|
انتهت المباراة بالتعادل 1-1 |
انتهت المباراة .. بتعادل الفريقين واحد واحد احرز هدف تشلسي اليتيم شيفا في الدقيقة 52 ؛؛ |
هـآآآردلك التعادل .. . وقسم بالله اللعب لنا وكل شي لكن مالله أراد :cry: .. حتى جمهورهم قسم بالله قعت اضحك عليهم كأنهم فايزين بـ الشامب :d.. خيرها بغيرها والجايات احلى ان شاء الله .. نجم المباراة من وجهة نضري هو مالودا .. ؛؛ |
وش هالحـظ ..! واللـه مـوب معقـول كـل هالضغـط وكـور في العارضـة وتنتهـي المبـاراة تعـادل ..! اليـوم الفريـق سـوا كـل شيء باستثنـاء اللمسـة الأخيـرة ، والآن عرفنـا قيمـة لامبـارد ودروغبـا في إنهــاء الهجمـات :( ** :: نقـاط مـن المبـاراة :: 1. شيفـا ماقصـر تحـرك ومتـر الملعـب ولكـن فيـه عيـب وهـو انـه مايثبـت الكـورة صـح في بعـض المـرات وتنقطـع :( 2. ماكليلـي اللي يشوفـه يقـول معقولـة هـذا لاعـب عمـره 34 !! ماشـاء اللـه عليـه متـر الملعـب تمتيـر ومـن نجـوم المبـاراة 3. جـو كـول ، أشلـي كـول ، ماكليلـي : مـن نجـوم المبـاراة ، وبصراحـة انقهـرت يـوم دخـل فيليبـس بـدل جـو كـول المفـروض يكـون بـدل مالـودا اللي عليـه رفعـات مـا أدري وش تبي :( 4. الحكـم قتـل اللعـب أكثـر مـن مـرة ، مـع أي تدخـل فـاول علـى طـول ! هاردلـك .. وخيرهـا بغيرهـا :) تعـادل في دور المجموعـات بالأبطـال أفضـل مـن تعـادل بالـدوري :) |
هاردلك التعادل النقاش غدا بإذن الله لا أوصيكم بالصور ما قصرتوا يا شباب |
تعااادل بطعم الهزيمه للبلوووز ما قدم شي اليوووم تشلسي يالله هااارد لكـ |
السلام عليكم هاردلك الخساره بالتعادل والله قهر كل هذي الهجمات والظغط والعارضتين وتجيهم هجمتين وهدف من خطأ كبير من الدفاع يالله خيرها بغيرها بالرغم من أنها بتصعب من الأمور في المجموعه بعد فوز فالنسيا خارج أرضه ومباراتنا الجايه معهم في ملعبهم فصعبه جداً نجوم المباراه في نظري : مالودا _ آشلي: والله الجهه اليسرى كانت شغاله من أحسن مايمكن وكانوا مبدعين أغلب فترات المباراه ماكللي : ماشاء الله تبارك الله على هذا الاعب في كل مكان وقطع كور وتسليم صح يالبى قلبك s45s شيفشنكو : صراحه كان مبدع وتحركات في جميع الملعب وكان نجم اللقاء s60s تيــs45sــري : والله مبدع في كل مكان نجم اللي قهروني في ذا المباراه بيللتي : ناسي أنه ظهير في الشوط الأول يتقدم ويفلها وينسى ورفعات ولا واحد صح :upset: ايسيان : مو ايسيان اللي نعرف كان في أكثر من كوره يبي يشوت وبس واللاعبين موجودين وفرصتهم أحسن بس تعوضها في الجايات كالو : هذا لو يترك العجله اللي مالها داعي كان صار أحسن واحد الحين عرفنا قدر دروقبا ولمبارد أن شاء الله يكونون جاهزين ليوم الأحد على الأقل لو واحد منهم (لمبارد) لأننا بصراحه فاقدين صانع الألعاب بالتوفيق في المباريات الجايه |
هااااااااارد لكم التعادل ياشباب ويلا الحظ لاعب فينا من بداية الموسم وحتى من اخر مباراة مع الليفر وهذا الهدف من تسجيلي للي ماشاف الهدف http://feel-mp3.com/chelsea.3gp تحياااتي |
:( آآآخ يالقهـر :( والله كنـت أتمـنى الفـوز عشـان شيفـا بس s45s الفريق اليـوم ماقصـر لكن الحظ من مبـاراتين أو ثـلاث وهو معـاند :( ان شاء الله خيـرة .. ويعـدل مورينهـو بالتشكيلـة أكبـر خـطأ أنه يطلع جـوكول مالودا لم يكـن في مستـواه تماماً شيفـا ماقصـر .. ماكليلي كذلك ماقصـر وتيـري بعـد لي عـودة بإذن الله :) |
السلام عليكم هاردلك التعادل يا شباب وإن شاءالله تتعوض .. و غالبا ً ماتكون بداية الأبطال سيئة :) بداية سيئة للفريق .. تعادل على أرضنا وأمام فريق لم يكن بـ تلك القوة رغم تنظيمهم الرائع في الملعب .. لكن يبقون أقل من تشيلسي وكان بـ الإمكان أفضل مما كان .. كور في القائم بـ الهبل .. و اللمسة الأخيرة لم تكن موجودة خاصة ً من كالو اللي لازال يعاني من هـ المشكلة منذ قدومه للفريق الحمدلله على كل حال وإن شاءالله تتعوض في بـ التأهل عبر المركز الأول s60s لامبارد من جد أي ميس يو أنت وفرج تحيتي للجميع ؛ ؛ ؛ |
هـاردلكـم التعـادل يا عيـال البلـوز .. :d صـراحـه حـرااام أنكـم تتعـادلـون والمباراة على أرضكـم .. :) لكـن !! <<<< ما يدري وش يقول لأنـه ما شف المباراة :d أخوكم من رابطـة الميـلان : عبدالرحمــن .. :: دمتـم بـود :: |
هارد لكم التعادل والجايات احسن ان شاء الله |
هــارد لكم التعادل و الظاهر إننا بنكثر منها هالعام ..:upset: إسبوعين بدون ( مبــروك ) ...:cry: أســتغرب من الأعضاء إلي قالوا إن ( مـالـودا ) من نجوم المباراة ,,, و الله العظيم من أول مباراة شفتها لتشلسي وهالادمي يلعب و أنا آقول حرام طلعة روبن ،، لا عرضيات ممتازهـ و كثرهـ الإحتفاظ بالكورهـ و الدقيقة 93 و مفروض يناول و الأخ قاعد يسحب لين إنقطعت ،، والله فاااشل ،، أمــا الحكام دائما ً يكثرون من الأخطاء ضد تشلسي و الدليل أخر مباراتين !! و أكــثر ماغثني الريس و بنته قاعدين يتضاحكون و الفريق مصقوع بهدف !! و مورينيو يطلع ( آشلي كول ) ويدخل الوصخ النكبة ( بدون أي سبب ) !! نروح للـ ( القرد ) ،، و الله معك حق يا ( حسام ) إنه بيرجع قرد ،، والله العظيم حرام فيه المدح إلي عطيناهـ !! أمـا ( كــالـو ) ،، من الظلم أن أقول إنه فاااشل ولكن مازال الإحتفاظ بالكورهـ ،، و لكن ( كالو + شيفا ) ما ينفعووون أبد ،، ( كـالو + دروغبا ) و عودهـ لامبـs45sــارد هو الحل لعودهـ الفريق , بقية الاعبين بكرهـ إن شاء الله ،، و إن شاء الله يفوز للهلال علشان تنفتح من جد و أخفـف عنهم و إذا صار العكس ( الله يـســـتر عليك يامالودا ):cry: |
^ ^^ ^^^ والله يا انت منتهي .. هد يا رجال مالودا اليوم قدم مستوى جيد في المباراة خاصة ً في دقائقها الأخيرة .. لا توجد مقارنة بينه وبين روبين ( الغلبة لروبين طبعا ً ) لكنه قادر يغطي المنطقة .. وبالنسبة لـ خروج آشلي فـ السبب هو تقدم تيري للهجوم ودخول بن هايم عشان يغطي مكان تيري .. وكلنا شفنا اليوم كيف خطورة هالروزنبرغ في المرتدات أما الريس وبنته بصراحة كنت أضحك معهم :D بس ماطلعتني الكاميرا :d يااخي مالومهم لأني ضحكت على الفريق انهم مصدقين بياخذون على الأقل نقطة من تشيلسي .. لكن في الأخير هم اللي ضحكوا :( وكالو بصراحة ماينفع يكون أساسي إلين يتعدل مع هاللمسة الأخير .. من قبل المباراة وانا قايلها كالو ماينفع أساسي وقلناها كلنا في الموسم الماضي .. كالو دائما ً يبدع ويسجل إذا لعب كـ بديل يالله ان شاءالله تزين الأمور .. ونقول مبروك بعد مباراة المانيو يوم الأحد :) |
ســــــلااااااااااام هاردلـك التعـادل شبـاب :cry: الفريـق اليـوم قـدم مستـوى أكثـر مـن رائـع قـدم فنـون الكـرة علـى أصولهـا وبصراحـة مـا كنـت حـاس بغيـاب لامبـارد ودروجبـا علـى الأقـل فـي أول المبـاراة :) لكـن إذا كـان خصمـك الحـظ وش تسـوي ؟ واحمـدوا ربكـم جـاء التعـادل مـع هالحـظ الأقشـر :) مثـل ماقالـوا الشبـاب الفريـق اليـوم إفتقـد للمسـة الأخيـرة أمـام المرمـى وهـذا كلام صحيـح ومـن وجهـة نظـري لـم يفتقـد لدروجبـا ولامبـارد :) خيرهـا فـي غيرهـا إن شـاء اللـه :) وبدايـة ضعيفـة ترتـب أوراق الفريـق خيـر مـن بدايـة قويـة والفريـق ممتلـئ أخطـأ :) نجـوم المبـاراة : مالـودا , جـوي , ماكليلـي |
| الوقت المعتمد في المنتدى بتوقيت جرينتش +3.
الوقت الان » 06:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd