|
قناة الزعيم ... ممكن شوي ؟ السلام عليكم ورحمة الله وبركاته http://upload.alhilal.com/img/004/uvs060817-006.jpg استبشرنا خير هذي السنه بافتتاح قناة الزعيم كأول قناة رياضيه خاصه بنادي عربي ( على ما اظن :) ) ولكن للأسف القناة كانت اقل من الطموح يمكن في البدايه ما كنت الومكم لأننا عارفين انه فيه قرار يمنع افتتاح قنوات متخصصه رياضيه للانديه ويمسح فقط بفتح قناة شات للنادي ... ولكن بعد افتتاح قناة الجار عرفنا انه الدعوه استثناءات وانه ممكن تفتح القناة وتعرض اللي تبي ومن هذاك اليوم صرنا نطالب باشياء كثيره وللاسف ما تنفذ الا القليل القليل منها :rolleyes: * مثلا طالبنا بتكبير الشاشه وهالشي ما صار الا بطلعة الروح على اني ما اظن انه شي صعب !! * تكبرت الشاشه ولكني اشوف جوده الصوره جداً ضعيفه .. ما ادري وش السبب ! * صوت القناة ردي وتحس فيه صدى ( صح والا يتهيأ لي ؟ ) هذي الملاحظات تقنيه خلصنا منها :) نجي الحين للملاحظات على المواد المعروضه :) * المباريات اللي تعرض مليناااااااااا منها مو معقوله كلها خمس او ست مباريات تنعاد كل شوي ؟ تخلص مباراة الحزم تجي مباراة الاهلي تخلص المباراة تجي مباراة الفريق الاوزبكي تخلص تجي مباراة الاتحاد تخلص تجي مباراة القادسيه !! يعني مو معقوله مافي الا هالمباريات عندكم !! المشكله انكم اخترتوا اسوأ مباريات للهلال هذا الموسم يعني لو عارضين الهلال والشباب 4-0 كان ممكن تهون لكن مثلا مباراة الفريق الاوزبكي او الحزم او الاهلي لما لعبنا بالصف الثاني وش بنستفيد منها ؟ وش المشكله لو عرضتوا لنا مباريات للهلال قبل 15 سنه او اكثر ؟ نبغى مباريات ما نتذكر وش نتيجتها من لعب فيها .. نجوم الهلال القديمين ... لو بتسأل جمهور الهلال من الصغار من صالح النعيمه قال لك ما ادري :) نفس الكلام عن الاهداف 99% منها اهداف هالموسم !! القناة ترى يشوفها السعودي والخليجي والعربي يعني فرصه نمتعهم بمواد مسجله حلوه :) ونعطي انطباع لهم عن ماهو الزعيم ووش انجازاته :) * البث المباشر معدوم باستثناء لقاء الامير بندر بندر بن محمد .. ليه طيب ... دام قدرتو تعملونها مره اكيد تقدرون مرات ومرات ... نبي القناة حركيه متابعه للاحداث اول بأول .. فيها كم مذيع وفيها برامج ومسابقات ونشرات اخبار وممكن انتم بطريقتكم هذيك اللحظه تكسبون من الاعلانات اللي بتنهار على القناة :) وانا اكتب الموضوع الحين جت مباراة الحزم ( لا حول ولا قوة الا بالله العلي العظيم :( ) في النهايه اتمنى للجميع التوفيق |
القادم احلى ان شاء الله |
ههههههههههههههههههههههههههه والله انك صدقت من زمان وحنا نتكلم ولكن لاحياة لمن تنادي نصف مشاركاتي كلها مختصه بهالقناة نبي شوية تعديل مثل ماقلت انت برامج واخبار ومقتطفات ومذيعين واشياء قد تفيد القناة من ناحية الاعلانات يعني مثلاً ليش مايتم نقل قنوات الهلال المنقولة على القناة السعودية مباشرة وبمعلق خاص ليش مايكون فيه برامج محاورة مع الجماهير ليش ماتكون فيه نشرة اخبار رياضية سعودية وعربية وعالمية و و و اشيء كثيرة ولكن لاحياة لمن تنادي |
...مشكور .....وبالتوفيق .. |
مشكور |
مرحبا اخوي عالي الشان الحقيقيه القناه تقدم جهود مشكوره لكن دون تطلعات الجماهير جماهير الزعيم تبي شي يعكس زعامة الفريق شي يوازي هامة الهلال ونقطة المباريات القديمه راااائعه لان الهلال فعلا يملك ارشيف ذهبي وعمالقه سطروا فنونهم على مساحات الملاعب وبعدين ترى فيه اشرطه كثيره طلعت ذيك الايام من جهود شخصيه عن لاعبين الهلال واكيد موجوده عند بعض الجماهير ولو تم طلبها ما اتوقع احد بيتأخر عن الزعيم لو فعلا استفدنا من هالاشرطه المعموله كان بتصير خطوه حلوه ياما شفنا اشرطه معموله بجهد شخصي من المشجعشن فاقت كثيرا الاشرطه الاصليه للاعبين ياليت نشوف هالافكار في قناة الزعيم ولا ننسى نشكرهم على جهدهم ونقول لهم شكرا و العشم فيكم كبير كل الشكر لك يا عالي الشان |
| الوقت المعتمد في المنتدى بتوقيت جرينتش +3.
الوقت الان » 05:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd