ღღ رابطة عـشاق البلوز ღღ Chelsea We Love You ღღ - صفحة رقم 741 - نادي الهلال السعودي - شبكة الزعيم

أسيــ الزعيم ــر · #11101 14/03/2008, 04:39 AM

إقتباس


	مـع وين صح !! الحقـير ما دخل دروجبـا .

إقتباس

عاد المفروض انك جايبها صح .. ما حطيت المشاركة الا قبل بداية المباراة بخمس دقايق

وش أخبار تشيك قبل ثلاث دقايق

إقتباس


	.:: يحث توتي نـآديه لـ جلب دروجبـآ ::.

لو انك جاي قبل سنتين كان لعبت معه إلى اللحين

ما يهم وين يروح إن كان بيروح .. لكن اللي يهمني انه يستمر وإن شاءالله يستمر

إقتباس


	.:: جرانت ينكر اهتمام البلوز بـ دييغو ::.

وأنت وش يدريك

إقتباس


	.:: جرانت : الدوري يمكن ان يكون لنـآ ::.

إقتباس

زين يدري اننا نلعب في دوري

إقتباس


	.:: جرانت : لامبـآرد بـآقي في البلوز ::.

يا شين اللي بيسوي انه يدري

إقتباس


	خطأ بلاغي

بالله يا شباب عطوه قطته خلوه يمشي

الى متى السماجة

شكلك ما تعرف التأكيد

إقتباس


	كفـو يا أبن المقفـع

إقتباس


	لا هو يحسبكـ غاش التشكيله

بس ما عرف يغش

إقتباس


	Sunderland v Chelsea

يا خوفي منهم رغم انهم زلايب

أمورنا طيبة إن شاءالله بعودة تشيك وشيفا وتألق الفريق ككل

عاد يقول لكم ان الفريق اللي يسجل كمية كبيرة من الأهداف يقل تسجيله وغالبا ً ينعدم في المباراة التالية .. زي نجران اليوم

المباراة الجاية إحتمال كبير ما يسجل

إقتباس


	قربتوا من الصدارة

إقتباس

حياك الله .. والله الدوري اشوفه اقرب للمان لإكتمال العناصر المؤدية للبطولة .. تشيلسي مكتمل لكن مشكلته في المدرب .. ورغم ذلك بنجيبها ان شاءالله .. وان خذيتوها تستاهلونها

إقتباس


	^ ^^ والله فاقدينه ياشباب وش في الرابطة مغبرة << دوبه جاي مع خريص

تشوف .. وش ذا العج يا ولد .. نقلبها وعظ شوي

جاي من السويدي بطلع على الدائري الغربي بطلع للشمالي أول ما مسكت الشمالي الا وهالعج .. يعني الغربي سليم لكن كان فيه فوق الخمسين سيارة وتفحيط .. والله ظني انه غضب من الله .. العج متجه هناك !! أكثروا من الإستغفار

طبعا ً العج من هناك إلى خريص وشكله ممتد !!

استغر الله العظيم

=====

مشكورين يا شباب على التفاعل .. فيصل ورده

أبــو غــامــد · #11102 14/03/2008, 05:54 AM

^
^^

العج بادي من دوارات الثمامة .. على المطار نفسه وعلى الدائري وعلى خريص وعلى سلمان الفارسي وعلى حي الخليج كل أبوه

الله يحمينا .. بس

استغفر الله استغفر الله استغفر الله

والله ذيب يا سامي · #11103 14/03/2008, 12:07 PM

إقتباس

الرسالة الأصلية كتبت بواسطة أسيــ الزعيم ــر


	فهد وينه يا الربع ما عاد به إستلام

فهد مشغول بظروف العمل وبيرجع الأسبوع الجاي أو اللي بعده

وقالي أحط النقاشات وأكون المسؤول عن التقديم في وسط أيام الأسبوع

لكن وش تسوي إذا بكرة عندك اختبار

اعذرونا على أي قصور , صحيح أن التقديم صار مختصر جدًا ولكن مضطرين

ويا ليت الشباب الباقين يساعدونا ولو بفقرة صغيرة

مثلا تقرير مباراة الدور الأول

آخر مباراة لكل فريق

التصاريح من هنا وهناك

أخبار الإصابات

لا هنتوا شباب ورده

أسيــ الزعيم ــر · #11104 14/03/2008, 12:58 PM

^
^^
^^^

قلبناها أحوال جوية

ابد يا ابوحميد لا تشيل هم .. حتى النقاش ما تشلش هم .. ذاكر بس وجب أعلى الدرجات .. الله يوفقك

