|
الادارة فاشلة و اللي ماعاجبه براحته ..... السلام عليكم ادري ان كثير من الاعضاء راح تكون ردة فعلمهم عكسية و سلبية على الكلام اللي ابي اقوله ، وادري انهم بيتكلمون وبيحكمون بعاطفتهم الجياشة ...... لكن لازم اتكلم ..... وارضى بردة الفعل ايا كانت .... في البداية اعتقد ان الادارة سبب رئيسي في الخسارة في النهائي ، ليه ... ؟ ، الامير محمد بن فيصل يقول ان الاعداد كان سيء ويقول ما فيه دعم من اعضاء الشرف ،،، طيب وش كنتوا تسوون في أسبانيا.... سياحة....؟ واذا ماعندكم دعم مادي ،،، ماهو شرط تسوون ( المعسكر ) في اسبانيا ،،، روحوا لأي مكان مناسب وتتوفر فيه احتياجات المعسكر ( الوحدة مثلا معسكرة في مصر ، وتعرفون وين وصل الفريق الوحداوي ) بعدين من هم اللاعبين المحليين المؤثرين اللي تعاقد معهم النادي خلال رئاسة الامير محمد ... ؟ بتقولون ياسر القحطاني ... بقول لكم صحيح .... ولكن من غير ياسر ..... لاحظو الاسماء التالية ( مع احترامي الشديد لهم جميعا ) : ياسر إلياس ، خالد العنقري ، عبداللطيف الغنام ، ( عبدالرحمن العصفور سابقا) ....................... من منهم اصبح لاعبا له وزنه في الفريق ... ومن منهم يستحق أن يأخذ مكانا يمكن ان يأخذه احد اللاعبين من شباب النادي .... يجب ان نستغني عن : العنقري ، الياس ، الخثران (لاتنسون انه جانا من نادي الشباب وشوفوا اللي الحين يلعب مكانه) ، العنبر ...... يقولون لاعب كبير .... والله انه لاعب طويل .... واللي خلاه كبير هدف كوريا ..... ترى و الله اللاعب ماعنده سالفه ......وتراه زي ألفان ( خرفان )....... لكن وش نقول ...................ادري كثييييييييير من الجمهور يبي يعصب علي .... بس انا من البداية قلت ابي اتحمل ......... وين : سعد الذياب ، احمد الحربي ، مشعل الموري ، بدر الدوسري .... واخيرا فهد سرور .... والمشكلة الكبرى اننا في هذا الموسم تعاقدنا مع 4 مدربين ...... هههههههه ....4 مدربين ..... وآخرهم ( الداهية ) باكيتا .... وعلى ذكر الغالي باكيتا ... والله العظيم كنت من أول المطالبين - كعاشق للزعيم - بعدم التعاقد معه ... ولكن الجمهور غلبة عليهم العاطفة ... وقالوا مدرب كبير ..... و الظاهر انه فعلا طلع كبير ........ لا ، و الادهى و الامر معسكر العين المضحك ..... يعسكرون للنهائي ويرفضون الحديث حتى لوسائل الاعلام ... قال ايش ( تهيئة نفسية ) ..... و اعضاء الشرف يتحدون وما دروا ان اللي قدامهم فريق يبي يفوز مثلهم ..... و الدريل رده اللي في الملعب ..............والنتيجة يجون قبل المباراة بليلة و متأخرين ..... و الاتحاد من يوم الاحد في الرياض ...... شي محزن .... والصراحه والله العظيم من يوم شفت تصريحات الامير محمد قبل المباراة ، عرفت اننا خسرانين ، حسيت انه ما هو متفائل .... ويبي يدور عذر ....( أعضاء الشرف ) ...... يا صاحبي اعضاء الشرف تبيهم يلعبون معك في الملعب .....