انكسرت يدي من يعزيني ..!!
 

بسم الله الرحمن الرحيم ..

حياكم الله يا أعضاء المجلس العام ..

المهم انا الحيين اكتب لكم هـــ الموضوع بيد وحدة وعشان تسذا بدخل بالموضوع على طول منيب فاضي اكتب مقدمة .. :D

انا يا شيون من يوم الاربعاء الي راح وانا ساحب المدرسة عشان استعد لا اختبارات الوزارة :upset: ..

المهم امس وتحديدا في الساعة 9,00 توالت الاتصالات على جوالي ..

طلعوا هــ اللي يتصلون ومسوين زحمة كلهم اخوياي في الفصل .. يبون مني اداوم بكرة الي هو اليوم عشان مباراتنا النهائية على كأس ثالث ثانوي :D ,,

انا بديت استلعن وقمت اتليعن شوي واتغلى واقول منيب لاعب معكم :upset: ,,

المهم بعد تدخل أعضاء شرف بارزين في السالفة وافقت وارسلت لهم خطاب موافقتي على لعب المباراة :D .. << موب عاقل التائب :yes:


المهم داومت اليوم وكنت ناوي العب المباراة ان فزنا او خسرنا فــ الله لا يعوق بشر ناوي استاذن وافقع لم فراشي وانوم ..:D

بدت مجريات المباراة سريعا وبان عليها الحذر من كل الطرفين ..

انا طال عمري تسببت في ركلة جزاء لــ فريقي و انا اتيقن 100 % انها ظلم وان البلنتي موب صحيح ..:confused:

بس وش اسوي حكمنا مفهي وحسب لي ركلة الجزاء ومنيب رادة واقول له تراها ميب بلنتي :D ..

المهم تقدمت كــ الاسد على فريسته لشوت ركلة الجزاء .. :rolleyes:

انا احترت ما ادري وين احطها باي زاوية .. عاد الحارس الي قدامي عير وساد ابو الباب ..:mad:

توكلت على الله وشتها بوز في الزاوية اليمنى ..

ولكن حصل ما كان في الحسبان ..!!

:upset:

:upset:


:upset:


جت قووووووووول :thumbup:

وبعد الهدف اعلن الحكم نهاية الشوط الاول من المباراة .. تراه كان شوط قوي ولي صولات وجولات فيه بس منيب فاضي لكم اقعد اقولها لكم :D

بدا الشوط الثاني ..

تهيات لي كرة عرضية رائعة في غفلة الدفاع وانا بالحالي ..

انا منذو يومني في اولى ابتدائي وانا حلمي اجيب هدف دبل كيك :D

قلت هذي فرصتي ومهيب متكررة لي مرتن ثانية ..

توكلت على الله ودبلت الكورة بس للاسف الكورة سطحت برا المدرسة الله مير يفشلني :eek:

عاد خبركم انا دلخ ومالي في الدبل كيكات المهم طاح كل ثقل جسمي على يدي وللاسف تحرك المفصل من مكانة ..

انا بلعت العافية يدي ما اقوى احركها ..:upset:

فزع لي واحد من الذيبان وطار فيني لم مستشفى دلة لانه كان اقرب مستشفى حولنا ..

جلسنا لين شرف الدكتور حق العظام طال عمره ..

كان قبلنا فيه شخصين ..

دخلت عنده والساعة تشير الى العاشرة والنصف صباحا ..

يوم شاف يدي قال ياساتر :upset:

قلت له وش فيها يدي قال المفصل متشلخ و متحرك من مكانة ..:eek:

قالي رح سو اشعة رحنا وسوينا اشعة وجيانه ..

تبي ازينها لك وارجع يدك الى مكانها الصحيح واعدل لك المفصل بدون بنج واجبس يدك كل ذا راح يستغرق تقريبا 45 دقيقة ..

او انك تتكي عندنا لين وقت دوامنا الثاني الي هو من الساعة اربع العصر وابنجك واقعد اسمكرها لك وانت ما تدري وش السالفة ..

قلت له بنجها لي الحين وظبطها ..

قال وانا ما اداوم الا عشانك وراي حالات في الطوارى يمكن في اي وقت ينادوني لكن العصر بيداوم دكتور العظام الثاني هو في الطوارى وانا هنا و ازينها لك ..

قلت له اجل زينها لي الحيين منيب فاضي اتكي الى الساعة 4 العصر ..

رحنا لم غرفة الجبس انسدحت على السرير .. المهم قال تحمل الالم شوي .. قلت افا عليك بس اصلا منيب حاس فيها :D


ناد خويه جاء مسك يدي وثبتها .. قال دكتور يالله نبدا قلت توكل على الله ..

المهم شدهل بقوة وانا اقول خلاص الله يرحم امك خلها العصر ببنج .. الرجال استمر في تضبيط يدي وانا متحمل هــ الالم الموب طبيعي ..

جلس يمكن دقيقة ونص وقال خلصنا الحمد لله .. جبس يدي و قال رح سو اشعة مرة ثانية اشوف مضبوط المفصل ولا تحرك من مكانه ..

سويت اشعة والحمد لله الفصل قضب ارضه ولا تحرك ..

قالي توكل على لم بيتكم وراجعنا الاسبوع الجاي اشوف وش وضع يدك ..

طلعت لم البيت والمفصل مورم وانا رايح فيها ..

وهذاني اكتب لكم الموضوع المفصل صاك راسي ..:upset:

بس اشوى انا اكتب البيد اليمنى والي انكسرت اليسرى ..

وان شاء الله قريبا انزل الصورة ..








خلاصة الموضوع :



1 \ اتمنى الدعاء لي في الاتبارات الجاية .. لانها اسئلة وزارة وراح اذاكر بيد وحدة ..!!




وتقبلوا تحيا اخوكم مستر دلخ .. للدلاخة عنوان .. :thumbup:

الله يشفيك يارب .. وخل عنك الكوره بس انتبه لدراستك احسن لك ..

بالتوفيق لك وللجميع

الله يعيينك ويوفققك :yes:

وانا بعد معك في ثالث الله يعين بس والله ضايق صدري:mad:

كشخخخخخخخخخه اجل سجلت هدف بس تراك ماقلت بالنهايه من الي فاز
والحمد لله على سلامتك وماتشووف شر والله يوفقك بالإختبارات

الله يشفيك و تفك الجبس و انت بأحسن حال إن شاء الله...

و الله يوفقك بدراستك...

الله يشفيك ويعافيك ويوفقك في الاختبارات

ماقلت لنا أي يد اللي انكسرت ,, وأي يد تكتب فيها :d

المهم ماتشوف شر لاتنسى نزل صوره ليدك :p

خطاك الاش يالغالي


ماتشوف شر ان شاء الله

وطهور ان شاء الله

هلا والله بالدلاخه كل ابوها :D

ياولد اثرك لعيب وجايب هدف ومسوي دبل كيك والله لو يدري عنك باكيتا يضمك للمنتخب <====== كح كوح كيح قدييييييييم

وسلامات سلامات هذي مشكلت الدلووخ انهم اذا سوو شي ماتقنوها جاب هدف وصدق انه

الكبتن ماجد نعنبووك تسوي دبل كيك على صبه اتوقع ملعبكم صبه وحطين عليه فرشه خضراء لعبين عليكم يالدلووخ :D

على العموم ماتشوف شر وهذا من شرب البيبسي الي خلى عضامكم هشاش

مستر دلخ بالله ابي اوقع على يدك واكتب عليها عقبال يدك الثاانيه :D

الحمد لله على السلامه

:d هههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههه يالكناري والله أنك مجنون

الله يحيك يالدلخ

إقتباس:

المهم انا الحيين اكتب لكم هـــ الموضوع بيد وحدة وعشان تسذا بدخل بالموضوع على طول منيب فاضي اكتب مقدمة .. :D

وكل هالموضوع بيد وحده اجل شلون لو ثنتين؟

إقتباس:

انا يا شيون من يوم الاربعاء

طبعا ماتقصدني صح :p

إقتباس:

طلعوا هــ اللي يتصلون ومسوين زحمة كلهم اخوياي في الفصل .. يبون مني اداوم بكرة الي هو اليوم عشان مباراتنا النهائية على كأس ثالث ثانوي :D

,,
اجل مسوي معهم مثل حكاية التايب والنهائي هاه يالبرنس على غفله:p

لو انك كملت التليعن كان ماانكسرت يدك يادلخ s60s

يلعن ابليسك كم عطوووك؟:D

إقتباس:

بدت مجريات المباراة سريعا وبان عليها الحذر من كل الطرفين ..

مسوين جس نبض يالميلان على غفلة :p


شكل اعضاء الشرف سيروا على الحكم قبل المباراة

إقتباس:

توكلت على الله وشتها بوز في الزاوية اليمنى ..

ايه في هالمباريات ماينفع الا الظفــــر

إقتباس:

وبعد الهدف اعلن الحكم نهاية الشوط الاول من المباراة .. تراه كان شوط قوي ولي صولات وجولات فيه بس منيب فاضي لكم اقعد اقولها لكم :D

واضح ياكاكا


ذكرتني بالكابتن ماجد يوم يبي يدبل الكورة ويجلس حلقتين مرا بعض بالهواء قاعد يتخيل:D

:D هههههههههههههههههههههه:D ماعليك شره دلخ

إقتباس:

قلت له بنجها لي الحين وظبطها ..

ظبطها ماصارت يد ذي :D

إقتباس:

المهم شدهل بقوة وانا اقول خلاص الله يرحم امك خلها العصر ببنج

والله ان فشيله :D


الله يشفيك ان شاءالله وينجحك بس ماقلن لي من اللي فاز بالمباراة<< على اعصابه:D


عواااااااااااافي عالموضوع يالغالي وتقبل مروري