الفيروسه الزرقاء


ياهلا والله ومسهلا ، أسفرت وأنورت من بعد غيبه..

إقتباس مدري انا من اي ناس المصبحين وإلا اللي بيمسون ماصحيت إلا ع الساعه 10 الليل صنفني عاد من اي فئه

ان ماخب ظني فاأنتِ من اللي يبي يتسحرون على خير

إقتباس كل شي ينسبونه لـ " العين "

صادزه من تالي الناس يحطونه بالعين!! اتوقع يبي يطيبون خواطرهم والا هم عارفين ان لكل شي سبب باذن الله ..

إقتباس فـ الافضل ناس علاقتك معهم رسميه رح لهم العصر أو المغرب

بالضبط ، ونخلي باقي الاوقات تكون لهم مع المقربين منهم عشان يرتاحون من التكلف و الرسميات طول اليوم..

إقتباس غير كذا اكره اللي يجونا الصباح اصلاً ماقد قابلت احد جاينا الصباح يقومونا ننزل نسلم ولا في أمل

والله من قل ماقمتي وسلمتي..

من تالي قليل جدا اللي يجون الصبح بحكم ان عاداتنا تغيرت والناس صارت تسهر حتى بعض الشياب والعجز صاروا ما ينامون الا بالوحده وطالع، والا اشوف ان الصبح زين

إقتباس أحسسسن ربك عالم بنيتك

استغفر الله

لا لا ، يعلم الله اني أمزح والا ماهمني مدير والا غيره، زين الواحد يحرص على التواصل مع الناس بكل الظروف..

إقتباس أتذكر خوالي حطوا نظام ماحد يجيب العشاء من القرايب يعني اللي يصير جدي عمه وإلا خاله مايجيب

آآبو القانون اللي ما أدري وش يبي!! طلع ورث ذا مهوب عشا

إقتباس غدا وعشاء طول هـ 4 ايام ماغير ذبايح وانا أنحرم مانيب أكل الا ساندويش بجبن غدا

انتي بتس بلا !!! رز و ذبايح و وتسبه وتاكلين سندويش جبن صدز اللي اختشوا ماتوا

إقتباس بس تعبت بـ تطليع كراتين المويه وإلا تدخيلها بـ الفريزر من جد كل شوي لازم يتصلون ع ويقولون جيبوا مويه

والله يا أهلك مصرفينك بشغله دمااار عارفين ان ماعندك أحد أقل شي اطبخي نعناع بارد ..

إقتباس لازم ندخل ننظف الحوسه ع السريع

أجل صايرين زي حقين التنس الارضي

إقتباس لازم نخربها انا وبنات خالي وحريم خوالي ونعلق !

استهبال بعزا !! ما سمعنا بهذا في آباءنا الاولين

إقتباس والله شف اتذكر فـ ايام عزاء يـ الله جد جد غثيييييثه وثقيله ! مافيه ضحك مافيه وناسه لكن فيه ايام عزاء عندنا عادي نضحك ونستانس يمكن لاكان الموت فجاءة ! هينا المشكله

بغض النظر عن من هو المتوفى أو الحاله اللي توفى عليها ، المفروض أيام العزاء يغلب على الناس فيها السكينه ويستشعرون هالموقف ويتذكرن ان هذا مصيرهم وبالتالي تلين قلوبهم ويرجون نعيم الآخره ويتوبون لرب العالمين..

وأكيد يكون بدون مبالغه بالصياح والنياحه والكآبه..

إقتباس الحزن يكون بـ اليوم الدفن وثاني يوم اما اليومين البقيه كان النفس ارتاحت وهدت ونصير نضحك

نشكر الله سبحانه على هالنعمه، الواحد مع الايام ينسى مثل هالايام الصعبه..

واتوقع حال كثير من الناس مثل ماقلتي يتأثرون باليوم الاول وترتاح نفسيتهم بباقي الايام..

