|
مشكلة دي اس ال موبايلي السلام عليكم / ياإخوان ... انا اشتركت في باقة موبايلي فئة 350 (غير محدود) يوم الأربعاء الماضي ... وإلا الآن لم أستفد مطلقا من الخدمة ... عندما اتصل بالانترنت لمدة دقيقة ويفصل تظهر لي رسالة بالجوال تقول مكالمتك الأخيرة .. كلفت 20 هلله باقي في رصيدك 348 ريال يعني كيف اشتراك شهري ويتم الخصم .. ومن الساعه 9 بالليل الا الساعه 10 وخمس دقائق وانا اتصل على رقم 1100 ولاحياة لمن تنادي يرد جهاز آلي ويقول لتشغيل الشيحة اضغط 1 لتفعيل خدمات موبايلي اضغط 2 للمشاكل 3 واذا ضغطت رقم 3 يرجع ويكرر نفس العبارات السابقه اضغط 1 اضغط 2 .... وبعد جهد جهيد تحصلت على رقم الدعم الفني ... 0560322000 هذا الدعم الفني بشركة موبايلي .. اتصلت عليهم .. ووضحت لهم المشكلة ان الاتصال يخصم من بطاقتي ... فكان رده كالصاعقه يقول المشكله عامة وناس تضررت بمبالغ 2000 و3000 و4000 وحنا راح نشيك على المشكله ونشوف لها حل ... وطيب انا وش اسوي هالحين قال الموظف لاتدخل الانترنت هاليومين حتى نشوف حل ! بالله هذا رد ؟ وهذي طريقه يعني يوم طاح الفاس بالراس ... هذا والله ضحك على المشتركين ... والله ياجماعه ماحلفتوني ان سرعة الاتصال اول ماشبك معي موبايلي كان 460 بس الموقع يجلس مده مايفتح والله ان اول نت افضل بواجد .. هذي مشكلتي ومعاناتي اللي حصلت معي واللي نده نيه يشترك في موبايلي يفكر 1000 مره قبل لايتخذ قرار .... والله ولي التوفيق |
اخي الخدمة جديدة ولا تحكم عليها الا بعد شهر اوشهرين ........... وانصحك تفضل على اول نت........ |
صحيح اخوي الخدمة مازالت جديدة والتروي في الشي دايم افضل.. خذ الامور ببساطة يعني شف حنا متى جربنا الدي اس ال يوم صار طالع له اكثر من سنة.. وبعدين يالغلا لاتنسى انت وين..يعني مهما كان ماراح يكون النت مثل ماتتخيل.. بنوصل اليابان بعد يمكن 300 إلى 400 سنة ...وقول يارب خخخخ |
اخوي انت كيف داخل انترنت موبايلي ؟ كيف شابك ؟ يمكن المشكله من توصيلك مو من موبايلي او الخدمه ياليت تقول لنا كيف شابك عشان نقدر نفهم وتساعدنا ونساعدك |
أنا بعد اشتركت بخدمة موبايلي واحد جيجا بـ 100 ريال شهرياً ولي 3 ايام ولا استفدت من الخدمة !!!!! الاتصال يكتب السرعه 460 بس يالله يفتح الموقع !!!!!!!!! مع اني موصل بطريقة صحيحة 100% !!! واتصلت بخدمة العملاء 1100 وعلمتهم بالموضوع وتأكدوا من ان طريقة توصيلي صحيحة وقالوا ان الخدمة في طور التحديث (يعني فيها مشاكل) وانتظر الى ان تنحل !!!! الله يعين بس !! نبي نشوف وش اخرتها معهم !! إقتباس:
|
مشكووووووووووووووور على الموضوع |
واللــه حاله يا رجال خلك على الكمبيوتر والا الجيل الثالث بلا موبايلي بلا خرايط << فتنة بين موبايلي والاتصالات خخخخخخخخخخخخخخخخخخخخ :d |
<من طلع من داره قل مقداره > خلك على الـ دي اس ال بس |
يمكن المشكله من توصيلك مو من موبايلي او الخدمه [ |
كاتب الموضوع اعتقد انها انحلت مشكلته لذا مانشوفه رجع هنا |
عفوا يا اخي الوسمي الى الان مااعرف وين مشكلتك فيه ؟؟؟؟؟؟؟؟؟؟ لكن________________________________________ هل تعاني من انقطاع متكرر فى الاتصال الحل الكامل والجذري لمشكله انقطاع الاتصال بالانترنت لمشتركي موبايلي نت الحل فى ثلاث خطوات الخطوه الاولي تروح للضبط او setting ثم الاتصال او conection ثم حزم البيانات packet data ثم حزم بينات الاتصال packet data conection وغيرها من (عند الحاجه- when needed )الى(عندما يكون متاحا -when available) الخطوه الثانيه تروح للضبط او setting ثم شبكه او network ثم نظام الشبكه اوnetworkmode وحول من مزدوج او dual mode - الي UMTS الخطوه الثالثه نفس الخطوه السابقه ثم بعد ذلك الذهاب لمشغل الشبكه او operator selection واختر اختيار يدوي و اختر شبكه اتحاد للاتصالات - موبايلي يجب مرعاه بعض الجوانب وضع الجهاز فوق مستوي الارض لاتضعه على الارض مباشره الاتصال يكون عبر الكيبل لسرعه افضل تكون بمكان قوه الاشاره فيه قويه ((الحل للاخوان مستخدمين جوال نوكيا)) اتمني متصفح ممتع مع موبايلي بلا انقطاعات |
اخوي كــاسانو مانحلت مشكلتي للآن وأنا اخوك ..... واخوي حبيب الأمس نفس الإعدادت انا سويتها ولكن نفس المشكلة واللي ذابحني انه يخصم من قيمة الشحن اخوي للحين |
| الوقت المعتمد في المنتدى بتوقيت جرينتش +3.
الوقت الان » 07:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd