف الثانوي كفشتني فيه مع اختلاف بسيط خخخخخخخخخ :thumbup: عاد لا تفضحني تراني تبت الى الله .. :) وعلى فكرة ابشرك رجعت النعال بعد الاختبار .. s60s بعدين ماشاء الله عليك مقاس رجلك نفس مقاس رجل السواق :D :D حبيب قلبي " نآيف " وفقك الله في اختباراتك ودمت بحفظه ورعايته ,,, زعيم قحطاني هلا وغلا اخوي زعيم قحطاني .. s13s والله يسعدك دوم يالغالي .. وان شاء الله تعدي ها الاختبارات على خير :yes: وتحصد النجاح والتوفيق .. واما اني اعزم عيال جيرانا .. يبطون عظم عقب المطاقة .. :D مشكور تواجدك اخوي ودمت بخير ,,, والنهاية ... هلا وغلا اخوي والنهاية ... (.) >>> النقطة الرابعة باعتبار ما سيكون ان شاء الله :D :D وبصراحة اخوي مدري احس اني اعرفك من زمان وكتاباتك جميلة و تشدني >>> كذا المدح ياحلو .. :thumbup: اعتقد انك مادخلت غرفة المدير لان مشاكلك مع الوكيل وهو يكفي ويوفي .. ;) على فكرة الوطنية ما تتذاكر ؟؟ >>> ما لحق عليها :D ياخي ها الماد مدري وش سالفتها لاهي مادة ولا هي ما هي مادة >>> اقول كيف الحال خخخخخخخخ :D مشكور يالغالي على تواجدك وتشريفك ودمت بخير ,,, hilal 3ala 6ooooool هلا بك اخوي هلالي على طول .. s13s وتسلم على تواجدك ومشاركتك .. والله يحفظ لي ها الطلة .. :D ولك مني تحية عطره .. دمت بحفظ الله ورعايته ,,, alhawey هلا وغلا اخو قلبي ... s13s واحسن الله عزاي في الهاردسك .. :cry: بس وش رايك متى نروح لابو مخروق نعوض الصور اللي راحت :D وبعدين وشفيك غاير عشان عندنا حديقة ;) وتراها حديقتنا لعدة اسباب سكيولوجية منها ان بيتنا اقرب بيت لها واني ترعرعنا فيها منذ الصغر >>> اجل تربية حدايق يالداج خخخخخخخ :D وان اصدقاي كانوا يقولون لي نبي نروح حديقتكم s60s وعلىالعموم عمرة مقبولة اخوي الهاوي وذا ودك تروح عمره مرتن ثانية من عيوني خخخخخ :laugh: :thumbup: وترى حديقتنا >>> الاخ مصمم على هالكلمة :D الى اليوم مرتفع الباب وحياك الله في أي وقت .. s60s اخوي الغالي الهاوي مشكور لتواجدك ودمت بحفظ الله ورعايته ,,, الشااامخة هلا بك اختي الشامخة والله يعطيك العافية على المشاركة والتواجد s60s ودوم ان شاء الله ها الضحكة ... :yes: دمت بحفظ الله ورعايته ,,, مطيع الهميمي هلا وغلا بعد قلبي مطيع صديقي العزيز والغالي .. s13s صراحة عجبتني ردودك في الموضوع s13s وهي تحتوي على نسبة كبيرة من الاستفهامات :D لكن صعبة شوي أجاوب عن تساؤلك الاول ;) عن كيف دبرتها .. :confused: لاني قسم بالله منحرج من نفسي احس اني مجرم كبير :eek: وعلى فكرة الموضوع كان فيه سرقة ;) أما سالفة الدكتور والله هي سالفة وحاولت اتواصل معه بس مشكلتي اني سيء في التواصل مع كثير من الاحباب :cry: وسبب هذه العلاقة اني خريج معهد علمي والحمد لله ثقافتي الدينية واللغوية منتازة بعكس خريجي الثانويات العامة :D الدكتور كان يدرسنا (سلم ) وعلى فكرة هو قاضي وله منصب في الهيئة عاد كان يمزح ويقول اذا سويت جارية ومسكتك الهيئة علمني .. >>> وهو احنا بتوع جاريات خخخخخ :D عاد انا حافظ رقمه بس لي اكثر من سنتين ما كلمته ولا حاجة ..!! مشكور اخوي مطيع ودمت بحفظ الله ورعايته ,,, M e T o O o هلا وغلا حبيب قلبي وقرة عيني ميتو خخخخخخ :D والله يهديك وش جابك المنتدى !! رح ذاكر وترى الكناري ماهو نافعك ;) هذا الانسان واضح انه مزبن عمره والا ماكان يوطوط في المنتدى ها الايام .. :D اما سالفتك مع الفطور تدل ان خوياك قليلين خاتمة يوم سحبوا عليك خخخخ :D ياخي كان يوصلونك على طريقهم عاد تدري ان اخوياي يوم بغوا يرجعون لبيوتهم انا اللي دفعت لهم قروش الليموزين ... :D >>> الاخ راشد بن بن عبد العزيز على غلفة هههههه :laugh: تسلم ميتو على تواجدك الجميل ومرورك الرائع والله يعطيك العافية,,, kaka-22 هلا وغلا اخوي كاكا -22 وان شاء الله تاخذ احسن لاعب في العالم :thumbup: >>> عل باله كاكا صدز .. ;) واما من ناحية المضاربة بالمسجد والله اني ما احبها بس كنت محتاج العصا حقت الخطيب خخخخخخخخ :D :D واما من ناحية موقف الشبشب ( الله يكرمك ) المشكلة انهم ماهم لون واحد خخخخخخخخخ :D الا كانت السالفة عدت على خير ;) ومشكور ياغالي على تواجدك وردودك والله يعطيك العافية ,,, هجمة خطيرة هلا وغلا بالداج هجمة خطيرة ... s13s بس والله حلوه تلعب على اهلك تقولهم فترتين واختبارك فترة خخخخخ :D عاد انا مرتن خربتها ورجعت بعد الظهر قالوا لي وينك ؟ قلت اليوم عندي ثلاث فترات>>>نصاب خخخخخ :p وابشر بالعشاء انت ولون خطك هذا اللي كنه صحن شكشوكة .. :p واما موقفك تراه مثل موقفي الثاني مع الوالد في المتوسطة .. بس انت عندك واسطة اما انا خربتها مع الوالد هههههههه تسلم ياصاحب الوجه المنور والمشرق على تواجدك الجميل :D والله يعطيك العافية ,,, فتاة الهلال هلا وغلا اختي فتاة الهلال .. بس حلوه روحتك للبيت خخخخخخخخ :D والله موقفك رهيب ومن جد ما عندك وقت تدورين النوم s60s عاد ذكرتيني ببنت اختي بثالث ابتدائي قالو لهم المدرسة خلاص انتهت الدراسة لاعاد تجون وتقوم يوم السبت وتروح المدرسة عاد ابوها نزلها ومشى ويتصلون المدرس على البت يقولون تعالوا خذو بنتكم ماعاد فيه دراسة ههههههههههه :thumbup: واما سالفتك مع الشبشب فتهون دام انك رايحة للسوق هههههه عاد بنت في السوق وبشبشب قسم بالله قوية ..هههههههه s60s ولا تسأليني وشلون دبرتها .. ;) >>> ما وده يشوه صورتها الزهرية على لون خطك خخخخخخخخ :D الله يعطيك العافية اختي فتاة الهلال ... ودمت بحفظ الله ورعايته ,,, عاشق الفيلسوف 15 هلا وغلا اخوي محامينا عاشق الفيلسوف 15 s13s وبصراحة ودي ارفع دعوى ضد ذاك المدير تهقى اكسبها :D ياشيخ سبب لي عقدة في حياتي العاطفية والنفسية خخخخخخخخخ ;) ومن ناحية المخافر والشرطة لا الحمد لله ما وصلت لها دايم تكون حلولي ودية هههههه :D مشكور يالغالي على تواجدك الجميل s60s والله يعطيك العافية ,,, ن و س 077 حياك الله اخوي الغالي المهندس ن و س 077 على فكرة ترى الهاردسك بتاعي يسلم عليك ويقول قسم بالله ماني راجع لو تحب السما غغغغغغغغغغغغغغ >>> ضحكة مغبون :cry: :cry: وبعدين اكيد مانبي سهل معك ماجد مقبل >>> بايخة :D مشكور اخوي على تواجدك وكلماتك وانا كل ماشفت رقم 1407 ذكرت ولادة رجل عظيم اسمه ن و س :D يعطيك العافية اخوي على المشاركة s60s والله يعطيك العافية ,,, جرح يشكي هلا وغلا بحبيب قلبي جرح يشكي .. ومنور ياباشا ومبروك الاجازة .. اما سالفة قدام قدام قدام .. :D قسم بالله وانا اكتبها اذكرك وضحك s60s من جد رسالة قوية وحقت هيااااااااااااط خخخخخخخخ :thumbup: عاد تراني بغيت اكتب اسمك بحنبها بس خفت المشاغب يزعل هههههه ;) مشكور اخوي محمد على التواجد .. s60s وبتظار عودتك يالغالي ,,, MR.DL5 هلا وغلا اخوي الغالي مستر دلخ .. s13s ومنور الحتة والمطرح ياباشا .. :yes: يارجال لا مهجد ولا بطيخ الا من زود السباكة خخخخخ :D على فكرة الا اللحين الحديقة حديقتنا واذا ودك تجي الله يحيك .. s60s مشكور اخوي تواجد ومشاركتك s60s ودمت بحفظ الله ,,, اليزابيث هيرلي هلا وغلا اختي المبدعة اليزا ... s13s بصراحة كل مشفت بطاطس ليزا وهنري تذكرتك .. :D اما من ناحية الكرم فكريم ;) خاصة اذا كان على حساب الوالد او الوالدة الله يحفظهم خخخخخخخ :D :D ومن جد ايام الاختبارات له وحشة ونكهة خاصة .. عاد حتى المعلمين اظن انهم يستمتعون بها هههههههه الله يوفقك اختي المبدعة اليزابيث هيرلي .. :yes: وشكرا لك تواجدك ومشاركتك الجميلة s60s والله يعطيك العافية ,,, دلع-20 هلا وغلا بالمبدعة دلع -20 s13s ومبروك الاجازة والانتهاء من الاختبارات وعقبال ماتطلع النتايج كلها 100% وبعدين ماشاء الله عليك دايم تركزين على التوقيت خخخخخخ :D شكل التايم عندك مضبوط وترى ها الموضوع مثل اللي قبلوه صباحي .. :D :D وترا الدولة هي سبب خرابي يوم انهم حطوا حديقة جنب بيتنا لا وبعد فيها مراجيح وزحليقة خخخخخخ s60s وسبحان الله انت عكسي ان في الجامعة اكتشفت الجانب الخيري فينا .. ;) شكرا اختي دلع على تواجدك الجميل والمميز .. والله يعطيك العافية ,,, leo messi هلا وغلا اخوي الغالي ميسي .. s13s وياشيخ قسم بالله اني اول ماشقتك حبيتك :yes: وانت رهيب وفلة .. s60s بس عليك طلعات بعض الاوقات انلحس معها خخخخخخخخ :D :D تسلم اخوي ميسي مشاركتك وحضورك الجميل .. s60s وبتظار عودتك >> مافي امل :laugh: والله يعطيك العافية ,,, الكــلاسيكي هلا وغلا بـ الغالي كلاسيكو s13s ومبروك الاختبارات خخخخ اقصد مبروك الاجازة .. :D وعلى سالفة الاتصال من مكتب المدير قسم بالله الى الان وانا مستغرب من جد احس اني كنت فاهي خخخخخخخخخ :D على الاقل لو رحت مكتب الوكيل كان اهون شوي ههههههه :p :p وبصراحة يوم حجروا لي في حوش المسجد اعتبر اني شبه اندبغت خخخخخ :D بس يوم حولتهم على المسجد أخذت بثأري كامل وزيادة s60s >>> الله يخلي عصا الخطيب ههههههههه :D وياحليلك عدول جرحتك المسطرة اجل شكلك دافور من جد خخخخخ :D عاد اذكر في الابتدائي كنت آخذ معي سكين للمدرسة هههههههه :laugh: :laugh: بس موقف الاوراق رهيب من جد معاناة ههههههههه مشكور عدولي تواجدك ومشاركتك الجميلة .. s60s والله يعطيك العافية ,,, فرصه ضايعه هلا وغلا فرصتوه .. s13s وبالنسبة للمدير مثل ما قلت تراكم قهر بسب بلاوي متلتلة .. :D والمشكلة في الابتدائي كنت طالب نظام + بياع في المقصف + مقدم في الاذاعة + صربوت المدرسة خخخخخخخخخخخ :D :D :D عاد من جد اذا قضينا من مادة كنت اقول ابمسحها من راسي .. s60s وانت يحليلك تشققين الجدول .. في ناس تشقق الكتب !! خاصة الرياضيات !! :upset: مشكورة فرصتوه تواجدك الجميل ومشاركاتك الرائعة ودمت بحفظ الله ورعايته ,,, ^^^^^^^^^^^^^^^^^^^^^^^^^^^^ لي عودة ان شاء الله ,,, |
اي والله يا حظهم انا مابي حظهم :D انا ابي من دون حظ :D اخ ماجد برادايمقول امين عسى حظك مثل حظهم :D |
هلا وغلا بالحبايب s13s ومعليش ع التاخير بس ترى السبب ابو طلال الله يصلحه هو وموضوعه المنسدح :D s60s الـمـشـاغـب هلا وغلا سلطانوه .. ومن جد انت فضيحة الا فضيحة شوي عليك وصدق نمر15 يوم قال انتبه منه تراه فضيحة يبي يشب الشر بينهم خخخخخخخخخخ :thumbup: المهم تراني رجعت النعال بعد الاختبار مومثل بعض اناس ما في امل يرجعون خخخخخخ :thumbup: وبعدين انت ووجهك احس ان موقفك نصبة خخخخخخخ;) وش اللي قمت بعد بداية الاختبار بربع ساعة ورحت دورت ولد عمك والين مالقيته وصحيته وراح افطر بيض وشكشوكة .. كل هذي الشغالات يبيلها يومين لا تقول لي بعد كذا لحقتوا الاختبار خخخخخخخخخ :D :D واما حركات المصارية والله ما ادانيها بس على نياتكم ترزقون .. بس تقدر تقول حركات شامية خخخخخخخ :thumbup: مشكور سلطانوه على تواجدك المتكتك ومشاركتك المأنتكه يالداج والله يوفقك في اختباراتك وتجيب الاول .. s60s دمت بحفظ الله ورعايته ,,, عفره الله يحيك اخوي عفره .. والله يعينك على لبس الشباشب .. :D بس احرص انهم يكونون لون واحد .. s60s مشكور اخوي على تواجدك الجميل .. والله يرزقك 100 من 100 يالغالي s60s ولو تستاهل .. والله يعطيك العافية ,,, فيغو 10 هلا وغلا اخوي فيغو .. ومبروك توقيعك مع الانتر .. :D رغم انك زعلت البلوي خخخخخخخ .. ;) الله يعينك يالغالي على اختبارتكم وان شاء الله تتوفق بنشبة منتازة .. :yes: دمت بخير وعافية ,,, عسيريه هلا وغلا عسيرية مصرقعة خخخخخخخخ s13s الله يوفقك اختي بختباراتك وان شاء الله تجيبين نسبة عالية وصدقيني والله انكم في وناسة ما تحسون فيها الا بعد التخرج :D واما موقف الثانوي الله يسامحني على اللي سويته خخخخخخخ ;) بس ترى الواحد في ذيك المواقف ما يفكر الا بالاختبار ههههههه :D :D مشكورة اختي المبدعة عسيرية على تواجدك الجميل .. s60s والله يعطيك العافية ,,, تغريد هلا وغلا بالمبدعة تغريد .. والحمد لله ان سالفة الشبشب ما صارت لك ايام الاختبارات عاد من جد مشكلة خاصة لو كان البيت بعيد ;) والمساجد ما فيها جزمات نسائيه خخخخخخخ :D :D اما اني كيف دبرتها فاعتقد اني انفضحت ومو لازم اكعها كاش s60s واما الفطور والله سوا لي حوسة في حياتي بس الحمد لله عدت على خير .. والله يوفقك وتجيبين A+ بس مثل ذاك الدكتور ما حصلش .. ;) مشكورة اختي تغريد على تواجدك الجميل والمميز .. ودمت بحفظ الله ورعايته ,,, &عاشق التمياط & هلا وغلا اخوي عاشق التمياط .. والله يعطيك العافية على المشاركة والتواجد s60s ومشكور على كلماتك الحلوة .. وان شاء الله تخلص الاختبارات