السلام عليكم ورحمة الله . .
مبروووووك الفوز يا شباب من اولكم لاخركم,,,من اكبركم لاصغركم,,,من اطولكم لاقصركم,,,من اسمنكم لانحفكم
مهما فعل الصهيوني وعلوجه:::لن يستطبعوا مجاراة السير وجنوده
الكاس للكبار فقط
,,,اخذنا الدوري رغم ما واجهناه من ضغط مباريات وظلم تحكيمي وغش بالقرعة(عيني عينك) واراحة الخصوم واتعابنا
اول ما دخلت رابطة تشلسي استغربت
لاني شفتهم مبسوطين,,,لكن الصراحة يوم فكرت شوي عرفت ليش هم مبسوطين
لانهم وباختصار خلف المان,,,ومن يأتي خلف المان من بقية الاندية بالدوري الانجليزي فهو الافضل بينهم
وله الشرف من يحظى بهذا الشرف
مخلين الانجازات الوهمية لهم وحنا ناخذ الانجازات الحقيقة وهي الاهم,,,لو تبون ما تنهزمون 17 سنة على ارضكم بس البطولات لنا
------ ------ ------- ------ ------- -------
شفنا قبل فترة وخصوصا بشهر(ابريل) الشهر اللي كانت نتايج المان سيئه بعض من الاعضاء اللي يستهزون بالمان ويقللون منه,,,واللي يقهرك انهم موب من مشجعين الدوري الانجليزي واغلبهم من (الفتيان)
ودي اشوفهم الحين(الفتيان)
بعد ما حققنا الدوري
,,,خلينا لهم الكلام والهياط واستمتعنا بكأس الدوري
وكانوا يتغنون بتشلسي موب حب فيه لكن كره بالمان,,, وحنا ما نرد عليهم لاننا عارفين ان المان بيرد عليهم وموب مقصر
والحين المان رد عليهم احلى رد,,,والمان كان ممشيها بمزاجه
لانه يبي ينافس على كل البطولات المتاحة له
وسوا اللي يبيه وفاز بالبطولة الاولى وحالياً يجهز للثانية وبإذن الله بيحققها
,,, ولو ما حققها (كفى ووفى) بحكم الضروف اللي واجهها
------ ------- -------- -------- --------
المان هالموسم قدم افضل واجمل و اسرع وامتع كرة قدم في الدوري الانجليزي الا في بعض المباريات,,, ويمكن بالعالم كله
السير كان والى الان وسيستمر بتقديم الدروس المجانية لاي شخص,,,مدرب ولا لاعب ولا مشجع ولا صهيوني ولا بنشري
قيقز الاسطورة هو سر البطولات بعد السير طبعا
لانه من لعب مع المان والبطولات ما شاء الله رافضه اي معشوق غير المان
كريستي والله مدري وش اقول ووش اخلي,,,لانك اسكت من يحبك قبل من يكرهك
على هالموسم اللي قدمه انا اعجز عن وصفك
براون اشكرك ولازم اي مانشستراوي يشكرك
رغم النكبات اللي نكبها لكن معذور لانه قدم اعلى مستوى ممكن يقدمه لاعب بقدراته
فيردي وفيديتش افضل ثنائي دفاعي بالعالم اخر موسمين,,,لعب رجولي وقتالية واخلاص للشعار مالها مثيل
يا حبنيلهم بس
فان دير سار الله يستر لا تعتزل والله انك من ركائز المان,,,يكفي انك اقل حارس بالدوري دخل عليك اهداف بمرماك
بارك جعلك كل سنه تصاب عشان تسفهل مثل هالموسم
كأسم مو مأهل يلعب مع المان لكن على آدائه يستاهل,,ويكفي انه ما عنده مشكلة يصير احتياط لو 13سنة متواصلة
روني ما قصرت لكن نبي اكثر لاننا عارفين ان عندك اكثر من اللي تقدمه بكثير,,,لازم تشوف حل لكثرة التضييع
يالتفخ
ايفرا من نجوم الموسم رغم ان كل الفريق نجوم
لكن الصراحة اثبت انه من افضل اللاعبيين بمركز الظهير الايسر
كاريك مدري وش اقول بس
يا حبنيله افضل عضو بالرابطة<<<<<<<<<ضيع
,,,يبقى بنظري الابرز بمركزه بالعالم
اوين قدم اكثر من ما كنت اتوقع الصراحة وابهرني بمستوياته بكذا مركز واتوقع انه ابهر العالم كله موب بس انا
ما نشب له السير عبث
تيفيز قدم مستويات طيبة لكن اتمنى منه اكثر واتمنى انه ما يمزع اللاعبيين اذا جا يناول
ولا يطول الكورة على نفسه لانه دايم يسويها
اندرسون\ناني الموسم الجاي موسمكم رغم انهم ما قصروا هالموسم,,,صح ان ناني رفع ضغوطنا المباراة اللي راحت يوم ينطرد لكن لا تنسون ان اكثر لاعب صنع اهداف للفريق هالموسم بجميع البطولات حسب علمي رغم انه من اقل اللاعبيين اللي لعبوا اساسي
------ ------ ------ ------ ------
مشكوووووووووووورين كل اللي باركوا لنا ورده
في امان الله ورده
كبير يا كريس كبييييييير 
الوضع العادي
