يوهـ صدق فزنا .. مباراة صراحة اعصاب بشكل غير طبيعي .. يااووك يالبلنتيات مادري كيف استحملت اشوفها .. الشوط الاول المفروض خلصناها من فرصتين تيفيز وكاريك .. ممكن هالفرصتين قلبوا ام المتش .. + الهدف اللي مدري شلون جاء .. ارتباك ماله داعي من الدفاع وابو سار ماقصر تزحلط يحسب لـ لامبارد وجودة بالمكان السليم .
الشوط الثاني تشلسي كان احسن .. ما ادري بس احس ضياع تيفيز و روني هو اللي حاسنا اليوم .. الاثنين مالقوا بعض رونالدو و هاري اشتغلوا بس المشكلة لا وصلنا قدام تنعدم الحلول .. كنت اتوقع مستوى افضل من هالثنائي اليوم .
كاريك - هارغو .. نجوم المباراة من طرفنا خصوصاً كاريك .. شال النص وعمل مجهود خاارق صراحة .. الفرصة اللي ضيعها مدري كيف ضاعت .. بالنص وبجسم تشيك .. لو كانت ارضيّة صعب يجيبها .. هارغو ينعن اووم اللياقة اللي فيك ما تتعب ياخي بالهجمة تلقاه اول واحد يتقدم .. والعكس صحيح .. مساندته للجهة اليمين كانت ممتازة .. هاري اخر المباريات تقريباً كان نجم الفريق مع بارك .
هالآدمي مادري شلون اوصفة .. من زماان وانا اقول محد عارف لـ دروغبا غيره .. لاعب وزنة ذهب خصوصاً اذا واجه مهاجم قوي بدنياً .. اليوم حجر له تحجيرة بنت كلب .. دروغبا لما شاف ان مافيه امل يسجل وهالوحش موجود طنقر كعادة الخوال بالنسبة لي اليوم افضل من الريو .. على طاري الريو من عقب الشد كمل المباراة وهو مصاب .. جازفنا في هالنقطة خصوصاً انه لعب عقبها حول 25 دقيقة .. بس فريق فيه لاعبين بهالروح ماينخاف عليه
اللي صار هالموسم للفريق انتصار لك قبل كل شي تصريحه قبل يبدا الموسم اول ما جا ببالي لما شفته فرحان .. قبل بداية الموسم سالوه عن طموحاته هالموسم قال اهم شي الابطال .. هالموسم يصادف مرور 50 سنة على حادثة ميونيخ وافضل طريقة لـ تخليد ذكراهم هي الفوز فيها هالموسم وعدت و أوفيت .. كان دايم يتكلم ان بطولتين للمان قليلة .. جت الثالثة وان شاء الله ماهي الاخيرة ثلاثية موسم 99 .. وتمر السنين تتغير فرق وتتبدل فرق يجي جيل ويروح جيل تجي سنة 2008 وتجيب ثنائيّة ؟؟ إنجاز مو سهل ابد ولا يقدر عليه احد .. علشان كذا دايم نقول انت الافضل بالعالم
الله يبارك في كل من بارك لنا .. كلن باسمة
شباب الرابطة الف مبروك .. تعبتوا هالموسم .. اجتهدتوا .. ترجمة .. اخبار . نقاشات .. هياط .. فرح .. زعل .. إنشكاح .. كل شي عشناهـ هالموسم .. مع اني مقصر بس الحمدلله مبسوط جداً لان الرابطة موقفت علي .. شكر خاص لـ كاريكو 16 .. هو الرئيس الفعلي للرابطة رجاءاً لحد يقولي رئيس الرابطة .. الريس كاريك مبروك لكم كلكم .. الحمدلله مانشستر ما ضيّع تعبكم وفرحوكم بـ ثنائيّة تاريخيّة
يبارك بعمرك حبيبي أحمد الصراحة كل الشباب ماقصروا من رئيس الرابطية محمد16الى أقل عضو مشاركة تفاعل &ترجمة&نقاااااشات&كل شيء&تفائل (مثلي أكبر متفائل) أمس كنت معزوم بعرس ولد عمي (بنادي ضباط قوى الأمن) وانا محبط أحتري العشاء واطلع للصالة والقى الناس اللي مجتمعين على التلفزيون وأثرهم يناظروون المان شفته والدقيقة 30,,, المشكلة انا متحمس ومصارخ وكلن يناظرن بس مطيز بهم ,,أكثرهم تشيلساوية اللي صدق تحمست كورة قيقز اللي طلعه تيري نقزت وقلت لااااااااااااا ,,وكلن قعد يناظرن ويضحك وعاد يوم جت البلنتيات الله لايوريك ,يوم ضيعه كريس فسخت انعالي من الحماس وقعدت أمشي حافي عل الرخام وكلن يناظرن ويضحك,,والله يوم جاء يشوته تيري ضفيت عفشي بإيدي وقلت خلاااااااااص والله اناظرهـ من طرف وأدعي ربي تضييع وأول ماضاعت صرخت الصرخة اللي يحبه قلبك ,,به واحد قاعد يشوفه معي يقول تيري بيضيعه ,وأول ماضييعه رحت لمّه ودقيت له وقلت والله انك بطل,,حتى به مطوع قاعد يناظرهـ معنا ,نادان وانا حافي قالي تعال ,,يوم رحت له عطان قارورة ماء ,قال لي: برّد على قلبك وهدء أعصابك,,قلت ما أقدر ,, والله بكل الشوتات حقت اندرسون وقيقز خااااايف تضييع وهم يسجلون ,بس الحمدلله ماضيعنا ,, ويوم جت كورة أنيلكا قالي اللي معي بيردهـ فان دار سار ,,وأثرهـ ردهـ البطل,, والله اني من الفرحة مدري وش سوييت عقب ردة سوبر سار ومبرووووووووك أولا وأخيرا الابطال لنا صحيح ولا أنا غلطاان
,, زين 
.. الشوط الاول المفروض خلصناها من فرصتين تيفيز وكاريك .. ممكن هالفرصتين قلبوا ام المتش .. + الهدف اللي مدري شلون جاء .. ارتباك ماله داعي من الدفاع وابو سار ماقصر تزحلط 
نقزت وقلت لااااااااااااا ,,وكلن قعد يناظرن ويضحك
قالي تعال ,,يوم رحت له
الوضع العادي