وتنجح وتفلها .. :thumbup: ودمت بخير وعافية ,,, الهنوووف هلا وغلا بـ المبدعة الهنوووف .. وتره صدق حديقتي وان شاء الله بصورها لكم .. :D اما المدير تراني امون عليه >>> كل يوم جايه في مشكلة خخخخخخخ ;) والحمد لله المطاقة ما كان فيها ضحايا كانت مطاقة سلمية .. :D والله اني مثلك احب اقوم بدري ايام الاختبارات بس ماهو حرص على الاختبار الا ودي اتمشى وافطر وتحلى في ذاك الوقت الدجة خخخخخخخ :thumbup: عاد مرة خربناها في الابتدائي وتواعدنا بعد صلاة الفجر مباشرة ويجيني الوالد المدرسة وياخذني ويرجعني للبيت >>> الامر لم يخلو من التصفيق خخخخخخخخ :D :D اما عقب سالفة الشبشب اخاف يسموني حرامي المجلس العام والله يكفيني شر الكناري خخخخخخخ :laugh: :p وحلوه انك تدعي للدكتور بس بعضهم ما فيه رحمة لو تدي الى بكرة .. عاد انا اكتب لهم ابيات شعرية خخخخخخخ>>> نصاب ;) واما سالفة الحلاو والله يحق للبنات يحقدون عليك .. والمفروض انهم يخذون الحلاو ويعطوك منه عشان تسكتين وياكلون الباقي خخخخخخخ s60s مشكورة الهنوووف علىتواجدك وردك الجميل والمميز .. والله يوفقك وتجيبين درجات سنعه .. s60s دمت بحفظ الله ,,, ...SoMe OnE... هلا وغلا اخوي الغالي رماد الحرف .. والله يعطيك العافية على تواجدك الجميل ومرورك الرائع .. s60s حقيقة اسعدتني كلماتك التي احطتني بها واتمنى ان اكون عند حسن ظنك ان شاء الله .. :yes: وماشاء الله عليك أثرك راعي تفحيط خخخخخخخخخخخخ :thumbup: :thumbup: حقيقة حتى الان مشكلة زيادة التفحيط قائمة في ايام الاختبارات وكم من الشباب والاصدقاء راح ضحية هذه الهواية المميتة .. :cry: اعتقد ان الفرق بينا الايام الماضية والايام الحالية هي ان المفحطين كانوا قلة اما الان فصار كل من هب ودب يفحط :confused: والله يستر من ذلك الامر ...!! بس بصراحة سواق خويك شكله طارة خخخخخخ :D أجل حكومه خخخخخخخخخخخخ s60s شكراُ لك اخي الحبيب رماد الحرف .. ودمت بحفظ الله ورعايته ,,, سالون هلا وغلا اخي سالون .. ومشكو لتواجدك ودوم ها الضحكة .. :D والله يعطيك العافية على المرور ,,s60s بنت عز ماتنهز اهلين اختي بنت عز ماتنهز .. s13s والله يضحك سنك بعد اختاه .. :D ودوم هالضحكة والابتسامة :yes: مشكورة على ردك وتواجدك الجميل .. s60s ودمت بحفظ الله ورعايته ,,, leader-imf هلا وغلا اخوي الغالي عبد الله .. s13s وحياك الله اخوي الغالي ونورت الموضوع ... وما عن سالفة التاخير فكل تاخيره فيها خيرة خخخخخخخ بس حلوه التصريفة هههههههههههه :D :D ومثل ماقلت الله يعين الطلاب على اختباراتهم .. وفي نفس الوقت يحظهم على الاوقات الحلوة اللي يقضونها في الاختبارات ... s60s مشكور يالغالي على كلماتك الجميلة ومرورك الرائع .. :thumbup: ودمت بحفظ الله ورعايته ,,, انت حبي 20 هلا وغلا اخوي الغالي انت حبي20 وتسلم على مشاركتك وتواجدك s60s والله يعينك على الاختبارات وان شاء الله تنجح وتصير الاول :yes: بس بشرنا يالغالي ولا تنسى حفلة النجاح .. :D دمت بحفظ الله ورعايته ,,, ابو عابد 2004 هلا وغلا اخوي ابو عابد ... s13s وتسلم على مشاركتك