انت وصلت للنهائي .... واذا عندك شي في نفسك قوله بعد انتهاء المباراة ..... لا ويقول انا جاملت هذي السنة عشان جمهور الهلال .... ( هذا هو المضحك المبكي ) يا عزيزي لا تجامل من اجل الزعيم.... الله يكثر خيرك ..... انت ترأس نادي اسمه ( الزعيم ) ..... ومانبي مجاملة و النتيجة سلبية مثل ما شفنا ........ حيل الله اقوى ............... ادري طولت شوي ...... لكن فيه نقطة وحدة بس ابي اقولها ..... وتذكروها زيــــــــــــن ...... لا تحلمون بالبطولة الآسيوية لا تحلمون بالبطولة الآسيوية لا تحلمون بالبطولة الآسيوية تذكروا كلامي زين ....... ولكن ،،،، ( سيبقى الزعيم زعيما ) |
والشي اللي يجمع كلامك كله هو المجاملات. اول مرة اشوف موضوع يتكلم عن مشاكل الزعيم بشفافية وبصراحة تسلم |
ابو سلطان ,, والله العظيـــم .. كنت ناوي انزل موضوع شبيه بموضوعك ,, لكن كفيت ووفيت .. |
انا والله سمعت من اكثر من واحد كبير وفاهم ان ابو سلطان له سنه مادفع ولا فلس وانه مواعد النادي ب 50 مليون وايضا واعدنا بالاسيويه ومشى وخلانا وانا ماني متأكد من الكلام ذا ..؟ |
مشكوووور اخوي على موضوعك الرائع لكن خلاص اللي راح راح :cry: :cry: :cry: :cry: |
وربي حرام عليك الحين ابو سلطان مو عااجبك ترى يوم يجي كنا على زمن الخمسات نبي نخسر بفرق هدفين اهوون وصرنا نخسر بالخمسات لين جانا ورجعنا للبطولات على اقل أشكره بموضوعك يعني معقووله ثلاث سنوات ولاسوى اي شي يشفعله عندك ،،، وربي انك تقهر ياااسر من جااابه تفااريس وطاارق جايبنهم عيال الجيران الظااهر بدال ماتنزلون مواضيع تشكرونه تقولون كذا الحمدلله اني مو رئيس عندكم ،، غلطه وحده تنسيكم أيــام الظااهره ،، آآآآآه وربي شي يقهر رجاء رجاء اي مواضيع تمس أبو سلطاان لحد ينزل لأن جماهير (الزعيم) ماترضى عليه ،،، |
نسيت البرقان.... |
كلامك عين العقل يا ابو سلطان وموضوع يستحق التثبيت وبعدين محمد بن فيصل الله يعطيه العافية راح بخيره وشره وانا بصراحة ما توقعت انه بيروح بهذي السهولة وفي الوقت هذا بالذات لان الهلال محتاج (رجال) توقف معه في الوقت هذا مب بس في الفوز والبطولات . وبعدين ابو سلطان هدم كل الي بناه في 3 السنوات الي راحت في دقيقة وحدة . وبعدين الي رافع ضغطي كل ما انتكس الهلال حطها في اعضاء الشرف واعضاء الشرف يعني اذا فيه خلافات كنت اتمنى انها تنحل داخل النادي مب قدام الاعلام وليعلم محمد بن فيصل ان اعضاء الشرف هم داعمين ومتطوعين ولا تقدر تجبرهم على اشياء معينة او مبالغ معينة وشكرا |
والله انا اتفق معاك في اللي قلته و فعلاً ما احد انتقد بصراحه وشفافيه زيك،،، الهلال يا صديقي الكريم لا يحتاج الى مجالمة من يكون والهلال زي ماتعطيه تاخذ منه (ما راح اوضح اكثر من كذا) على العموم اللي راحوا راحوا بخيرهم وشرهم الله يوفقهم ،، والزعيم ان شاء الله كبير برجالاته وجماهيره ولاعبينه واسمح لي اخي العزيز اختلف معاك خلاف الأحبه واقول أسيـــــــــــــــا لنا بأذن الله وشكراً |