عاشق البلوز 1 · #11105 14/03/2008, 02:17 PM

^ ^
^

اسير الزعيم , هلالي الجنوب >> ترى يمنع السواليف في الرابطه

هذي رابطة تشيلسي للأخبار والنقـآشات عن النادي
مو نقاشات عن احوال جويه

هذي آخر مرهـ , المرهـ الثـآنيه كل واحد ايقاف نهائي

امزززح

إقتباس

الرسالة الأصلية كتبت بواسطة يزيد 11


	فيصل لك كلام بعد المباراه

لا واللهـ مـآلي كلام عقب هالمستوى

بس تراهـ ديربي كاونتي

لو اجيب فصلي فـآزو عليهم

= = = = = = = = = = =

كـالعـآدهـ كل مـآفتحت برنـآمج الفوتوشوب
اكتسب خبرهـ مـآكنت اعرفهـآ

المهم هذا التصميم بـ منـآسبة الفوز بالنتيجه الكبيرهـ
وإبـدآع لامبـآرد

7
7

نواف الحين عـآدي احـآورث في الفوتوشوب

l Abdulrhman l · #11106 14/03/2008, 02:40 PM

.
.
.
.

اشتقنا لكمـ ..

.
.
.
.
.

دنـيـدل · #11107 14/03/2008, 02:51 PM

ســــــــلااااااااام

كيـف النفسيـه قبـل القرعـه

أنـا بصراحـه ماهمنـي مـن نقابـل أي فريـق ماعنـدي مشكلـه الفريـق اللـي عينـه علـى اللقـب مايهمـه مـن يقابـل

لكـن أتمنـى تكـون القرعـه مـن حظنـا لـو مـره وحـده وتكـون المبـاراة الثانيـه علـى أرضنـا

الموسـم الماضـي لعبنـا دور الـ 16 المبـاراة الثانيـه بأرضنـا وغصـب بعـد لأننـا متصدريـن المجموعـة لكـن يـوم جـت القرعـه لعبنـا دور الثمانيـه المبـاراة الثانيـه خـارج أرضنـا ضـد فالنسيـا وأيضـاً دور الـ 4 لعبنـا المبـاراة الثانيـه خـارج أرضنـا ضـد ليفربـول

إقتباس


	بالله نواف وش شارب خويك سوبر هاتريييك والله أنك حقير ليتك مسلفنا نصها أمس ..!

حليـب نيـاق مشـروب الطاقـه

وبعديـن خسارتكـم أحملهـا صراحـه إبـرا اللـي مـادري متـى بيخلـي إستعراضـه !!

والموسـم الجـاي ماعليكـم خـلاف الظاهـر مورينهـو خـلاص قـرَّب منكـم

إقتباس


	اشـوفكـم حـاطين حـرتكم بـ دربي

الدحمـي الظاهـر أنتـم الفريـق الوحيـد بالعالـم اللـي ينهـزم رايـح جـاي

لكـن مباريـات الديربـي لعبتكـم والدليـل نيوكاسـل

علـى طـاري مباريـات الديربـي مـن شـاف ديربـي نجـران البـارح

إقتباس


	.:: جرانت ينكر اهتمام البلوز بـ دييغو ::.

مانبيـه أنكـرت وإلا إعترفـت

إقتباس


	.:: جرانت : الدوري يمكن ان يكون لنـآ ::.

الـدوري بيجـي بـإذن اللـه بمجهـودات اللاعبيـن وإلا لـو إنهـا واقفـه عليـك كـان الموسـم هـذا طموحنـا التأهـل لكـأس الإتحـاد الأوروبـي الموسـم القـادم

إقتباس


	.:: جرانت : لامبـآرد بـآقي في البلوز ::.

