اول شي هذا مقطع لـ إبداعات فوستر ضد ديربي كاونتي مع موسيقى شويّه عليها كلمة تهيّض خخخخخخخخخخخخخخخخخخخخخخخخخخخـ .. مقطع اليييم وموسيقى آئلم بس فاصخة ترى
اول شي من اللي يقول رونالدو مغرور عادي يا شباب حركة عاديه .. ليش مانقول مثلاً انه يقصد انه مل من التسجيل .. كأنه يقول سجلت بكل الطرق وش اسوي اكثر خخخخخخخخخ .. لا يغركم رونالدو مو مغرور و أكبر دليل تصاريحة .. من جانا وتصاريحة فيه رزانة و واقعيّة كبيرة .. برى الملعب ماعلينا منه اهم شي انه يعطيني داخله
على فكرة شباب .. الموسم الماضي رونالدو سجل 17 هدف + 2 بالأبطال .. وصنع 19 بالدوري على ماعتقد و 6 بالشامبيونز .. هالموسم مسجل لحد الآن 22 بالدوري و 6 بالشامب .. بينما صناعته للأهداف بالبطولات ما تتجاوز 10 أهداف .. مقصدي وش تفضل من رونالدو ؟؟ التسجيل والا صناعة الأهداف .. انا اقول الموسم اللي راح صناعة .. هالموسم تسجيل .. والمواسم الجايّة ثنينهم إن شاء الله .. بس خلوا عنكم أرقام مهولة ماشاء الله .
زوز = دلع لـ عزوز او عزوزي
بالنسبة لـ كاريك .. اتفق مع سعود ان فيرغسون ماشعر بأهمية كاريك الا متأخر .. مدري اشوف هالتفسير قريب .. كاريك اول الموسم كان وجودة قليل .. هنا مالوم السير كثير بما ان بداية اندي كانت ممتازة والسير ماحب يكافئة بالدكة .. شي بديهي لما اللاعب يلعب ويبدع ويعطيك طبيعي بيكون المفضل لك .
إقتباس
وترى كاريك ماعنده قوة التحمل اللي عند روني او رونالدو
بالنسبة لنقطة الارهاق .. كاريك الموسم الماضي لعبه كااامل وما كان فيه الا هو و سكولز اللي غاب ثلاث شهور و اوشي و فليتشر يعني تقريباً لعب 60 مباراة اقل شي الموسم اللي راح .. وبجدارة كان افضل لاعب بعد رونالدو
إقتباس
الشي الثاني .. و هي ملاحظه قلتها في السابق و تأكدت منها مع مرور المباريات و تعدد المنافسات
كاريك إذا شارك كـ إحتياطي أدائه يقل و منتوجه ينحصر بـ شكل كبير
أتفق مع سعود هنا بشكل كبييير .. الاحظ كاريك لما ينزل من الاحتياط احسّة كذا زعلان .. ومع ذلك فهو يعطي حتى لو كان بديل .. واكبر دليل متش دربي كاونتي
المحصلة بالنسبة لـ كاريك مادري بس ممكن فيه ببال السير شي معيّن .. ممكن يكون بباله يحط كاريك جنبه .. ويحاول يرهق الفريق المقابل .. بعدين ينزل كاريك ويستغل إمكانياتة بالكور الطوليّة ويستغل سرعة روني و رونالدو و ناني و تيفيز .. لأن وقتها دفاعات الفرق الثانية ماراح تقدر تجاري سرعة لاعبينا انا اقول ممكن .. بالعربي يرهق دفاعات الخصم وبعدين يضربهم بورقة كاريك .. السير صعب تتنبأ وش براسة
نجي الحين لخطة 4/5/1 .. اول شي فيرغي بسنة من السنين كان ماشي بـ 4/4/2 .. جاء فيرون وغير الخطة لـ 4/5/1 برأي من كيروش .. الفريق ماتوفق فيها ورجع فيرغسون لـ 4/4/2 .. بالنسبة لي انا مؤيد للخطة بـس مو بهاللعب .. فيرغسون اتوقع وبشكل كبير انه ما جاب هاري الا علشان هالخطة وعلشان دوري الابطال بالتحديد .. اللعب الهجومي مو دايم ينجح وهذا اللي تعلمة السير من آخر السنوات .. العام الماضي كنا اكبر المرشحين + اكثر الفرق تسجيلاً ولعب للكورة الهجوميّة بس ما فادنا هالشي .. لذلك اقدر اقول ان فيرغسون ممكن تعلم من الماضي .. الخطة ممتازة بس نحتاج تطبيق كامل وصحيح لها من اللاعبين .. الاخطاء اللي اشوفها من هالخطة ان المحاور بينهم تقارب كبير + الاجنحة ما أدوها بشكل سليم .. والنقطة الأهم انها تحتاج مهاجم يعرف طريق المرمى صح .. لكن للأسف روني من تالي مضيّع القول وهنا المشكلة .. لو تلافى الفريق هالثلاث نقاط بتظبط معنا وهي اللي بتقودنا للأبطال بحول الله
