السلام عليكم ورحمة الله وبركاته ..

يالله حي جماعة الربع ..

مقدمه :
بسم الله الرحمن الرحيم .. والصلاة والسلام على أشرف الأنبياء والمرسلين ..
سيدنا محمد .. وعلى آله وصحبه أجمعين ..
أما بعد ..


مدخل :
رضــــا النـاس غاية لا تـُـدرك ..





مخرج :

واثـق الخطــوة يمشــي ملكـًا ..



بداية ..
نصيحه لـ جميع الشباب .. احرصوا على عدم مخالفة القواعد المروريه ...
أزين لكم ..

هذهـ قصة صارت يوم الثلاثاء الماضي .. صارت مع ولد خالتي ..

هذا ولد خالتي من أكثر الشباب حبـًا في السرعه - التفحيط - المشاكل - المضاربات ..
يعني غاوي نجاسه :p
الله يصلحه بس ..

حتى ان ابوهـ ما يسميه الا النجاشي .. أو ملك الحبشه ..

طبعـًا النجاشي هو بطل القصه = ولد خالتي ..

بداية القصة اني سافرت لـ المدينه يوم الثلاثاء و وصلت العصر ..

ومع مرور الوقت حتى وصلنا إلى مابعد صلاة العشاء ..

كنا طالعين من البيت ..
كنا 4 أنا والنجاشي وأخوهـ وولد خالتي الثانيه ..
أخو النجاشي رمزهـ في القصه ( ر ) و ولد خالتي الثانيه << مشوار ( ع )
وأنا ( أنا )

وكان في سيارتين .. وحدهـ عائليه .. و وحدهـ شبابيه ( بدون ذكر أسماء )
وكنا نبي نطلع لـ الإستراحه ..

فـ أنا لأني ما أحب التفحيط لأن من خاف سلم قلت خلنا ناخذ السياره العائليه لأنه مايقدر يفحط به ..
رفض النجاشي و ( ع ) ..

ومشينا حنا الـ 4 من البيت متجهين لـ الإستراحه ..

والأخ ماصدق يمسك الشارع العام عشان يسرع .. وهو يمشي 130 وقدامنا الإشارة خضراء وتقاطع ..
على يسارنا إشارة .. وعلى يميننا إشارة .. وقدام مافي إشارة ..
وطبعـًا نبي نلف يسار ..
وهو مسرع وهدا سرعته وسحب الجلنط وهو يلف .. وبـ التالي فحطت السيارة مع اللفه ..

ومن سوء الحظ ان الإشارة اللي على اليسار كان فيها مرور سري كامري

وياخذ المرور السري اليوتيرن جاي ورانا ..
والنجاشي كان مضطرب ويفكر وش بيقول ووش بيسوي ..
ونوقف على جنب ويوقف الكامري قدامنا ( مسوي فيها ذكي عشان مايهج )
المشكله ان المكان اللي وقفنا فيه ساحة تفحيط في المدينه ومعروفه بـ وجود المفحطين فيها ..
نزل السواق والراكب كلهم .. ونزل النجاشي ومعه تصريحه واستمارته ..
والراكب جالس يشوف الاستماره والتصريح والسواق راح يبلغ .. يعني قعد بها النجاشي
وجانا الراكب فتح باب السواق عندنا وقال لي تعرف تسوق قلت لا ( ترا معي رخصه بس مسوي ذكي )
وقال لـ ( ر ) تعرف تسوق ( <ر> بـ 3 متوسط ) قال ( ر ) هه هه هه هه ويأشر بـ يدهـ ..
بـ معنى نص ونص .. قال أجل خوذوا السيارة وروحوا لـ الإستراحه ..
لأننا قلنا له الاستراحه هنا ..
ونزلت أنا و ( ر ) نحاول معهم انهم ماياخذونه .. قال الراكب صعبه هذا تفحيييط ..
وركبوا النجاشي بـ الكامري وراحوا به ..
وأنا قلت والله من اللقافه يا ( ر ) الحين أنا أقول له لا ما أعرف وتجي أنت تفلسف ..!
ورحنا لـ الإستراحه وأبو النجاشي طالع من الإستراحه على اساس يروح لـ المرور .. يحاول يطلع النجاشي ..
يقول زحمه غيييير طبيعيه هناك ..
يقول وقفوا 30 واحد على اليمين و 30 على اليسار عند بوابه .. ودخلت كوامري سريه كل وحدهـ فيها 2 أو 3 بيدخلونهم لـ التوقيف .. والتوقيف فـُـل ..

النجاشي ماتعدا الـ 19 سنه وبـ التالي ما يدخل التوقيف ..
قالوا هذا يروح لـ الأحداث .. ويجلس فيها 5 أيام .. والسيارة يحجزونه اسبوعين
وبعد المحاولات والإتصالات قدروا يوصلون لـ الشخص اللي مسك النجاشي و قال من حظك ان التوقيف مليان ..
قال رح اطلع بـ سرعه ..
النجاشي كأنهم قالوا له رح لـ الجنة انبسط .. وطلع مع أبوهـ ..

عاد بعد ما طلع وجاء لـ الإستراحه يسولف لنا عن اللي صار ..

كان في واحد ماسكينه عشانه مسرع قبل ما يمسكون النجاشي ..
وجلسوا يسولفون مع بعض وهم ممسوكين بـ الكامري
يقول هذا الشخص لـ النجاشي حظك شين .. لأن يوم حنا واقفين عند الإشاره اللي أنت فحطت عندها ..
كان في كابريس جالس يتكلم معه الراكب وكانوا بيوقفونه على جنب ..
بس خلوهـ ولحقوك أنت ..
عاد يسولف عليه يقول أنت حالتك صعبه .. سرعه وتفحيط الله يعينك بس ..
ويقول النجاشي انهم وهم ماشين بـ الدائري كان في واحد يمشي 140 تقريبـًا ..
ووقفوهـ وشالوهـ معهم لـ التوقيف وصاروا 3 ..

وبكذا انتهينا من هذي الحتوته ..

ما يُـستفاد .. انه الحين في تشديد .. وما في يمه ارحميني ..
هذا طلع لأنه من حسن حظه كان التوقيف مليان ..
بس في واحد اعرفه وقفوهـ يومين بـ سبب السرعه .. هنا بـ جدهـ .. ولا فادت الواسطات ..
وسمعتوا عن سالفة زكي فارسي رجل الاعمال

لا تسرعون .. لا تفحطون .. لا تقطعون الإشارهـ ..

وتراهـ المرور الحين مسوين فيها أذكياء .. يمشي لك بـ عين وحدهـ بالسيارة ( أعور )
لـ التمويه ..
شكلكم ما فهمتوا

هذا اللي عندي ..

بس حبيت أقول شي ..
أنا لي فترة أسير على المجلس يا أرد على موضوع أو بس أقرا وأطلع ..
لاحظت انه في موضه هنا بـ المجلس ..

أولاً في آخر الرد أو الموضوع كثير يستعملون الأعضاء اللون الأبيض ..

مثل كذا ..

والله من اللقافه ليش تظللون

وهذه مستخدمه بـ كثره هنا ..


ثانيـًا وضع اسم أحد الأعضاء إما في العنوان أو في داخل الموضوع ..
واللي هو طبعـًا المشاغب ( المندس - راعي السوابق )
مادري وش الحكمه

عذرًا ان كان الموضوع ملخبط .. بس تعرفون اللياقه ضعيفه وراجع بـ موضوع


لـ المرة الثانيه أقول ياحبكم لـ اللقافه

حتى التنسيق مدري وش يبي

.
.
.

حتى الاشاره الصفراء لا تقطعها <<<<<مجربهم في تقاطع التحليه و العليا في الاجازه الصيفيه اللي فاتت


والله ما ينلعب معهم

حتى اول ما وصلت الرياض في اجازه العيد

ابوي يلمح يقولي المرور شادين عليهم في السرعه و الاشارات <<<<<<الوالد ما يبيها تتكرر زي اللي قبل الله يحفظه


فيا شباب نتبهوا اشد الانتباه انك تلعب مع المرور السري او المرور كله


تراهم فاهمين الدعوه كلها

و زي ما قلت لكم اذا ولعت الاشاره صفراء وقف على طوووول <<<<اسئل مجرب و لا تسئل طبيب


يمكن ابوك ما عنده واسط و تقعد بها في الحجز 24 ساعه


سلامـ

إقتباس الرسالة الأصلية كتبت بواسطة هلالي القرعاء ومشينا حنا الـ 4 من البيت متجهين لـ الإستراحه . .

واكيد الاستراحه العزيزيه


والله صارت مع خوي في المدينه ولكن ماكان يفحط قطع الاشاره الغبي واهلي معه

ووقفوه وكلمهم وقالهم اوصل الاهل البيت وارجعلكم المهم فكوه بعد مااخذوا

الرخصه و(الاقامه)والاستماره



بعدها كلم واحد وقاله لا تروح لهم الا بكره الصبح لانه بيكون مستلم وعلشان

ما يتكي الليل عندهم


والله وراح الصبح وما قصر الرجال معه لكن القسيمه في جبهته






ويعطيك العافيه اخوي على الموضوع

زعيم قحطاني

موضوع شيق اتمنى ان يقع احد افراد المجلس ضحية لهم اليوم وخصوصا

شله حسب الله( المشاغب -- ابو راس -- هامور البورصة -- جرح ...... الخ )

لان هذه الفئه هي من اسباب دخولي اليومي للمنتدى وتجاهلي لدراستي ( خريج )





هعععععععععععععع

شوف ازيدك من الشعر بيت ترى حتى التجاوز من ورى الاصفر وعكس الطريق


كلها عليها توقيف <<<<< كلها توقفت عليها انا وكمان مرة على قطع اشارة هههههه

هذي مشكه النجاشيه خخخخخخخخخخخخ

والله والله السرعه موب زينه >>>>تكفـــــــــــــــــــــــفين

الله يحفظ شبابنا بس من هالتفحيط والهجوله بالشوارع >>حلوه هجوله

والله الشرطه مسوينها تسوق كلمن شافوه بطريقهم مسرع اخذوووه هههههههههههههه

يسلموووااا على الموضوووع

محجوووووووووووووووووووووووووووووووووووز

أذا فيه شدة يلحقني

ههههههههه
ترى ماعمرهم مسكوني ودكوني بالتوقيف اربع ايام ابد
والله مرمطوني مرمطة خيالية

انتبهوا ومشكور انت والنجاشي

التسنــاري