Back

نأسف لتأخرنا وضياع فرصة الحجز وذلك لظروف الأختبارات والقلق

_____________________________________________

إقتباس بكبير من الأسى تنعي أسرة آل منحوت فقيدها الغالي " وسيم " الذي انتقل إلى رحمة الله اثر عين أصابته بينما كان يسير في شارع المحبين ، وفي هذه المناسبة ندعوكم لتناول طعام العشاء أيام 14، 15 ،16 من شهر جمادى الثانيه في قاعة الأسى في حي المعزين.[/FONT][/SIZE] *الدعوة عامة للرجال والنساء * يمنع دخول المغاتير وجوالات الكميره من نوع سوني أريسكون

أما بطاقة دعوة متعوب عليها

إقتباس اعتذر عن هذه المقدمة اللي لا أعلم ما ذا تبي ..

أتفق مع ماجد مقبل.. أنه بالعكس.. المقدمة تعرف ماذا تبي ;)

إقتباس ولأن من واجبنا الوقوف مع هذا الرجل الفاضل (خصوصاً وانه المدير )

ــــــهههههههههههههههههههههــــ

وأنا أقول ما شاء الله على الهاوي طلع رجال <<< طاااااحت الميانة مررررة

إقتباس ولأن والدي هو أكبر الأبناء فقد كان العزاء في بيتنا ، ويعلم الله كم تكبدنا العناء بسبب عاداتنا السيئة ، ويعلم الله كم زمزمية قهوة وشاهي صلحتها الوالده و اخواتي ويعلم الله كم ذبيحه انطرحت بالمقلط ..

تبي الصراحة؟

والله العزاء يخفف كثير... صح أنه متعب بهالطريقة.. لكنه يشغل أهل الميت عن التفكير في الميت..!!

ويخفف من أحزانهم..!!

ما أتكلم عن حرمة هذا العمل أو جوازه.. أنا أتكلم من ناحية نفعه أو ضرره..!!

إقتباس تخيلوا من بعد صلاة العصر إلى الساعة 11.30 بالليل وحنا قهوه وتمر وعشاء وذبايح رايحه وذبايح جايه وشي للرجال وشي للحريم ولمدة أربعة أيام!!! لا و آخر يوم خربناها وجبنا مع الذبايح حمص وفطاير

أما الحمص والفطاير خخخخخخخخخخخخخخخخ

ذكرتني العزايم هذي بجدي الله يرحمه..!!

كان يقول لنا: أنهم كانوا يفرحون إذا أحد مات.. لأنهم بيسوون عزاء ثلاث أيام وغداء وعشاء لحم ورز..!!

قال: كانت حالتنا صعبة وما نذوق اللحم إلا بالأعياد والعزاوات <<< جمع عزاء كذا؟

إقتباس وكنت متضايق جدا من هالناس اللي ما يستحون على وجيههم، يجونك كل يوم يتقهون و يسولفون ويلجلجون ويضربون باللحلم والرز بحجة أنهم يقدمون واجب العزاء!!

إذا كانوا من أقرباء أهل الميت.. فشي طيب منهم..!!

أما إذا كانوا من بعيد.. فيا شينهم

إقتباس والحمد لله انه فيه عدد من الناس المحترمين اللي يدركون أن وضع أهل المتوفى لا يحتمل الإثقال عليهم وبالتالي تلقاهم يدخلون البيت ويقدمون واجب العزاء ولا يجلسون أكثر من ربع ساعة..

هذا المفروض من (البعيدين)..!! وهذا هو الواجب الحقيقي..!!

أما الأقرباء والأصدقاء فالوضع في ظني مختلف..!!

إقتباس ما أدري وين راح الحياء ؟!

راح مشوار وجاي <<< يا مصلي

إقتباس الله يرحم موتانا ويغفر لهم ، و يحفظ لنا والدينا وإخواننا وأخواتنا ومن يعز علينا ويطيل بأعمارهم على طاعته..

آمين ... وجزاك الله خير يالغالي ابن الغالي.. <<< يتلزق بك ويبي يتعرف على الوالد إذا ما فيه مانع

إقتباس فماااان الكريم

تكتب كذا: في أمان الكريم :p


يعطيك ربي كل عافية يالهاوي المهوي..!!

وياليت تكثر لنا من طلاتك بالصيفية يالغلا..!!


خلك بخير :p

ما قريت شي غير اول فقره بس

لي عوده ان شاء الله

هلا بالهاوي ..

موضوع رائع .. وبصراحة حركة الشاي والقهوة والعزايم شابتن تسبدي منذ مبطي ..

الواحد ذاك الوقت ماله خلق لأحد وأخواننا يقعبون فنجان ورا الثاني ..

بصراحه فيه ناس عندهم دم يعزون ويطلعون دايركت ..

أما بالنسبة لأوقات العزاء بالقصيم عندنا من بعد صلاة العصر إلى العشاء وبإعتقادي هاذي أنسب الأوقات ..

دمت بخير ..


عساك ماتعدم غااااالي ..

بيني وبينك ((كثير اتأمل بتوقيعك)) .I think you have a sad story??!!!

تغريد

ياهلا والله ومسهلا ، الله مير يحييك..

إقتباس انو في شخص توفي قام الرسول امر اهل بيته رضي الله عنهم انهم يرسلولهم اكل اوشي طبعا اهل الميت يكونون بحاله صعبه اكيد

الله يجزاك خير ، وصلت الفكره بس حاولي ماتستشهدن مره ثانيه لأن الصراحه بتلت أضحك

إقتباس صارو يثقلون عليهم ويزيدون همهم هم! يشيلون هم المعزيين والقهوه والشاي والضيافه والغداء والعشاء

صدقتي وهذا هو الحاصل، والله اني اذكر الوالده مبتلشه وما غير واقفه بالمطبخ كن عندنا عرس

إقتباس وسمعت ان عند الحريم موضه جديدة للعزاء ميك اب عزاء

سخافه !! ما عندهم قلوب ذولا ؟!!

إقتباس وعباية عزاء >>>تكون مشكوكه بس شك اسود

استغفر الله العظيم بس! أجل مشكشوكه


تشكراااتي لك


__________________________________


ن و س 077

هلا ومسهلا ..

إقتباس ما أدري شكلك ما درست لغه عربية

لا دارس وطول عمري ماشاء الله علي الاول أو الثالث وعندي شهاده " أفضل تعبير " أخذتها بالمتوسط ، بس هيك بده المخرج;)

إقتباس المفروض تدخل وتسلم وتمشي على طول

صدقت أيها الرجل ، وياليت الكل يحذو حذوك ، فالأقربون هم من يخوّل لهم المكوث بجوار أهل المتوفى >>> وش رايك بالفصحى انبسطت


تشكراااتي لك

__________________________________


فهد عاشق البرسا

هلا والله ومسهلا ..

إقتباس مع اني علي امتحانات وظغوطات بس والله استمتعت بموضوعك

الله يسلمك ، وان شاء الله تمر هالايام عليك بسرعه وتجني خيرها

تشكراااتي لك


__________________________________


مغرور حدي

هلا والله وغلا براع الجوف ..

إقتباس لنسبه للعزاء للأسف صار حفله عرس ... مافيه تقدير لأهل الميت .. يسولفون ويضحكون وياكلون ويمشون ويجونك ثاني يوم ونفس السالفه لين يخلص العزاء

اي والله صدقت ، المشكله ان بعضهم يتعمد هالشي بغرض انه يخفف على أهل الميت!، صحيح مواساتهم والوقوف معهم مطلوب لكن استشعار الموقف واحترام الظرف اللي هم فيه مطلوب بعد، المهم الموازنه وعدم الافراط بالكلام ورفع الصوت بالحديث والاكل والشرب وكأننا في حفلة تخرج!!