على فكرة شباب فيرغسون بالمباريات الكبيرة يلعب بـ 4/5/1 .. بس على الورق نشوفها 4/4/2 .. طبعا روني في حاله الدفاع يكون جناح يسار و جيجز يدخل للنص ويلعب قدام محوري الارتكاز .. واغلب المباريات اللي لعبنا فيها كذا جابت نتيجة .. ارسنال 2/2 الدور الأول .. ليفربول فزنا عليهم بالخطة هذي وعلى ارضهم .. اللي ابوصله ان الخطة ممتازة لو طبقوها اللاعبين صح .. علشان كذا لازم يكون فيه مصارحة بين فيرغسون و اللاعبين حول هالموضوع
نقاش ممتع شباب الله يعطيكم الف عافيه
بالنسبة لجدول الدوري .. الحين سؤال .. على أي أساس تخلي مانشستر و ليفربول الأحــد وأنت تدري ان مانشستر عنده الثلاثاء مباراة رومـا و بإيطاليا !!! .. تخيلوا بس كلاسيكو إنجلترا يوم الاحد و الثلاثاء مع روما بربع نهائي الأبطال طيب متى يرتاحون + متى يسافرون + متى يتدربون !!!!!!!
ارسنال و ليفربول مبارياتهم بإنجلترا و الربوع .. تشلسي مباراته خارج ملعبه بس يوم الاربعاء .. وين المنطقيّة هنا ؟!!!!!!!!!!!!
بالنسبة لجدول الدوري .. الحين سؤال .. على أي أساس تخلي مانشستر و ليفربول الأحــد وأنت تدري ان مانشستر عنده الثلاثاء مباراة رومـا و بإيطاليا !!! .. تخيلوا بس كلاسيكو إنجلترا يوم الاحد و الثلاثاء مع روما بربع نهائي الأبطال طيب متى يرتاحون + متى يسافرون + متى يتدربون !!!!!!!
ارسنال و ليفربول مبارياتهم بإنجلترا و الربوع .. تشلسي مباراته خارج ملعبه بس يوم الاربعاء .. وين المنطقيّة هنا ؟!!!!!!!!!!!!
انت غــلطان والا ناسي ,,,,, مباريات دوري ابطال اوروبا , مب الاسبوع الجاي ,, الاسبوع اللي عقبــه ,, يعني لاتخاف ,,,
ومباريات دوري الابـطال يوم 1,2 ابريل ,,, والاياب 8,9 ابريل
أنا صراحة أوافق أحمد من ناحية لياقة كاريك العام مدهر وماكان له بديل باستمرار وماشفناهــ مرهق الا بأخر المباريات مثله مثل غيرهــ أنا أفضل كاريك أساسي بكل ماتش لأنه مهم جدا وخصوصا بالدوري لأنه يتفوق على هاري واندي بخبرته بالدوري.. وأيضا أفضل الاستمرار على التشكيل في الدوري علشان مايتزعزع الوسط وبالنسبه لخطط السير بالأبطال : أنا أوفقه بشرط التطبيق السليم من اللاعبين .. وخصوصا خارج القواعد وأتمنى من السير انه يلعب لاعبين ممتازين وسرعين بالمرتدات أما بـ أولد ترافورد أفضل 4-4-2..
إقتباس
لذلك اقدر اقول ان فيرغسون ممكن تعلم من الماضي .. الخطة ممتازة بس نحتاج تطبيق كامل وصحيح لها من اللاعبين .. الاخطاء اللي اشوفها من هالخطة ان المحاور بينهم تقارب كبير + الاجنحة ما أدوها بشكل سليم .. والنقطة الأهم انها تحتاج مهاجم يعرف طريق المرمى صح .. لكن للأسف روني من تالي مضيّع القول وهنا المشكلة .. لو تلافى الفريق هالثلاث نقاط بتظبط معنا وهي اللي بتقودنا للأبطال بحول الله
والله درر من أبو حميد ..هنا المشكلة بالخطه
إقتباس
انت غــلطان والا ناسي ,,,,, مباريات دوري ابطال اوروبا , مب الاسبوع الجاي ,, الاسبوع اللي عقبــه ,, يعني لاتخاف ,,,
ومباريات دوري الابـطال يوم 1,2 ابريل ,,, والاياب 8,9 ابريل
ههههههههههههههههههه والله ياجاهم الاتحاد الانقليزي كل أنواع الشتائم من أحمد أنا استغربت قلت وراهـ مضيع
بالنسبة لنقطة الارهاق .. كاريك الموسم الماضي لعبه كااامل وما كان فيه الا هو و سكولز اللي غاب ثلاث شهور و اوشي و فليتشر يعني تقريباً لعب 60 مباراة اقل شي الموسم اللي راح .. وبجدارة كان افضل لاعب بعد رونالدو
اول شي .. كاريكـ الموسم اللي راح قدام ميلان = وقت الحصاد وين كان عشان تعرف معنى كلمة ارهاق بس .. ,, ..
اسف بس احمد
إقتباس
علشان كذا لازم يكون فيه مصارحة بين فيرغسون و اللاعبين حول هالموضوع
ذي الاشياء حنا ماندري عنها .. اشياء تصير بالهلال مادرينا عنها تبي نعرف .. عن اشياء تصير بالمان يعني اجتماع الاعبين امر حتمي واكيد انه صاير
إقتباس
بالنسبة لـ كاريك .. اتفق مع سعود ان فيرغسون ماشعر بأهمية كاريك الا متأخر
ابرد على كلامك . بكلامك
إقتباس
بالنسبة لنقطة الارهاق .. كاريك الموسم الماضي لعبه كااامل وما كان فيه الا هو و سكولز اللي غاب ثلاث شهور و اوشي و فليتشر يعني تقريباً لعب 60 مباراة اقل شي الموسم اللي راح .. وبجدارة كان افضل لاعب بعد رونالدو
صح انت تقصد الارهاق .. لكن بعد السير ماراح يلعب كاريك موسم كامل .. وهو مايعرف امكانياته شوية واقعيه ياشباب
..
إقتباس
المحصلة بالنسبة لـ كاريك مادري بس ممكن فيه ببال السير شي معيّن .. ممكن يكون بباله يحط كاريك جنبه .. ويحاول يرهق الفريق المقابل .. بعدين ينزل كاريك ويستغل إمكانياتة بالكور الطوليّة ويستغل سرعة روني و رونالدو و ناني و تيفيز .. لأن وقتها دفاعات الفرق الثانية ماراح تقدر تجاري سرعة لاعبينا انا اقول ممكن .. بالعربي يرهق دفاعات الخصم وبعدين يضربهم بورقة كاريك .. السير صعب تتنبأ وش براسة
هذا اللي انا اقوله من صباح الله خير ان السير في بباله شي معين يعني ماحطه احتياط وهو يشوف لعبه وابداعه ترى مدربكم السير مو العجلاني احمد
إقتباس
على فكرة شباب فيرغسون بالمباريات الكبيرة يلعب بـ 4/5/1 .. بس على الورق نشوفها 4/4/2
يعني انا وياك متفاهمين بس سعود يقول ماتدربوا عليها اصلا
وانا رايي قلته بالرد اللي قبل
ويس براون حذر لاعبيين مانشستر يونايتد من التهاون والتخاذل,,,ويجب على المهاجمين عدم تضييع الفرص لضمان البريمير ليق
وذكر ان لاعبيين مانشستر يونايتد اضاعوا فرصه بعد فرصه امام مرمى ديربي كاونتي الى ان احرز كريستيانو رونالدو هدف التقدم في الدقيقه 75 من عمر المباراة,,,وهذا الهدف هو من انقذ مانشستر يونايتد
وقال ويس براون: نحن حصلنا على فرص عده ممتازة ولكننا اضعناها ولم ينقذنا الى هدف كريستيانو رونالدو
تيفيز بعد الغياب اكيد بيكون متشوزق للاهداف,,,ورونالدو يبي يستمر بالاهداف,,,,عشان كذا كذا اتوقع هم الاخطر بالنسبة للمان
اما بالنسبة لايفرتون الصراحة ما قهرني الدور الاول الا حارسهم يسكلايلين,والله ياهو كان نشبة,,,الله يستر منه وفيه عندهم كامبو رجله قشرا اما الباقين ما عليهم خوف حتى ضيوف فيه من بستقعد له
ما هى النتيجة المتوقعة للمبارة ومن سيسجل الاهداف؟
3-1 للمان واللي بيسجل ان شاء الله كريستس وتفيز وروني
وهل تتوقع ان المان سيظل فى الصدارة؟
بإذن اللي ما تنام عينه
وما هى توقعاتك لمبارة الارسنال القادمة؟
اذا جاء وقتها لكل حادث حديث,,,الحين العين على تشيلسي اكثر من الارسنال