مـن جـد ضحكـت أول ماشفـت تصريحـه

الحيـن لامبـارد بنفسـه يقـول مانـي طالـع مـن الفريـق باقـي حتـى إنهـاء مسيرتـي وتجـي أنـت بعـده وتقـول لامبـارد باقـي !! نـاس ماتستحـي وجههـا مغسـول بمـرق

إقتباس


	لامبـآرد الافضل في المبـآراة حسب تقييم الــ BBC

يستاهـل طويـل العمـر واللـه يكفيـه شـر الإصابـات

إقتباس


	انا إلى الآن ماشفت نواف .. أتوقع انه منزل المباراة تورنت وقاعد يشوفها من أمس

لا يابـوي لامبـارد شـيء طبيعـي يحـدث اللـي صـار منـه ومايخـذل جمهـوره زي بعـض اللاعبيـن والديليـل إنـي متوقـع إبداعـه فـي هالمبـاراة بالفانتسـي وكـان عنـد حسـن الظـن وماخيـب ظنـي

إقتباس


	.:: يحث توتي نـآديه لـ جلب دروجبـآ ::.

إذا أصـر دروجبـا علـى الخـروج أعتقـد الريـال خيـار كويـس لـه وما ألومـه لكـن غيـر كـذاأعتقـد بكـذا أخطـأ وفـي كـلا الحالتيـن راح ينـدم مثـل نـدم روبيـن وراح أذكركـم

إقتباس


	نواف مالقيت إلا ذا الصوره

مايقـدر يوقفـه إلا كـذا , لامبـارد متفلـت مبسـوووط

شـوف مدافـع ديربـي بعـد أحسـه حاسـد دروجبـا

إقتباس


	المعلق : فهد العتيبي

واللـه يانبسطـت يـوم سمعـت صوتـه فـي مبـاراة ديربـي كنـت شايـل هـم أبوعـوض

العتيبـي لحاااالـه متعـه أخـرى غيـر متعـة المبـاراة

إقتباس


	ياشباب وش في الرابطة مغبرة

شوفـوا مـن يسـأل بـس

إقتباس


	يا خوفي منهم رغم انهم زلايب

اللـه يستـر منهـم خاصـه أن أغلبهـم مانشيستراويـه وأكيـد بيفزعـون مـع ناديهـم الأول حتـى كيـن أتوقـع تجيـه الحميـا

إقتباس


	بس تراهـ ديربي كاونتي لو اجيب فصلي فـآزو عليهم

طيـب باللـه عليـك شـوف إخوانـك الصغـار إذا بيلعبـون ضـد بارنسلـي

إقتباس


	نواف الحين عـآدي احـآورث في الفوتوشوب

الحيـن لاتطلـع منـه أبـد افـرش فراشـك فيـه

إقتباس


	اشتقنا لكمـ ..

أخيـراً يالقطـوع

ولكـم بـاااااك واللـه مـن جـد فاقدينـك وياليـت تكـون عـوده قويـه بـدون إنقطـاع

يعطيكـم العافيـه شبـاب ورده , فصـوَّل ورده

مورينهو السعودية · #11108 14/03/2008, 03:03 PM

I Returned

أولا أعذروني على غيابي لان كانت عندي ظروف <<<<<< ماكنه موقوف من الاداره

و المشــــكله موقفيني على شئ ماسويته قال ايش قال اكتب ردود قصـــــيره مـــير ما اقول الا الله يجـــازي الي كان الســبب

المهم فيه كلام نفسي أوله <<< بالمصري

المهم هارك لك لكم على الخروج من كأس إنجلترا وإن شاء الله انها تكون خيره

ومبروك المستوى والاداء الي سطروه نجوم البلوز في موقعة الستامفورد بريدج

وخصوصا القمر الي كان بين النجوم لامــــــبارد

سوبر هاتريك ولا احلا

أمــــا عن تحقيق الدوري فـــأعتقد أنه صعب تحقيقه ومبارتي ستامفورد بريدج( أرسنال - مان يونايتد ) هي التي ستحدد معالم البطل وإن شاء الله يكونون اللاعبين في الفورمه في تلك المباريات

وأخير :

أحــــــب أحيي كل من سأل عني وأقوله سألت عنك العافيه <<<<<<<< وتراي ما تهورت

وبالتوفيق للبلوز في مبارتنا ضد فريق روي كين

دنـيـدل · #11109 14/03/2008, 03:22 PM

^
^^

ولكـم بـاك سيـف ورده

الحمـد للـه علـى السلامـه

كيـف أبوزعبـل تنصحنـا فيـه ياولـد

فناربخشـه أجـل

وربـي كنـت متوقـع حتـى الحـلاق حقـي يمـوت بشـيء إسمـه فنـار بخشـه وقايلـه يـوم تأهلـوا مـن أشبيليـه إنـي أتوقـع نقابلكـم وشكلـي بتضـارب أنا ويـاه