إقتباس وانا راجع لفت نظري لوحه اعلانيه ع الطريق مكتوب فيها ... لتجهيز العزاء خيام وذبايح ومدري ايش بعد

سبحان الله الناس ماتت قلوبهم وصار الموضوع عندهم أداء واجب، لكن الله يصلح الحال..


تشكراااتي لك

__________________________________


جرح يشكي

ياهلا والله وغلا ..

إقتباس الصحيح أيضاً أنها عبارات تقال بطريقة آلية قد يشعر بمعناها الإنسان وقد لا يشعر.. وكثيراً ما رُددت تلك العبارات كواجب .

صدقت يابعدي ، قلت خلال الموضوع ان أغلبنا مايستشعر الموقف اللي هو فيه..

حنا مانقول انه لازم الواحد يكشر ويقعد يصيح، لكن لازم يتذكر ان المناسبة هي " وفاة " وانتقال روح ٍ الى خالقها ، وآخره وحساب وثواب وعقاب ، ويتعظ ويدعو للميت بقلب ليّن ، مهوب مثل ماقلت يردد عبارات حافظها لمجرد أداء واجب..

إقتباس لك هي العبارات المكرره لا تتغير ولا تتبدل فقط الناس هم الذين يأتون ويذهبون! وعندما يحل الظلام ويتلمس أهل الفقيد فراش فقيدهم ويبحث الأبناء عن أبيهم.. وتتلمس الزوجة آثار زوجها.. ويشم الوالدان رداء وليدهما عندها تثور الأحزان حقيقة..

حضور الناس وعزائهم لأهل الميت له أثر في نفوسهم ، حتى وان كانت الفاجعة مؤلمة فان وجود المعزين وبالذات الاقارب سيخفف الكثير ..

ولا ننسى نعمة النسيان في مثل هذه الاحوال..


مشاركه مميزه أخوي جرح، تشكراااتي لك

__________________________________

راجع ان شاء الرحمن،،

إقتباس الرسالة الأصلية كتبت بواسطة الماسه الزرقاء الهاوي كتبت رد وجهازي الموقر سوا ريستارت بنفسه وطاااار عظم الله اجري في إلي كتبته مليووون مرحبا لعودتك الهنوووف الحمدالله على السلامة

الله يسلمك بس تراني ماسافرت كنت اختبر بس :p >>> يقالك تنكت
لاترتاعين تراني راده قبلك بس عدلته علشان ارد عليك

,,,
,,
,







alhawey






ماذكرته عزيزي .. لامس الصواب في كل نقطة ذكرتها ,, فـ للاسف استقينا من هذه المواقف العبر ولكننا نقع في المحظور .. وفي مثل هذه المواقف اجدها لدى البعض استعراض في عضلاتِ الكرم .. واقامة الولائم التي لا تزيد الا اهل الميت بـ الوقوع في محظور شرعي ..
من الطبيعي ان يكون هنالكـَ اشخاص يأتون في ايامِ العزاء وذلكـَ لـ مواساة اهل الفقيد .. وهم من الاشخاص القريبين منهم .. ولكن لا يعني ان ترتسم الابتسامات والضحكات وتتابع المباريات في هذه الايام .. منشغلين عن ماهوَ اهم في الدعاء لـ الفقيد وذكر محاسنه .. فـ لقد مر علينا مثل هذه المواقف ولكن حاول دائما ان تحرص ان يكون وجودكـَ له الاثر الايجابي مهما كان الموقف .. وان كان العكس فـ ارتباط خطوتكـَ في ارضكـ بركة لـ نفسكـ ولـ الاخرين
لكـَ مني التحية الصادقه عزيزي .. وبالفعل موضوع له اثره فـ جزاكـَ الله خير الجزاء ونفع الله بـ حرف خطته يمينكـ وعانق بـ النقاء سطرا اهتنى بـ منزل كلماتكـ ,, فـ لكـ دعوة من القلب بـ دوام التوفيق ,,







****






كن بخير
...SoMe OnE...

عذراً على التأخير


_______________________________________

مطيع الهميمي

ياهلا والله وغلا ..

إقتباس هي لن تبقى العادة الاجتماعية السئية الوحيدة التي نعاني منها

أكيد يابعدي ، وبهالمناسبة ننتظر من كبار الكتاب أمثالك طرح مواضيع تلقي الضوء على مثل هالعادات، ونتشارك في مناقشتها، لعلنا بهذا نحقق الفائده من المشاركه بالمنتدى..

إقتباس ولكن يبقى السؤال كيف نتخلص منها

أعتقد وببساطة أنه مجرد السواليف بمثل هالموضوع في المجالس والمنتديات وان حصل الصحف هو أحد أجدى الوسائل للفت نظر الناس بأن هناك خلل معين في بعض عاداتنا ..

العفو ياغالي وتشكراات لمشاركتك

_______________________________________



M e T o O o

هلا والله وغلا..

إقتباس صح الـ 4 أيآم غدانا وعشانا فيها مفطحات بس صدقني انّا ما تكلفنا الا بـ القهوهـ والشآهي بس

يعلم الله اني ما أقصد التكلفه الماديه أبد ، خصوصاً وانه زي ماتفضلت دايم يتكفل بهالامور أقارب المتوفى وأحياناً الجيران ،اللي أقصده هو الاثقال على الناس وارهاقهم بدنياً..

إقتباس صدقني ان فيهآ أكبر سلوان لنا .. وفكتنا من التفكير , وهذي تبين قوهـ الرآبطه الاجتمآعيه بين عيآل العم والاقآرب

ما فيه شك في ذلك ( اخس سلطان الرياضه ) ، وحنا ما نقول لا أحد يجي ولا أحد يقعد!!
لكن نكون خفيفين على الناس وما نثقل عليهم بطول الجلسه ، و مادام المقربين منهم متواجدين وواقفين معهم ما فيه دعاي تتسع الدائره لغيرهم..


تشكراات على مشاركتك

_______________________________________

الـمـشـاغـب

هلا وغلا باخو قلبي..

إقتباس وأنا أقول ما شاء الله على الهاوي طلع رجال

زمن أغبر!!

بعد 27 سنه خدمه ما بعد صرت رجل بعيونك!! بس الشكوى لله تمون يابعدي

إقتباس والله العزاء يخفف كثير... صح أنه متعب بهالطريقة.. لكنه يشغل أهل الميت عن التفكير في الميت..!!

أكيد وما اختلفنا على هالامر، لكن بحدود المعقول مهوب جلسه وتكيه وقهوه وشاهي وعشا من أول اليوم لآخر الليل، المفروض تقتصر هالتكيه على المقربين جداً مهوب عيال الجيران والاجناب

إقتباس قال: كانت حالتنا صعبة وما نذوق اللحم إلا بالأعياد والعزاوات <<< جمع عزاء كذا؟

بلاك من اللي يضرب شاورما المغرب ثم يجي يعزيك ويفتك باللحم والرز!!

بعدين ترى ماجازت لي عزوات!! أحس انه اسم الشريط القادم لعزازي 2008

إقتباس أما إذا كانوا من بعيد.. فيا شينهم

وهالبعيدين هم المقصودين بالموضوع كله ..

إقتباس آمين ... وجزاك الله خير يالغالي ابن الغالي.. <<< يتلزق بك ويبي يتعرف على الوالد إذا ما فيه مانع

أبعطيك جوال الوالد بس تراه دايم مقفل ما يفتحه الا ثمان الصبح ويطفيه مع أذان العشاء وتكفى لا ترسل له رسايل تصد انه أحياناً يستدعين واحسبه لا قي لي حرمه شخط وآخرتها يقول جت رساله افتحه لي وأقرأ علي ماورد فيها

إقتباس تكتب كذا: في أمان الكريم

أقول ليتك ما عطلت


الله يعافيك يابعدي وتراي أحبك في الله وتكفى قل لسالم حتى أنا أحبه في الله بالحيل

_______________________________________


أبروح أصلي العصر وانكس أكمل ان شاء الله ان ماحبسني حابس

( أخـــــر صيحـــــات العزااء )
تخيلوا معي هالموقف ..

عزااااه ياقلبي من الهم عزاااااه
ومن يواسي دمعتي قال خيررره
وشلووون خيره بعد فرقااااه
لاتقولوا خيره خيبة كبيره

وهاهو صوت الأستريو يعلو في المكان المخصص لعزاء النسااء وهااهي ام احمد وبناتها تترااقص في وسط المجلس وتمسح دموعها حزنااعلى رحيل ابنها احمد ..

( تقدرون على الملح ) استغفر الله بس << ياصبر الارض علي

.................................................
انا ماحب اروح للعزاء .. اخااف اضحك عندهم ..
اعزي في التلفوون ..
لاني دايم تجيني حالات ضحك في المواقف
اللي مايصلح الواحد يضحك فيها ،،
<< قلبها ميت
والمشكله ان هالشيء اللي تضحك عليه
سخييف مايستاهل الضحك ..بس سبحان الله يتسلط عليك ..
اذكر مره رحت لعزاء واحد مايقرب لي يوم راحوا رحت معهم .. وياليتني مارحت له..
لان طوول الوقت كاتمه ضحكتي والمشكله ان هالشيء
اللي اضحك عليه سخيييف مررره ..
اضحك على حرمه جالسه في الزااوية وجههااا مااااصل مررره وهي تصيّح )
ولا اذا صرت اعرفه منيب مضحكه على هالاشياء ابصير لاهية اصيّح

<< مو كنك طلعتي عن الموضوع
.................................................

المفروض يجي ويعزي خمس دقايق وبعدين يقضب الباب ..
لان فيه بعض الحريم اذا جو يعزون يقلبون المجلس صيااح
ويزيدون اهل الميت ضيقة صدر بكلامهم ..
هذا بدل مايجلسون يذكروّن ويهدون اهل الميت جايات يصيحن ..
صيحوا في بيتكم بعدين تعالوا عزوا

والحديث في هذا الموضوع يطووول .. الله يرحمنا برحمته بس

على طااري العزاء ..
يقول لك عجوووز رااحت تعزي نااس ماتت عندهم << ياقدمك

باايوووووو ،،

الصراحة انا اشوف ان جلسة الناس بالعزاء والخروج عن جو الحزن سواء كان بالمرح او اي شي كان يساعد في تقليل من الم المصيبة

dal3_uae

هلا وسهلا..

تشكراات ،،

___________________________________


اليزابيث هيرلي

ياهلا والله ومرحبا ..

إقتباس الواحد ذاك الوقت ماله خلق لأحد وأخواننا يقعبون فنجان ورا الثاني ..

بعضهم يشرب 300 فنجال وبين كل فنجال والثاني تمرتين وسالفه نصه تسذب

إقتباس أما بالنسبة لأوقات العزاء بالقصيم عندنا من بعد صلاة العصر إلى العشاء وبإعتقادي هاذي أنسب الأوقات ..

هذا هو المفروض ، واذكر عزاء عمتي -الله يغفر لها ويرحمها- بالقصيم تم بهدوء وبدون لجه وزحمه وعشيات وقهاوي..


الله يسلمك وتشكراات لمشاركتك

I don't think so... والله يكفينا شر الدنيا

___________________________________

الماسه الزرقاء

ياهلا والله ومسهلا ..

إقتباس كتبت رد وجهازي الموقر سوا ريستارت بنفسه وطاااار

ميخالف الجايات أكثر، وأهم شي انك مرئتي

الله يسلمك وتشكرااتي لك

___________________________________

الهنوووف

ياهلا والله ومسهلا ..

إقتباس جيبو قهوه جيبو شاي بشكل ماتتصورة يرجعون مجموعه من الدلال ويبون غيرها

الله يعظم أجر بعض الحريم القرمات اللي ماغير يدهرن بالمطبخ ، والله اني أدري اني اميمتي تتعب لكن الشكوى الله فيه أوادم مايستحون ..

إقتباس والحين فيه حركه يستاجرون كراسي للعزاء واظن فيه قهوجي

شغل كشخه حتى بالعزاء

إقتباس ضحك وسواليف وجمعه على غير سنع واستعراض جلابيات بالنسبة للحريم

أما استعرض جلابيات جازت لي ، على كذا لاصار فيه عزاء أبقول لأمي تشوفي لي مرتن مزيونه وجلابيته شي


الله يسلمك وتشكراات لمشاركتك

___________________________________


...SoMe OnE...

ياهلا والله وغلا ..

إقتباس وفي مثل هذه المواقف اجدها لدى البعض استعراض في عضلاتِ الكرم

ايـــــه الله ينور عليك ، بعضهم يلقاها فرصه يتفاخر بها بكثرة جماعتهم وكبر مفطحاتهم..

إقتباس ولكن لا يعني ان ترتسم الابتسامات والضحكات وتتابع المباريات في هذه الايام .. منشغلين عن ماهوَ اهم في الدعاء لـ الفقيد وذكر محاسنه

صدقت يابعدي ، والمشكله ان بعضهم يتحجج بانه يبي يدخل الانس والسرور لانفس أهل الميت، ويبدا يعطيك عشرين سالفه ويرفع صوته ويضحك تقل حاضر مسرحيه!!


الله يرضى عليك ويسلمك ياغالي وتشكراات لمشاركتك

___________________________________


متلثمة بشال الهلال

هلا وسهلا ..

إقتباس عزااااه ياقلبي من الهم عزاااااه ومن يواسي دمعتي قال خيررره

والله ما يستبعد ، ويصيرون الشعراء يبيعون قصائد عزاء باسم المتوفى !! يعني يصير حفله

إقتباس لان طوول الوقت كاتمه ضحكتي والمشكله ان هالشيء اللي اضحك عليه سخيييف مررره .. اضحك على حرمه جالسه في الزااوية وجههااا مااااصل مررره وهي تصيّح

هبال هو ؟!! الصراحه ان وجهك مغسول بمرق

عزاء وموت وآخره وحساب وانتي قالبتها مسخره!!

الله يهديتس بس، استغفري الله وحاولي ماتروحين لعزاء الا اذا طلع لك قلب ..

إقتباس صيحوا في بيتكم بعدين تعالوا عزوا

استغفر الله، و لو انتي ضاربتن فيوز مختس

إقتباس الله يرحمنا برحمته بس

آآمين ، وينزال عليك سكينته..

تشكراات وأهدا من كذا

___________________________________

إقتباس توت عنب

هلا وسهلا ..

إقتباس الصراحة انا اشوف ان جلسة الناس بالعزاء والخروج عن جو الحزن سواء كان بالمرح او اي شي كان يساعد في تقليل من الم المصيبة

صحيح لكن بحدود المعقول والادب وبدون مبالغه في السواليف والاكل والشرب..


تشكراات لمشاركتك

إقتباس على كذا لاصار فيه عزاء أبقول لأمي تشوفي لي مرتن مزيونه وجلابيته شي

الناس عزاء وموت وآخره وحساب وانت قالبها خطبـــة !!

الله يهديك بس، استغفرالله وحاول ماتعرس الا اذا طلع لك قلب ..

الرفيق الخاص الهاوي ..

هذه نتيجة كل فعل مخالف لهدي النبي صلى الله عليه و سلم ..
أشكرك و أشكرك ..

أولى للموضوع ، و أخرى لوقوفك في وجه تيارات التغير ..