!!هلالي الرس!!


بالصيف دايم الحجوزات انتظار:D

تشكراات:)


__________________________________


هلالي الظهران


هلا وغلا باخو قلبي ، واحشنن ياراقل:)

كنك داري ان الخد الايمن فيه حبة خال:D


تمام ولله الحمد، ننشد عنك..

وخويي يستاهل البوسات:yes:


أكيد مهوب كل أهل الحجاز هذي طريقتهم ، لكني نقلت عن بعضهم وأظنهم الاغلبيه..


استغفر الله العظيم:D

عموماً وقتها يكفيني حضور رجل واحد يدعي لي بقلبٍ صادق ، والله يحسن خاتمتنا:yes:

وش يبي ينفعونني اللي مالين المجلس بالسواليف الفاضيه!!

ايـــه هذا الكلام المضبوط وهذا اللي من اليوم وانا أقوله :) بس أنت الله يهديك رحت دفنت الهاوي بدون لاتشاور:mad:


تسلم يابعدي على المشاركه:) ولا تقطع ;)

وانتبه لسباستيان قله ياوليدي لا تقرب مطعم الشرفه:D

هلا والله اخوي الهاوي ..

وعاش من شافك ..

والله انا عجزت القى تفسير لهــ العادة الاجتماعية ..

يعني في عزاء جدي الله يرحمه ويسكنه فسيح جناته .. من بعد صلاة العصر الى الساعة 12,30 بالليل وانا من دلة الى دلة .. :upset:

والبيت فل ..!!

مع ان بيت جدي الله يرحمه كان كبير الا ان هــ العالم ملوه ..

اقسم بالله ارجع للبيت اخلاقي قافلة ..!

يعني البلاء ناس ما تدري من وين جو ..


يعني لو ناس يقربون لك وتعرفهم كلهم كان ما يغلى عليهم حاشي <<< :D

وانا والله كنت ناوي ازبد لكم واحد ما يقربون لنا لا من بعيد ولا من قريب بس الوالد قالي كل تبن وصب قهوة ..!!! :D


وانواع المفاطيح في هــ العزاء ..

أخبر الواحد يجي يعزي وياخذ له فنجال قهوة ويدعي للميت ويتوكل على الله ..

بس عندنا المفاطيح شي لازم ..

وان ما حطيت طلعوا الناس زعلانه و بدال ما يدعوا للميت صاروا يدعون عليه ...!! :upset:


برضوا في عزاء عمي رفضوا عماني سالفة المفاطيح موب بخل ولا شي الا يتجمعون الهنود وهــ العالم ويطقونها سواليف لين العشاء يتعشون ثم يتوكلون على الله ..

وبرضوا انا الي كنت اصب القهوة .. :eek:


جت الساعة 10,30 والعالم ينفضون يدينهم ينتظرون العشاء ..

جت الساعة 11,30 وبرضوا ما جاء العشاء والعالم اخلاقها قفلت ..

الساعة 12 بيت عمي فضى العالم طلعوا ..

من بكرة ما جاء الا ربع الي امس جو .. :confused:


يعني اكثر من نص الي يحضرون العشاء كل همهم المفاطيح .. :upset:



بس لابد من هــ العادة في مجتمعنا ..


والله يعطيك العافية يالهاوي على هــ الموضوع .. s60s


وتقبل مروري يالغالي ..

MR.DL5


هلا وغلا بصديقي الشخط:D

هلا بملك قلقسة التصويت:D


و يقولون لي انك تبالغ:mad: هذا الرجال من عقب العصر الى آخر الليل وهو يصب قهوه:cry:


ونعم والله ، مملوح ابن كريمs60s


صدقت ، هذا اللي كنا خابرينه ، بس ما ادري هالخلق وش جاهم ، الظاهر انه موتة قلب:rolleyes: ناسين موضوع الوفاة والعزاء ومركزين على الضرب باللحم والرز..


هذا هو المفروض، ومثل ما قلت ما هو بخل فيهم ولكن يعرفون ان وضع الشيء في غير موضعه أمر غير مقبول..


أجل صاروا جايين عشان العشا !! ياخي الله لا يعاقبنا بس!! تقل بالصومال مهوب لاقين شي ياكلونه:mad:

لعلنا نتخلص من بعض العادات اللي ما عادت علينا الا بالضرر..


الله يعافيك ياغالي:) وتشكراات لمشاركتك