لا تعليق إذا كان الموضوع يمس محمد بن فيصل لا تعليق |
المفروض الجمهور الهلالي يشكر ابو سلطان على كل الي سواه موضوعك هذا خلاص ماله لازمه الحين لانه الي راح راح وانشاااله اسيا بنحلم فيها وراح نحقق الحلم وتذكر كلامي زين |
إقتباس:
يحق لك تستغرب لأن المتعاهد عليه ان الحقيقه تحارب والمدح والتطبيل يثبت ياخي بعض المشرفين كبار بعقليه وراعين |
إقتباس:
إقتباس:
ياسر يكفيك ويريحك من هم الهجوم لمده طويله لوما جبنا الا ياسر يكفي إقتباس:
زي ما قال الأمير عبد بن مساعد مشكلة الجمهور انهم يبون فريق كامل كله يوسف الثنيان يا عزيزي ارجع وشف كم للعناصر هذي مشاركه مع الفريق ياخي فيه فتره ما تقل عن السنه عشان يوصلون للنضوج الكروي ولا تنسى المنتخب الأولمبي شتت اللاعبين بإختلاف المدربين...وانت تحمل معسكر العين جزئ من الخساره طيب حمل اختلاف المدربين والمنتخب جزئ من تدني مستواهم لا !!!!!!!! إقتباس:
على كلامك هذا تبي تشيل الأظهره وتفاريز بيروح بعد ست شهور والمفرج ما يقدر لحاله وين بتعوض الفريق منه خط دفاع كامل ؟؟؟؟ من بنده؟ ......المسئله مو بالسهوله هذي ولاعب دافع عليه فلوس لازم تعطيه فرصه يخدمك إقتباس:
حتى هذولي تتوقع بيجونك جاهزين؟؟؟ شفت فهد سرور كانت المباراة اكبر من قدراته ما استوعبها جته كوره وسوا حركة رونالدينو بس نسى ان رونالدينو يكملها مو يسويها ولا يدري بعدها وش يصير هذا اسمه نقص خبره عن دوره في الملعب إقتباس:
بوسيروا غيروه بناء على طلب مدربين المنتدى ومدربين الصحافه وباكيتا كان اقرب خيار للإداره بوقتها واشوف ان اختيار باكيتا كان بالإجماع وبمباركة اغلبية اعضاء الشرف ولو ما طالبوا مدربين المنتدى والصحافه بإقالة بوسيرو ماكان اضطرينا لباكيتا إقتباس:
صحيح الي بيدور العله سهل عليه..... الحين العالم تاركه تغييرات المدرب وتاركه العواجيز الي ماسكين مكان في الإحتياط على حساب غيرهم من باب التكريم وحاطين ان لو ما تأخرت رحلت العين كنا فزنا ...هذا منطق؟؟؟؟ إقتباس:
طيب انت بنفسك ليش انتظرت كل الفتره هذي بما انك عارف ومتأكد من كل هالمعلومات عشان تحلل وتنتقد كنت تجامل مين؟؟؟؟ |
تحياتي ( ابو سلطان ).. والله انك كبير بفكرك وتفكيرك.. كلامك جدا منطقي.. كفيت ووفيت وحطيت النقط على الحروف.. شكرا على الواقعية والبعد عن المجاملات والتطبيل للادارة الفاشلة.. التصفيق للادارة اللي تخبطت كثيرا بدءا من تغيرات المدربين الى التصريحات الغير مسئولة.. الى تخدير لا عبي الهلال وذلك بتهميش والتقليل من امكانيات الفرق الاخرى. واخر التخبطات معسكر العين .. يعني عشان الشباب عسكر بالعين وعطانا ثلاثة العام الماضي بالنهائي.. اعتقدت الادارة ان اللي انهزمنا به نقدر نهزم به.. يا جماعة وش هالتفكير السلبي..حراااااام هذا حال الهلال.. |
إقتباس:
ولك تحياتي |
| الوقت المعتمد في المنتدى بتوقيت جرينتش +3.
الوقت الان » 07:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd