مبروك الفوز ياشباب والثلاث نقاط ..

اعتقد حسمناها وخلصنا الدوري ..

اول شي الف مبروووك الفوز المهم جدا اتوقع انها خطوة كبيرة جدا نحو اللقب..

صحيح ان الفوز هو الشي الاهم اليوم وان جاء بأي طريقة لكن المستوى هزيل جدا والسبب هو مانشيني..

مانشيني اليوم كان يريد الفوز لكن ان تدافع من منتصف الشوط الاول بعد التقدم بهدف مباشرة شيء خاطيء جدا..

المباراة تبقى في الملعب والهدف الوحيد لايكفي ابدا ولو لاسمح الله دخلت احدى كور تورينو في الشوط الثاني كانت ستكون كارثة..

ياخي فريقنا كبير وقوي وبأمكانة الفوز بنتيجة اكبر على تورينو لكن الدفاع المبكر شيء خاطيء ودائما يتكرر في الانتر..

ماعملة اليوم في الشوط الاول بأخراج بالتويللي اتوقع انه خاطيء فادح حتى وان فاز ومن ثم اخراج كمبياسو وتخبط ياخي هالمدرب وجع قلبي..

المشكلة ان امامنا مباريات مهمة ولازم نحسم الدوري فيها وامامنا مباراة الديربي والفوز فيها مطلب ايضا ولانريد تخبطات اكثر..

في النهاية اتمنى ان مانشيني يحقق الاسكديتو ويرحل في النهاية لان بقائة سيدهور الانتر.

وشذا الخنبقه

وشذا المدرب الفاشل وشذا التفكير المنحط

ستر الله علينا فذا المباراة وبالبركه والله يستر من الجاي

مدرب فاشل وقح ولا يقدر اللعيبه ولا لقى يستقوي الا على ذا الضعيف

3 مباريات صلح لك هدفين وجاب هدفين وش تبي اكثر ؟؟ وتطلعه بالطريقة ذي وتخليه يبكي !!

صراحة شيء ينرفز الله يستر ما اللاعب يحقد على الإنتر ويسحب علينا






ما عليك منه

مبروك الفوز اللي سد نفسي

888

صراحة هالمانشيني اليوم احبط بالوتيللي بشكل كبير جدا والاعب كان يبكي من القهرر..

والله اني منقهرر علية بقوووة يالله ان يخلص الموسم على خير ونفتك من وجهه.

^^^^^^^

والله العظيم اني قايل بيطلعه وبيطبب سوازو الشوط الثاني طيب ليه تلعب كذا من الأساس

مدرب غبي يضغط نفسه ثم يطبب مهاجم ثاني يفك الضغط

يعني تغيرات ما يغيرها مدرب فريق زي الإنتر

بكذا مرحلة حساسة ماابي الا الفوز بـ ايّ شكل كان ..
صحيح بالنهاية مشاهدتنا لكرة القدم للاستمتاع ووسعة الصدر ,,
لكن الخسارة بالمقابل تضيّق الصدر ان حصلت ..

بـ معنى ان حصل الفوز مع المستوى خير وبركة وهذا المطلوب ,,
وان كان الفريق يلعب في وقت حرج وبوسط غيابات ومرحلة (( حسم ))
فـ المنطقي هو الفوز .. وهو اللـّي بذا الحالة يوسع الصدر .. ..








كروز بالتخصص .. ذا الادمي يشم هواء مدينة تورينو .. الاّ مايسجل ابن اللذين ..
كـ تشكيلة بالملعب وتوزيع مهام .. جزمت ان الهدف ماراح يجي الا من كرة ثابتة وهذا اللّي صار
خصوصاً اذا ماعرفنا ان بالوتيللي بـ آخر ثلاث متشات .. صلّح لفييرا هدفين وكروز هدف ..
وكلها من آوفراته ومن ركنيّات ..





محد ينكر اليوم ان التورو حاجرنا حجرة بنت كلب .. لاعبين متحمسين ..
بعد تغيير مدربهم .. لكن يعيبهم انهاء الهجمة + لياقيّاً وبدنيّاً الانتر افضل منهم
صحيح كانوا مسيطرين علينا من 60الى 70 بالميّة طول المتش بـ امتلاك الكرة ,,
الا ان هجماتهم الحقيقيّة كانت شبة معدودمة .. كورة او كورتين وحدة منها تسلل استقعد فيها جوليو ..







تغيير ماريو .. كنت مؤيّد وغير مؤيّد له ..
صعبة اذا الولد صغير مثل حالة ولدنا ماريو .. يبي يلعب اكثر .. يسجل .. يستانس
بس اتوقع يهون عليه اذا شاف العقرب والكباريّة اللـّي جنبه بالدكة ماطقوها .. وهو لعب اساسي بوجودهم .. !!

توقيت التغيير بدري شوي .. باين ان مانشيني قااامط ..
اشوف انه لو منتظر لنهاية الشوط الاول .. كان الوضع بيشمي عادي جداً ,,
حتى مع الصعوبات اللـّي سببها لنا وسط التورو .. متفلتين اليوم بزيادة ..
تشيفو وكمبياسو وزانيتي يتراجعون اكثر من اللازم بالتالي لاعبي التورو ضغطونا ,,
بعد الهدف لعبنا افضل وبدينا ننقل كورة .. لكن الشوط الثاني كلونا اكل عيال الكلب .. !!

واللـّي سواه مانشيني بالشوط الاول .. رجع وعدّله .. سحب وسط (( كامبي )) ولعب مهاجم (( سوازو ))
ورجع على حالته الاوله .. اربعه وسط .. ومهاجمين .. على باله يخفف الضغط ..
ماعرف ان المشكلة اليوم كانت بالنص .. ماكان في مستواه وهو اضعف خط ..

دفاعنا ادى اللـّي عليه .. ماتركس اشوفه ممتاز بالكورالعالية .. مافيه الا قش كور ..
بورديسو .. مشكلته الازليّة بالكور اللـّي تنزل في ظهره .. مايعرف يتعامل معها ..
كم كورة بغى ينكب فيها .. اعجبني فيه اليوم انه يشتت وماينتظر المهاجم يضغط عليه ..


الاهم الثلاث نقاط .. الفرق صار 6 .. ,,
وهذا المطلوب ..




حسيت بمعاناة العقرب .. اليوم وهو يواسي ماريو ..
كني به يقول لماريو يمالك من الحقران اللي بيجيك من ذا المدرب .. جهز نفسك بس ..



مبروك يالربع ..

ياريــــس يقولون أنه غير بالوتيلي عشان فيه لاعب نرفزه وبياخذ كرت ومهوب لاعب المباراة الجاية

والله مدري وش اقول متى جي موري بس ويفكنا من ذا العله

يا قلبــــــيه بس

مانيب مستوعب انه يبكي .. وين دموعه ..؟! خخخخخـ

إقتباس ياريــــس يقولون أنه غير بالوتيلي عشان فيه لاعب نرفزه وبياخذ كرت ومهوب لاعب المباراة الجاية والله مدري وش اقول متى جي موري بس ويفكنا من ذا العله

مع الحواق اللـّي صار بالمتش والتغييرات ..
قلت لك ماابي الا النقاااط .. وش ابغى بـ المتعة والطقطقة وبالاخير يرتفع ضغطي
من نتيجة المتش .. طالع خاسر والا متعادل .. مهيب غبنة .. ؟!


بالنسبة لماريو .. فـ ترا الشايب كوريني ماقصر معه ..
فيه كورة اعترض له وسوا له ابستركشن .. .. والثانية عفس وجهة بحركة تنرفز .. ..

لكن مع كذا اقولك .. لو انه منتظر الين نهاية الشوط الاول وش بيظره .. ؟!
يلعب 4/5/1 .. ماعندك مشكلة .. بس رجع وحاقها .. طبب سوازو ( فيس يطرش )
وطلع كامبي ( قلوووب ) ,, يعني رجع لـ 4/4/2 اللـّي ضحى بها بعد الهدف .. !!


خل عنك ياولد .. والله يـ ذا الفوز انه بمثابة اغتصااااب .. خخخخخـ
فوز بمستوى تعبان ومع حرقة اعصاب ..

فرصة الاسطورة سيزار بـ آخر المتش .. واووووووووك ياهي كانت بتريّحنا ..


سبرنت الكبيتانو القُطري اللـّي بالنهاية ياهو ريحني .. عرف كيف ياخذ فاول ويضيع الوقت .. ..
زانيتي انت هـ ـنا ,,

إقتباس "Ibrahimovic? As you know, he's undergoing rehab in Sweden. He will be back the Monday after the game against Cagliari, and we'll see if he's available for the derby."

الزلابة ميهالوفيتش يقول ..
موعد وصول زلاتان هو يوم الاثنين .. بعد متش كالياري .. وسنرى فيما بمقدوره لعب الديربي ,,

إقتباس We substituted Cambiasso and Balotelli as a precaution. Cambiasso suffered a knock to his calf

وتغيير كمبياسو اضطراري للاصابة ..


inter.it

اربع مباريات متبقيّة .. وفارق وصل لـ 6 نقاط ..
الفوز بـ مباريتين من الاربع .. مع افضليّة الانتر بالمواجهات المباشرة مع رومـا ..
معناه وصول الانتر لـ آخر مباريتين بنفس الفارق (( 6 نقاط )) .. يتوج بالاسكوديتو الـ 16 ..

شرح واحد فيه النووم .. ..

إقتباس الرسالة الأصلية كتبت بواسطة Blue Shirt اربع مباريات متبقيّة .. وفارق وصل لـ 6 نقاط .. الفوز بـ مباريتين من الاربع .. مع افضليّة الانتر بالمواجهات المباشرة مع رومـا .. معناه وصول الانتر لـ آخر مباريتين بنفس الفارق (( 6 نقاط )) .. يتوج بالدوري الـ 16 .. شرح واحد فيه النووم .. ..

هههههههه رح نم

ودك يحسمها الإنتر على ميلان ولا يتأهلون واااااااااااوتس

إقتباس الرسالة الأصلية كتبت بواسطة Blue Shirt اربع مباريات متبقيّة .. وفارق وصل لـ 6 نقاط .. الفوز بـ مباريتين من الاربع .. مع افضليّة الانتر بالمواجهات المباشرة مع رومـا .. معناه وصول الانتر لـ آخر مباريتين بنفس الفارق (( 6 نقاط )) .. يتوج بالاسكوديتو الـ 16 .. شرح واحد فيه النووم .. ..

كالياري - ميلن - سيينا - بارما

نفوز بثنتين ناخذ الدوري رسميا

نفوز على كالياري ويخسر روما من تورينو نتوج رسميا وياحلالاه لو ناخذه قدام ميلن

على اقل تقدير باذن الله .. نفوز ثنتين ونتوج !!



يالبي قبلك ياكريسبو .. احتياط وعادي ماتتشكـى ..

هذي احسن لقطه بالمباراة .. يا حبيلك يا كريسبو

انا من شفتك كريسبو وهو يتكلم مع بالوتيلي وانا مرتاح ومتطمن هالانسان المفروض يصير اداري بالانتر بعد ما يعتزل

تحس انه يعشق الانتر ولا يشوف نفسه وبالعكس موسعن صدره مع انه احتياطي وهو مكانه اساسي كبير والله




اما بخصوص مورينهو فيه خبر بموقع جول يقول ان الرجال الداهيه خلاص اعلن رغبته بالانتر مع افضليه قدوم دروجبا ولامبارد


مع اني والله ما اعرف وشلون انزل اخبار الا انه هذي هي الزبده يعني


لكن المهم والاهم ان السكوديتو ما يبي الا الشرفاء و 16 بطوله نظيفه احسن من 27 بطوله (( الو الو باباريستا ))


ومانشيني بصراحه ما قصر محليا مع انه يرفع الضغط بعض الاحيان ومشكور انه رجعلنا الفرحه الي غايبه من 89 وخلانا نفرح مرتين منب قايل 3

لكن انا والله فرحتي الكبيره مهب مكتمله الين اشوف هجوم الانتـــر متزين بالامبراطور (( ادريانو ))


همسه : روما يالذئاب البشريه كيف الحال ؟؟ اجل ذئاب ؟؟ هههههههه هذا الانتر يا حبيبي

ياخوي والله مدرب دايخ

كننا نلعب بدون مدرب قسم بالله حيرني

مره اقول في التوب ومره اشوفه ما يفهم كورة