إقتباس تدري وش أكثر شي اكره فـ أيام العزاء ! سواليف الحريم عن الاحلام !! تجيك تقول والله اني حالمه كذا وكذا والثانيه تقول حلمها ويبدون تفاسير وهات اتصالات وشي من جد اكررررره هـ السوالف يمكن لاني مسكينه ماقد حلمت

سبحان الله تدرين ليش ضحكت

أكبر خواتي قبل فتره راحت تعزي ناس ، عاد تقول ماشاء كل الحريم محلمات وحاسات بوفاة فلانه

عندي أميمتي الله يحفظها لو تطلعين عليها رشاش ما خافت ، لكن لو تقولين لها شفت حلم كذا وكذا تخاف يابعدي ، ومن خبرتها وهي تقول لا أحد يجيب طاري حلوم


العفو يافيروسه وتشكراات واااجد على تواصلك..




________________________________



هامور البورصه


هلا والله وغلا..

إقتباس يوم وفاة جدي ان فيه شيااب من السااعه ست الصبح يجوون

أما ست !! والله مشكله ، وبلاك انهم شيّاب ما تقدر ولا تلمح لهم


الله يسلمك يابعدي ويسرني ويشرفني اعجابك ومتابعتك لشخاميطي

تشكرااات ياغالي



________________________________


abu_riman


هلا والله وغلا بابوريمان ..

إقتباس هذه نتيجة كل فعل مخالف لهدي النبي صلى الله عليه و سلم ..

اختصرتها وصدقت ، التمسك بمبادئ وتوجيهات ديننا الحنيف يكفينا عناء البحث عن علاجٍ لكل مشكله..


العفو للأولى ياغالي..

و العفو للثانيه، وأنت أهم من يقف بصفنا ، وان كنت أرى أن الحق مكفول للجميع الا أن الاتزان مطلوب


أكاد أجزم بأني أحد من يفهم تماماً الغموض المميز في ردودك ، ربما لأني رفيقك الخاص;) >>>> لا يكثر بس


سررت بأني ممن تخصهم وتشكرااتي لك

_____________________________



نحياتي للجميع

هلا والله اخوي الهاوي ..

وعاش من شافك ..

والله انا عجزت القى تفسير لهــ العادة الاجتماعية ..

يعني في عزاء جدي الله يرحمه ويسكنه فسيح جناته .. من بعد صلاة العصر الى الساعة 12,30 بالليل وانا من دلة الى دلة ..

والبيت فل ..!!

مع ان بيت جدي الله يرحمه كان كبير الا ان هــ العالم ملوه ..

اقسم بالله ارجع للبيت اخلاقي قافلة ..!

يعني البلاء ناس ما تدري من وين جو ..


يعني لو ناس يقربون لك وتعرفهم كلهم كان ما يغلى عليهم حاشي <<<

وانا والله كنت ناوي ازبد لكم واحد ما يقربون لنا لا من بعيد ولا من قريب بس الوالد قالي كل تبن وصب قهوة ..!!!


وانواع المفاطيح في هــ العزاء ..

أخبر الواحد يجي يعزي وياخذ له فنجال قهوة ويدعي للميت ويتوكل على الله ..

بس عندنا المفاطيح شي لازم ..

وان ما حطيت طلعوا الناس زعلانه و بدال ما يدعوا للميت صاروا يدعون عليه ...!!


برضوا في عزاء عمي رفضوا عماني سالفة المفاطيح موب بخل ولا شي الا يتجمعون الهنود وهــ العالم ويطقونها سواليف لين العشاء يتعشون ثم يتوكلون على الله ..

وبرضوا انا الي كنت اصب القهوة ..


جت الساعة 10,30 والعالم ينفضون يدينهم ينتظرون العشاء ..

جت الساعة 11,30 وبرضوا ما جاء العشاء والعالم اخلاقها قفلت ..

الساعة 12 بيت عمي فضى العالم طلعوا ..

من بكرة ما جاء الا ربع الي امس جو ..


يعني اكثر من نص الي يحضرون العشاء كل همهم المفاطيح ..



بس لابد من هــ العادة في مجتمعنا ..


والله يعطيك العافية يالهاوي على هــ الموضوع ..


وتقبل مروري يالغالي ..