مستوى سيء .. !! ولكن على ارض الخصم كنا نتمنى على الاقل التعادل هدف بهدف ..

سيدورف كان بطيء ببناء الهجمه .. باتو كان معليه بالنسبه انه توه راجع من اصابه ..

كاكا مراقب رقابه لصيقه وسيدورف ما عطاه كرات صح ..

مستوى رائع في الدفاع بعد خروج نيستا ..

ان شاء الله التاهل للميلان في الاياب

هاردلك

إقتباس 1- ماهو انطباعك العام عن الفريق ؟

والله الفريق اليوم قدم مستوى أقل من الرائع .. وبالنسبة لي انا راضي على المستوى خصوصاً أنها على أرض القنرز

إقتباس 2- مارايك بتشكيلة انشلوتي ؟

ممتازة جداُ .. بس باأرضنا لازم يعلب بمهاجمين

إقتباس إقتباس 3- كم تعطي الفريق نسبه من 10 للفريق ككل ؟

ثمانية

إقتباس 4- ماهو افضل واسؤا لاعب في ميلان ؟

أسوأ لاعب : سيدورف



وأفضل لاعب : كالاتش


يعطيك العافية أبو حميد على النقاش

الأرسنال متصدر الدوري ، فريق لديه البديل الجاهز ، أفضل فريق يقدم كرة جماعية بحته
لاعبين شبان ، و نشيطين و على كل هذا يلعبون على أرضية ملعبهم . !

و تخرج بـ تعادل . ؟




أودو نجم المباراة ، قدم درس للظهير الأيمن .. كيف تسد خانتك بـ إقتدار .

خط الدفاع مع أمبروسيني و جاتوزو ما قصروا

مالديني لعنبوا جدك عمرك أربعين يا مهبووول .

فرصه لـ فابري و فلاميني و العومه أديبايور للعب مع هذا الأسطورة . !


نجي لـ .. العهات في هذه المباراة ..

بيرلو هذا لعب . ؟

تمريرات خاطئه و الحفاض على الكورة أكثر من اللازم ، بيرلو اليوم أسوء لاعب

و أول مره أشوف بيرلو بـ هذا الأداء السيء . !!


سيدورف . ! لاعب يقتل الكرة و يسمع بـ شيء أسمه الكنتراتاك . ! و الله لو سيدورف يلعب
بـ مستواه المعروف أن تشوفون الميلان شكل ثاني . !

أهـ يا هليب بـس


تعادل ممتاز ، ولنا لقاء في السان سييرو ، كان قبلكم المان الموسم الماضي .

السلام عليكم . .


بسم الله الرحمن الرحيم . .

هارد لك . . أو ما يحتاج . .

ميلان صراحة قدم مباراة أثبت فيها الخبرة التي يمتلكها نادٍ عريق . . <<< يكفي فصحى . .

من اللي يقول سيدورف ماقدم شي وإنه الأسوء . .

سيدورف أشوف انه قدم مباراة جيدة نسبياًاً . .

أرسنال فريق شباب وحيوية وانطلاقات واختراقات . . . إلخ . .

فريق أجبر ميلان على التراجع بحكم أن ميلان لعبه بطيء وعلى قولت عدنان حمد يميت اللعب . .

مهب سلبية أو إيجابية . . له إيجابيات مثل التحكم في الكورة واللعب بتركيز عالي . .

وسلبية حيث أن أرسنال أحرج ميلان باللعب . . ولا لاعب مع ميلان يعتمد على السرعة بالدفاع . .

صحيح إنه به جاتوزو . . لكن اليوم جاتوزو اللي حاسه الكرت اللي عليه . .

ولا مره احتك مع لاعب من أرسنال . . حتى يوم يدعس هليب رجله . .

أسكت ومشى الموضوع على خير على غير العادة . .

ومع ذلك أكثر لاعب قطع مسافة بالملعب . . 12605 متر . . كبير قسم بالله كبير . .

ماننسى إنه العام الماضي تجي آخر المباراة يطق الـ 17 كيلو . . ماشاء الله . .

خروج نيستا ما أثر على الميلان بدرجة كبيرة . . مهب تنقيص به . . لكني صراحة توقعت إن ميلان بيضيع عقب خروجه . .

كاكا مآش . . اليوم ماكان بالمستوى . .

وأتمنى لو كاكا يرجع لمستواه في الموسم الماضي . .

أنشيلوتي أخطى بإدخال جيلا . . المفروض يلعب انزاجي من بداية الشوط الثاني . .

ايمرسون لاعب أبدع بعد دخوله . . لاعب ممتاز وبديل نآآجح . .

.
وصدقون . . والله مانضمن الفوز الأسبوع اللي يجي . . صحيح إننا على أرضنا وأي نتيجة تصب في صالحنا . .

لكن هذا أرسنال . . يلعب على الأطراف وإلحق إن تسانك رجال . .

أما باتو إذا كان يبي بلعب لازم يلعب معه يا إنزاجي أو جيلا . .

لأنه صراحة ما ينفع إلا مهاجم ثاني . . ومثل ما لاحظنا إنه يمسك الكورة خارج المنطقة . . ولا يلقى أحد يناوله أو حتى يعرض له . .


إيييه . . هيّن يا ارسنال . .

بإذن الله صاكينكم . .


ما أطوّل . .



فـ م ـان الله . .

أولن / مازن حركات التمويه ما تمشي . !







مهيب منك من خدودك . !


أنشيلوتي يا بعد كل المدربين ، باتو توه راجع من إصابة قويه ولا لعب من شهر تقريبا ً
تجي و تلعبه في مباراة قويه و قد تكون حاسمه وزودن على هذا ما أكتمل لياقيا ً . !

كان من المفترض أن يكون العكس أن يكون باتو ورقه رابحه ، و يتم الزج به كـ بديل في أخر ثلث ساعه . !


عمّر خل عنك فكه ربي .

السلام عليكم
الحمدلله طلعنا بتعادل بطعم الفوز
الارسنال لو عندهم خبرة الميلان كان عطونا ثلاثه على الاقل .
مافيه ولا لاعب في مستواه غير ( كلاتش- نيستا - مالديني- كلادزي- بيرلو )
بعض الاعبين اشتغلو الشوط الثاني ( جتوزو اودو يانكو كاكا)
اما اسوا لاعبين ( سيدورف - امبروسيني)
المهم
انا كنت مع اخوي و اقوله لازم يطلع مالديني و يدخل يانكو عشان يحرك الجهه اليسرى و يدعم الوسط >> و صار اللي قلته بس على حساب نيستا و الله ستر الحمدلله ههه
و كنت اتمنى الشوط الثاني يدعم الهجوم و يدخل بيبو مع باتو عشان نهجم بقوه و باتو يسحب كم مدافع و يتحرك براحته و انزاقي ينفرد بلحاله قدام و كاكا و سيدورف يرتاحون شوي .
بس الحمدلله بارضهم و طلعنا بتعادل كويس
و الوعد في السان سيرو >> لعبت الميلان كذا
نروح و نطلع بتعادل او فوز و نركهم على خشومهم هه في السان سيرو مثل ماسوينا المان و سيلتك و بايرن و غيرهم
بس على فكره لا تخافون باذن الله التأهل لنا عشان الميلان خبرته و قوه لاعبينه و مزاجيت الاعبين يعني اذا بغو يفوزون فازو براحه و اكبر دليل السنه اللي راحة الكل متوقع المان يفوز و ياخذ اللقب بس الميلان غير كل شي >> كبير والله الميلان << لا يا شيخ رح نم هه

سوري على الاطاله
>> طمنونا عن اصابة باتو و نيستا .

- ماهو انطباعك العام عن الفريق ؟

مستوى الفريق بإعتقادي سيء

لكن النتيجة جيدة وإن كنت أتمنى تعادل إيجابي

ويا خوفي تتكرر سالفتنا مع ليون يوم عانينا منهم بالإياب بعد ما سجلوا هدف


2- مارايك بتشكيلة انشلوتي ؟

تشكيلة منطقية ومتوقعة وإن كنت أتمنى إشراك البيبو


3- كم تعطي الفريق نسبه من 10 للفريق ككل ؟

6.5 من 10


4- ماهو افضل واسؤا لاعب في ميلان ؟

الأفضل مالديني والأسوأ سيدورف

كالعادة !!

الميلان في السنتين الأخيرتين في دوري الأبطال ( خارج أرضه ) يفشل في تقديم المستوى المرضي ..

ارتباك واضح - أخطاء في التمرير - ما فيه كونترول صح

اليوم الفريق كان تحت رحمتهم .. لكن ربي ستر

كالاتش

أفضل لاعب اليوم

بس نفسي أعرف وش سالفته مع القطو الأسود أديبايور

في كل هجمة لهم كل واحد يضحك على الثاني


وفي المقابل نجي لركائز الفريق ( بيرلو - سيدورف ) كانوا بعيدين كل البعد عن مستواهم ..

خصوصا ابو حنان ..


الوكاد إن الوعد في الإياب

إقتباس أهـ يا هليب بـس

على الطاري ..

في تصويت أفضل لاعب في العالم وبما ان هليب هو كابتن منتخب بيلاروسيا

تصويته لـ أفضل 3 لعيبه في العالم كان لـ : كاكا - بيرلو - قاتوزو

تهقون الرجال يلمح

حققنا المهم وباقي الاهم

مباراة جيده جدا من الدفاع حتى بعد خروج نيستا

خط الوسط اليوم ماكان بالفورمه ابد خصوصا بيرلو وابو حنان

كاكا حاول يدور مساحات ليصنع الخطوره ولكن الارسنال منتبه للشي هذا

ومااعطاه اي مجال خصوصا من العمق

باتو اغلب لعبه كان عن طريق الاطراف ولو كان فيه رأس حربه ثابت

كان ممكن يصنع خطوره ولاحظو اكثر الكور اللي يستلمها يلعبها للخلف

عالعموم الكوره في ملعبنا الحين ولكن يجب الحذر فهدف من الارسنال

في الاياب سيلخبط كل الاوراق ...

إقتباس كاكا مراقب رقابه لصيقه وسيدورف ما عطاه كرات صح ..

لو كاكا في كامل جاهزيته و الله ما يمسكه أحد و الوعد الإياب .
بس المشكله الكبيرة أن مباراة الميلان القادمة مع باليرمو مع زامباريني الخسيس . !!

إقتباس على الطاري .. في تصويت أفضل لاعب في العالم وبما ان هليب هو كابتن منتخب بيلاروسيا تصويته لـ أفضل 3 لعيبه في العالم كان لـ : كاكا - بيرلو - قاتوزو تهقون الرجال يلمح

أما عاد . !


هاللاعب خنفوشاري و يلعب صانع لعب و محور .

إقتباس بس نفسي أعرف وش سالفته مع القطو الأسود أديبايور

هههههههههههههههههههههههههههههههههههه

على فكرة الجميع فرح بهذه النتيجه يعني الحمدلله صراحه ارسنال كان ضاغط 90 دقيقه و كانت مباراة باب واحد
بس في النهاية ما يصح الا الصحيح السان سيروا حيتكلم في مباراة الاياب تطمنوا .

النتيجه مقنعه للميلان
الفريق كان دفاعيااااااااا ممتاز

باتووو ياليت انزاغي لعب مكانك هذي هي مبارايات انزاغي
سيدورف ---مستغرب وين جوركوف
كاكا مراقب واللاعب ماكان جاهز 100%
بيرلووو مراقب اي كوره ياخذها يضغطون عليه (كويس ما اصيب)
اودو تغطيه كان ممتاز بس في الهجوم لا


الوعد السانسيروووووووووووووووووووو

هلا والله


يا عيال تشوفون أنتم اليوم اللي أشوفه أنا !؟

كلاتش ذا حارس

يا نااس والله انه مهبـوووووول

وهـ بس يا كلاتش


صراحه اليوم المستوى أقل من المتوقع !!

لكن خروج بنقطـه من لندن راائعـة جداً وأفضل من رااااائعه



ضغط آرسنالي كان متوقع جداً خصوصـاً من فابري وأديبايور لكن قاتوزو كان لهم بالمرصااد

بقيم كل لاعب :


كلاتش : لا تعليييق .. وقسم أنه نجـم المباراة الأول بلا منازع لو يواصل بس هالمنوال في السان إن شاء الله

مالديني : يا ناس صدز مالديني عمره 40 !! أحس انه عمره 20 ويسهبلون يقولون عمره 40 !! يا ناااس ذا الآدمي موب طبيعي وقسم اللي بيشوف وما يعرف بالكوره بيقول عمره 20 ما شاء الله عليه وهـ بس يا ابو كريستيانو

كلادزه : نوعـاً مـا جيـد وغطـى !! والجمهـور ظالمـك ! لكـن إن شاء الله تقدم منك المطلوب بالإياب

نيستـا : خروجـه كان مؤثـر بدرجـه مو طبيعيه !! يا ناس والله مدااافع مش معقووول هذا !! أقسم بالله أني أمووت فييه يا ناس كل يوم تحبه زيااده يوم طلع انا قلت الميلان خاسر اكييد بس الحمد لله ما قصروا الباقين .. ولله يا ناس بدون نيستا ما نسوى شي ( في الدفاع ) !! ويا ليت واحد يجيب لنا خبر عن إصابته إن شاء الله ما فيه شي

أودو: اليوم كان ميه ميه لكن مشكلته اذا رفع !! ما يعرف يرفع أبد .. فيه احد لاعبن عليه وقايله رفعاتك زينه ع العموم مسك ديسلفا تمام اليوم

يانكو : وقسم أنك مبدع وغطـى تمـاااام والله ما قصر وكنت أتمنى انه يلعب من البدايه لكن ما قصر يوم دخل وغطى زي الحلاوه

أمبرو : والله اليوم تمااام كان ممسك فابري صح واستقعد له .. يعطيه العافيه .. مع أني ما أدانيه بس يشكر على المهجود اللي قدمه

قاتوزو : يا نااس وخروا بس !! يقولون قاتوزو دبشه !! والله أنه تـب التـب قسم بالله اليوم قاتوزو في الفورمه صح ومسك فابري صحح وغطى من خطورته صح ما قصر ولد النسيم

إيمرسون : ما قصر وكان مراقب صح

بيرلو : يا ناس مدري وش فيه بيرلو اليوم مااش والله أني سبيته سب موب طبيعي مع اني أمووت فيه بس قهرني بالمباراة يعني لو كان بالفورمه والله كان يمكن جا قول من الفاولين اللي جته وضيعها !! بس شكله مصوكن بعين ع العموم ان شاء الله يكون تمام بالإياب

سيدورف : مدري وش بلاه اليوم الخال ! الظاهر ما شرب صح ضاايع صاايع لكن يكون خير بالإياب يالآرسناليه

كاكا : مستواااه سيييء !! وضيع الميلاان في كثيير من الفرص !! بس ما نلوومه .. إجهاد موسم كاامل !! وبعدها لازم يطيح مستواه .. بس إن شاء الله يكون تمام بالإياب

باتو : والله بطل وما قصر .. بس ما كان معه أحد !! وبعدين توه صغير .. وماله خبره بالبطولات الأوروبيه ع العموم إن شاء الله يكون ما فيه إصابه ويلعب بالسان سييرو

جيلا : لا تعلييييــق !!!!!


إنشلوتي : والله لعب صح لكن مفروض أنه مدخل بيبو بدل باتو موب جيلا !!




ع العموم هـاردلك التعادل .. وأنا متفااائـل بشكل ما تتوقعون

أنا أقول لكل الآرسناليه .. نصيحه لا يشوفون المباراة والوعـد في مقبـرة الخصـوم








برايفت السمي /
تناظر ولا تسلم يا منيب قايل كنت قاعد جنب اللي جنب اللي جنب اللي جنبك المرة الجايه اذا ناظرتني سلم موب تسحـب














][ دمتـم بـود ][

:: صـور المبـاراة من الموقـع الرسمــي :: ( الصـور من فـواز ما قصر بعدي والله )