الرسالة الأصلية كتبت بواسطة the wolf 2008 (مشاركة 8067590)

هاردلك للجميع هذه الخسارة المرة..

في رأيي ان اسباب الخسارة تكمن في الدرجة الاولى بالغيابات التي حدثت للفريق وايضا الحكم واخطاء المدرب واخطاء الاعبين للاسف المشاكل كلها تجمعت في ليلة وحدة..

بالنسبة للاصابات بصراحة شي عجيب في الانتر اذا حدث الغياب لايحدث للاعب واحد انما لخط كامل فغياب فييرا وكمبياسو وفيجو شل الوسط ناهييك عن غياب كوردوبا وصامويل اللي من غابوا ودفاعنا صاير شوارع،، انا بصراحة من شفت التشكيلة والغيابات اللي فيها تأكدت ان الانتر راح ينهزم..

انا استغرب من الطاقم الطبي الموجود في الانتر وش يسووي يعني اصابات بالجملة واغلبها بدون اشتراكات او شي فجأة تسمع ان الاعب مايقدر يلعب ولا تدري متى يرجع،، انا اتمنى ان اول التغيير في الفريق يكون من الطاقم الطبي الفاشل..

بالنسبة للمدرب انا احملة جزء من اسباب الخسارة،، يعني الان عندنا لاعبين الارتكاز غايبيين اللي هم كمبياسو وفييرا كيف يلعب اربع لاعبين في خط الوسط مافيهم ولا لاعب ارتكاز والاعب الوحيد اللي يقدر يقوم بالدور هذا هو مانيش وجالس احتياط..

طيب الامور مشت سليمة وبالشوط الثاني وضح سيطرة اليوفي على خط الوسط ولا غير شي وجاء الهدف الاول،، الخطأ الفادح بعد الهدف هو التغيير اللي سواه ان يطلع صانع اللعب ويدخل مهاجم ثالث وهينا الطامة الكبرى طيب مين راح يصنع للمهاجمين وانت شايف الوسط مسيطر علية اليوفي تروح تطلع لاعب وسط،، وهذا اللي خلا اليوفي يسيطر على الملعب ويسجل الهدف الثاني بعد كذا ادرك المدرب الخطأ ودخل مانيش لكن بعد خراب مالطا..

بالنسبة للتحكيم اتوقع الكل شاهد الهدف الاول من تسلل حتى الاعمى يشوفة واللي يقول غير كذا مايفهم كورة،، لكن اكيد هذا خطأ غير متعمد لكن هذا رد لكل اللي يقول ان التحكييم يحابي الانتر ويستفيد منه يعني نقدر نقول مثل غيرنا ان هذا الخطأ الفاضح كان متعمد خصوصا انه قدام فريق كان رفيق للحكام لسنين طويلة،، لكن ارجع واقول انه خطأ غير مقصود..

بالنسبة للاعبين انا الصراحة متأسف للظروف اللي خلتنا نعتمد على بورديسو وماتيرازي في خط الدفاع لانهم في الحقيقة ثنائي دفاعي يصلح يلعب لريجينا ولا كالياري ولا يصلحون للانتر لاعبين عالة على الفريق فهم من تسببوا في خروج الانتر من الشامبيونز وهم الان سيتسببون في ضياع الدوري..

في النهاية هذه الخسارة ليست نهاية المطاف والمعركة ومستمرة اللي اتمناه بس ان الفريق يتماسك ولاتضخم الامور واتمنى ان الرئيس والاعبين يظهرون بشكل هاديء ويتعاهدون على انهم يقاتلون للنهاية ويعطون كل ماعندهم للفترة القادمة لان الامور لاتزال في ايدينا حتى الان..

عندي طلب بس ياليت احد الاعضاء يجيب اقوال الصحف لاني ابي اشوف ايش ردود الافعال الاعلامية بعد المباراة،، وكيف بتتعامل الصحافة مع الهدف الفضيحة مع اني متأكد انها بتصفق للحكم وتحيية وبتفرح بما فعلة مثل فرحة العارمة في استديو الكالشيو في قناة الجزيرة الرياضية.

الرسالة الأصلية كتبت بواسطة يسلم راسك (مشاركة 8069020)

الله يعطيك العافيه ..

بس يااخوي نفس الاخطاء تتكرر الى متى ؟؟ :(