فترتي الصباحيه

عندي اختبار الحين .. دعواتكم

لا وابشركم

اختبار ( ميــــــر ) الاخير

والله يعين على ذا الباكستاني

إقتباس اقول لا تسوي قافطني انا دايم اقول ان اوين بيرجع للانفلد يوما ما

يازين ذبات ابو تركي

إقتباس و الله اني دايخ يوم قريت ردك .. بس المشكله ما اقدر ارد طلب منك رافا اخذ بيته مرتب !!! مع انه الى الان ما صار بالنسبه لنا في الانتقالات !! الى انه باين انه مشغول باشياء ثانيه .. بالعادة بمثل هالوقت بهالسنه نصير محبطين شوي لاننا ما غير نحتري هاللاعبين الي يبي يجون لمنا لتقويه الفريق للموسم الجاي .. بس اعتقد انه الى الان فيه غلط بالشغل الي حاصل بالنادي الحين .. و شي رائع انك تسمع عن خطط الملعب الجديد الي قضوا منه و يبي يودونه للبلديه ( تهقون يابو صالح يبون واسطه ) اخر هالشهر .. و الواضح انهم خططوا انهم يزودون سعة الملعب الى 68 الف و التأخير الي حصل كان مفيد جدا !! توم هيكس يقول انه المصممين الجدد " مدهشون " و اكيد الجماهير تبي تحب الملعب و على فكره انا مشتاق لهم و ودي اشوفهم خلال الاسابيع الجايه و كمل و قال انه اضاف للفريق لاعبين جدد للاكاديميه .. اثنين من المجر و واحد من السويد .. و انا متأكد من هاللاعبين الصغار يبي يسوون اضافه للفريق بالمستقبل .. صح انه فيه نقد على اننا صرفنا واجد على الاكاديميه بس انتم اصبروا و راح تشوفون النتايج .. و تراه شي زين اذا فزنا بدوري الشباب بس السبب الرئيسي لهالتوجه اننا ودنا نبي قاعدة للمستقبل و نطور اللاعبين الشباب .. منول لاعبين مثل جيرارد و كاراقر و فاولر الخ << طلعوا من شباب النادي بس من عام 2000 ما فيه الا ستيف وارنوك هو الوحيد الي استمر بالفريق الاول !! و درجه الشباب مهمه جدا للمستقبل و الشي الي يشدك ان رافا كان مشرف على درجه الشباب بريال مدريد وهو وده انه يتحكم بالاكاديميه خصوصا و ان ستيف هيواي تقاعد .. بس بالتأكيد اهم الاخبار بالاسبوع الي راح هو تجديد لاعبينا لعقودهم مع النادي .. و هالشي يخليك تتقطع من الوناسه خصوصا و ان اللاعبين بالانديه الثانيه يساومون انديتهم !! و حنا رتبنا امورنا و خلينا لاعبيننا يقعدون معنا بالانفليد .. و كما هو متوقع جيرارد و كاراقير كانو اول المجددين و همين لحقهم رينا و كان فيه غموض بالنسبه لالونسو لان برشلونه بدا يغرونه بس طلع وفي و قال انه يبي يقعد على كبودنا و موب رايح و وقع لمدة 5 سنين ستيف فينان يبي يجدد بهالايام و يبي يلحقه سيسوكو و برضه يبي يصير فيه تجديد لريزا و هيبيا بالعاده التفاوض على التجديد يكون صعب لكن حنا اشتغلنا بجهد و جددنا بكل سهوله .. و مع هاللاعبين و اللاعبين الجدد مثل كاوت و كراوتش وقعوا على عقد طويل المدى و هالشي خلانا نأمن مستقبل النادي .. و اكيد انه ما فيه شي اكثثر اثاره من ان لاعب مشهور يرتبط بنا بس رافا و النادي اول شي ركزوا على تجديد لاعبين النادي بعدين يلتفتون بشكل كامل لسوق الانتقالات .. و انا متأكد رئيسي النادي يبي يعطون رافا ميزانيه كبيره بس ما اعتقد انه تبي تكون بلا حدود !! و لازم ان رافا يصير ذهين ويركز على الاماكن الي نحتاج الدعم فيها .. و علشان كذا انا اعتقد انه من المهم ان رافا يركز على اللاعبين الي يبيهم لان هاللاعبين موب كل شوي يبي يوقع عقد مبدئي و لا ترى يبي يجبر انه يغير خططه بالانتقالات !! بس تراه حسب كل شي صح و خلى كل اللاعبين الاساسيين يجددون للنادي و اكيد يبي يدخل السوق و هو مرتاح و انا متأكد اننا موب منتظرين واجد الا و حنا شايفين لاعب جديد بالانفيلد .. و كل اللاعبين الي جددوا وكان بامكانهم انهم ينتقلون و يصيرون اساسين بأي فريق و ياخذون راتب اعلى بس هم ودهم بالقعده هنا لانهم واثقين بان النادي يبي يحقق انجازات و هم ودهم انهم يكونون جزء منها .. و كمشجعين كنا نقدر نتوقع و حنا برا و ش الي يصير بداخل النادي بس ذولا اللاعبين مستانسين و عندهم ثقه بالمستقبل و علشان كذا لازم حنا نصير مثلهم .. تذكروا قبل مدة يوم اول ما استلم رافا التدريب من هولييه كان يجتمع باللاعبين وهم ببطوله اوروبا و يحاول يقنعهم ان النادي له مستقبل مشرق .. و الحين وبعد ثلاث سنين تقريبا تغير الشي الكثير بالنادي و اللاعبين صاروا سعيدين و صاروا عندهم ثقه بالمستقبل و من الواضح اذا استمر رافا معنا فترانا بالطريق الصحيح و حنا بأيدي امنه و المحطه الجايه تبي تصير البريمير

اولا تستاهل دعم من اللي خبرك على هالترجمه

ياخي ترجمتك رهيبه

اما واسطه البلديه .. كلم لنا الوالد :p :p

إقتباس فورلان أرخص خيار لبينتز ب16 مليون جنيه وايتو ضمن النطاق السعري لليفر......

مادري احس فورلان مايصلح لنا ... مع انه رهيب

--

يلله سي يا عقب الاختبار