ياريــــس يقولون أنه غير بالوتيلي عشان فيه لاعب نرفزه وبياخذ كرت ومهوب لاعب المباراة الجاية

والله مدري وش اقول متى جي موري بس ويفكنا من ذا العله

يا قلبــــــيه بس

مانيب مستوعب انه يبكي .. وين دموعه ..؟! خخخخخـ

إقتباس ياريــــس يقولون أنه غير بالوتيلي عشان فيه لاعب نرفزه وبياخذ كرت ومهوب لاعب المباراة الجاية والله مدري وش اقول متى جي موري بس ويفكنا من ذا العله

مع الحواق اللـّي صار بالمتش والتغييرات ..
قلت لك ماابي الا النقاااط .. وش ابغى بـ المتعة والطقطقة وبالاخير يرتفع ضغطي
من نتيجة المتش .. طالع خاسر والا متعادل .. مهيب غبنة .. ؟!


بالنسبة لماريو .. فـ ترا الشايب كوريني ماقصر معه ..
فيه كورة اعترض له وسوا له ابستركشن .. .. والثانية عفس وجهة بحركة تنرفز .. ..

لكن مع كذا اقولك .. لو انه منتظر الين نهاية الشوط الاول وش بيظره .. ؟!
يلعب 4/5/1 .. ماعندك مشكلة .. بس رجع وحاقها .. طبب سوازو ( فيس يطرش )
وطلع كامبي ( قلوووب ) ,, يعني رجع لـ 4/4/2 اللـّي ضحى بها بعد الهدف .. !!


خل عنك ياولد .. والله يـ ذا الفوز انه بمثابة اغتصااااب .. خخخخخـ
فوز بمستوى تعبان ومع حرقة اعصاب ..

فرصة الاسطورة سيزار بـ آخر المتش .. واووووووووك ياهي كانت بتريّحنا ..


سبرنت الكبيتانو القُطري اللـّي بالنهاية ياهو ريحني .. عرف كيف ياخذ فاول ويضيع الوقت .. ..
زانيتي انت هـ ـنا ,,

إقتباس "Ibrahimovic? As you know, he's undergoing rehab in Sweden. He will be back the Monday after the game against Cagliari, and we'll see if he's available for the derby."

الزلابة ميهالوفيتش يقول ..
موعد وصول زلاتان هو يوم الاثنين .. بعد متش كالياري .. وسنرى فيما بمقدوره لعب الديربي ,,

إقتباس We substituted Cambiasso and Balotelli as a precaution. Cambiasso suffered a knock to his calf

وتغيير كمبياسو اضطراري للاصابة ..


inter.it

اربع مباريات متبقيّة .. وفارق وصل لـ 6 نقاط ..
الفوز بـ مباريتين من الاربع .. مع افضليّة الانتر بالمواجهات المباشرة مع رومـا ..
معناه وصول الانتر لـ آخر مباريتين بنفس الفارق (( 6 نقاط )) .. يتوج بالاسكوديتو الـ 16 ..

شرح واحد فيه النووم .. ..

ياخوي والله مدرب دايخ

كننا نلعب بدون مدرب قسم بالله حيرني

مره اقول في التوب ومره اشوفه ما يفهم كورة

إقتباس الرسالة الأصلية كتبت بواسطة Blue Shirt اربع مباريات متبقيّة .. وفارق وصل لـ 6 نقاط .. الفوز بـ مباريتين من الاربع .. مع افضليّة الانتر بالمواجهات المباشرة مع رومـا .. معناه وصول الانتر لـ آخر مباريتين بنفس الفارق (( 6 نقاط )) .. يتوج بالدوري الـ 16 .. شرح واحد فيه النووم .. ..

هههههههه رح نم

ودك يحسمها الإنتر على ميلان ولا يتأهلون واااااااااااوتس

صبــــاح الخيـــــــــر...

اولا مبــروكـ الفـــــوز ..وزيادة الفـــارق....

ثانيا حبيت اهنيكمـ ع المــدرب البطران الي عندنا...تغييرات ولا في الاحــلامـ...

الشوط الاول يخرج مهاجمـ ,,الشــوط الثاني يدخل مهاجــمـ !!!!

الله يعينا عليـهـ..والله اني خايف يجيب العيد في المباراة الجايــة...

الف الف مبروك ياشباب

فوز بـ اللعنه واختها مانشيني مطرس لين حوم كبدي الحمد لله بس على الثلاثه نقاط

تورينو الملاعين حجرونا حجر غير طبيعي .. وخصوصا روزينا هـ اللاعب من كوكب اخر

قايلكم المباراه مهيب هينه وبفنوز بقارق هدف وفوز صعب بعد

الفريق ماعليه .. الاهم بها الوقت هو الفوز والاداء بـ قريح الدفاع ماعليه .. لكن ماتيراتزي

مستواه في انحدار رهيب .. بوردي جيد امس وبغى ينكب جوليو كروز وكيفو والكابياتنو

ابطـآل وبالوتيللي لاتزعل السنة الجايه موري موجود

على طاري موري ترى فيه خبر الان بترجمه يؤكد ان مورينهو انتراوي

إقتباس الرسالة الأصلية كتبت بواسطة Blue Shirt اربع مباريات متبقيّة .. وفارق وصل لـ 6 نقاط .. الفوز بـ مباريتين من الاربع .. مع افضليّة الانتر بالمواجهات المباشرة مع رومـا .. معناه وصول الانتر لـ آخر مباريتين بنفس الفارق (( 6 نقاط )) .. يتوج بالاسكوديتو الـ 16 .. شرح واحد فيه النووم .. ..

كالياري - ميلن - سيينا - بارما

نفوز بثنتين ناخذ الدوري رسميا

نفوز على كالياري ويخسر روما من تورينو نتوج رسميا وياحلالاه لو ناخذه قدام ميلن

على اقل تقدير باذن الله .. نفوز ثنتين ونتوج !!



يالبي قبلك ياكريسبو .. احتياط وعادي ماتتشكـى ..

ياناس مااقدر اتخيل الانتر بدون كامبياسو وزانيتي وكروز

هذي احسن لقطه بالمباراة .. يا حبيلك يا كريسبو

انا من شفتك كريسبو وهو يتكلم مع بالوتيلي وانا مرتاح ومتطمن هالانسان المفروض يصير اداري بالانتر بعد ما يعتزل

تحس انه يعشق الانتر ولا يشوف نفسه وبالعكس موسعن صدره مع انه احتياطي وهو مكانه اساسي كبير والله




اما بخصوص مورينهو فيه خبر بموقع جول يقول ان الرجال الداهيه خلاص اعلن رغبته بالانتر مع افضليه قدوم دروجبا ولامبارد


مع اني والله ما اعرف وشلون انزل اخبار الا انه هذي هي الزبده يعني


لكن المهم والاهم ان السكوديتو ما يبي الا الشرفاء و 16 بطوله نظيفه احسن من 27 بطوله (( الو الو باباريستا ))


ومانشيني بصراحه ما قصر محليا مع انه يرفع الضغط بعض الاحيان ومشكور انه رجعلنا الفرحه الي غايبه من 89 وخلانا نفرح مرتين منب قايل 3

لكن انا والله فرحتي الكبيره مهب مكتمله الين اشوف هجوم الانتـــر متزين بالامبراطور (( ادريانو ))


همسه : روما يالذئاب البشريه كيف الحال ؟؟ اجل ذئاب ؟؟ هههههههه هذا الانتر يا حبيبي

:: مورينهو الى الانتـر مع لامبارد ودروقبـا ::



جوزيه مورينهو مدرب البلوز السابق وافق على عرض رئيس انترميلان ماسيمو موراتي لـ تدريب النيرازوري الموسم القادم ، وبـ الرغم ان النيرازوري لم يؤكـد هذا الشي بل نفاه الا ان ماسيمو موراتي اكد في تصاريح سابقه ان مورينهو سياتي به الى الانتـر ، ومن المحتمل ان ياتي مع جوزيه الى انتـر فرانك لامبارد وديدير دروقبـا ، خصوصا الاخير الذي تربطه علاقة قويه مع جوزيه ..

يذكر ان مانشيني مدرب الانتـر الحالي قد اعلن استقالته في الشهر الماضي ثم عدل عنها ..

Goal

شف الذابح الصدقي موب سعد الحارثي


بصراحه انا عندي احساس كبير من طلعنا من دوري الابطال ان مورينهو يبي يصير مدربنا الموسم الجاي ان شاء الله


ولكن بخصوص لامبارد ودروجبا انا لي وجهة نظر


اتمنى يجي لامبارد (( يكفي ان مورينهو مره بأحدى المقابلات قال جميع وسط الملعب بحضور لامبارد يصبحون نجوم ))

ولا أتمنى يجي دروجبا لان هجومنا مليان بوجود ابرا وبالوتيلي وعوده الامبراطور ادريانو وكروز وكل هالشباب فيهم الخير

لكن احساسي يقول يبي يجي دروجبا ولا يجي لامبارد لكن اتمنى ان يكذب هالاحساس لان لامبارد لاعب من طينة الكبار


ومشكووووووور يا ذيب الانتر على هالخبر .. المفروض باقي الاعضاء يعطونك بشاره على هالخبر