واللـه ما إهتميـت للـي نواجهـه بعكـس ما إهتميـت لمبارياتنـا ويـن بتكـون الأولـى علـى أرضنـا وإلا لا

والحمـد للـه دور الـ 8 راح تكـون الثانيـه علـى أرضنـا ودور الـ 4 أيضـاً إذا تأهلنـا بـإذن اللـه راح تكـون الثانيـه علـى أرضنـا

واللـي يتأهـل مـن أرسنـال وليفربـول راح نواجهـه إذا تأهلنـا بـدور الأربعـه

مورينهو السعودية · #11110 14/03/2008, 03:28 PM

أهلين نواف

سؤال :

الساعة كم تبدأ القرعه وفي اي قناة (ادري انها بالارتي )أقصد سبورت 1-2-3-4-5-6

LOVE JUVE · #11111 14/03/2008, 03:36 PM

القرعه خدمتكم

وان شاء الله النهائي

بالتوفيق لــ بالاك

دنـيـدل · #11112 14/03/2008, 03:38 PM

^
^^

القرعـه إنتهـت قبـل شـوي

بـدأت الساعـه 3 وماطولـت يمكـن ثلـث ساعـه علـى سبـورت 2

عـاد باقـي قرعـة كـأس الإتحـاد الأوروبـي ماجابتهـا الآرتـي أعتقـد مايملكـون حقـوق نقلهـا

لوفـي حيـاك اللـه أخـوي ورده

القرعـه صحيـح خدمتنـا الحمـد للـه حتـى فـي الذهـاب والإيـاب لكـن فنـار بخشـه غيـر طبيعـي خاصـة علـى أرضـه معهـم حشـاش يقالـه أليكـس مصيبـه هـذا

منـور َّ ورده

مورينهو السعودية · #11113 14/03/2008, 03:43 PM

إقتباس


	القرعـه إنتهـت قبـل شـوي بـدأت الساعـه 2 وماطولـت يمكـن ثلـث ساعـه علـى سبـورت 2 عـاد باقـي قرعـة كـأس الإتحـاد الأوروبـي ماجابتهـا الآرتـي أعتقـد مايملكـون حقـوق نقلهـا

بالله تعرف ظهر الجمعه لازم تروح للأقارب أنا كنت أحسبها بالعصر

بس حلو نبي نقابل فنار بخشه الذهاب على ارضهم والاياب على ارضنا

مورينهو السعودية · #11114 14/03/2008, 03:57 PM

}{مباريات دور الثمانية لمسابقة دوري أبطال أوروبا}{

فنربخشه × تشيلسي

آرسنال × ليفربول

روما × مانشستر يونايتد

شالكه × برشلونه

مباريات الذهــاب في يومي الثلاثاء والاربعاء الموافق 1-2 /ابريل

مباريات الاياب في يومي الثلاثاء والاربعاء الموافق 8-9 /ابريل

}{ نتائج قرعة دور الاربعه}{

الفائز من لقاء ( آرسنال × ليفربول ) × الفائز من لقاء ( فنربخشه × تشيلسي )

يعني بنا بنا مقابلة ليفربول في دور الأربعه

الفائز من لقاء ( شالكه × برشلونه ) × الفائز من لقاء ( روما × مانشستر يونايتد )

والله ذيب يا سامي · #11115 14/03/2008, 04:04 PM

..][.. نقاش ما قبل المباراة ..][..

** س1 : ما التشكيلة التي تتوقع أن يدخل بها تشيلسي اللقاء ؟

س2 : سندرلاند تطور مستواه في الشهرين الماضيين , هل تعتقد أنه سيحرج تشيلسي ؟

س3 : ما هي الطريقة الأفضل لتشيلسي لكي يخرج فائزًا وبأقل مجهود ؟

** س4 : من سيكون نجم المباراة من تشيلسي ؟

** س5 : ما توقعك لنتيجة المباراة ؟ ومن سيحرز الأهداف ؟