وتواجد الجميل .. ومن ناحية السوابق تراني سوابقي كلها حليلة على قد حالي خخخخخخخ ;) واهم شي اني اللحين عاقل هههههههه :D مشكور اخوي الغالي s60s والله يعطيك العافية ,,, أول العنقود هلا وغلا اخوي الغالي اول العنقود .. والله يحيك يالغالي ومنورنا ياباشا مهندس .. s13s والله يعينك اخوي على الاختبارات بس وش اسوي المواضيع تحلو في ذي الايام .. ;) عاد حتى وانا طالب اذكر اني ما اتحمس لكتابة المواضيع الا في ايام الاختبارات s60s واما موقفك من جد صعب والحمد لله ما قد صار لي مثلك والا كان جبت العيد ومدرسكم وش حليله جزاه الله خير انه تعاون معك .. :yes: وماشاء الله عليك وش بقيت للدوافير اجل 28 وانت ما ذاكرت الا نص ساعة يعني لو مذاكر ساعة كنت حطمت الرقم القياسي ودخلت موسوعة غينتس .. :D تسلم اخوي الغالي اول العنقود على مشاركتك الجميلة .. s60s وفقك الله الى كل خير ونجاح ,,, ابو طـــــلال هلا وغلا بك اخوي أبو طلال وتسلم على ها الطلة الحلوة .. وترى موضوعك اسسسدح صورتك هو سبب تأخر في الرد .. يا انت هبلت في العالم الله يصلح قلبك ... s60s بعدين الله يهديك ابو طلال ما بقيت صفة زينه الا وحطيتها فيني خخخخخخخ ;) صراحة كذا بتحرجني وتخجل تواضعي .. :p إقتباس:
إقتباس:
قسم بالله نفس الحركات اللي صارت بحوش المسجد بس الظاهر انا كنت جزوم يوم استدرجتهم داخل المسجد واستعرت عصا الخطيب .. s60s إقتباس:
خخخخخخخخخخخخخخخخخخخخخ كككككككككككككككككككككككك الله يرج ابليسك ابو طلال عاد تصدق صار لي مثل ها الموقف بس مع اخوي الصغير رحت له الابتدائية ادوره وأثر ابو الشباب بالمتوسطة .. ;) إقتباس:
بيني وبينك ترى الفلم الهندي صار بالطريق واحنا في السيارة انا والوالد اللي صار ملاكم كل شوي جايتني لكمة خطافية ههههههههههههه :thumbup: والمدير ما دخلني الا يوم شاف وجهي مفقع خخخخخخخخخخخخخخ :p :p تسلم والله اخوي ابو طلال على تواجدك الجميل ورد المميز وذباتك الحلوة .. s60s والله يعطيك العافية ,,, جراح الهلالي هلا وغلا اخوي الحبيب جراح الهلال .. والله يحيك يالغالي نورت الموضع ماي فرند العزيز .. وترى الحلقة الثانية في الصفحة 2والثالثة في صفحة 3 تلقاه بين الردود .. واما المدير لاتلومه بصراحة كنت مسوي له قلق فخله يبرد قلب ههههههههه:p وبعدين والله هو ماقصر سوا لنا عزيمة بمناسبة التخرج في هرفي بس خويانا مسكت معهم على الفول والشكشوكة :D :D الله يوفقك اخوي جراح الهلال وان شاء الله نفرح بخبر نجاحك بتفوق s60s ودمت بحفظ الله ورعايته ,,, FreakouT هلا بك اخوي الغالي FreakouT ومنورنا ياباشا :thumbup: وترى علوم الرجال ماتجي الا اذا فيه جريات خخخخخخخخخخخs60s ومن ناحية عنوان الموضوع لازم تتقبله بروح رياضية خخخخخخخخخ:p وسالس سانوي من جد هم وغثا والله يعينك عليها وان شاء الله ما تجيب العيد ابد s60s وبعدين الله يصلحك ارفق على النت ولا تحط كل حرتك فيه وش مسوي لك المسكين ;) تسلم اخوي على تواجدك الجميل .. والله يعطيك العافية ,,, العنا هلا وغلا بالعنا وياباشا نورتنا :D ويحظك معهم يالعنا وبعدين اختبارات بدون حظ يعني بتجيب العيد :D والله يستر من بردايمك احس انه رايح فيها خخخخخخخخخ:thumbup: :thumbup: مشكور العنا تواجدك والله يعطيك العافية ,,, ^^^^^^^^^^^^^^^^^^^^^^^ شكرالكم احبتي جميعاً والله يعطيكم العافية ,,, |
هلا والله بابو مقبل صح اني متااخر بس قسم بالله متابع للموضوع من اول يووم بس العجز كل يوم اقول بكره برد بكره برد لين حسيت انها مالها دااعي ارد بس يوم شفت موضوعك الحين قلت مبدهااااااااش راد راد والله كل مواقفك حلووه اثرك رجال من يوم كنت بزر هههههههههههه والثاني الظاهر يوم تنسى حذياانك الظاهر انك مثل ماقال الكنااري رحت اقرب مسجد والموقف الثاالث يااخي عرفنا على هالدكتور كوده بنفس كليتنا ويمشينا عاد حنا كلنا بمنتدى وااحد لزوم الوااسطه ابو مقبل الله يعطيك العاافيه على هالموضوع واعذرني ادري ردي ماله دااعي وبعد ايش لكن ان شاءالله انك بتعذرني تشكرااااااااتي لك ياديبنا الخنفشااري والله يعطيك الف الف عاافيه |
ههههههههههههههههههههههههههههههههههههههههههههههههههههههههههههههههههههههههه :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: :laugh: فظيعه فظيعه جدا عجبتني تبع الملكيه هذه "يا بو ملكيه" ;) اما تبع المسجد جنااااااااااااااااااان رووعه تموت ضحك....:laugh: اما بالنسبه للامتحانات يا اخي قول الله لا يردها... مع اني اخر يوم لي بالاختبارات... وللاسف على اخر يوم تعلمت طريقه بالغش... ومن كثر الفرح طوووووول الوقت اضحك مو مصدقه "مفضوحه علني" انا واللي جنبي فاطسين ضحك ... من طريقة الغش....:D :D :laugh: :laugh: :laugh: بس قول الحمد لله الاختبارات هم وغمد بس المدرسه والجامعه نعمه ما بعدها نعمه...s60s :yes: سلاااااااااامو ...:) بس ما قلت لي من عوض الامام عن عصاااته؟؟ ههههههههه:rolleyes: :confused: :D |
مسه بالخير ابو مقبل صاحب النظرات الرزمانسيه القاتله:D .. راجعلك ياحلو وانت اصبر لو هي الفين عام:D :D ياخي سبحان من جمعكم على بعض :D .. ابد كنكم فراش وغطاء هههههههههه |
إقتباس:
إقتباس:
إقتباس:
إقتباس:
إقتباس:
كان بينكم قصه حب سابقه:D إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
موقف رائع اخوي ماجد وذكريات جميله:yes: واشوى اني لحقت وقريت عليه ورديت بعد وهذا من حظي الزين:) الله يوسع صدرك بالعافيه .. ودمت بكل خير وسعاده .. |
إقتباس:
إقتباس:
إقتباس:
إقتباس:
إقتباس:
كان بينكم قصه حب سابقه:D إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
إقتباس:
موقف رائع اخوي ماجد وذكريات جميله:yes: واشوى اني لحقت وقريت عليه ورديت بعد وهذا من حظي الزين:) الله يوسع صدرك بالعافيه .. ودمت بكل خير وسعاده .. |
ماجد,, الحين يقال لك تواسينا,, يوم انك تقول ياحظكم عندكم اختبارات,,:D سح جايه متأخره,, بس متابعه أول بأول,,:yes: وكنت أستنى الحلقه الأخيره بفارغ الصبر,, الحمد لله النهايه جت سعيده,,:thumbup: ماجد ما عندك واسطه في جامعتنا,,:D |
| الوقت المعتمد في المنتدى بتوقيت جرينتش +3.
الوقت الان » 03:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd